رواية تاج الفهد الجزء الثاني 2 البارت العاشر 10 بقلم مريم مصطفى
رواية تاج الفهد الجزء الثاني 2 الفصل العاشر 10
فهد بعصبيه وصوت عالي: انت واعي لنفسك مراتك ايييي
فاروق ببرود: العصبيه مش كويسه عليك براحه
فهد: اطلع بره يافاروق بدل والله اطلعك من هنا جثه
فاروق قعد ع الكرسي برتياح وضحك بسخريه: انا قاعد ف ملك مراتي عشق..
فهد هجم عليها بعصبيه وهو بيشده من بدلته وسليم وحسام وزين بيحاولوا يبعده عنه.. حرس فاروق جه يدخلوا بصلهم بمعني لا.
سليم: بطل تخاريف يافاروق احنا لحد الان مسيطرين ع فهد غير كده م هنعرف
فاروق: اووووه سليم باشا يامرحب بيك.. بص لحسام اللي واقف ماسك فهد واتكلم... لسه زي ماانتو ايد واحده.. وكمل كلامه وهو بيوجه لحسام: مش انت ظابط برضو وفاهم القانون ولا انا متهيألي لما تخطفوا واحده وتحبسوها مش ده بيكون اختطاف لا وغير كده مش معترفين ان ليها حق ف القصر والشركه نصبين يعني..
فهد هجهم عليه تاني وهو بيضربه بالبوكس ف وشه.. اتحركوا حرس فاروق بسرعه ومسكوا فهد بيضربوه صرخت تاج باعلي صوت عندها..
ف اوضه سماح...
سماح: اي الصوت ده؟!
سيا: ده صوت تاج
تاج صوتت تاني وهي بتنادي بإسم فهد سماح اتخضت اكتر وهي بتقول لسيا: دي بتصرخ بإسم فهد.. فتحت باب اوضتها وهي بتجري بسرعه وورها سيا.. نزلت ع السلم وشافت فهد مرمي ف الارض وبيجب دم من بوقه وزين وتاج بيحاولوا يقومه... وسليم ماسك ف فاروق وحسام بيبعدهم عن بعض
سماح: انت ازاي تتجرا وتدخل بيتي وتمد ايدك ع ابني
فاروق: انا جي اخد مراتي واضمن حقها اللي كلتوه ابنك اللي محترمش وجودي
سماح بعدم فهم: مراتك اي وحق اي اللي كلنا.. ده غير انت من امته بيكون ليك وجود اصلا علشان حد يحترمه
فاروق: مراتي عشق هانم وحق اي ف خلي سيا تقولك
سماح اتصدمت لما عرفت انه يعرف عشق وكمان مراته بصت لسيا: حق اي اللي بيتكلم عنه ابن علوان ده
سيا اتوترت واتكلمت بصوت مهزوز: اصل انا...
فهد وهو بينهج بتعب: اتكلمي ياسيا ف اي؟
سيا بنبره صوت مكتومه عياط: انا اتنازلت عن حقي ف الشركه والقصر لعشق
نزل ع وشها قلم قوي من سماح: انتي فعلا اتجننيتي
سيا جريت ع فهد وهي بتعيط: والله يافهد غصب عني صدقني هي ضحكت عليا بالكلام قالتلي انها هتشاركني ونفتح شركه بعيد عنك وانا صدقتها والله مكنتش اعرف انها.. انها بتضحك عليا.. سيا كانت بتكلم باانيهار
فهد ملس ع شعرها بحب: بس اهدي متعيطيش حقك هيرجعلك.
دخلت عشق لان حرس فاروق فتحولها اتكلمت بثقه: وهترجعه ازاي بقا؟!
فهد جري اتجاه بسرعه وف لحظه كان جيبها من شعرها ورميها ف الارض وبيضرب فيها وستات القصر واقفين بخوف..
دخلوا حراس فهد بعد مافكوا نفسهم لان فاروق كان رابطهم..بداو يسيطروا ع الموقف.
سعد الحارس الشخصي لفهد مسك فاروق وهو حاطط عليه مسدسه اي حركه من الحرس بتوعك هخلي دماغك دي تتفتت ف الارض خليهم ينزلوا السلاح ف الارض
نزلوا سلاحهم وباقي الحرس سحبوا منهم...قربت جميله من عشق وهي وبتشدها من شعرها وبتبص لفهد:الارجوز دي بقا سبهالي ياجوز اختي ده انا هنتف شعرك زي البطه
فهد:بلغ البوليس ياحسام يجي يلم الاشكال دي
فاروق: ولا هيعرف يعمل حاجه
حسام شد فهد لبره علشان يتكلم معاه وسليم واقف باصص لسيا بغضب كبير.
تاج طلعت لبره عند فهد وسمعت حسام بيقوله: يعني انت مصمم نعمل محضر
فهد: انت لسه بتسأل اخلص ياحسام وكلم القسم يجي يلمهم
تاج: كل حاجه هتتحل بس حاول تهدا
فهد: تيام فين؟
تاج: متخفش مع ماما جوه.. المهم دلوقتي هتعمل اي ف اللي سيا عملته؟
فهد: كل حاجه هتتحل وهرجعلها حقها.
دخلوا جوا وشافوا جميله وهي رابطه عشق ف عمود القصر وواقفه تتكلم معاها: وريحتك دي مقرفه كده واي ياختي لبسك ده لا لبس اي ده انتي مش لبسه اصلا... بصت لفاروق وانت اي بقرون كده سايب مراتك ماشيه عريانه وريحتها معفنها
فهد مقدرش يمنع نفسه انه يضحك وسليم غصب عنه ضحك ع ضحكت فهد.
حسام: الشرطه ع وصول.
فاروق ضحك بسخريه: خليهم يجوا وهنشوف مين اللي هيروح معاهم
حسام اتوتر لانه متأكد ان لو فاروق عرف يثبت ان عشق ليها حق ف القصر والشركه وانها مراته وغير كده فهد كان حابسها يبقا كده هيطلع منها.
سماح: سليم خد مراتك وديها ع بيتها ياسليم
فهد: سيا اطلعي اوضتك وريحي اعصابك واعتبري ولا كان حاجه حصلت
سيا بصت لفهد بدموع وطلعت فوق.. سماح كانت هتكلم بس فهد بصلها بمعني مش وقته..
فهد: كل اللي عايز اعرفه انتو اتلميتوا ع بعض ازاي
فاروق بصله ومردش عليه فهد قرر سؤاله تاني وبرضو مردش بص لسعد... وسعد خبطه بالمسدس ع دماغه: الباشا بيكلمك رد عليه وافتكر ان روحك ف ايدي
فاروق اتكلم ببرود: انت عارف ان ابن عمك بيحب يسافر من بلد لبلد اتقابلنا ف انجلترا واتجوزنا
فهد بصله بشك لانه عارف ان فاروق مش بتاع جواز واكيد ف مصلحه بينهم.
دخل البوليس القصر ووقف الظابط يفهم اي اللي بيحصل فهد شرحله كل الي حصل.
الظابط: معاك اي اوراق تثبت ان مراتك ليها حق؟
فاروق بص لظابط علشان سعد يسبه وسابه..
فاروق: انا بفهم ف القانون كويس فابعد اذنك ابعت حد يجيب كل المستندات من عربيتي اللي بتثبت حق مراتي مدام عشق الكيلاني
بالفعل راح واحد من العساكر وجاب الورق... والظابط فتحه هو وحسام يطلعوا عليه.. وف الاخر حسام بص لفهد باسف
الظابط: كلامه صحيح يافهد باشا هو لي حق ان المدام بتاعته تقعد ف الشركه او القصر طالما اخت حضرتك اتنازلت عن حقها ليها وهي بكامل قواه العقليه
فهد بص لحسام وسليم بيحيره وفاروق واقف شمتان ف وبيبتسم بخبث.
الظباط: من الواضح انها مشاكل عائليه وانا هقفل المحضر وانتو حلوها ودي حضرتك يافهد باشا ليك سمعتك ف البلد وانا مقدر كده
مشي الظابط وحرس فهد لسه واقفين حواليه وكذالك حرس فاروق..
فهد بتحدي: صدقني مش هتقعد فيها كتير ولا انت ولا الو****بتاعتك
فاروق بصوت عالي: عشق انتي فيييين؟
جميله اول ماعرفت ان الشرطه جت فكت عشق هي ورد وخدوها ع اوضه المخزن ف القصر... كانوا رابطينها ف سرير قديم من ايديها ورجليها وجميله بتربطلها بوقها علشان تمنع صويت.
ورد: البوليس مشي وتاج بتقولك فكيها
جميله بغيظ: افكها ده بعينها انا هخليها زي الكلبه واسيب عليها كل الفيران اللي ف الاوضه
ورد ابتسمت بشر: حلو اطفي النور بقا وتعالي نطلع ونقفل عليها الصفره دي.
عشق كانت بتحاول تصوت بس مش عارفه وجميله ورد طلعوا بره الاوضه والفيران بدات تتلم ع رجلين عشق وتعورها..
تاج وهي شايله تيام بترضعه: ها خرجتوها؟
جميله: اخرج مين الصفره دي لا طبعا ده انا هعملها الادب
تاج: شايفه بنتك ياماما وعمايلها!!!!
ام تاج: انا غلبت معاها تصرفاتها كلها واحده سيبك بس من البت دي وهاتي حفيدي وانزلي اطمني ع جوزك الاول
تاج: بس هو منع اي ست فينا تنزل مش عايزه اضغط عليه دلوقتي كفايه اللي حصل
جميله:براحتكوا انا هنزل اشوف الوضع اي تحت
جميله مستنتش رد ونزلت ع طول وهي سامعه فاروق بينادي ع عشق.
جميله:بدور ع الصفره مراتك اللي ماشيه عريانه دي؟
فاروق بص لجميله ببتسامه واسعه:ولو انتي موجوده مش هتفرق كتير.. وغمزلها
فهد كان لسه هيمسك ف لقي زين مسك ف وبيضربه..قربت جميله لاخوها:كفايه عليك كده يا حبيبي متوسخش ايدك انا هكمل..قلعت صندلها بكعب عالي ونزلت بي ع دماغ فاروق لحد ماجابت دم: انت بقيت ملطشه النهاردة مفيش حد ف القصر ممدش ايده عليك فعلا بقرون اويي.
كل رجاله القصر كانوا واقفين بيتفرجه بااستمتاع علي فاروق وجميله بتضربه..قام فاروق وهو بيمسك فيها بس قبل مايلمسها كان فهد ماسك ايده
فهد:اوعا ف لحظه بس عقلك يفكر انك ممكن تمد ايدك ع واحده ف البيت ده لا دول ياكلوك...بص ع دماغه اللي بتجيب بدم واتكلم بتريقه:واديك شوفت وجربت اهو..وخلي بالك ان مهما حصل مش هسيبك انت والو***تكملوا ف لعبكوا ده.
نزل حارس فاروق وهي بيسند عشق ورجليها كلها دم..جميله غمزت لفهد انها قامت معاها باالواجب وفهد غمزلها.
فاروق:اي اللي عمل فيكي كده؟
عشق بصت لجميله بحقد وقربت منها وهي بتشد حجابها من عليها بس ايد جميله مسكتها:بتعملي اي ياصفره انتي هو انتي والارجوز جوزك بتحبوه الضرب اوي كده كل شويه نلطش فيكوا بس والله بتسله شويه..
فاروق شد عشق:مش وقته ياعشق كله بميعاده
عشق:انا محتاجه اخد شاور وارتاح شويه يلا بينا
فهد اتصدم لما لاقيهم طالعين فوق:انتو رايحين فين
عشق:طالعه ارتاح انا وجوزي ف بيتي ف حاجه
فهد زعق بصوت عالي وكله نزل تحت وسيا نزلت:بيت مين ياشمامه هو انتي كان من امته ليكي بيت انتي دايره مع كل واحد شويه ف بيت شكل الاشكال اللي زيك تعرف بيوت
فاروق:احترم نفسك واعرف انك بتكلم مراتي
فهد بسخريه:احترم نفسي ماتحترم انت نفسك الاول ده انت ابوك مترود من شركه ابويا بفضيحه ويوم مااتقتل اتقتل ف وضع مخل وانت مشطوب من نقابه المحامين افكرك يافاروق لي؟
العيله كلها كانت واقفه بتسمع ومصدومين من كلام فهد ماعدا حسام وسليم وسماح كانوا عارفين وفاهمين لي فاروق بيعمل كده.
فاروق بصوت عالي ومقاطعه لكلامه:انا طالع واتعود انك هتشوفني كتير اوي ف القصر والشركه ومش هتمنعني من حقي اللي هو حق مراتي.
سليم:اها طبعا مش هنمنعك بس لو انت ناسي نفكرك فهد لي اكتر من سيا بكتير يعني انت زي الجزمه كده تاخد الصفره بتاعتك دي وتقعد هنا مش فوق لان نص القصر لفهد ولو جبنا البوليس المره دي هيكون ف صف فهد طبعا وف الشركه كذالك رايك مش مهم لان اي ورقه هتتمضي بدون امضت فهد ملهاش اي لازمه..
فاروق بص لعشق بتوتر وهي اتكلمت:وانا موافقه اقعد تحت بس الكل لازم يعرف ان الوضع ده مش هيستمر كتير.
شدت فاروق ودخلوا اوضه كبيره تحت...
فهد وقف اعتذر لحماته وحماه مصطفى:انت بتقول اي يابني شوف اي مساعده اقدر اعملها وانا مش هتأخر عليك
فهد:كتر خيرك ياعمي انا اكيد لو احتجت حاجه هقولك
مصطفى:طب نستأذن احنا اليوم كان طويل وانت محتاج ترتاح شويه علشان تهدا وتعرف تفكر
استأذنه علشان يمشوا بس جميله رفضت واصرت تفضل مع تاج وابنها ومصطفى وافق ومشي..سليم اصر انه يوصل نصار ويجي هو وسيا يقعده مع فهد لحد مايشوفه هيعمله اي وحسام خد ورد ومشي وقال هيتبعهم باالموبيل طول الوقت..سماح بصت لسيا بغضب وطلعت وبعد شويه سيا طلعت اوضتها
فهد:تاج خدي جميله واطلعوا وانا هشوف سيا الاول
تاج بصتله بحزن لانها عارفه انه من جوه موجوع ومش حابب يظهر ده قدام الكل خدت جميله وطلعوا..وهو راح لسيا خبط ع اوضتها ودخل لاقيها حط وشها ف المخده وبتعيط.
فهد:سيا
سيا بصتله وعيونها حمرا من العياط:ليك كل الحق ف اللي هتقوله وتعمله فيا اضربني لو عايز بس ارجوك سامحني هي ضحكت عليا بكلمتين وانا صدقتها علشان غبيه انا جيت عليك وع تاج كرهتكم من غبائي
فهد اتنهد وقعد جمبها وخدها ف حضنه:انتي طيبه مش غبيه وعمرك ماكرهتينا انتي بس كنتي متغيبه بسبب كلامها..لازم تفهمي اني عمري ماازعل منك ديما اقولك اغلطي وانا اصلح بس الاهم تتعلمي الدرس كويس انا اخوكي ومهما حصل مش هزعل منك ابدا انتي حته مني ياسيا
سيا عيطت اكتر وحضنته جامد وهو بيطبط عليها:انا اسفه يافهد اسفه والله
فهد:مفيش اسف كل حاجه هتصلح وحقك هيرجعلك تالت ومتلت
سيا حضنته اكتر اكانها بتسخبها ف حضنه..لحد ماسليم دخل وابتسم ع حنيه فهد بعد كل اللي حصل..قرب منه واتكلم بهدوء:انت محتاج ترتاح شويه علشان نشوف هنعمل اي بكره بخصوص الشركه روح انت وانا معاها متقلقش
فهد باس راسها وسابها ب حضن سليم وراح اوضته كانت جميله بتلعب مع تيام واكان محصلش حاجه من شويه وتاج قاعده ع الكرسي سرحانه محستش حته بدخوله... فهد: احم عجبك تيام ياجميله
جميله: قمر حبيب خالتوا ده.. المهم هروح انام بقا
فهد: خليكي براحتك انا ممكن ابات ف اي اوضه
جميله: لا طبعا انا عارفه اوضتي فين تاج ورتهالي وعجبتني باست تيام وخرجت من الاوضه
وفهد ابتسامته اتلاشت وحل مكانها التعب والوجع قامت تاج ورحتله وهي بتحضن وشه بين ايديها: اوعا تيأس خلي عندك ثقه ف ربنا كل حاجه هتتحل
فهد اتنهد بتعب: انا اسف ان كل ده حصل واكيد نكدت عليكي ف مناسبه زي دي
تاج: اخص عليك ده احنا مع بعض ع الحلوه والوحشه وبعدين فداك كل حاجه
فهد باس راسها ودخل ياخد دش يمكن يعرف يفكر.
ف اوضه سليم وسيا.
سيا: عارفه انك مش طيقني وانا استاهل كل ده بس بلاش تفضل ساكت
سليم بصلها وهو مش عارف يقولها اي هو اها زعلان منها ومتعصب من غباءها بس برضو ميقدرش يشوفها بتعيط او فيها حاجه: انا مش زعلان منك بس زعلان عليكي ان واحده زي دي تعرق تقلب دماغك باالشكل ده ع اهلك
سيا: مكنش قصدي ياسليم حقيقي مش عارفه ازاي عقلي كان مغيب كده
سليم: اللي حصل حصل خلاص المهم دلوقتي هنتصرف ازاي.
سيا مسحت دموعها بتحدي: وطول مااحنا ايد واحده هنعرف نطلعهم من البيت
سليم خدها ف حضنه وهو بيفكر يلاقي فكره تخرجهم من اللي هما ف ده.
فهد خرج من الحمام ونام ع السرير بتعب غمض عينيها وكل اللي حصل النهارده بيمر قدامه وهو بيغمض عينه اويي بغيظ لحد مافاق ع صوت تيام وهو بيعيط.. بصله وشاله ع ايده بحب بصاله وابتسم وبعدين باسه فضل يطبط عليه لحد مانام وبرضو فضل شايله وضمه لي اوي.
دخلت تاج وهي شايله صنيه عليها اكل وبتكلم: هو عيط ولااي؟
فهد: اها بس فضلت العب معاها لحد مانام.
تاج ابتسمت: ربنا يخليك ليه يلا بقا علشان تتعشاء انت مكلتش كويس النهارده.. قربت وخدت منه تيام نيمته ف السرير وقعدت قدام فهد والصنيه ف النص
فهد: صدقيني انا مش عايز اكل
تاج تجاهلت كلامه وجابت توست وحطت عليه جبنه واكلته ف بؤقه
فهد: خلاص كفايه واحد
تاج: لا كل واحد كمان لحد ماقطعلك التفاحه دي
فهد: خلاص كلي معايا
تاج هزت دماغه بموافقه وبدوا يكلوا مع بعض... فهد قاعد ملاحظ توترها وانها عايزه تسأل ع حاجه.
فهد:قولي ياتاج عايزه تسألي عن اي؟
تاج: مش قصدي اضقيك بس عشق انا فاهمه لي بتعمل كل ده ابن عمك بقا لي المفروض انكوا من دم واحد؟!!
فهد: هحكيلك كل حاجه بصي علوان السيوفي زمان.....
- تابع الفصل التالي عبر الرابط: (رواية تاج الفهد الجزء الثاني) اضغط على أسم الرواية