رواية نور الليل الفصل الرابع عشر بقلم نورا البغدادي
رواية نور الليل الفصل الرابع عشر
أول علامات النضج
هو الإبتعاد عن تقديس الأشخاص ."
اللهم حقق لي ما أتمنى وبشرني بما أنتظره وأنت خير المبشرين✨
~~~~~~~~~~~~~~~~~~~~~~~~~~~~~~~~
( في المستشفى)
وبعد أن وقع الخبر على الجميع كالصاعقه
لينظر ليل الي كريم بصدمه وغضب ثم يردف بصوت عالي: انت بتقول اي هي مين دي الي حامل؟ ازاااي يعني؟
كريم بفزع: انت بتزعقلي أنا ليه الممرضه هي الي قالتلي كده
ليل: فين الممرضه دي هتهااالي وقبل أن يكمل حديثه سمعوا صوت الدكتور وهو يخرج من الغرفه بصحبة نور
الطبيب: في اي وايه الصوت العالي ده احنا في مستشفى مش في شارع
نور: مالكوا بتزعقوا ليه؟ وبتبصولي كده ليه؟
ليل: هو الي الممرضه قالته عنك ده صح؟
نور: ايوه صح ..وفيها اي برضوا الي يخليكوا تزعقوا كده
لينظر لها الجميع بصدمه اكبر من هدوئها التي تتحدث به
مالك: احم لا فيها اي ايه يا نور الله يكرمك ركزي يعني انتي كنت عارفه انك حامل؟
نور بصدمه: حاااامل هي مين دي اللي حااامل
ليل: هو ايه اللي مين دي اللي حامل انتي وبعدين انتي مش لسه قايله أن الكلام ده صح
نور: لا طبعاً صح ايه أنا افتكرتك بتتكلم عن موضوع التسمم
ليل : تسمم اي؟
الطبيب: الاستاذه نور كلت حاجه والظاهر انها كانت ملوثه وده عملها تسمم في المعدة وكويس أنكوا جبتوها بسرعه والا كان هيبقي الموضوع خطر واحنا عملنلها غسيل معده وكتبنلها علي علاج وهي بقت احسن حمل اي بقا الي بتتكلموا عنه ومين الي قال الكلام الفارغ ده ... وما أن انتهي الدكتور من حديثه حتي نظر الجميع بغضب الي كريم
أما كريم فكان يستمع الي حديث الدكتور وهو يبتسم ببلاها مردفاً : طيب الحمدلله يا شيخه كنتي هتوقفي قلبنا وما أن رفع نظره حتي راي نظراتهم الغاضبه ليبتلع ريقه: انتوا بتبصولي كده ليه ...طبعاً أنا لو حلفتلكوا دلوقتي اني مكنتش بهزر وان الممرضه هي الي قالتلي كده انتو مش هتصدقوا
ليل: لا هنصدقه بس انا عايز بقه الممرضه البهيمه دي
الطبيب: مين الي قالتلك الكلام ده؟
كريم: الممرضه سلمي الي ابوها طلع بيخون امها ..وامها خدت العيال وراحت عند خليتها وطبعاً هي مش عارفه تعمل اي في حماده الي جاي يتقدملها كمان يومين.. اصل هي مش بتحبه هي بتحب احمد صاحبها فى الشغل انت شكلك توهت مني ومش فاهم استني أنا هفهم حضرتك
الطبيب: باااااس بااااس اي كل ده
كريم: لا ده لسه الحكايا مخلصتش حضرتك
لينادي الطبيب علي الممرضه لتأتي مسرعه : نعم يا دكتور
الطبيب: انتي ازاي يا استاذه تقولي تقارير عن حاله غلط وكمان تقولي لأهلها أنها حامل
الممرضه بخوف: أنا اسفه يادكتور والله انا بس مركزتش هو سأل عن المريضه اللي لسه داخله من نص ساعه وحضرتك نفس اللي كانت بتشتكي منه المريضه الي تبع الاستاذ هي نفس الي كانت بتشتكي منه المدام الي طلعت حامل أنا متأسفه جدا واوعدك أن ده غلط ومش هيتكرر تاني
كريم: مجبتش حاجه من عندي اهو .. علشان تصدقوا بس
الطبيب: اتفضلي امشي وانا حسابي معاكي بعدين علي التسيب والاستهتار ده ثم نظر إلي ليل بأسف: أنا بعتذر يا استاذ ليل علي الي حصل والف سلامه مره تانيه علي مدام حضرتك
لتنظر نور بصدمه وخجل الي الطبيب: لا حضرتك فاهم غلط انااا .... ليقاطعها صوت ليل: حصل خير يا دكتور ومتشكر جدا لذوقك ثم نظر إليهم : كل واحد هيرجع علي شغله أما بالنسبة ليكي يا نور فهتروحي لان لازم ترتاحي
كريم: تمام أنا هوصلها و انت روح الشركه
ليل: لا أنا هوصلها وانتو هتروحوا علي الشركه
كريم: ايوه بس في إجتماع كمان ساعه ولازم تكون موجود
ليل: منغير بس يا كريم أنا هوصلها وخلاص لو علي الاجتماع أحضره انت لو اتأخرت... وأعتبر نفسك مكاني طول ما انا مش موجود
كريم: خلاص تمام الي يريحك ... وبالفعل ذهب نور وليل
(أما عند الشباب )
زين: يلا يا ملكيه هتركبي معايه
ملكيه: لا يا زين معلش أنا هركب مع مالك
زين بأستغراب: الي يريحك بس اشمعني يعني ما انتي متعوده بتركبي معايا علي طول
مليكه : وكان نفسي افضل اركب معاك علي طول ثم خرجت من شرودها لتردف: معلش يا زين بس حابه اتكلم مع مالك في موضوع بالمره واحنا في الطريق
كريم: لا لا لحظه بقا هو كلكوا هتركبوا في عربيه مالك ولا اي أنا راجل مبحبش ابقي لوحدي حد منكوا يجي معايا
مالك: ياسمين استحاله تسبني مفيش غير ساره ومليكه
مليكه: لا أنا ركبت خلاص ومش قادره انزل
كريم: حيث كده بقا يبقي مفيش غيرك يا سوسو
ساره بضحك: اممم شكلي ادبست
كريم: حصل اتفضلي علي عربيتي المتواضعة
وبالفعل صعدت ساره مع كريم الي سيارته توجوه جميعاً الي الشركه مره أخري
~~~~~~~~~~~~~~~~~~~~~~~~~~~~~~~~
( في سياره ليل)
كانت نور تنظر إلي ليل ثم انهارت من الضحك
ليل بأستغراب : بتضحكي علي اي؟
نور بضحك: مش قادره يا ليل اصل بصراحه كل ما اتخيل اني من خمس دقائق كنت حامل اموت من الضحك ولا شكلكوا كان مسخره
ليل ولم يستطع كتم ضحكاته ليضحك هو الآخر: انتي بتضحكي ده انا كنت هقتل كريم
مليكه بضحك: طيب وهو ماله
ليل: معرفش بقا هو كده مش هو الي قالنا الخبر ده
نور : صحيح كنت هتعمل اي يا ليل لو كان صح
لتتحول ملامح ليل وينظر لها بغضب: ده عندهاااااااا والاحسن بلاش تعرفي
نور: اي يا ليل أنا بهزر يا بابا مالك اتحولت كده ليه وبعدين خلاص متزعلش اصلا كنت عايزه اشكرك علي خوفك عليا النهارده
ليل: لا شكر ولا حاجه عادي يعني اي حد لو كان في مكانك كنت هعمل معاه كده
نور : اي حد؟ امممم ماشي يا ليل
ثم قامت بتشغيل كاست السيارة لتفتح علي اغنيه (نانسي عجرم حاسه بيك) وهي تنظر له نور وكأنها توجه له الاغنيه بينما كان يستمع ليل الي الاغنيه وهو ينظر إلي نور يعلم أنها توجه إليه هذه الكلمات ولكن لم يظهر لها اي تعبير يستمع فقط وهو شارد في طريقه
~~~~~~~~~~~~~~~~~~~~~~~~~~~~~~~~
( في سياره كريم)
كريم : لا ما أنا مش جايبك معايا علشان تسكتي كده
ساره بخجل: طيب عايزني اقول اي يعني؟
كريم: يعني تشتميني واشتمك أو اعزمك علي اكل وبعدين اعيرك بيه كده يعني
ساره بضحك: انت فظيع بصراحه بحس أن انت نسخه من مالك
كريم بغمزه: ايوه كده.. ضحكت يبقي قلبها مااال
ساره بضحك: قلب مين اللي ماااال
كريم: مدقيش يا سوسو..... قوليلي انتي ليكي اخوات؟
ساره: لا أنا وحيده وبابا متوفي وعايشه أنا وماما لوحدنا
كريم: اممم يعني معتمده علي نفسك والله برافوا عليكي
ساره: شكرا يا كريم ده من ذوقك
كريم : طيب اي؟
ساره بعدم فهم: اي في ايه؟
كريم: هو ايه الي في ايه؟ متخلي عندك شويه عصير احمر وافهمي... يعني سألتك انتي ليكي اخوات ولا لا وبفتح كلام المفروض ترديلي السؤال انتي كمان
ساره بضحك: اه فهمت طيب ما انا عارفه عنك كل حاجه..مالك حكهلنا يوم العيد ميلاد
كريم: اسأليني تاني واحكي تاني عادي هو السؤال بفلوس
ساره : هههههه حااضر
( تفتكروا اي حكايتهم وهل للقدر راي😉)
~~~~~~~~~~~~~~~~~~~~~~~~~~~~~~~~
( في الشركه)
علي: طيب كده تمام خلصنا يلا بقا يا مليكه علشان عندنا اجتماع مع استاذ زين
مليكه: طيب ما تروح انت يا علي
علي: مينفعش يا مليكه ده اجتماع لينا لان احنا افراد المشروع ولازم تكوني معانا
مليكه: طيب خلاص يلا بينا ... وبالفعل ذهبوا الي مكتب زين
وبعد دقائق
زين وهو ينظر في الملفات التي أمامه: اممم برافو عليكوا بجد الشغل ممتاز احييك يا علي انت ومليكه
علي : شكراً يا استاذ زين .. وحقيقي مليكه كان ليها دور كبير جدا في النجاح ده
مليكه: شكراً لذوقك يا علي وأكيد مكنتش هوصل لكده غير بفضل توجهاتك بعد ربنا
زين: طيب كده في ورق ناقص يا علي فين باقي التخطيط
علي: اه انا مكنتش اعرف ان حضرتك هتحتاجه بس تمام اديني خمس دقائق اجبهم من المكتب بتاعي واجي
زين: تمام .. وما أن رحل علي حتي نظر زين الي مليكه مردفاً: برافو عليكي يا مليكه
مليكه: شكرا يا زين...... ليقطع حديثهم صوت رنات هاتف زين
ليجيب زين: صباح الجمال
ندي : صباح الفل يا حبيبي انت فين؟
زين: في الشركه
ندي : طيب اوك
زين: في حاجه ولا اي؟
ندي : لا يا حبيبي كنت بطمن عليك بس
زين: لا أنا تمام يا حبيبتي ثم خرج ليكمل حديثه خارج المكتب وما أن خرج حتي وضعت مليكه يدها على قلبها الذي يألمها بشده ثم بدأت في مسح تلك الدموع الذي خانوها ولم تستطع اخفائهم ثم خرجت علي الفور وهي تتجه الي خارج الشركه ليراها زين وينادي عليها ولكن مليكه لم تعيره اي اهتمام واسرعت الي الخارج حتي لا يلاحظ ضعفها
زين: طيب معلش يا ندي اقفلي دلوقتي وبعدين هكلمك .. ثم ذهب خلفها مباشرةً.... اما عند مليكه كانت تسرع في الخروج حتي وقفت امام مبني الشركه وقد انهارت كل حصونها وهي تبكي بشده ثم تسمع صوت زين : مليكه..مليييكه…أسرعت في اخفاء دموعها علي الفور وتمالك أعصابها
زين: في اي يا مليكه مالك خرجتي بسرعه ليه كده وبنادي عليكي مش بتردي؟
ملكيه: مسمعتكش يا زين و أنا تعبانه شويه وعايزه اروح استريح
زين: الف سلامه عليكي طيب تعالي اوصلك
مليكه بسرعه: لا لا أنا هروح لوحدي متقلقش أنا اصلا طلبت اوبر خليك انت في شغلك
لينظر لها زين بقلق: مليكه انتي فيكي اي انتي مش طبيعيه من ساعت عيد الميلاد
ملكيه: لا أنا كويسه متقلقش
زين: طيب انا زعلتك في حاجه حاسس انك متغيره معايا... نظرت له مليكه بألم تريد أن تصرخ بوجه وتقول له نعم فكيف تسألني عن السبب وانت هو سبب ألمي وحزني : لا يا زين ليه بتقول كده انا تمام متقلقش مفيش حاجه مزعلاني هو زي ما قلتلك بس محتاجه ارتاح شويه
زين: ماشي يا مليكه بس ابقي طمنيني عليكي لما تروحي
مليكه: اه طبعاً... ثم عاد زين الي الشركه مره اخرى لتقف مليكه وتبكي مره اخر حتي شعرت بيد ما علي كاتفيها لتردف بسرعه: زين
علي :: لا يا مليكه أنا علي
مليكه وهي تمسح دموعها: في حاجه يا علي؟
علي: انتي مروحه
مليكه: اه ليه في حاجه؟
علي: طيب ممكن اوصلك ارجوكي
ملكيه بعد تفكير: ماشي
وبالفعل ركبت السياره وتوجه الي القصر كل ذلك تحت انظار زين الذي أردف: هو ده اوبر يا مليكه؟ تمام
~~~~~~~~~~~~~~~~~~~~~~~~~~~~~~~~
( في مكتب مالك)
كانت ساره وياسمين يتحدثون ويضحكون
مالك: بسم الله ماشاء الله ايش لم الشرق علي الغرب
ساره: مجبتلناش اكل معاك يا مالك
مالك: هو انا مكتوب علي وشي مطعم للوجبات السريعة هو في اي؟
ساره: خلاص يا اخ مالك خلي خلقك رويح يا ابا رشدي..أنا هنزل اجيب
مالك: وهاتيلي معاكي وحياتك
ساره: بعينك
دلف عليهم كريم: هو اي بقا اللي بعينك؟
مالك: اهو صاحبي حبيبي جه أنا راضي زمتك يا كريم بقولها هاتيلي اكل معاكي بتقول بعينك وبيعذبوني يا صاحبي ده يرضيك؟
كريم: اه طبعاً يرضيني عادي جدا
مالك: واطي يا صاحبي
كريم: بس أكيد ساره هتجبلي أنا فطار
ساره بضحك: لا طبعاً
كريم: ايه ده احنا فينا من كده وبعدين هو انا مش عزمتك في العربيه
ساره: مين ده انا ؟
كريم: اه وبالأماره عايرتك بعدها حصل ولا محصلش
ساره بصدمه: حصل بس مش
كريم: بس ايه بقا خلاص هي كلمه الحق ظهرت اتفضلي قدامي
لتنظر له ساره بصدمه:
كريم: انتي لسه هتتصدمي قدااامي يا حجه
وبالفعل ذهبت ساره وكريم ليحضروا الطعام....بينما نظر مالك الي ياسمين مردفاً بغمزه: ايه؟
ياسمين: هو ايه الي ايه؟
مالك: راضيه عن ساره يعني
ياسمين بحرج: عادي يعني يا مالك
مالك: امممم مع أني أشك أنه عادي..بس ماشي يا جميل..نمشيها المره دي عادي
~~~~~~~~~~~~~~~~~~~~~~~~~~~~~~~~
(في سياره علي)
علي : أنا مش عارف انتي فيكي اي كل الي اعرفه انك تعبانه وفي حاجه كبيره وجعاكي ومش عايز اعرف اكتر من كده
مليكه: شكرا يا علي علي سؤالك بس متقلقش أنا كويسه
علي: اتمني ده .... مليكه أنا في موضوع عايز اكلمك فيه
مليكه: موضوع ايه اتفضل يا علي
علي: مليكه أنا معجب بيكي وعايز اتجوزك
مليكه بصدمه: أنا مقدره مشاعرك يا علي بس .. ليقاطعها
علي: مش دلوقتي مش عايز اعرف ردك دلوقتي فكري برحتك وهستني ردك بعد يوم شهر انشالله حتي سنه بس عايزك تتأكدي أن أي ان كان اللي تعبك أنا هقدر وهفضل احاول اني اخرجك من وجعك ده وعمري ما هبطل احاول واوعدك اي ان كان ردك أنا هحترمه وهتفضلي في عيني مليكه الإنسانه الجميله الرقيقة والمحترمه
لتنظر له مليكه بابتسامه ثم تشرد مره أخري في وضعها وما وصلت إليه
يا تري مليكه هتوافق؟!
وهل علي هيكون فعلا عوضها من ربنا؟!!
~~~~~~~~~~~~~~~~~~~~~~~~~~~~~~~~
( ومر الوقت علي الجميع حتي حل المساء)
حيث كان يجتمع كل الفتيات في غرفه نور بما فيهم ندي وساره الذي جائوا ليطمئنوا علي نور
ساره بضحك: يا خراابي يا نور لو كنتي شفتي شكلنا لما كريم قال إنك حاامل
نور بضحك: ده انا نفسي اتصدمت وكنت هعملها علي نفسي
ياسمين: ولا كريم الي عرف حكايه الممرضه كلها ده مسخره
ساره: ومين سمعك ده هو ومالك ميتجمعوش في حاجه جد ابداً
ندي: أنا مش متخيله الموقف بجد بس المهم انك بقيتي كويسه الف سلامه عليكي يا نور
نور : الله يسلمك يا ندي شكرا
مليكه: طيب انا هنزل اجيب حاجه من المطبخ واجي عايزه حاجه يا نور اجبهالك معايه
نور: لا يا كوكي تسلميلي ....
وبالفعل ذهبت مليكه الي الأسفل ولكن ليس الي المطبخ ولكن الي الحديقه فكانت تريد أن تبقي بمفردها بعض الوقت لتستنشق بعض الهواء ثم توجهت لتجلست خلف احد الأشجار الكبيرة بالحديقة مردفهخ بحزن : مهما اكبر ... مش بستريح من وانا صغيره غير لما اتكلم معاكي يا شجرتي مش عارفه ليه يمكن لان أنا الي زرعاكي بنفسي وكبرنا سوا بأحلامنا و وجعنه ومشاعرنا
( أما بالاعلي)
يرن هاتف ندي لتنظر اليهم وتردف: طيب انا هنزل تحت ارد علي الفون وارجع تاني وبالفعل تنزل ندي الي الحديقه
ندي: الو معلش مكنتش عارفه ارد كنت قاعده مع البنات ...لا لا متقلقوش كل حاجه ماشيه زي ما خطتنلها بالظبط اوك لو حصل جديد هعرفكوا لا لا محدش يوقف حاجه كله هيمشي زاي ما اترتبله بالظبط اوك باي .... وما أن انتهت من حديثها حتي دخلت مره أخري إلي القصر لتقابل زين
زين بأستغراب: كنتي فين
ندي: مفيش يا حبيبي كنت بكلم اصحابي اللي هيحضروا الفرح وبعرفهم أن كل حاجه ماشيه زي ما هي ولو في جديد بخصوص الفرح اكيد هعرف
زين: اوك يا حبيبتي يلا اطلعي انتي للبنات
ندي: لا أنا لازم اروح بقا محتاجه ارتاح شويه
زين: طيب استني اوصلك
ندي: لا لا متتعبش نفسك أنا معايا السواق بره يلا باي
زين: باي ابقي طمنيني عليكي لما توصلي
أما علي الناحية الأخرى كانت تقف مليكه مصدومه مما سمعته للتو مردفه: أنا كنت متأكدة انك وراكي حاجه يا ندي .. ثم نظرت إلي الشجره واردفت: أنا مش بقولك انتي شجرة الحظ ..ثم ذهبت علي الفور الي غرفه نور
مليكه وهي تتنفس بصعوبه: كنت عارفه.. كنت عارفه أن زين هيبقي ليا وان في حاجه مش مظبوطه
نور بفزع: هو اي ده الي مش مظبوط ..في اي يا مليكه؟
سارهو زين اي الي من نصيبك؟ البت اتجننت
مليكه بسعاده: لا مش مجنونه ( ثم حكت لهم كل ما سمعته)
نور بصدمه: معقول كل الحب ده يكون تمثيل
ساره: طيب ما يمكن انتي فهمتي غلط يا مليكه وتكون بتكلم اي حد عادي يعني
ياسمين: ايوه صح يا مليكه ايه اللي مخليكي متأكده كده؟
مليكه: لا أنا متأكدة أنها مخبيه حاجه كبيره ولازم اقول لزين
نور: طبعاً لازم نعرفه بس مش عارفه خايفه نكون ظلمنها
ساره: هو مش انتي متأكدة يا نور أن طريقتها مكنتش طبيعيه وكانت بتتكلم بتوتر
مليكه: اه والله العظيم
ساره: خلاص يبقي تروحي تعرفيه وانا امشي بقا لان الوقت أتأخر وبكره نتقابل وتحكولي حصل اي
نور: طيب يا ساره وابقي طمنيني عليكي
ساره: اوك
مليكه: وانا هروح لزين غرفته واحكيله علي كل حاجه ثم ذهبت علي الفور الي غرفه زين
(وبالاسفل)
مالك: خلاص ماشيه يا ساره؟
ساره: اه خلاص الوقت أتأخر
كريم: تمام أنا هوصلك
ساره: لا لا مفيش داعي
كريم بغمزه: داعي مين يا سوسو أنا كريم قدامي يا حلوه
لتبتسم ساره بخجل من كلامه وبالفعل تذهب معه
( وبالاعلي)
تدق مليكه باب غرفه زين
ليفتح لها الباب مردفاً بأستغراب زين: في حاجه يا مليكه؟
مليكه بتوتر: اه بصراحه في موضوع عايزه اكلمك فيه
زين : طيب يا ملكيه ادخلي واتكلمي...في ايه؟
مليكه: بصراحه الموضوع بخصوص ندي
زين: ندي؟ .. خير في اي؟
ملكيه: الموضوع أن ندي كدابه ومش بتحبك أنا معرفش هي ليه بتعمل كده بس الي اعرفه انها كدابه أنا سمعتها وهي(ثم حكت له كل شئ)
لينظر لها زين لدقائق بصدمه ثم أردف:.........
يتبع الفصل التالي اضغط هنا
الفهرس يحتوي على جميع فصول الرواية كاملة: "رواية نور الليل" اضغط على أسم الرواية