رواية وعد المستقبل الفصل الثالث عشر 13 بقلم شهد علاء

الصفحة الرئيسية

 رواية وعد المستقبل الفصل الفصل الثالث عشر بقلم شهد علاء

رواية وعد المستقبل الفصل الفصل الثالث عشر

 ـعني خد عني .. و جنبك ليله خلني .. ولا حاجه ترضني غير اني معاااک🥺♥️_*
دخلت المكتب لقيت بوكس كبير اوي فعلا و عليه كرت مكتوب فيه افتحي بسرعه انا بتسلق
ضحكت...اي الهبل دا مين الي بيتسلق "بقول للبوكس" مين جابك هنا ي عم انت
صوت من جوه البوكس..مش بقولك بتسلق افتحي ي بت المجنونه
قومت اتفجعت ....بسم الله الرحمن الرحيم اي دا ف اي
و قربت و انا مرعوبه شلت الغطا لقيت احمد طالع من وسط الكور الصغيره بتاعت الهدايه
اتخضيت اوي و رنيت الغطا....ي ابن المجنونه انت اي الي عمله دا و ازاي اصلا تعمل كدا
جي يطلع مكنش عارف=ايدك ي بنتي ونبي
ضحكت... تعالي ي حج تعالي
طلع و وقف=وحشتني
بابتسامه....احمد انت مجنون ولله
=بقولك وحشـ
خبط و دخل ف اللحظه دي ياسين.. بت اشـ ،احم اسف دخلت ب اندفاع شويه معرفش ان حد معاكي
...هو انا عرفتكم ع بعض قبل كدا
احمد برفعت حاجب=لا بس اكيد ياسين صح
ياسين بنفس النظره.. اه و انت احمد
=اه شوف ربنا
....احم طيب اقعده
ياسين بيغيظ احمد.. لا انا عندي شغل انا كنت جي بس اطمن علكي
بضحك... تطمن عليا ولا ع الفتار ي واطي
ياسين بضحك و باصص لحمد.. بصراحه ع الفتاره مهو اهم حاجه الكرش بردو ولا اي ي ابو حميد
كان احمد بصص لينا بغل
....احم ابو حميد بيتحول دلوقت ع مكتبك ي ياسين الله يرضا عنك
ياسين ضحك و مشا و اول ما طلع من المكتب اتحول وشه لحزن شديد
....احم احمد مالك
بنبرة مخيفه=ماالي
...ها ا ا ا ورني صح انت جايبلي اي ف البوكس دا غير
برفعت حاجب=روحي شوفي
قمت بصيت لقيت ف شوكولاته كتير و شيبسي.... الله تسلم ي ابو حميد ديما عامر يابا
قام وقرب مني اوي=مش نويه بقا
بعدت و رجعت ل ورا... نويه ع اي احمد اعقل و ارجع مكانك
قرب اكتر بقيت لزقه ف الحيطه=اتعدلي ها لان ورحمه امي و ابويا لو فضل ياسين دا لزقلك كتير هروح فيكم السجن تمام
كل دا و انا مهزقه بصه ف عيونه هو راح ضاحك=اي عنيه حلوه عارف
....لي ي احمد ببقا قويه مع الكل و محدش يقدر يقرب مني كدا لكن قدامك انت ببقا اضعف خلق الله لي لي معاك انت بشخصيتي الطفوليه الهديه البنوته و مع الكل حضرت الظابط حتي ف بيتي ببقا الام و الاب
قرب اكتر و نزل ع ودني و انا غمضت عيني=عشان بتحبني مثلا
و رجع تاني و لسه هيبسني ....ااعااا اوعي ي سافل
و رحت زقاه ....بقولك اي يلا روح شكرا ع الهديه يلااا عندي شغل الله اي اللزقه دي
ضحك=ماشي ي ست ع فكره انا كمان عندي شغل مش فضيلك ،هاتي شوكولاته يلا عشان امشي
... انت جيبهم و عينك فيهم كمان اخلع يلاا
=يلاا طب ولله انا بتهان
... بره
=خلاص ي ست خارج اهو ،هتوحشني
و بعت بوسه ف الهوا و مشي قلبي ف ذمه الله ي جماعه ولله
******** *بقلم* Shahd Alaa🤎🦋🖇️
ف الكليه عند سما
سما دخلت و قعده ف الكافيه رنت ع رزان" الو يابا فينك ........قدامك كتير يعني ............ خلصانا يابا
قفلت معاها و رنيت ع ميلان" الو ي حب فينك
ببرود📞موجود ف اي
"ف اي ي ميلان مالك بتكلمني كدا لي
📞عشان قلتلك انبارح كنت عايز اتكلم معاكي بس قلتلي وتس فضلت فاتح و سهران عشانك و بردو متكلمناش افهم من كدا اني حمل تقيل علكي
" لا ولله ابدا انـ
📞سما انا لزم اتكلم معاكي ف موضع مهم
" تمم تعالي انا ف الكليه
📞لا بره الكليه عرفه كافيه******
" ايوه عرفاه بس لزم احضر المحاضرات ي ميلان
📞تمم انا مش جي لم تخالصي رني عليا سـ
" ميلان ممكن تجي عشان خاطري ا ا انا انا مش بعرف اقعد غير و انت معايا ممكن
بضيق📞 حاضر جي
ابتسمت" تمم مستنياك هااا متتاخرش
و قفلنا سما قامت تدخل الحمام شافت يوسف جريت عليه
سما بضحك" اذيك ي احلا سماجه ف الدنيا
يوسف برفع حاجب- نعم؟
سما" ولله ما اقصد انا بس كنت عيزا نضع الخلاف جانباً و فال نقوم ب معده صلح
ضحك يوسف ع كلامها- و دا بمناسبه اي بقا
سما" بص هم ب 2 مناسبه
ضحك يوسف تاني- متمشيش معاكي مناسبتين
سما" علي الطلاق ما بعرف اثني المهم اولا لان ب الشكل الي انت و انا بنتعامل بيه دا انا هشيل الماده بتاعت حضرتك ثانياً و دا الاهم اني عيزا كورس ف الماده بتاعت حضرتك لانك منجحني ب الحركرك السنه الي فاتت
يوسف- لا انتي الي كنتي معتمده ع الغش لكن انا مش بستقصد حد
سما" طب اي ي برو مش صافيه لبن بقا
يوسف بجمود عكس الي جواِه- انا مش بدي كورسات
سما بملل" طب ليا لوحدي عليا الطلاق هسقط السنه دي ب الشكل دا انا بلح
يوسف قرب منها و هي رجعت و خافت- عرفه انتي عيزا كورسات ف اي ف الكلام دي مش طريقه بنت خاالص
و سبها و مشي
سما تفت عليه ف ضهره" ابو تقل دمك ي اخي
لقت رزان دخله من الباب جرت عليا" بت عيزاكي ف حوار
رزان بخضه.. حوار اييي ربنا يستر
******** *بقلم* Shahd Alaa🤎🦋🖇️
زهوه كانت شغله ف محل سوبر مركت و فيه سجاير و كدا
. اسمعليكوووو   
زهوه رفعت وشها، و عـ درش
درش. اذيك ي استاذه
زهوه بضحك، الحمد لله نعم
درش. كنت عايز علبه LM وحياتك
زهوه ضحكت، حاضر ثواني
و جابتها
درش قرب شويه. زي القمر انهارده
زهوه ابتسمت بعد كدا لوت وشها، انهارده بس؟
درش. اه انتي زي بقيت الستات و نكد و كدا ،هاتي السجاير هاتي
و دفع و مشا و زهوه ضحكت
******** *بقلم* Shahd Alaa🤎🦋🖇️
ف الشغل عندي كان ف اجتماع كنت انا و ياسين و عنود و كام ظابط تانين كدا عنود كانت لوحده و انا و ياسين بنهزر لحد ما القائد يدخل
...احم اذيك ي عنود بقالي كتير مشفتكيش
عنود بجمود. الحمد لله
ياسين.. اي اخبار الدنيا كدا
عنود. بخير
ياسين باحراج.. تمم
و شورلي اسكت لاني كنت لسه هتكلم تاني دخل القائد ف الوقت دا
القائد اسد..احم صباح الخير ي اساتذه
الكل.صباح النور
القائد اسد.. انا جمعتكم انتم بذات عشان انتم أكفاء ظباط انا اشتغلت معاهم ف قضيه جديده
...احم قضيه جديده هنشتغل كلنا سوا ولا كل واحد لوحده
ابتسم القائد.. تعرفي ي حاصرت الظابط شهد لوله انك من الظباط الكفء الي عندي كنت زماني مشيتك من زمان بسبب اسالتك الرخمه دي و انك بتقطعني ف الكلام
ضحكت... علي النعمه ضحكتك دي ب الدنيا ،انشالله يسترك ربنا يابا
حاول السيتره ع نفسه.. احم نرجع للكلام المهم انتم اتعودته طبعا ان كل واحد يشتغل لوحده و بطرقته لكن للاسف انتم مترين تشتغله مع بعض ب دماغي انا القضيه دي مش سهله نهائي احنا هنبقا قدام نظامه كامله من العصابات
ياسين. نوع شغل العصابات دا اي و اي المداخل بتعتها
القائد اسد.. نصيحه مني ي ياسين قلل القعده مع شهد شويه، ي رب صبرني، "طلع صوره واحد ع الشاشه" اعرفكم ب اختار واحد ف العصابه فهد الليبي و دا طبعا مش اسمه الحقيقي هو لي اسماء كتير بس دا اشهر اسم اتعرفنا عليه بيه و دا هقولكم ع اماكن تواجده هنا ف مصر و سكاكه حاجه من الاتنين ي مخدرات ي نسوان
و لقيته بيبصلي اوي لم قال نسوان لقيت ايدي تلقائي بقت شبه الايموشن دا🙅...قصدك اي يعم
و قعدنا نتكلم كتير ع الناس الي ف العصابه و نتفق ع الشغل
بصدمه... ايه ثواني بس هو انا هسافر
القائد اسد.. مش هتسفري لوحدك و السفر دا اثناء العامليه لسه منعرفش اه ولا لا تمم بس اطمني الظابط ياسين هيبقا ديما معاكي و الظابط عنود
عنود. و انا لي انا ممكن اشتغل لوحدي ع ناصر *دا واحد تاني ف العصابه*
القائد اسد.. لا انتم هتظهره قدام فهد انكم اتنين صحاب تمم و قلت الشغل ب دماغي انا انتم تنفذه بس
اليوم كان طويل و الكلام و الشغل كان كتير اويي
******** *بقلم* Shahd Alaa🤎🦋🖇️
طلعت سما و رزان و ميلان من المحاضره
" ها ونبي ي رزان وفقي
رزان. يختااااي ي بنتي انتي زنانه اوي حاضر اهمدي بقا
ميلان.. انتم بتتكلمه ع اي انا مش فاهم حاجه
رزان. الهانم ضايعه ف brain surgery الي هي ماده دكتور يوسف و لانه يعتبر اخويا عيزاني اخليه يديها كورس ف الماده متعرفش اني بتذليه عشان يترجملي حجات ب العافيه لم بيحن ع امي
ميلان.. اشمعنا دكتور يوسف ممكن تخدي مع دكتور تاني ع فكره
كان يوسف قريب و سمع
سما" لا لان لو خدت مع دكتور تاني هتشتت من طريقه الشرح بلص بقا دكتور يوسف شرحه حلو
ميلان.. طب مش بتركيزي لي بقا
سما قربت منه" داري عيونك عني و انا اركز
و ضحكت ميلان حط ايده ع قلبه.. اه اراني اذوب
رزان. بس بقا انت و هي هفهمكم غلط هههه
يوسف كان بيغلي و مش عارف لي كدا حس انه مخنوق و مش طايق وجود سما ف الكليه اصلا و قرر- ولله ي سما لاربيكي ع الي انتي بتعملي دا اي البجاحه دي ماشي
و مشا و هو متغاظ جدا
*"شيفين ان ف حد هنا وقع 😹😹"*
رزان. يلا انا مروحه انتم ريحين فين
ميلان.. عايز سما ف حوار كدا و بعد كدا هنروح
رزان. اشطا يلا باي
الاتنين.. باااي
******** *بقلم* Shahd Alaa🤎🦋🖇️
طلعت انا و ياسين ما الشغل ياسين. ها هوصلك ولا هتروحي لوحدك
...لا يلا وصلني عيزا اتكلم معاك اصلا
ياسين.اشطا يلا هروح اجيب العربيه
....لا نتمشا
ياسين. تمم
مشينا شويه و احنا سكتين
ياسين.مالك ف اي
بصيت له اوي... مش عيزا اشتغل مع عنود لا و كمان هنبقا مع بعض ديما اغلب الوقت
ياسين. اولا دا شغل الشغل ملوش دعوه ب المسائل الشخصيه بلص بقا انتم قلبكم اسود اوي انا مش عارف ازاي عنود بقت كدا
بحزن... انا السبب انا الي وصـ
ياسين. لا بقولك اي هي الي اتغيرت انا و هي نفس الشعور هي حبت احمد و هو محبهاش و انا حبيتك و انتي لا بس انا لسه جنبك و اخ لكي لكن هي بعدت عن العالم كله بعدت عن نفسها اصلا انتي بقا اي ذنبك فكك من الحوار دا
...امممم ماشي المهم مش ناوي بقا نفرح بيك
ياسين عكس الي جواِه. لا ياختي اطمن علكي ف بيت ابو حميد و بعد كدا ابص بقا ع بنت الحلال
... انا و احمد صحاب بس
ياسين. اوووف بقا منك شهد انتي بتموتي فيه و الواد بيموت فيكي وفقي بقا انكم ترتبطه و تعيشه بقا ابو شكلك لابو دي علاقه
...بجد ي ياسين الكلام دا من قلبك
ياسين. اه ي شهد من قلبي انا نفسي اشوفك سعيده و بس
لنفسي... حسيت ب الذنب اكتر من كلام ياسين بس هو معاه حق انا و تحمد بنحب بعض ليه لا بقا و كفايا لحد كدا عنود و هي الي اختارت و ياسين رغم اني مش مع احمد لكن هو بيعملني اخته يبقا خلاص بقا
ياسين. سرحان ف اي يابا
....بقول ليه لا
ياسين بحزن بيحاول يبين عكسه. ايوه بقا الفرح أمتي ياباا
بضحك... بس ياض فرح ف عينك
ياسين. انتي مشيه من هنا ليه انتي مش مروحه
... تؤ زمان چودي راحت عند زهوه هروح اخدها زمنها مطلعه عنها
ياسين. اشطا يلا اهو اسلم ع زهوه و چودي ب المره
******** *بقلم* Shahd Alaa🤎🦋🖇️
زهوه بملل، طيب و بعد ما تقتليهم ي چودي
چودي بشر. هقتل ميس نجلاء ب المره و و ممكن اقتل احمد لانه بيكلم شهد كتير
زهوه، لي كل دا ي چودي هـ
قطعتها. عشان انا طفله شريره
زهوه، طب لي تبقي طفـ
قطعتها تاني. لان انا بحب ابقا شريره
... السلام عليكم
زهوه، اخيرا جيتي ي شهد خدي الشريره دي من هنا انا صدعت ،اذيك ي ياسين
ياسين. الحمد لله
چودي. و هقتل ياسين كمان
ياسين. لا اله الي الله و انا مالي ي چودي انا جيت جنبك
چودي. لان انا طفله شريره و هقتل كل الي يقرب من خواتشي
زهوه غمزت ليا، طب ي چودي ف واحد كدا اسمه درش بيرخم عليا هتقتلي ب المره
چودي. لا درش دا صحبي هو مجرم و انا مجرمه انا هتفق معاه عليكم
ضحكنا
...حتي الطفله بتقولك مجرم اتلمي بقا المره الجيه هقبضلك عليه ،يلا ي شريره نروح
زهوه،اه ياريت كتكم القرف الي انت ي ياسين
چودي عملت ب الاشره انها هتقتل ياسين
ياسين. لا انا امي عيزاني ولله انا غلبان و صاحب عيال ياما
******** *بقلم* Shahd Alaa🤎🦋🖇️
سما" ها اي الحوار
ميلان مسك اديها. بصي بقا انا بحبك و مش عارف اخبي الشعور دا و مش عارف اعمل اي
سما اتحرجت و فرحت جدا" احم و و انا كمان
ميلان بص ف عنيها بحب بعد كدا بص ع ايده و اديها ايده فيها الصليب و هي لا
ميلان بحزن. بس
يما بصت بردو و شالت اديها و بدات تعيط" مش هينفع صح مش هينفع
ميلان مسكها تاني. لا ينفع مهما حصل انا بحبك و هحارب الدنيا عشانك و لزم نفهم الكل ان مفيش فرق بين مسلم و مسيحي كلنا عباد الله و الانجيل و القران مفهمش اي حاجه بتقول ان جوزنا من بعض او حبنا حرام بلعكس الانجيل اكد وجود الكتب السماويه و القران كمان
سما باقناع" الكنيسه هترفض و اهلك و المجتمع و اختي الكل هيرفض احنا هنبقا حاله استثنائية
ميلان بحب. جهزه للـ موجها
بخوف و ضحك" بصراحه لا
ميلان بضحك. يبقا هننجح هههههه
سما" انا هبدا من انهارده اقول لاختي
ميلان و انا هقول ل بابا انهارده لانه اقرب ليا من أمي و هو اكيد هيقف جنبي
سما"ربنا يستر ي مانا خايفه من ابوك دا
ميلان بثقه. لا عيب دا بابا
******** *بقلم* Shahd Alaa🤎🦋🖇️
روحت انا و چودي و ياسين روح بيته بقا كته نيله
غيرت و عملت الغدا مستنيه الهانم سما تجي الي برن عليها مش بترد
...اوووف بقااا
چودي. مالك ي شري
...ست سما مش بترد الجزمه
تن تن
...روحي افتحي الباب ي رب تكون هي
سما" انا جييييييت
...كنتي فين ي صايعه كل ده و مش بتردي لييي
سما بتوتر" كنت ف الكليه يوه انا جعانه اوي
...مفجوعه، بس انتي مكنتيش ف الكليه ها و هعرف كنتي فين مش بتردي لي بقا
سما" مسمعتوش ولله اصل الدفت يوسف بيخلينا نعمل الفون صامت ف المحاضره
...يوسف مين؟
سما" المعيد ي شخد تلرخم الي حكتلك عليه
....اه اتكلمتي معاه ع حوار الكورس
سما" اه يختي و مش رادي بس قولت ل رزان تقوله تاني ي رب يواقف
....طيب لو موفقش ممكن اخالي احمد يشرحلك اكيد يعرف مهو جراحه بردو
سما" تمم اشطا
....يلا انا هنزل عشان عندي چم خالي بالك من چودي و من نفسك الاكل عندك ع البتجاز
و سبتها و نزلت رحت الچم رن عليا احمد و انا ريحه
رديت و انا فرحانه...الو ي احمد
📞حسس انك فرحانه لي كدا
....امممم عادي المهم انت بترن لي و انت ف الشغل ي استاذ
📞قاعد فاضي قلت اطمن علكي انتي فين
....ريحه الچيم
📞خالي بالك من نفسك هاا "بغل" استاذ ياسين فضل معاكي طبعا طول النهار
....اه و استاذ ياسين بقا قالي ع حاجه مهم جدا خالتني اخد قرار مهم جدا
📞 اي بقا قالك اي و اي القرار
.... قررت اعترف اني بحبك و
بصدمه و فرحه📞 احلفي فين ياسين انا عايز ابوسه من بؤه
بضحك....ايع اي القرف دا انت شاذ يلا
ضحك 📞لا ولله بس بجد اخيرا ي جزمه
دخل عليه يوسف
📞احم بقولك يابا هكلمك بعدين عشان يوسف دخل عليا
...احمد انت محكتليش خالص عن يوسف دا
📞هقولك بعدين يلا سلام خالي بالك من نفسك هاااا
...حاضر سلام
و رحت الچيم
******** *بقلم* Shahd Alaa🤎🦋🖇️
*بليل* كانت زهوه رجعه من الشغل الساعه 7
. بس بس
زهوه بخوف بصت ورا لقت درش ارتاحت، نعم ف اي
درش. لا اصل انا قلت ميصحش بنت حتيتي تبقا مروحه لوحدها ف الوقت دا يعني
زهوه بصت ف التلفون، وقت اي دا الساعه 7 المغرب
درش. و هو 7المغرب دي شويه يلا يلا
زهوه وقفت، لا طبعا مش همشي معاك ف الشارع لوحدي انا الناس تقول عليا اي و بعدين هي كل بنات حتتك بتمشي معاهم كدا
درش. لا طبعا انتي بس
زهوه، و اشمعنا انا بقا
درش قرب عليها و هي رجعت ورا بصوت واطي لطيف. طب بذمتك مينفعش نمشي سوا و ينفع نقف الوقفه دي
واحد معدي.. ف حاجه ي انسه الواد دا بيزولك ولا حاجه
درش بصله بنظره مخيفه. اخلع ياض
الرجل.. اي دا درش اسف ي زماله
و مشي
ضحكت زهوه درش، يلا نمشي بدل الوقفه السوده دي
زهوه، لا ولا نقف ولا نمشي سلام عرفه سكتي لوحدي
و مشت راح جري وراها
درش. طب بصي بس عيزا اقولك كلمتين
زهوه، خير ي رب
درش. من الاخر انا عيزك و انتي شغلاني و عايز اتكلم معاكي ف حوار شوفي كدا و لو تعرفي نقعد ف حته نتكلم ردي عليا بكره و لو لا رقمي اهو لو عيزا تسمعي الكلمتين
مسك اديها حط فيها علبت السجاير الي اخدها منها بس فضيه طبعا عليها الرقم
زهوه بصت ف عينه اوي و متكلمتش درش. يلا انطري
زهوه سكته و سرحانه ف عيونه الملونه و سماره و شكله الرجولي الجذاب
بزعيق. بقولك انطرييي
زهوه بخضه، يعني اييي
درش. يعني امشي يلا
مشت و بعد ما بعدت شويه نشا وراها لحد ما اتاكد انها طلعت بيتها
******** *بقلم* Shahd Alaa🤎🦋🖇️
خالصت تمرين و طلعت من الچيم و انا مروحه رن عليا ياسين
...الو اي يابا
📞عاملي اي ي قلبي
...الحمد لله
📞 اي فينك
...لسه طالعه من الچيم اهو
📞مال صوتك
...لا تعبانه من التمرين بس، و قلقانه شويه
📞من اي
.....مش عرفه ممكن ع خواتي كل واحده فيهم دمغها غلط الي سيبه مذكرتها و متعلقه ب مسيحي و الي معجبه ببلطجي الي ما فيهم وحده جبتلي حد عدل بيمده اديهم ف الزباله يطلعه رجاله مغناطيس اذيه و خلاص
ضحك📞اهدي كدا و كل حاجه هتبقا تمم
...ماشي ي خويا انا تحت البيت اهو طلعه سلام
📞سلام
...ولا هو انت كنت عايز حاجه
📞تؤ انا كنت بطمن عليكي بس
....اشطا باي
📞باي
طلعن فتحت الباب لقيت😳😳😳😳😳😳
بصدمه... اي دااا
*ـقلبي بيقوه و انت معايا .. و ف وجعي وجودك دا دوايا🥺♥️♥️♥️♥️_*
*يا ترا شهد لقت اي😳😹؟؟*
*الي جي احلي باذن الله*

 

رواية وعد المستقبل الفصل الثالث عشر 13 بقلم شهد علاء
princess

تعليقات

ليست هناك تعليقات
إرسال تعليق
    google-playkhamsatmostaqltradent