رواية من انا الفصل السادس 6 والأخير - بقلم نعمة احمد

الصفحة الرئيسية

 رواية من انا الفصل السادس والأخير بقلم نعمة احمد

 رواية من انا الفصل السادس والأخير

_اتكلم بعد سكوت طويل:أنتِ طالق يا اميره
شوفت دموعه وقام من جنبى ، بعد شويه واتكلم وهو مدينى ضهره :انتى مش مضطره تمشي خليكى هنا عالاقل فترة العده لحد ما نشوف هنقول لأهلنا ايه 
=طيب
"تانى يوم روحت لماما حسيت انى محتاجه اتكلم معاها"
_ماما 
فتحتلى دراعها وروحت حضنتها هو انا كده كل ما الدنيا تديق عليا اروحلها علطول
=مالك يا حبيبتى 
_مش عارفه يا ماما ،حاسه انى متدايقه اوى
=الموضوع ليه علاقه ب احمد
_ايوه ، مبقتش عارفه انا صح ولا غلط ، مبقتش عارفه اتعامل معاه 
=انتى بتحبيه ؟
بصيت لها بتفكير:بردو مش عارفه
=لا انتى عارفه كل حاجه يا اميره كل الموضوع وما فيه انك مش عاوزه تصارحى نفسك بس ، كل اللى عاوزه اقولهولك متضيعيش الفرصه من ايدك عشان وسوسة شيطان ، فكرى فحياتك من غيره لو لقيتى نفسك قادره تعيشي عادى يبقى انتى صح لكن لو لقيتى نفسك تايهه ومش لاقيه نفسك يبقى انتى غلط ولازم تراجعى نفسك قبل ما الوقت يضيع ، ربنا يهديكى يا بنتى ويدلك عالطريق الصح.
_مشيت من عند ماما وأنا شبه مقرره أنا هعمل ايه 
"دخلت البيت ولقيته واقف فالمطبخ
اتكلمت: وبعدين!
بص لي :وبعدين ايه!؟
_يعنى هنفضل كده كتير
=عاوزه ايه دلوقتى مش فاهم
مسكت أيده :عاوزه نكمل الحلم للآخر
بصلى بحب وابتسم :هيا دى اميره اللى اعرفها
سمعت صوت مش غريب عليا 
_ايه الصوت ده؟!!
=مش عارف
"فجأة سمعت صوت ماما وهيا بتقول:يا اميره يا  اميره قومى يلا عشان تروحى الجامعه والمنبه بيرن"
فتحت عينى ولقيت نفسي على سريري فبيتنا
روحت لماما:انا ايه اللى جابنى هنا ،فين احمد
=احمد مين يا بت عالصبح
_مش انا متجوزه احمد يا ماما انتى فقدتى الذاكره ولا ايه
=لا ده انتى اللى شكلك منمتيش كويس ، هوا انا مش اخر كلامى معاكى لما قولتلك أنه متقدملك وانتى مرضيتيش
ماما طلعت وانا قعدت عالسرير عشان استوعب اللى بيحصل:يعنى ده كله كان حلم!!!؟طب ازاى
"عدت الايام وانا كنت بحاول استوعب انى كنت فحلم وماما وبابا مستنين ردى عشان أقابل احمد وانا وافقت"
_عامله ايه
=الحمدلله ، تمام 
_بقالى كام يوم حاسس بحاجات غريبه
انتبهت ويصيتله:غريبه ازاى يعنى
_يعنى بشوفك ف احلامى كتير وفمواقف كتير  واخر حاجه شوفتها أننا....وسكت
كملت انا:متجوزين صح
بصلى بصدمه:عرفتى  منين
=ياااه دى قصه طويله اوى
_المهم آخرها ايه
ابتسمت:واحد اعرفه قالى قبل كده عيشي الحلم،حسيه بكل تفاصيله كأنه واقع ،فيه احلام كتير بنشوفها بس بتفضل جوانا وجوا قلوبنا مبتتنسيش  وبنكون شايفينها قدام عيوننا كأنها حقيقة ونفضل عايشين على امل انها ممكن فيوم تتحقق 
ابتسم:يلا نعيش الحلم 
ابتسمت:يلا نعيشه
تمت النهاية .. اقرا ايضا رواية مربية ابنتي ولكن كاملة عبر دليل الروايات للقراءة والتحميل
  • الفهرس يحتوي على جميع فصول الرواية عبر الرابط: (رواية من انا ) اضغط على أسم الرواية
رواية من انا الفصل السادس 6 والأخير - بقلم نعمة احمد
ranosha

تعليقات

ليست هناك تعليقات
إرسال تعليق
    google-playkhamsatmostaqltradent