Ads by Google X

رواية ابنتي اليهودية الفصل الثلاثون 30 - بقلم سمية عامر

الصفحة الرئيسية

      رواية ابنتي اليهودية البارت الثلاثون 30  بقلم سمية عامر

رواية ابنتي اليهودية كاملة

رواية ابنتي اليهودية الفصل الثلاثون 30 

اتعصب الياس و قطع الورقة : الغبيييييية ...بتهر"ب تاني و كمان حامل مني 
سارة بخوف منه : إلياس اقسم بالله دي هبله دي كانت فاكراك هتتجوز بجد و....و انت عارف انها هبله دي حتى سمت ابنها على اسمك شوفت واحده اهبل منها ؟ 
جري الياس بسرعة و سارة بتجري وراه : استنى طيب هاجي معاك ...الياس متجريش لأكون انا كمان حامل يلهوي 
ركب عربيته و ركبت سارة ورا و طلع بسرعة على المطار 
كانت ايرين قاعدة مستنيه معاد طيارتها اللي هتطلع بعد نص ساعة و الياس الصغير كل شويه يعيط 
- مامي انا عايز بابا هو مش هيجي معانا 
ليث بانتصار : احسن أنه مش هيجي انت بتعيط ليه ده خلى ماما تعيط 
ابتسمت ايرين : بابا بقى ليه حياة تانيه هيعيشها بعيد عني بس هو بيحبكم اكتر من عينيه انتو التلاته 
ليث وهو بيعد على صوابعة :واحد اتنين....مامي مفيش تلاته احنا اتنين بس 
مسكت ايرين ايد ليث و حطتها على بطنها : هنا في نونو اخوكم أو اختكم 
سكت الياس من العياط و حط أيده هو كمان : بجد هنا يعني ...انتي بلعتيه ؟؟ اكلتيه يا مامي ؟؟
ضحكت ايرين بحزن : اه أكلته و هطلعة لما يكبر بس اهم حاجه دلوقتي انكم تحبوا بابا و تعاملوه حلو لأن لو محصلش كده هياخدكم مني 
رد خالها من وراها : هياخدهم منك فعلا 
خافت ايرين و قامت وقفت بس لما لقيت خالها حضنته وهي بتعيط : خالي انت طلعت امتى ، انا اسفة على كل اللي حصل 
بعد عنها شويه : متتأسفيش هو اللي هيدفع التمن 
- خالي انا لازم اتكلم معاك انت ظالم الياس و الانتقام ده مش في محله ارجوك 
لا يا ايرين متدافعيش عنه هو ظلمك و ظلمنا و الظالم لازم يتحاسب 
خاف ليث و الياس منه و استخبوا وراها 
- خالي طيب سافر معايا المانيا 
ضحك خالها : انتي مش هتسافري ..هتيجي معايا 
- فين اجي فين ؟؟ 
هتعرفي لما نوصل تعالي 
ايرين بخوف و عصبية : انت بتعمل ايه سبب ايدي لو سمحت الاولاد خايفين 
- بقولك تعالي معايا انا ضيعت عمر من عمري عشانك و خايفة تيجي معايا بعد اللي جوزك عملوا فيا و كمان بتدافعي عنه ، انتي لو مجيتيش معايا هق"تله و لو سافرتي هترجعي تورثيه
عيطت ايرين و هي بتحضن عيالها : خالي انا تعبت ..صدقني مش قادرة و كمان حامل انا مش حمل كل ده 
ابتسم خالها بخبث : حامل منه ؟ 
خافت ايرين اكتر و ندمت انها قالتله : اه لانه جوزي 
في الوقت ده اتصل واحد على خالها جيمي و اتغيرت ملامحه كلها و سابها و جري 
في اللحظه اللي وقف الياس فيها العربيه و نزل منها جري على جوا و ايرين بتجري على برا وهي خايفة على ولادها و على الياس 
لقيت الياس في وشها وهو وقف اول ما شافها بس في لحظه واحده كان واخدها في حضنه وهو بيشتم : هتفضلي لحد امتى غبية ، انا عمري ما حبيت ولا هحب حد غيرك 
حضنته ايرين وهي منهارة : إلياس ...
- شدها في حضنه اكتر : لو هعيش عمري كله من غيرك مش عايزه ، انتي كل حاجه عندي متعمليش فيا كده 
حضنه الياس و لاحظ ليث حبه لامه و حضنه 
بعد عنها و شال ولاده و خدها في حضنه و خرجوا 
كانت سارة واقفة مستنياهم و فرحت أنه لقاها لسا مسافرتش 
حضنتها سارة بكل فرحه : ظلمنا الراجل طلعتي انتي العروسة يا عروسه كان الياس عاملها مفاجأة و قال يعملك فرح لانكم مفرحتوش 
بص ايرين حوليها بخوف مش مهتمه بكلام سارة اد ما خايفة على جوزها وولادها 
سارة : ايرين انتي سرحانة في ايه بكلمك 
الياس بفرح : سيبيها دي واحده بائسة أول مرة تفرح تلاقيها نسيت بتضحك ازاي 
ضحكت ايرين و حضنته تاني : الياس متبعدش عني ابدا انا بحبك أكتر من نفسي 
- وعد مني مهما حصل هنفضل سوا
شالت سارة الياس و ليث و ركبتهم معاها ورا و ركبت ايرين جنب الياس وهي بتبص حوليها بخوف 
وصل الياس للبيت و نزلت سارة بالولاد عشان تلبسهم لبس حلو و اتفاجئت ايرين بكميه الناس المعزومة و الديكور و كل حاجه 
بصت لألياس اللي باسها بحب : فستانك في اوضتنا يا عروسه 
ابتسمت ايرين و حضنته : حبيت اوي 
- يلا بقى اطلعي البسي فستانك عشان انا بصراحه كده عايز امشيهم و انفرد بيكي 
ضحكت ايرين : لا هنتكلم الاول انفراد ايه انت كل ما تلمسني احمل كده حرام 
ضحك الياس و خلاها تطلع و راح يغير لبسه هو كمان و نزل الشيخ سليمان على كرسي متحرك و ياسر و جلال و ابراهيم واقفين اللي كانوا عارفين بالمفاجاة بس متكلموش و لا قالوا حتى لابوهم ولا ل رقيه اللي دخلت اوضتها و فضلت تعيط 
لبست فستان الفرح لأول مرة كان طويل و منفوش 
دخلت سارة و في ايديها الياس و ليث و رودي بنتها اللي كانوا لابسين بدل و رودي لابسه فستان احمر 
نزلت ايرين و جنبها ولادها و أحرجت جدا من الناس دي كلها و مسكت ايد إلياس اللي كان مستنيها و باس ايديها قدام الكل و خدها في حضنه وهو بيعلن قدام الكل أن ايرين مراته على سُنه الله و رسوله 
في نفس اللحظه اللي بيتكلم فيها اتض"رب طل"ق نا"ري على كل اللي في الفرح و كل الناس بقيت تجري الا هي وقعت على الأرض و هي غر"قانة في د"مها ..
google-playkhamsatmostaqltradent