Ads by Google X

رواية ملاك الجاسر والفهد الفصل الثاني 2 - بقلم رنا احمد عماد

الصفحة الرئيسية

رواية ملاك الجاسر والفهد البارت الثاني 2 بقلم رنا احمد عماد

رواية ملاك الجاسر والفهد كاملة

رواية ملاك الجاسر والفهد الفصل الثاني 2

من أمام أحدا عربيات الكبده البسيطه كانوا يجلسون وهم يأكلون بنهم واستماع كان ينظر إليها بعشق تكونت خلايا قلبه من خلاله نعم هي طفلته معشوقته واحب شي الي قلبه لمد يده بابتسامه وهو يمسح بقايا الطعام من علي فمها .
جاسر بابتسامه هادئه /مش هتبطلي العاده دي لازم توقعي الاكل علي بوقك كده .
ملاك وهي تنفخ كالاطفال من حراره الكبده /ماهي مولعه ي جاسر مش قادره .
جاسر وهو يمد لها كوب الماء /لا الله الا الله انا قولتلك تعالي افطرك فول وطعميه انتي الي اصريتي علي الكبده علي الصبح .
ملاك بابتسامه /حلو اوي ي جاسر بموت فيها لذيذه .
جاسر بابتسامه/ماشي ي ستي الف هنا عندك دروس النهارده صح .
ملاك بارتباك وتعلثم التذكر حديث فتحيه /دروس والله مش عارفه مانت عارف بتتغير كل شويه المواعيد يلا بقا علشان اروح .
جاسر بابتسامه عشق/طيب ي حبيبتي استني هحاسب ونمشي علطول بس لما تتأكدي ميعاد الدرس قوليلي ماشي انا هروح الورشه ابقي كلميني في أي وقت .
ملاك ببراءة وطفوله /حاضر ربنا يسهل .
من شقه ملاك ....
كانت تذهب فتحيه بغيظ شديد من تأخيرها لتتحدث بتوعد وقسوه لذلك البريئه .
/كل ده بتمسحي الشقه طيب ي بنت حمدي أما وريتك ليقاطعها طرقات الباب لتفتح لتنظر إليها باستغراب .
/ام عبير خير البت ملاك عملت حاجه.
ام عبير بغيظ /ملاك هي فين اصلا مجتليش خالص ي فتحيه .
فتحيه بدهشه /ايه مجتش ازي امال راحت فين البت دي .
ام عبير بتهكم /انا عارفه بقا شوفوها بتروح فين فوتك بعافيه .
فتحيه بتوعد وغيظ /ي ترا روحتي فين ي الي متتسمي ده انا هطين عيشتك و ...
لم تستطيع تكمله حديثها عندما رأت ذلك الملاك وهي تتدخل براءه لتنقض عليها وهي تمسكها من شعرها بحده وغيظ جعلتها تصرخ الما .
/كنتي دايره علي حل شعرك فين ي بت ها ده انتي ليلتك سوده .
ملاك بدموع وصراخ/والله العظيم غصبن عني جاسر قابلني تحت وقالي لازم تيجي افطرك معرفتش أهرب منه والا كان هيشك فيا ويعرف موضوع مسح الشقه وانتي قولتي متخلهوش يعرف حاجه .
فتحيه وهي تتدفعهاارضا بغيظ /اووف مفيش غيره ابن ناديه دايما وقفلي زي اللقمه في الزور طب اسمعي ي اختي فيه موضوع مهم فتحي فيه مخك كده سامعه . 
ملاك ببراءة وهي تمسح دموعها /طيب هشوف بابا واجي علطول.
فتحيه بغيظ /روحي ياختي شوفي ابوكي جاتكم الهم .
في غرفه حمدي والدها ..
كانت تسير ذلك الملاك بابتسامتها الساحره وكأنها ملكه صغيره ليبتسم إليها والدها بحنان .
/ملاك تعالي ي قلب ابوكي .
ملاك وهي تحتضنه بحنان/بابا حبيبي امسك .
ليتتطلع إليها باستغراب وهي تلتفت يمينا ويسارا وهي ترفع فستانها لتخرج من جيب بنطلونها ذلك الساندوتشات ل إبيها .
/اتفضل ي بابا كل سندوتشات كبده بس مفيهاش شطه جبتهم ليك مخصوص .
ليبتسم حمدي لذلك الملاك ليحتضنها بشده وهو يدعي الله أن يوفقها في حياتها ويرعاها ...
في شركه فهد ....
في مكتبه ....
كان يزفر بعصبية وضيق وهو يمسك بيده ذلك المشروع المضمون أرباحه بشده لكن لا يوجد سيوله لذلك المشروع ليطرق الباب ليسير ذلك الذي لا يختلف عن وسامه فهد شيئا وهو اكمل صديقه المقرب .
/صباح الفل ي معلم مالك .
فهد بغيظ وهو يرمي الملف /هطق ي اكمل معقول مشروع مضمون زي ده واسيبه كده يروح من ايدي .
اكمل وهو يجلس أمامه بجديه /طب ماتتكلم عامر بيه يديك فلوس .
فهد بتهكم وغيظ /لا ي راجل ده علي اساس انك مش عارف مش هيوافق طبعا .
اكمل بضحكه عاليه/ههههه هو لسه برضه مصمم علي العروسه النادره دي .
فهد بغيظ وسخريه /ايوه ي اخويا لسه وانا مش عارف اعمل ايه في القرف ده استنا اشوف مين بعت الرساله .
اكمل بسخرية /ي عني هتكون مين ي اخويا اكيد واحده من حريم السلطان ..
فهد بغيظ وسخريه/اسماالله عليك ي عم الشيخ ماحنا للاسف شبه بعض في كل حاجه حتي الغلط وبعدين عندك حق دي البت صوفيا اروح اروق نفسي شويه وأبقا ارجع .
اكمل بسخرية //بس ياريت تفوق انا هروح مشوار تكون رجعت ماشي .
فهد وهو يرتدي جاكيته /ماشي قولي عملت صحيح  ايه في موضوع السواق .
اكمل بجديه/لسه للاسف مفيش ولا حد من المتقدمين ينفعوا هنستنا ونشوف .
من داخل ورشه جاسر ...
كان يخرج جاسر من تحت السياره وهو ينظف يده 
ليقاطعه ماهر صديقه وابن خالته وهو يمسك ذلك الاعلان بيده .
/بقولك ايه ي جاسر ماتشوف اعلان السواق ده مش يمكن ربك يسهل .
جاسر وهو يمسك الاعلان ويقراه بدقه /دي نفس الشركه الي كان بيشتغل فيها عمي حمدي وعايزين  سواق مكانه .
ماهر بجديه/طب كويس اوي ي عني فيه وسطه ايه مكمن لو عرفوا كده يشغلوك علطول ده اكيد مرتبه جامد اوي .
جاسر بزفر /بس ده هيكون ليل ونهار ي ماهر ي عني هبعد عن ملاك فتره طويله .
ماهر بغيظ /شوف انا أقوله ايه يقولي ايه خالتي عندها حق انت خلاص بقت مجنون ملاك ي ابني اعقل بقا علشان الصدمه متكونش جامده عليك ي جاسر .
جاسر بغيظ وهو يمسك الاعلان بيده /بقولك ايه اسكت خالص انا عارف نفس الكلام الي امي بتقوله انت هتقوله تعال نشوف موضوع الاعلان ده يمكن ربنا يسهل واحوش قرشين حلوين واتجوز بيهم ملاكي ....
في شقه ملاك ...
كانت تقف ملاك وهي تمسك بيدها ذلك الورقه وهي تستمع لتعلميات فتحيه .
فتحيه بجديه وزفر /ها ي بت فهمتي هتعملي ايه .
ملاك بطفوله وبراءة/ايوه فاهمه هروح الشركه عند ابويا واقابل فهد بيه واديله الورقه دي وهو هيديني فلوس .
فتحيه بجديه وضيق /شاطره ي اختي بس حسك عينك ابوكي ولا المنيل غلي عينه جاسر يعرف حاجه ولا الفلوس تتضيع منك هحرقك بالنار سامعه .
ملاك بخوف ورعب /حاضر والله حاضر بس هاتي فلوس اخود تاكسي علشان المشوار بعيد .
فتحيه بقسوه/فلوس هما القرشين الي جاين هنفرتكهم من دلوقتي امشي ي اختي ده حتي الماشي حلو الصحه ومتاخريش علشان تروحي ل ام عبير .
ملاك بطفوله/حاضر عن اذنك .
فتحيه بغيظ /يللهووي ي أما علي المحن .
من أمام شركه فهد ...
كانت تجلس ملاك بوجع شديد في قدميها كانت تنظر برهبه لما يحدث حواليها لتقترب بهدوء لتسير الي الداخل ليوقفها الحارس .
/رايحه فين ي شاطره .
ملاك بطفوله وبراءه/داخله جوه .
الحارس بابتسامه /داخله جوه تعملي ايه ي ماما.
ملاك ببراءة /عايزه فهد بيه .
الحارس بجديه /عايزه فهد بيه في ايه .
ملاك بطفوله/هيديني فلوس .
الحارس بجديه/فلوس هو ده بيدي فلوس اسمعي ي بنتي خودي دول وامشي من هنا بدل ماتضيعي .
ملاك ببراءة /اضيع ليه انا عارفه السكه كويس واعرف اروح  .
الحارس برعب عليها /خلاص ي ضنايا روحي روحي بسرعه وخودي الفلوس دي معاكي .
لتبتعد عنه ملاك وهي تمسك الفلوس بيدها وتقوم بعدهم لتنصدم من ذلك الذي يقع أمامها باستغراب لترجع الي الخلف خوفا منه ..
google-playkhamsatmostaqltradent