Ads by Google X

رواية طفلة الأسد الفصل الثامن والعشرون 28- بقلم مروة مرزوق

الصفحة الرئيسية

 رواية طفلة الأسد الفصل الثامن والعشرون 28 بقلم مروة مرزوق

 رواية طفلة الأسد الفصل الثامن والعشرون 28

أسد بصدمه وخوف....... نسمه لاااااااااااااااااا
شخص ضر*ب نسمه بالسكــ...ـــينة في بطنها لتسقط على الأرض غارقه في دما*ئها مغلقه عينها معلنه عن وفا*تها
أسد راح ليها وفضل ينادي عليها
أسد بدموع..... نسمه نسمه فوقي لا متسينيش لااااااا نسمه نسمه وأخذ يبكي
الكل اتجمع على صوت أسد العالي وانصدموا من منظر نسمه اللي غارقه في دما*ئها
أسد بص ليهم بس انصدم لاقي ورا كل واحد شخص وماسكين سكا*كين ود*بحوا الكل قدام عيون أسد حتى حور مسلمتش منهم
أسد بدموع وانهيار.......... لاااااااااااااااااااا
ليظهر شخص من وسط الظلام ومن كان إلا محمود
محمود بضحك...... مالك يا أسد زعلان كدا ليه ايوه علشان عيلتك ما*توا يا خساره بجد الف خساره بالأول نسمه مراتك وبعدين عيلتك كلها في وقت واحد مش انا وعدتك واديني وفيت بوعدي بس اكيد انت مشتاق ليهم وانا هبعتك ليهم وأمر أحد رجالته يروح ويخــ...ـــلص على أسد
أسد كان واقف مكان متجمد مش قادر يتحرك كل نظره وتركيزه على نسمه وعيلته وفجأة لاقي اللي ضر*به بالسكــ...ــينة في قلبه ليسقت على الأرض معلنًا عن مو*ته وأخذ محمود يضحك بشر
نسمه لاااااااااااااااااا
استيقظ من نومه مخضوض بشده فكان هذا الكا*بوس مر*عب بشكل لا يصدق
نسمه بقلق........ أسد انت كويس وراحت ليه
أسد كان عمال يصب عرق من على وشه، وشه كان أصفر بشده والصدمه باينه عليه والخوف كمان
نسمه بدأت تمسح العرق وتهديه
نسمه بحب...... أسد حبيبي اهدي كان كا*بوس
أسد شاف نسمه حضنها كأنه فعلا كان هيخسرها كان ضممها بشده لدرجه ان نسمه حست بالأ*لم
نسمه..... أسد انت كويس
أسد وما زال حضنها........ اوعي تسبيني يا نسمه اوعك أنا مقدرش على بعادك في بعدك انا امو*ت
نسمه حطت راس أسد على رجليها وبدأت تمشي ايدها على راسه وتقرأ قرآن
أسد بدأ يهدي وعيونه راحت في النوم تاني بس كان ماسك ايد نسمه بتملك كأنها هتهرب منه وهو بيمنعها
محمود بغضب.............. فوزي
فوزي....... ايوه يا باشا
محمود........... اسمع كويس عايزك تعرف ليا كل المعلومات عن الأسماء دي (فرح، انجي، حور)
فوزي....... أمرك يا باشا بس ممكن سؤال
محمود...... خير
فوزي...... حضرتك ناوي على ايه
محمود بشر........ ناوي اخـ...ـلص علي الكل دفعه واحده بس في واحد لازم نخلـ..ــص منه الأول قبل أي حد
فوزي...... مين يا باشا
محمود بشر.......... أسد الشرقاوي اسمع انسى اللي قولته انا عايزك تراقب كل تحركات أسد الشرقاوي أنا مش عايزه يغيب عن نظرك ولو ثانيه فاهم كل الأماكن اللي بيروحها عايز اعرفها
فوزي....... تمام يا باشا ومشي فوزي
محمود بشر............ علشان نمو*ت عيله الشرقاوي لازم نخلــ...ــص الأول من اللي بيحميها ومين اللي بيحميها أسد الدسوقي، احب ابلغك يا أسد إنك خلاص انتهيت
كوثر من وراه......... عمو انت بتقول ايه لا متعملش كدا
محمود بغضب........ كوثر على اوضتك واسد هيمو*ت
كوثر بدموع........ لا يا عمو ارجوك أنا بحبه مش هقدر اعيش من غيره ارجوك لا
محمود مسك كوثر من درعها جامد وطلعها اوضتها وحسبها فيها ودا تحت صريخ كوثر ودموعها
محمود بغضب وشر......... مفيش حد هيقدر ينقذك من ايدي يا أسد ودخل اوضته
عدي اسبوع من غير أي أحداث تذكر وفؤاد طلع من المستشفى والكل كان فرحان وسلمى رجعت لحياتها الطبيعيه واتقبلت الواقع ونست فؤاد وركزت في حياتها مع ماجد اللي بدأت تتشد ليه وتكتشف فيه حاجات مكنتش تعرفها قبل كدا عنه وماجد بدأ يحس ان سلمي بدأت تتخطى الماضي كان مبسوط لأنها بتتحسن بس كان و*جع قلبه لسه زي ما هو
فؤاد رجع القصر والنهار عدي بضحك وهزار وفرحة كبيره
عند فؤاد وانجي
انجي بتوتر....... إن انت بتعمل ايه هنا يا فؤاد
فؤاد 🤨🤨....... بعمل ايه جاي أسألك احط ملح ولا سكر على الكيكه دي أوضة مراتي جاي اعمل ايه اتفسح مثلا أما سؤال غريب صحيح
انجي بتوتر......... طب طب انت بتقرب كدا ليه
فؤاد 🙄🙄............فكرك كدا بقرب ليه
انجي بتوتر أكبر وخجل.........ح ح حور زمانها جايه وأنا لازم اغير ليها هدومها يلا سلام وجات تمشي فؤاد مسك ايدها
فؤاد 🙂🙂...... حور عند أسد أنا بعتها تنام مع نسمه النهارده وزمانها غرقانه في النوم وأنا بقى عايز انفذ وعدي
انجي....... وعد ايه ده
فؤاد قرب وهمس بانجي في ودنها
فؤاد بهمس........ حور مسكها زن عليا وعامله تقول عايزه اخ عايزه اخ وانا الفكرة طلعت في دماغي عرفتي وعد ايه
انجي خدودها احمروا بشده وبقت مكسوفه
فؤاد شالها وانجي اتعلقت في راقبته
فؤاد بضحك............ عارفه احلي حاجة ايه في الموضوع دا
انجي هزت راسها بمعنى لا
فؤاد بضحك...... إن أسد من كتر غيظه مش هيعرف ينام بس أنا بقى هغرق في النوم
(ونقول مبروووووووك 😂😂😂، خلصنا من فؤاد وانجي فاضل مااااجد وسلمى ادعوا ليهم بقي😂😂)
عند أسد ونسمه
كان قاعد والغيظ راكبه ومش عارف يعمل ايه 😂😂
نسمه بضحك...... مالك يا أسد عامل كدا ليه
أسد بغيظ....... اخوكي دا غاوي يجيب ليا شــ..ـلل مش كدا
نسمه ضحكت وراحت ليه وبا*ست خده
أسد بغيظ......... اد"لعي دلوقتي جايه تد"لعي دلوقتي لما حور معانا آمال الد"لع دا بيكون فين لما نكون لوحدينا
نسمه ضحكت ورحت جنب حور وخادتها ونامت
أسد فضل واقف باصص عليها وابتسم وراح نام في النص خاد حور ونسمه في أحضانه وناموا كلهم
سلمي..... مالك يا ماجد
ماجد بهدوء...... مفيش ايه منمتيش ليه
سلمي بابتسامة.......... تقدر تقول إني مبسوطه
ماجد...... اقدر اسأل السبب
سلمي بابتسامة....... لإنك موجود في حياتي يا ماجد لإنك بجد السند والدعم ليا في الحياة دي أنا مش عارفه من غيرك كان هيحصل ليا ايه عارف لما عرفت باللي جدي عمله ليا قولت هو ليه ظلــ..ـمني بالشكل دا بس طلعت غلطانه جدي كان عارف مصلحتي فين عارف فين
ماجد...... فين
سلمي قربت من ماجد....... معاك أنا عرفت ان كل اللي كنت بحسه ناحيه فؤاد كانت مشاعر إعجاب حطتها تحت اسم الحب بس أنا محبتش فؤاد خالص ولا هحبه لأن قلبي خلاص اختار الشخص الصح والمره دي أنا متأكده من اختياري مليون في الميه عارف ليه
ماجد....... ليه
سلمي........... لأن الشخص اللي حبيته هو اللي علمني معنى الحب الحب إنك تحس بالأمان مع الشخص اللي بتحبه وأنا محستش بكدا مع فؤاد الحب إنك تشوف الدنيا بألوان غير اللي كنت بشوفها بيها وأنا مشوفتش كدا مع فؤاد الحب إن قلبك أو ما يشوف حبيبك تحسه انه خلاص من كتر الفرحه هيو*قف تحس ان اللحظة اللي شوفت فيها حبيبك الزمن وقف وخلاص الطبيعه والدنيا ابتسمت ليك عارف أنا حسيت بكل ده مع مين
ماجد بابتسامة أ*لم و صوت خلاه عادي...... مين
سلمي وهي بتبص في عيونه...... معاك إنت يا ماجد ونزلت على رجلها وطلعت علبه فيها دبله رجالي
سلمي بحب........ يا حضرت المقدم ماجد الشرقاوي تقبل إنك تكون النص التاني ليا تقبل تكون أمير أحلامي الفارس اللي جاي على حصان أبيض اللي كنت بحلم بيه من صغري تقبل تكون المالك الوحيد لقلبي و لروحي واخلص بقى لان رجلي و*جعتني انت بتستحمل كدا الزاي
ماجد كان واقف مصدوم مش مصدق كل اللي بيحصل
ماجد بصدمة....... سلمي انتي كويسه
سلمي بحب......... الزاي هكون كويسه وانت حبك سكن في قلبي وغير حياتي تماما حبك اللي ا*جبر قلبي إنه يحبه ويتعلق بيه حبك اللي خلاني اشوفك في كل مكان حتى في أحلامي هاااا اقبل يا عم أنا رجلي هتتـــ...ـكسر
ماجد ضحك عليها وقومها
ماجد بحب......... عارفه أنا كنت ديما بدعي ربنا إنك تكوني من نصيبي يا سلمى حبيتك من لما كنتي صغيره كنت بشوفك بتكبري قدامي وكان حبي بيكبر معاكي عارفه أنا طلبتك من جدك كنت عايزك كنت شاريكي بس انصدمت وانجر*حت لما عرفت انك حبيتي فؤاد قلبي انكـ...ــسر بس قولت لازم افضل جنبك أساعدك تعدي المرحلة دي ولما تعديها وتتحسني وترجعي احسن من الأول هطلقك وهسيبك تختاري شريك حياتك اللي قلبك يختاره كان بيقول كدا وعيونه بدمع
سلمي مسحت دموعه
سلمي بحب.......... وقلبي اختارك يا ماجد اختارك انت كنت غبيه لما فكرت الإعجاب دا حب بس لا أنا قلبى حبيك انت وبس ومش هيحب غيرك لاني دخلت حبك في قلبي وقفلت عليه واديتك المفتاح
ماجد ابتسم وحضنها وهي حضنته وأخيراً الحب انتصر و قلوبهم اتوحدت
سلمي بحب....... بحبك يا ماجد
ماجد بحب.......... بعشقك يا قلب ماجد
سلمي بضحك.......... يا راجل بقى أنا قلبك بس اخص عليك
ماجد بحب........ انتي الروح يا سلمى من غيرك كنت جسد بيتحرك بس، سلمي تقبلي تكوني مراتي
سلمي ابتسمت بخجل وهزت رأسها بمعنى ايوه
(🥳🥳🥳🥳🥳🥳🥳🥳مبروووووووك يا ولاد، 😂 😂 😂 😂 😂 يلا خلصنا منكونوا فاضل قره عيني معتز😂😂 ومستر زنزن 😂(زين) ولاء خليكي جاهزه انتي هتمر*مطي الواد 😂😂، وطبعا مش هنسي حازم 🥺🥺الواد دا صعبان عليا بس هعوضه هخليه لأختي 😂😂😂😂)
الصباح حل، اللي هيغير حياة أشخاص يامه
الكل كان بيفطر والفرحة مرسومه
أسد بضحك....... ماشي يا فؤاد انبسطت البارح وأنا ادبست
فؤاد مسك ايد انجي وبا*سها....... أهلا انبساط يا باشا وغمز لانجي اللي خلاص بقت شبه الطماطم الحمره
ماجد مسك ايد سلمي ونظر ليها بحب ونسمه لاحظت دا هي وفرح و باقي العيله
فرح بضحك....... الظاهر ان في حد كمان انبسط البارح مش كدا يا سلمى
سلمي حطت عيونها في الأكل و وشها بقى أحمر
حور راحت ناحيه فؤاد وباسته
حور...... صباح الخير يا بابا
فؤاد بحب....... صباح النور والجمال على حوري
انجي بابتسامة..... حور تعالي علشان تفطري يلا
حور 🥺...... لا مش عايزه افطر أنا عايزه اروح الملاهي النهارده
فؤاد ضحك وبص لانجي بمعنى فاكره وانجي ضحكت
أسد........ طب تمام كدا كدا في رحلة احنا هنروحها وهتكون في اسكندرية جهزوا نفسكوا بالليل لأننا هنسافر أنا دلوقتي رايح الشركه هخلص شويه أمور وهرجع بسرعة با*س أسد راس نسمه وسلم على الكل وطلع في عربيته
مجهول........ الهدف اتحرك يا باشا
محمود بشر....... كل حاجة جاهزه
مجهول........ ايوه القنــ...ــبله هتنفــ..ـجر بعد عشر دقايق
محمود...... تمام أول ما تنفــ...ــجر كلمني ضروري عايز اسمع خبر حلو المرادي
مجهول....... تمام يا باشا سلام دلوقتي
أسد كان سايق العربيه وبيفكر في نسمه وفي حياته اللي اتغيرت للأحسن والزاي كان عامل زمان ودلوقتي بقى عامل ايه
أسد بابتسامه............. بحبك يا مجنونه بس افتكر أنها مخدتش حقها كأي بنت كان لازم يتعمل ليها فرح
أسد بابتسامة............ أول هرجع هعمل ليكي أكبر فرح فيكي يا مصر فرح الكل هيفضل يتكلم عنه ديما بعشقك يا مجنونه وجه يضغط على الفرامل لاقها ملعو*ب فيها
أسد بصدمه...... ايه ده وبدأ يحاول يوقف العربيه بس مش عارف وفجأة سمع صوت عداد في العربيه بص وراه لاقي في قنــ...ــبله وفاضل دقيقتين وتنفـ...ــجر وتليفونه رن فجأة ورد أسد
محمود بضحك........ الغالي ابن الغالي هتوحشني يا أسد أنا كنت مبسوط وأنا بلعب معاك بس بصراحة أنا مليت من اللعبة دي ولازم انهيها احب اقلك كش ملك وقفل السكة
أسد كان بيحاول يوقف العربيه بس مفيش فايدة حس خلاص ان نهايته قربت فرن على نسمه
نسمه بابتسامه....... ألو لحقت يعني اوحشك
أسد بدموع....... بحبك وبعشقك اعرفي دا يا نسمه انتي الوحيده اللي قدرت تسكن في قلبي واللي غيرتني بعشقك يا روحي هتوحشيني كتير
نسمه بدموع...... أ أ أسد انت بتقول كدا ليه انت انت فين
أسد بابتسامه....... أنا في طريقي لأمي باي يا روحي وقفل معاها
نسمه بدموع وصريخ...... أسد لااااااااااااااا
الكل اتجمع على صوت نسمه
فرح بخضه...... نسمه مالك في ايه
نسمه بدموع وانهيار....... أسد يا فرح رن عليا وقالي اني اني هوحشه وإنه رايح لأمه لا انا لازم اروح ليه فؤاد فؤاد خدني لعند أسد ارجوكي
فؤاد طلع يجري ونسمه لحقته والشباب اتحركوا والبنات راحت معاهم
أسد خلص مكالمه مع نسمه وغمض عيونه وفضل يفتكر ذكرياته معاها عيونه دمعت ونطق الشهادة
العداد كان فيه نص دقيقه
١٠، ٩، ٨، ٧، ٦، ٥، ٤، ٣، ٢، ١، .
العربيه أنفــ...ـجرت انفجا*ر هائل وكبير
نسمه وصلت للعربيه اللي أسد كان فيها شافتها في حالة مروعه
نسمه بدموع وانهيار........أسد لاااااااااااااااااا وجات تروح ليه فؤاد مسكها
نسمه بدموع..... فؤاد أسد فين أسد فين اسدددددددددددددد انت فييييييييييين لا مستحيل تسبني لاااااااااااااااااا أسد أسد محتاجني دلوقتي ايوه محتاجني فؤاد سيب ايدي
فؤاد بدموع...... نسمه اهدي يا حبيبتي علشان خاطري
نسمه بدموع........ أسد أسد أسد وفجأة حست بدوخه شديده لتسقط بين يد فؤاد وهي بتقول أسد
الكل وصل وانصدموا من شكل العربيه والشرطه بدأت تحريات في الموضوع دا
الدكتورة....... هي لازم ترتاح بلاش ضغط عليها الفتره دي وخصوصا في الوضع دا
فرح بدموع....... وضع ايه يا دكتوره
الدكتوره......... المدام نسمه حامل

يتبع الفصل  التاسع والعشرون اضغط هنا 
google-playkhamsatmostaqltradent