رواية نور الاسر البارت الواحد والعشرون 21 بقلم نوران جمال
رواية نور الاسر الفصل الواحد والعشرون 21
في قصر الجارحي
كان الجميع يبكي علي ما يحدث ويدعون أن تكون نوران بخير وينجح اسر بإنقاذها
حنين ببكاء: أنا انا خايفه يحصل لنوران زي سرين..
الاء بسرعه: لا لا نوران مش هيحصل معاها كده اكيد مش هيقتلها مش ينفع يقتلها لا ...
فذهبت ريم وقامت بإحتضانهم ..
هبه وهي خائفه أيضا ولكن يجب ان تخفف عليهم: متقلقوش هي ان شاء الله هتبقي كويسه انتوا اتفائلوا خير بس ..
نجلاء ببكاء: انا قلبي مش مطمن أنا خايفه عليها اوي ..
هند بمواساه: متقلقيش وان شاء الله خير..
اما ملك ومليكه ورودينا كانوا يبكون بصمت، وصفاء تجلس مع ياسين ينتظرون ما سيحدث
في المخزن
كان المخزن يهتز بدليل انه سيهدم
اسر وهو يحكم امساكه بيد نوران
وبحده: نوران لازم نجري بسرعه فاهمه... وقام بسحبها والجري بسرعه كبيره ،
اما ادوارد قام بتخبئة المسدس في جيبه وقام بالجري سريعا حتي يستطيع النجاه .
خرج اسر ونوران وادوارد بسرعه واستطاعوا الخروج قبل وقوع المخزن وبعد خروجهم مباشره وقع المخزن
نوران بخوف شديد وهي تردد اسم اسر : اسر اسر المخزن وقع ..
اسر وهو يطمئنها ويحتضنها ويقول لها بهمس : خلاص اهدي أحنا كويسين متقلقيش ..
نظرت له نوران وابتسمت فإبتسم لها اسر بحب
عمر بإبتسامه : هتفضلوا كده كتير يالا قوموا اقفوا..
وأخيرا انتبه اسر ونوران لما يحدث فوقفوا فوجدوا أن اسلام وعمر ويوسف موجودين ومعهم الكثير من رجال الشرطه وقد قاموا بإحاطه المكان و محاصره ادوارد ورجاله قام رجال الشرطه بالقبض علي رجال ادوارد ووضعهم في سياره الشرطه و ذهب اسلام لإمساك ادوارد
يوسف بإستغراب : فين ايهاب ..
اسر بهدوء: ادوارد قتله ..
صدم يوسف وإسلام فهم لم يتوقعوا ان يكون ادوارد بتلك الوحشية لدرجه ان يقتل من ساعده ولكن ماذا نتوقع من مجرم مثله
استغل ادوارد عدم انتباه اسلام له وقام بأخذ سلاحه من جيبه ووجهه ناحيه اسر
ادوارد بجنون وشر: قولتلك هقتلك يا قناص ... وقام بالضغط علي المسدس فإنطلقت رصاصه في اتجاه اسر
في القصر
نجلاء وهي تشعر بألم في قلبها وتردد اسم ابنتها: اه نوران نوران ..، ثم تبكي وقلبها يعتصر من الألم ثم فقدت الوعي ..
جرت رودينا بإتجاه والدتها وهي تصرخ وتبكي: ماما ماما انتي كويسه ماما ..، ذهب لها ياسين وقام بإبعادها قليلا عن والدتها
ياسين بهدوء : رودينا اهدي طنط كويسه اهدي ارجوكي.. اما رودينا كانت تبكي فهي الأن أدركت أن نوران حدث لها شئ ما ..
في العربيه " السياره" قرب المخزن
شعر جمال بتعب في صدره فعلم أن نوران ليست بخير
نزل جمال من العربيه ويتبعه مراد ومحمود وفريد اما فهد وسيف لا نعلم مكانهم حتي الأن
وصل جمال إلي مكان تواجد اسر ونوران فصدم عندما رأي نوران والدماء حولها
فلاش باك
انطلقت الرصاصه من مسدس ادوارد بإتجاه اسر وفجأه بحركه سريعه من نوران كانت تقف امام اسر وتتلقي الرصاصه بدلا عنه فقام اسلام بإطلاق رصاصه في رأس ادوارد فسقط قتيلا ولكن للأسف بعد أصابه نوران
نوران بألم: اه..
باك
جلس اسر بنوران علي الأرض
اسر وهو لا يعلم ماذا يفعل فهو يكاد يبكي
اسر بخوف: نور نوران ارجوكي نوران ردي عليا ..
نوران بتعب كبير وهي تنزف قامت بوضع يدها علي خد اسر : أ أسر أ أنا ب بحبك ،ونزلت دمعه من عيونها ثم سكتت نهائيا ..
قبل اسر يد نوران الموضوعه علي خده : وانا بعشقك بس ردي عليا ارجوكي ردي ..
عمر وجمال كانوا في حاله صدمه ولا يقومون بأي رده فعل لما يحدث ، ذهب يوسف الي نوران بسرعه ليقوم بوقف نذيفها ، أما محمود قام بالإتصال بالإسعاف ، اسلام كان يحاول إبعاد اسر عن نوران ولكن اسر كان متشبث بها وبعد فتره قليله وصلت سياره الإسعاف وقاموا بأخذ نوران بسرعه ومعها يوسف يقوم بوقف نزيفها اما اسر والباقي كانوا في السيارات خلفهم ..
وصل الجميع إلي المشفي ودخلت نوران ومعها يوسف إلي غرفه العمليات اما أسر وإسلام وعمر وجمال ومحمود وفريد ومراد في الخارج ارسل اسلام رساله إلي ريم يقول لها ما حدث ، بعد مرور عشر دقائق كان الجميع موجود بالمشفي
جمال يقوم بإحتضان نجلاء ورودينا ، عمر يبكي علي نوران وحنين تقوم بمواساته وهي تبكي ، اسلام يحمل نفسه الذنب لأنه لو كان أخذ باله أكثر لكان كل شئ بخير وريم تجلس بجانبه تواسيه مليكه والاء وملك كل واحده منهم في احضان والدتها ويبكون .
اما اسر فكان لا يشعر بشئ وكانت احداث ما حدث تمر امامه مثل شريط الأفلام فكان يتذكر أصابه نوران وسقوطها بين يديه والدماء من حولها وكان يتذكر صوت تألمها ويتذكر تضحيتها من أجله ويتذكر اعترافها له بحبها ولكن ما فائده ذلك الأن بكي اسر ولأول مره يبكي القناص ويتألم قلبه هكذا ولأول مره يكون بهذا الضعف بل ولأول مره يضعف بكي اسر من كل قلبه كان يبكي وصوتها يتردد في أذنه وصورتها لا تفارق عينيه هل حقا لهذه الدرجه احبها لا بل عشقها فهو لم يتخيل أن يحب هكذا ، تركت هبه الاء مع محمود وذهبت الي اسر
هبه وهي قلقه علي ابنها وعلي نوران :اسر كل حاجه هتبقي كويسه أحنا بس ندعيلها...
اسر بضعف: نفسي اشوفها نفسي اقولها اني بعشقها مش بس بحبها نفسي احضنها ..ثم سكت واكمل :نفسي تعيش...
بعد مرور اربع ساعات خرج يوسف من غرفه العمليات
فذهب اسر له سريعا
اسر بسرعه وقلق: يوسف نوران كويسه انطق...
يوسف بإبتسامه مطمئنه : الرصاصه كانت قريبه جدا من القلب ولولا ستر ربنا وان أحنا لحقناها لكانت ماتت عموما هي دلوقتي عدت مرحله الخطر وهننقلها غرفه عاديه وهنستنا لما تفوق...
اسر بفرح: وهي هتفوق امتي...
يوسف بحزن: للأسف مش عارفين هتفوق امتي احتمال النهارده او بكره او كمان يومين...
جمال بتوتر : بس هي كويسه صح عدت مرحله الخطر..
يوسف بفرح : أيوه عدت مرحله الخطر...
فرح الجميع بشده ، وفجأه وجدوا فهد وسيف يتوجهون إليهم..
فهد بقلق: ايه اللي حصل نوران كويسه ..
اسر ببعض من الغيره ولكنه يعلم أنهم يعتبروا نوران مثل اختهم : أيوه بقت كويسه...
تنهد سيف وفهد بإطمئنان
سيف : احكولنا بقي ايه اللي حصل ..
حكي لهم اسلام ما حدث ثم وجه كلامه لأسر
اسلام بحزن شديد: اسر أنا آسف نوران اتصابت بسببي لو كنت خدت بالي مكنش ده هيحصل ..
اسر بإبتسامه : خلاص يا اسلام هي الحمدلله بقت كويسه وأنت مش ليك ذنب وانا عمري ما ازعل منك يا صاحبي ...
ضحك اسلام وحضن اسر .
الاء بإستغراب: انتو كنتوا فين..
فهد بإبتسامه : كنا في مهمه ..
استغرب الجميع ماعدا محمود وفريد ومراد وجمال وعمر وإسلام ويوسف وطبعا القناص ..
مليكه بإستغراب : اي مهمه فهموني...
سيف بهدوء : تمام هفهمك وبدأ يحكي لهم ما حدث
فلاش باك
قبل خروج اسر من السياره
اسر بجديه : لما اعمل الإشاره تهجموا، ثم أكمل : وفهد وسيف يروحوا مكان تسليم الشحنه ..
فهد بحده: ازاي يعني نروح ونسيبك ..
اسر بحده: انتوا مش هتسبوني لوحدي ثانيا انا القناص ومش هحتاج حد معايا ..
سيف بتساؤل: بس يا اسر اكيد الشحنه هتتسلم دلوقتي ..
اسر بجديه: أيوه اكيد ..، ثم تركهم وذهب وعندما أعطي الإشاره ذهب فهد وسيف إلي مكان التسليم ومعهم بعض من رجال الشرطه وبالفعل وجدوا رجال العصابه موجودين ويقوموا بتسليم شحنه المخدرات وكان بالطبع يوجد معهم مارك ابن ادوارد وكان رئيسهم هناك والمسؤل عن التسليم ولكن سيف وفهد لم يكونوا يعرفوه لذلك لم يعرفوا انه ابن ادوارد ،هجم سيف وفهد ورجال الشرطه كما هجم أفراد العصابه وظلوا يتبادلون إطلاق الرصاص فقام مارك بالجري سريعا ليستطيع الهروب" فهل سيستطيع ".
وبعد مرور خمس ساعات تم القبض علي أفراد العصابه طبعا مع العديد من الإصابات ولكن خرج فهد وسيف من دون إصابات وذهبوا إلي المشفي
باك
مليكه : كل ده حصل ..
فأومأ سيف لها بمعني نعم .
وفجأة جاء اللواء
اللواء بتساؤل: نوران اخبارها ايه ..
محمود بإبتسامه : نوران كويسه الحمدلله بس لسه مش فاقت ..
اللواء عبدالرحمن: طيب كويس وان شاء الله تفوق بالسلامه... ، ثم وجه نظره لفهد وسيف : انتوا النهارده اثبتوا فعلا أنكم افضل فرقه عندي بس للأسف في مشكله ..
اسر: ايه هي ..
عبدالرحمن: مارك مش معاهم..
سيف: مارك ابن ادوارد انا وفهد مش عارفين شكله بس أحنا قبضنا علي كل الموجودين ..
فهد: يمكن يكون مات ووقع في البحر لأن مكان التسليم كان علي البحر..
عبدالرحمن: وده احتمال كبير جدا بدليل أن احنا لقينا جزء من ملابسه علي الشاطئ ...
وفجأه وجد الممرضه ذاهبه بإتجاههم بسرعه كبيره
الممرضه بفرح: اسر بيه يا اسر بيه ..
اسر بخوف علي نوران : نوران كويسه انطقي..
الممرضه بخوف من اسر: أيوه كويسه وبتفوق وبتنادي عليك ..، تركها اسر ودخل إلي غرفه نوران سريعا وخلفه الجميع فوجدوا نوران قد فاقت
ذهب اسر إليها وجلس بجانبها وقام بتقبيل يدها
اسر بفرح: نوري انتي كويسه صح ..
ابتسمت نوران بتعب : كويسه يا ح اقصد يا اسر ..
اسر بمكر : كنتي هتقولي ايه ..
نوران بتوتر وقد نست تعبها بسبب قربه الشديد منها:ايه في ايه بقولك يا اسر ..
اسر بخبث: يعني مكنتيش هتقولي حبيبي مثلا ..
نوران بتوتر اكبر: انا انا مكنتش هقول كده كمان هقولك انت ليه ..
اسر بخبث اكبر : علي اساس انك مش ضحيتي بنفسك عشاني..
نوران وهي تتصنع الثقه : ده موقف شريف وكان لازم اعمله مش انت اللي انقذتني رغم اني اتخطفت بسببك..
ضحك اسر فتاهت هي في ضحكته
اسر بمكر شديد : انتي كنتي بتنادي عليا وانتي بتفوقي برضه كان موقف شريف ..
نوران وهي تائهه في نبره صوته وعيونه: ها ..،فضحك اسر كثيرا ، فإستيقظت نوران من شرودها ولاحظت ما يحدث فإحمرت خدودها بشده ، فإقترب منها اسر ليحتضنها وفجأه
جمال بغيره شديده: أبعد كده عن بنتي مالك لازقلها كده ليه ..
اسر بغضب: مراتي ايه المشكله ..
جمال بغيره كبيره: لا مش مراتك كمان مفيش شهره للجوازه ديه ..، فنظر له اسر بغضب ودون سابق إنذار خرج ووقف عند باب الغرفه وبصوت عالي: يا ناس يالي هنا البنت اللي جوه ديه مراتي نوران عبدالقادر تبقي مراتي ..، كان الجميع يضحك علي ما يحدث وغير مصدقين ان من امامهم يكون اسر القناص فعلا أنها معجزات الحب ، دخل اسر وقام بسحب نوران من جمال واحتضانها بتملك ناسيا اصابتها وان جرحها لم يشفي بعد
اسر بإبتسامه: اظن ان كده مصر كلها عرفت في اتنين صحفيين سمعوني من علي البوابه... ، كان الجميع يضحك بشده
نوران بألم من احتضان اسر لها بقوه:اه ..
اسر بقلق عليها: مالك يا قلبي ..
نوران بخجل وصدمه من كلامه فهذه اول مره يتكلم معها بتلك الطريقه : اسر أبعد عني عشان الجرح ..
فإبتعد اسر عنها قليلا حيث انها ظلت في حضنه ..
نوران بغيظ: انت كده بعدت..
اسر بنظره عشق: انا كده بعدت كتير ...
بعد مرور ثلاثه اشهر كان هذا اليوم المنتظر يوم زواج أبطالنا طبعا بإستثناء رودينا وياسين
كانت بطلاتنا تشبه الأميرات في تلك الفساتين
فستان رودينا
بعد مرور ثلاثه اشهر كان هذا اليوم المنتظر يوم زواج أبطالنا طبعا بإستثناء رودينا وياسينكانت بطلاتنا تشبه الأميرات في تلك
كان جميع أبطالنا مصدومين ببعض فكانت الحفله رائعه جدا ذهب كل من أبطالنا مع بطلته إلي المكان المخصص له وجاء وقت الرقص معا علي الموسيقي الهادئه " يعني slow " كان كل من أبطالنا يرقص مع حبيبته ويتبادلوا نظرات العشق
كان جميع أبطالنا مصدومين ببعض فكانت الحفله رائعه جدا ذهب كل من أبطالنا مع بطلته إلي المكان المخصص له وجاء وقت الرقص معا علي الموسيقي الهادئه " يعني slow "
كان كل من أبطالنا يرقص مع حبيبته ويتبادلوا نظرات العشق.
اسر بعشق: بعشقك..
نوران بنظرات عشق هي الأخري: وانا كمان بحبك ..، فقام اسر برفعها ولف بيها تحت تصفير أبطالنا ونظره الفرح في عيون الجميع بسبب فرحه أبطالنا وحبهم لبعض وخاصه ذلك الثنائي الغريب والمرح والأهم الثنائي العاشق اسر ونوران .
اسر بعشق: مهما هاقول مش هقدر اوصفلك انا بحبك قد ايه انتي جيتي غيرتيلي حياتي دخلتي الضحكه لقلبي دخلتي النور جوايا..
نوران بعشق وحب هي الاخري: أنا من ساعه ما شوفتك وانا مش قادره انسي عيونك اللي أنا مش عارفه لونهم لدوقتي... فضحك اسر فأكملت نوران :انت اللي قلبي دق ليه بجد انت اللي اسرتني..
اسر بعشق: انتي نوري نور حياتي ونور عيني انتي نور القناص نور الأسر..
في مكان بعيد
يجلس ذلك الشرير وهو يري اسر ونوران في الشاشه أمامه فهو قد وضع في مكان الزفاف كاميرات مراقبة ويتوعد لهم بالإنتقام..
- تابع الفصل التالي عبر الرابط: "رواية نور الاسر" اضغط على أسم الرواية