رواية انين الفصل الحادي عشر 11 بقلم رحمة محمد
رواية انين الفصل الحادي عشر 11
حسين بعد مخلص شغله روح البيت وفتح الباب شاديه كانت في المطبخ ناداه عليها بصوت عالي شاديه جات من جوه ونشفت ايديها وقالتله : نعم ياحسين..
حسين وهو بيقعد علي السفره : تعالي اقعدي..
شاديه : ونبي انت شكلك رايق وفاضي .. ياحبيبي انا مش فاضي انا ورايا مواعين كتيره عايزه تتغسل جوه عايزه الحق اغسلها علشان اجهز الغدا
حسين مسك ايديها قبل ماتمشي وقالها :مواعين ايه بس.. اقعدي .. عايز اكلم معاكي في حاجه مهمه
شاديه اتنهدت وقعدت : ماشي اديني قعد اهو.. خير في ايه
حسين : شاديه.. ومن غير مقدمات كده انا عايز اجيب واحده تعيش معنا هنا في البيت
شاديه بصتله ورفعت حاجبها : اممم... ومين دي بقي الي هتجبها تعيش معنا هنا
حسين : اهدي بس.. دي بنت يتيمه واخوها ميت قريب وانا ابوها كان عزيز عليا جدا ولا يمكن اسيبها لوحدها تتمرمط
شاديه تاءثرت وقالت : ياعيني عليها طب هي عايشه فين دلوقتي
حسين :عند واحده صحبتها بس اخوه صحبتها دي مش مطمنله وانتي عارفه ان البنت كبيره وجميله هي قد انين فنا كنت عايزاها تعيش معنا هنا.. ومرضتش اخد الخطوه دي غير لما اسالك الاول
شاديه بحب: اكيد موافقه طبعا ياحسين .. وبعدين من غير ماتسالني ده بيتك ياحبيبي هات فيه الي انت عاوزه وضيوفك هما ضيوفي
حسين باس ايديها وقالها : اصيله ياشاديه والله.. بس هي متعرفش ان اخوها مات احنا قايلنلها انه مسافر أمريكا وانه بعت جواب بيقول فيه انها تعيش مع صاحب ابوهم الي هو انا يعني علشان يكون مطمن عليها
شاديه بحزن : يعني عليكي يابنتي.. متقلقش ياحسين مش هباين حاجه ليها ابدا.. بس يعني كنتوا قولتلها مهي كده كده مسيرها هتعرف
حسين : لا مش عايزنها تعرف دلوقتي.. لما كل حاجه تظبط هتعرف
شاديه : ماشي ياخويا.. هقوم بقي اجهزلك الغدا زمانك جعان
حسين : اه والله ميت من الجوع بس حابب استني انين لحد ماتيجي
شاديه : لا انين هتتاخر شويه.. قالتلي بعد مااخلص محاضراتي هعدي علي رنا صحبتي اطمن عليها وبالمره تساعدها في حاجه الفرح
حسين : اه صحيح.. ده فرح رنا بنت فهد انهارده.. انا زي نسيت
شاديه : فاطيما كانت لسه مكلماني وقايلالي لازم تيجي
حسين : كلمتك امبارح..
شاديه : اه..
حسين : طب وانتي قولتلها ايه
شاديه : قولتلها هاجي طبعا.. انت عارف ياحسين ان فاطيما دي حبيبتي وصحبه عمري.. ولو مروحتش هتزعل
حسين : صح ياحبيبتي لازم نروح
شاديه : هروح احضر الغدا بقي علشان نجهز ومنتاخرش
حسين : تمام..
************************************************
عند شاكر كان واقف قدام الخزانه بتاعته وبيفتحها علشان ياخد فلوس منها جاءت الصدمه علي ملامحه مش لاقي الفلوس في الخزانه ناداه علي ناديه بصوت عالي : ناديه.. نااااااديه
ناديه جات من تحت وفتحت الباب وقالت بخضه : في ايه ياشاكر صوتك عالي ليه
شاكر بعصبيه وهو بيشاور علي الخزانه : فين الفلوس ياناديه
ناديه بعدم فهم: فلوس.. فلوس ايه ياشاكر الي بتكلم عنها
شاكر بنفس العصبيه : الفلوس الي كانت في الخزانه
ناديه :ااه مالها
شاكر بعصبيه : مالها ايه.. مش لاقيها
ناديه : مش لاقيها ازاي.. يعني هتكون راحت فين
شاكر : معرفش والله.. اسالي نفسك
ناديه : ايه اسألي نفسك دي.. انت تقصد ايه بقي.. تقصد اني انا الي سارقت الفلوس؟؟
شاكر مسح وشه بعصبيه : بقولك ايه ياناديه.. انا مش فايقالك.. انا عايز اعرف مين الي خاد الفلوس من الخزانه انا هتجنن لان محدش يعرف الرقم السري غيري
ناديه : اديكي قولتلها بالسانك اهو محدش يعرف الرقم السري غيرك.. يبقي مين الي هياخد الفلوس بجي
شاكر : معرفش.. معرفش انا هروح افتش في البيت كله
ناديه : فتش ياخويا وماله..بس متنساش تفتش اوضه امك كمان
شاكر بصلها وراح اوضه النوم بتاعته فتش فيها ملقاش حاجه راح اوضه وليد يفتش فيها بس وليد كان صاحي وقاله : في ايه يابابا.. بدور علي ايه في اوضي شاكر سكت ولسه بيدور
وليد : يابابا بدور علي ايه
شاكر : بدور علي فلوسي الي مش لاقيها
وليد : ازاي مش لاقيها هي مش كانت في الخزانه
شاكر : ايوه
وليد : طيب هتكون راحت فين يعني
شاكر : مهو ده الي هيجنني.. محدش يعرف الرقم السري غيري
وليد : يابابا متتعبش نفسك.. مفيش حاجه هنا.. مش هتلاقي حاجه ..روح دور في اوضه النوم بتاعتك او في اوضه ستي
شاكر بعصبيه : وليه مادورش في اوضك.. مش يمكن الاقيهم وتكون مخبيهم عندك
وليد : لا والله.. وانا هاخدهم ليه يعني.. وبعدين منتا لسه قايل اهو ان محدش يعرف الرقم السري غيرك.. انا هاخدهم ازاي بقي
شاكر : معرفش
وليد : تمام.. بس انا هسيبك تدور براحتك. علشان تتاكد بس اتفضل دور
شاكر قعد يدور وقلب الاوضه كلها ملقاش حاجه
وليد : لقيت يابابا؟؟
شاكر بصله وسكت
وليد : كنت متاكد انك مش هتلاقي حاجه بس انا سيبتك تدور براحتك علشان تتاكد من نفسك.. عن اذنك
وليد نزل ورزع الباب وراه
وناديه عماله تنادي عليه وتقوله وليد استني بس وليد
ناديه بصت لشاكر بعصبيه : عجبك كده.. تزعل الواد وكمان تتهمه بالسرقه.. ياخي طب بدل ماتشطر علينا انا وابنك روح اتشطر علي امك الي بتسرقك... روح فتش في اوضتها وانت تتاكد ياخويا
شاكر : ومين قالك اني مش هفتش في اوضه امي هفتش فيها
شاكر راح يفتش في اوضه امه وامه كانت في المطبخ تحت وناديه بتفتش مع شاكر وشاكر قلب الاوضه لحد ما لقي الفلوس اتصدم صدمه عمره معقول امي بتسرقني وناديه ضحكت بخبث وقالت : شوفت علشان تصدقني.. لما اقولك انها بتسرقك
امه طلعت فوق اتصدمت من الي شافته لقت الاوضه بتاعتها مكركبه قالت : يالهوي ايه الي كركب الاوضه اكده
فاجءه لقت شاكر جاي وبيقولها : ايه ده ياما
فوزيه : ايه ده ياشاكر.. جبت الفلوس دي منين
شاكر : انا الي عايزه اسالك... جبتي الفلوس دي منين
فوزيه : انا معرفش الفلوس دي جات اوضتي ازاي.. ومعرفش الفلوس دي بتاعت مين
شاكر بعصبيه : انا اجولك ياما... الفلوس دي فلوسي.. الي سرقتيها
فوزيه اتصدمت ومقدرتش تتحمل كلامه ونزل قلم علي وشه محترم وقالتله : أخرس.. قطع لسانك.. بقي دي اخرتها.. بتتهمني بالسرقه.. بتتهم امك
شاكر اتصدم من رد فعلها واتعصب وقال : بتتضربيني بالقلم ياما
فوزيه : علشان تفوق وتعرف انت بتكلم مع مين صوح
شاكر بسخريه : خابر زين اني بكلم مع امي.. امي الي بتسرقني.. امي الي دمرت حياتي.. امي الي كانت السبب في موت بنتي.. امي الي خلتني اطلق مراتي لأسباب في دماغها.. امي الي خلتني اضيع من ايدي اكتر انسانه بحبها.. اقول كمان ياما ولا كده كفايه
فوزيه سكتت وعيطت وناديه واقفه جمب شاكر ساكته شاكر اكمل كلامه : لا وكمان مش مكفيكي كل ده.. جاي تسرقيني.. تسرقي ابنك ياما
فوزيه بدموع : يابني والله العظيم ما
شاكر قطعها بعصبيه : ماتقوليش ابنك.. انت من انهارده ملكيش ابن.. زي منا من انهارده مليش ام
فوزيه بصدمه : ايه الي انت بتقوله ده... انت واعي انت بتقول ايه.. انت بتتبره مني ياشاكر.. بتتبره من امك
شاكر : قولتلك انتي مش امي.. مليش ام.. وعلشان انا مراعي انك ربتيني وكبرتيني مش هبلغ البوليس وهعمل باصلي..
فوزيه مصدومه والدموع بتنزل من عنيها : ياااه ياشاكر.. ده انت اتغيرت اوي
شاكر بسخريه : الباركه فيكي ياما.. انتي الي حولتيني من شخص طيب ومطيع لشخص قاسي وعنيد
فوزيه : معقول... ده شاكر ابني.. لا لا اكيد الكلام ده مش كلامك .. اكيد في حد وز في دماغك وبصت لناديه : وانا عارفاه كويس
ناديه : قصدك ايه بقي.. شايف ياشاكر
فوزيه : قصدي انتي عارفه كويس ياناديه.. قعدي توزي في دماغ ابني لحد ما قسي عليا وعاوزه تمشيني من هنا علشان كشفتك وعرفت سرك
ناديه اتوترت بس اتشجعت وقالت : انتي باين عليكي كبرتي وخرفتي.. سر ايه..الي بتكلمي عنه..
فوزيه : انتي عارفه انا بكلم علي ايه كويس اوي
ناديه : بقولك ايه.. انا ساكتالك بس علشان انتي خالتي.. وحماتي.. ولحد دلوقتي مش راضيه اقول لشاكر علي الي انتي بتعمليه معايا.. بس شكلي كده هقوله
كل ده وشاكر قاعد يبص هنا وهنا يخطف نظره هنا ويخطف نظره هنا وهو مش فاهم هما بيكلموا علي ايه وقاعدين يتخنقوا سوا لحد مافوزيه اتهمت ناديه بالخيانه وناديه قالت بدموع تماسيح لشاكر : لا ده كتير اوي... انت تتهمني بالسرقه وامك تتهمني بالخيانه... انا استحاله اعيش دقيقه واحده في البيت ده ولسه راحه تمشي شاكر مسك ايديها ويقولها : استني ياناديه..مش هتمشي.. لو حد المفروض يمشي من البيت ده.. يبقي هي مش انتي
فوزيه : هي وصلت لدرجتي ياشاكر.. بتفضلها علي امك
شاكر بعصبيه : قولتلك قبل كده.. اني مليش ام.. انتي موتي بالنسبالي.. ومن حقي افضالها عليكي وعلي غيرك.. لأنها مراتي ولو راحت مني صدقيني حياتي هتدمر.. وكفايه حياتي الاولي الي ادمرت ... كفايه لحد كده بقي... كفايه
ناديه ضحكه بخبث وشماته وفوزيه الدموع بتنزل من عنيها ومصدومه معقول الي واقف قدامها ده يبقي شاكر ابنها لا اكيد ده واحد تاني واحد بارد وقاسي واناني ومش بيفكر غير في نفسه فاقت من شرودها علي صوته وهو بينادي علي السواق وبيقوله ياخد امه يوديها المكان الي قاله عليه قبل كده وفوزيه قالتله : ده انت كمان مرتب كل حاجه بقي.. وضحكه بقهر
شاكر قال لسواق ياخدها ويوديها المكان ولما فوزيه سالته هتوديني فين ياشاكر من حقي اعرف هروح فين
شاكر قالها : ماتخفيش.. هيوديكي مكانك الاصلي.. الي تستحقي تبقي فيه.. دار المسنين.. ده مكان لكبار السن الي زيك الي كبروا وخرفوا (عزيزي القاريء عزيزتي القاريءه الي قدامكوا ده نتيجه التربيه الغلط) ولسه هيكلم فوزيه مقدرتش تسمع منه كلام اكتر من كده قالتله بحزن : كفايه يابني.. ولا بلاش الكلمه دي لحسن تزعلك.. انا همشي واوعدك مش هتشوف وشي تاني.. بس افتكر انك هتندم اوي ياشاكر.. وحسبي الله ونعم الوكيل حسبي الله ونعم الوكيل.. وبصت لناديه : براڤو عليكي.. لعبتيها صح.. قوتي ابني عليا.. ويمشيني.. علشان يحلالك الجو مع حبيب القلب.. عوزتي تنخلصي مني.. ونجحتي في ده.. لا جدعه.. احيكي علي ذكاءك
ناديه ضحكه بسخريه : الي بيحصلك ده يافوزيه.. انتي السبب فيه من الاول.. وده ذنب البت الي ماتت.. وحقي امي الي قتلتيها.. انت مفكراني مش عارفه ولا ايه.. لا يافوزيه انا عارفه كل حاجه.. بس حبيت امثل عليكي شويه.. وقولت مسيري هاخد حق امي.. وهو الحمدلله ربنا جاب حقها لحد عندي ومش حقها بس.. لا ده حق شاديه وبنتها ومن غير مااعمل اي حاجه.. ربنا اقوي عليكي ابنك وخلاه قاسي علشان تعرفي ان الظالم ليه يوم يافوزيه.. وكنت اتمني اشوفك مذلوله وندمانه.. زي منا شوفتك انهارده وبكده ابقي فعلا انتصارت وحقي امي جالي.. مع السلامة يا.. يا فوزيه وقلبي مش دعيلك. وشاورت لسواق ياخد فوزيه
فوزيه وهي ماشيه : ماشي ياناديه.. بس الحكايه مخلصتش علي كده.. مش دي النهايه ياناديه.. مش هسيبك ياناديه.. والله ماهسيبك
ناديه ضحكت بسخريه وراحت عند شاكر وقالت : شوفت ياشاكر... شوفت مكفهاش الي عملته.. لا وكمان عايزه توقع مابينا وتخليك تشك فيا وعيطيت بدموع مزيفه
شاكر خادها في حضنه وقالها : اهدي بس ياحبيبتي.. محدش يقدر يوقع ما بينا ابدا.. وبعدين خلاص.. ادينا ارتحنا منها اهو
شاكر بطيبه مزيفه : انا مش عارفه والله.. عملت كده ليه.. انت عارف ياشاكر انا زعلانه علشانها اوي.. من رغم أنها ضربتني كتير وبهدلتني واتهمتني بالخيانه بس برده.. مهما كان دي خالتي وحماتي.. مكنتش عاوزه الأمور توصل لكده
شاكر بعصبيه : خلاص ياناديه.. خلصنا.. قفلي علي الموضوع ده نهائي ماشي
ناديه قربت منه : خلاص ياحبيبي بس متتعصبش..
شاكر اتنهد وقال : انا رايح الشغل
ناديه بخبث : هتتاخر
شاكر : مش عارف بس يمكن اتاخر..
ناديه : هتروح فين
شاكر : جايز بعد مااخلص شغل.. اروح فرح رنا بنت فهد
ناديه بعدت عنه وقالت بعصبيه : تاني تاني.. العيله دي.. مش كنا خلصنا منها خلاص.. متنساش ياشاكر ان بنتهم كسرت قلب ابني
شاكر : ابنك هو الي غلطان من الاول ياناديه.. اتصرف من دماغه من غير مايرجعلي.. وياخد راي
ناديه بعصبيه : اصلا ابني ميت واحده تتمناه.. هي الي خسرانه
شاكر اتنهد : ده نصيب ياناديه وكل واحد بياخد نصيبه
ناديه : عندك حق.. طبعا وكل واحد ربنا كتبله حاجه هياخدها.
المهم.. انا عايزاك لما وليد يجي تطيب خاطره بكلمتين حلوين منك.. علشان الواد زعلان ومضايق من اتهامه ليه بالسرقه..
شاكر بابتسامه : حاضر من عنيا..
ناديه : تسلم عيونك
شاكر : يلا عايزه حاجه انا ماشي
ناديه بخبث : لا سلامتك.. مع الف سلامه
ناديه بعد ما شاكر مشي ضحكت بخبث واتصلت علي واحد
ناديه : خطتنا نجحت ياباشا
مراد : شاكر حس بحاجه
ناديه : ولا اي حاجة
مراد : يعني خلصنا منها خلاص
ناديه : خلصنا منها اه.. بس مش للابد
مراد : اصبري.. مهي دي اول سلمه
ناديه : صح ياباشا.. بس اهم حاجه انها غارت من هنا
مراد :بس براڤو عليكي ياناديه
ناديه : بنتعلم منك ياباشا
مراد : طب يلا اقفلي دلوقتي.. ومتنسيش لو حصل اي جديد تبلغيني
ناديه : حاضر ياباشا.. مش هنسي.. سلام
ناديه ضحكت ومن جواها حاسه انها انتصارت عليها.. حاسه ليه مهي فعلا بكده انتصرت عليها وقعدت تفتكر هي ازاي عملت كده علشان تمشيها
فلاش باااك
ناديه قعدت تفكر في حاجه علشان تمشي فوزيه قعدت تفكر كتير لحد ماجتلها فكره وقامت تنفذها بس قبل ما تنفذها طبعا كلمت مراد الي بيساعدها وقالتله خططها وبداءت في تنفذها في اليوم الي كانت فوزيه فيه برا وشاكر في شغله ووليد برا والخدامين في المطبخ طلعت فوق في اوضه الخزانه وقربت من الخزانه وضغط علي الارقام الي بتفتح بيها الخزانه وعلشان هي راقبت شاكر وهو بيفتح الخزانه قبل كده فا عرفت الرقم السري.. فتحتها وخادت منها فلوس كتير وقفلتها تاني وخرجت من الاوضه بيهم ودخلت اوضه فوزيه وحاطتهم في مكان علشان فوزيه ما تشوفهومش وضحكت بخبث وقفلت الباب ونزلت
نرجع للواقع
ناديه بتضحك وفرحانه وطلعت فوق
************************************************
عند انين بعد ماخلصت محاضرات راحت لرنا وفاطيما استقبلتها وقالتلها رنا لسه نايمه اصحهالك انين قالتلها : لا ياطنط سيبيني انا هصحيها
وطلعت فوق علشان تصحيها فتحت الباب لقتها نايمه قربت منها وقالت : رنا.. رنا اصحي
رنا بتذمر : امم..
انين : اصحي يلا
رنا : سيبيني شويه كمان ياماما
انين راحت شدت الستاره علشان تقوم الشمس جات في عين رنا اضايقت وقالت : اييه ده.. اقفلي الستاره ياماما.. عايزه انام
انين : والله انتي ماعندك ريحه الدم.. بقي دي منظر واحده فرحها انهارده.. نايمه لحد دلوقتي ليه... قومي يابت انتي بطلي نوم
رنا قامت من علي السرير ومسحت عنيها لقت انين قدامها : ايه ياانين في ايه علي الصبح
انين : الصبح.. صبح ايه ياغيبوبه انتي.. احنا بقينا العصر ياختي شويه والمغرب هياءذن.. ومش هنلحق نعمل حاجه
رنا : حاجه ايه بس ياانين.. انا تعبانه اوي وعايزه انام
انين ضربتها بالمخده وصرخت في وشها : تنامييي ايييه.. قومي.. يابنتي استوعبي انهارده فرحك عارفه يعني ايه.. لو واحده غيرك مش هتنام.. قومييي يلا
رنا : هوووف.. قومت اهو خلاص
انين : يلا ياختي علشان الميكب ارتست قربت توصل وحضرتك لسه نايمه
رنا : مخلاص ياانين مانا قومت اهو
انين : ماشي.. اتفضلي ادخلي خدي شاور عما اجهزلك حاجتك يلا
رنا : مش عارفه ليه.. انتي محسساني اني عروسه بجد
انين : امال. انتي عروسه لعبه
رنا : ياانين انا عارفه وانتي عارفه كويس .. ان كل ده مسرحيه ومش بجد.. مسرحيه بضحك بيها علي اهلي علشان اداري الي حصل
انين : مسرحيه ايه بس.. يارنا.. ايه الكلام الي بتقوليه ده.. وبعدين اقولك بقي... الواد فارس بيحبك وانا متاكده من كده.. انتي مشوفتهوش كان ملهوف عليكي ازاي لما عرف انك في المستشفي
رنا : انين انتي مش عارفه حاجه.. انا الي عارفه فارس ودماغه كويس.. هو قال كده لبابا انه يجوزني لأسباب في دماغه اكيد.. مش علشان بيحبني.. انتي ناسيه قالي ايه لما عرف الي حصل.. قالي انتي مفكره اني عاوزه اتجوزك اصلا.. انا بعمل كده علشان خاطرك ابوكي بس ميستهلش واحده مستهتره زيك.. اسكتي ياانين وخليني كاتمه في قلبي وساكته
انين حبت تغير الموضوع علشان صحبتها : طب خلاص بقي.. احنا هنقلبها نكد ولا ايه.. يلا بقي وبلاش تأخير علشان نلحق نخلص.. يلا يابت انتي لسه واقفه
رنا دخلت جوه الحمام علشان تاخد شاور وانين اتنهدت وبداءت تجهز ليها فستنها وجهزت فستنها هي كمان بعد شويه رنا طلعت من الحمام لابس بورنص وبتنشف شعرها
وانين قالتلها كل حاجه كده جهزت وبعد ساعات كانت وصلت الميكاب ارتست
نسيبهم مع الميكب ارتست
**********************************************
نروح لوليد قاعد في البار مع اصحابه ياسر وريم طبعا
وقاعدين يكلموا ويشربوا وفي نص الكلام ريم اعطت كاس لوليد بعد طبعا ما حطت الهيروين ليه وشربه (هو كده بقي مدمن بس لسه في البدايه)
ياسر : مش عارف الواد رامي راح فين.. بقاله يومين غايب.. لاحس ولا خبر حتي تالين اخته كمان
وليد هيتوتر : تلاقيهم سافروا
ياسر : سافروا.. سافروا ازاي.. يسافر كده من غير ما يقولنا
وليد : هتلاقيهم سافروا فاجءه ولا حاجه
ياسر : هو مكلمكش خالص
وليد بتوتر : ها.. لا مكلمنيش..
ياسر : تمام..هبقي اسأل قرايبي الي في المطار
وليد بتوتر : تمام
وليد خايف وقلقان وياسر ملاحظ كده وريم كمان
ياسر قام مشي وساب ريم مع وليد وطلع ركب عربيته ومشي
عند وليد كان قاعد لقي ماسيدج علي تليفونه فتحها وبرق بعنيه واتصدم وبلع ريقه بصعوبه ولقي نفس الرقم بيكلمه وبيقوله : عجبك الفيديو.. يا سلام لو يروح للبوليس
وليد : انت تاني... ماتقول انت مين
المجهول : منا قولتلك قبل كده... بس شكلك نسيت.. هقولك تاني.. انا عملك الاسود الي هخلي ايامك سواد في سواد وقفل السكه في وشه وووو
************************************************
عند انين ورنا خلصوا ورنا لبست الفستان وانين كمان
انين بفرحه : ايه الجمال ده بس يابت يارنا.. بسم الله ماشاء الله عليكي قمر
رنا سكتت انين قالتلها : مالك
رنا : ها.. لا مفيش حاجه
انين : رنا.. ممكن تنسي اي حاجه وتستمتعي باليوم ده.. انتي عارفه اليوم ده بتتمناه اي بنت
رنا : انا كان نفسي يبقي اليوم ده مختلف في حياتي.. احس بيه لكن للأسف انا مش حاسه بيه
انين كانت هتكلم بس قطع كلامها دخول فاطيما : ايه يابنات خلصتوا
انين : اه ياطنط خلصنا ونزلين اهو
فاطيما بفرحه : ياروحي ايه القمر ده بس .. مشاءالله تبارك الله عليكي ربنا يحفظك من العين وحضنتها
رنا عيطت فاطيما : بس بس ياحبيبتي بتعيطي ليه
انين ردت بسرعه : زعلانه ياطنط.. كان نفسها يكون وليد هو الي عريسها مش فارس
فاطيما طبطبت عليها وقالتلها : متزعليش نفسك ياحبيبتي.. هو الي خسران انه سابك مش انتي.. وبعدين متفكريش في الي باعك.. فكري في الي بيحبك وشاريكي
انين : بقولها كده ياطنط والله.. متزعليش نفسك واكيد الي حصل ده فيه خير ليكي
فاطيما : صح ياحبيبتي.. يلا بقي انا هنزل ولقيكوا ورايا متتاخروش
انين : ماشي ياطنط.. جاين وراكي
فاطيما قفلت الباب ونزلت لقت فهد في وشها قالها : رنا لسه مخلصتش
فاطيما : لا خلصت ونازله.. قولي كلمت عبد الهادي اخوك وسريا
فهد : اه كلمتهم وهما علي وصول
فاطيما : طب كويس.. وانا كلمت شاديه وحسين وزمانهم جايين
فهد : وانا لسه مكلم فارس وقالي نص ساعه وجاي
فاطيما : تمام
بعد شويه لقوا رنا نازله ومعاها انين كانت لابسه فستان احمر وطرحه سوده وجزمه سوده وحاطه ميكب خفيف كانت قمر اوي وحسين جيه هو وشاديه وباركت لفاطيما وعبد الهادي وسريا مراته وبعد ساعات الحديقه بتاعت الڤيلا اتمالت ناس كتير وفارس جيه واول ماشاف رنا بالفستان الابيض ابتسم لا اراديا ليها وباس راسها وخادها وخرجوا راحوا يقعدوا في الكوشه بتاعت العريس والعروسه وانين وشاديه وحسين قاعدوا علي تربيزه وسريا وعبد الهادي وفهد وفاطيما قاعدين علي تربيزه تانيه
عند حسين وشاديه
حسين تليفونه رن شاف الرقم كان الرقم مش من مصر كان من امريكا رد
حسين : عامل ايه ياحبيبي.. وحشتيني اوي
شاديه بصت لحسين وشادت منه التليفون : الو ايوه ياامجد ياحبيبي عامل ايه.. وحشتيني اوي.. انت هتيجي امتي بقي.. شهر.. شهر لسه ياامجد. كتير اوي يابني.. مفاجئه ايه
امجد : بصي وراكي كده
شاديه : ابص ورايا.. ابص ورايا ليا..
امجد : بصي وراكي بس ياماما
شاديه :حاضر هبص ورايا
شاديه بصت وراها برقت وقالت : امجد.. ها وحضنته وهو حضنها
حسين ابتسم وانين قامت حضنته وحسين كمان حضنه وراح عند فارس سلم عليه ورنا وراح عند فهد وفاطيما وسريا وعبد الهادي هما عارفين انه ابن حسين وبعد كده راح قاعد مع ابوه وأمه واخته
شاديه : يخص عليك ياحسين.. بقي انت كنت عارف ان امجد نازل ومتقوليش
حسين : هو الي قالي ماتقولش لماما.. علشان اعملهالها مفاجئه
شاديه : بقي كده ياامجد.. تخبي علي ماما حبيبتك
امجد : كنت عايزه اعملهالك مفاجئه ياشوشو.. ياقمر ..
حسين : ولا ولا. انت بتعاكس مراتي قدامي
امجد : اسف ياحج.. هعكسها بعد كده من وراك
كلهم ضحكوا علي امجد
امجد : طيب انا هقوم اجيب حاجه اشربها تيجي معايا ياانين
انين : ماشي.. امجد وانين قاموا يجيبوا حاجه يشربوها
فهد كان قاعد يضحك وبيكلم لقي شاكر داخل وبيدور علي فهد فهد قام وراحله : اهلا ياشاكر نورت
شاكر : بنورك يافهد.. مبروك
فهد : الله يبارك فيك.. اعبال وليد
شاديه كانت بتضحك مع حسين ابتسامتها اختفت لما شافت شاكر واقف مع فهد حسين لاحظ وقالها : مالك في ايه
شاديه : ايه الي جاب ده هنا
حسين : جاب مين
شاديه : بص كده
حسين بص لقي شاكر واقف مع فهد رجع بص لشاديه وقالها : اكيد فهد الي عزموا..
شاديه : حاجه قرف بقي.. وحرقت دم
حسين : وانتي مالك بيه.. ملكيش دعوه بصي ولا كأنه موجود اتعاملي عادي خالص
شاديه : انا مجرد اما اشوفه بس دمي بيتحرق
حسين : ولا يتحرق ولا حاجه.. غيظيه انتي خلي دمه يتحرق هو
شاكر سلم علي فارس وطبعا فارس كان عايز يطرده بس فهد قاله معلش عدي الليله وبعدين ده ضيف جاي عندك وشويه وهيمشي
عند انين كانت بتجيب عصير تشربه وامجد بيجيب قهوه من الناحيه التانيه وخلصت وراحه عند اخوها وهي مشي خبطت في واحد وقع العصير بس وقع علي الارض شهقت وقالت : مش تحاسب
الشخص باحترام : انا اسف.. مكنتش اقصد
انين : حصل خير.. عن اذنك
انين مشت والشخص ده لسه واقف بيبص عليها وقال : اااخ هو في كده
ومشي راح عند العريس وسلم عليه ورنا كمان
شاكر سلم علي كل الي موجودين وقعد علي الترابيزه وقعد يبص علي كل الموجودين وفاحءه شاف منظر خلاه زعلان وحزين شاف شاديه قاعده مع حسين وشاديه خادت بالها قررت تعمل زي ماحسين قالها وتغيظه بصت لحسين وقعدت تضحك معاه وهو يشوشها وهي تضحك وشاكر قاعد يبص عليهم وحزين من جوه شاديه عارفه انه بيبص عليها لقت امجج وانين جايين عليها قالت بصوت عالي علشان تسمعه : ولادي حبايبي بسم الله ماشاء الله عليكم.. ربنا يحرصكم من العين
شاكر سمعها وحزن اكتر وقرر انه يبطل يبص عليهم وبص الناحيه التانيه
بعد شويه الفوتجراف صور العريس والعروسه لوحدهم وبعد كده العروسه مع فهد وفاطيما وبعد كده مع عبد الهادي وسريا وبعد كده شاديه وحسين وبعد كده انين وبعد كده امجد بس انين اتصورت كتير مع العروسه وبعد كده صوره كبير بتشمل العريس والعروسه وعبد الهادي وسريا وفهد وفاطيما وانين وشاديه وامجد وحسين وشاكر اول ماشافهم مع بعض اتضايق وسابهم ومشي وووو
يتبع الفصل الثاني عشر اضغط هنا
- الفهرس يحتوي على جميع فصول الرواية كاملة :"رواية انين" اضغط على اسم الرواية