رواية تزوجت صعيدي الفصل التاسع 9 - بقلم اميرة جمال

الصفحة الرئيسية

رواية تزوجت صعيدي البارت التاسع 9 بقلم أميرة جمال

رواية تزوجت صعيدي كاملة

رواية تزوجت صعيدي الفصل التاسع 9

الكل متجمع على الفطار ماعدا نور وملك اللى مش بتسيبها ابدا ومش بتخرج من الأوضة علشان لو نور احتاجت حاجه
تعالى اقعدى يافاطنة
حاضر ياحاج بتاكد بس من الوكل اللى هيطلع لنور وملك يلا ياهنادى اطلعيلهم بالوكل 
حاضر ياحاجه وطلعت على فوق
الجد موجه كلامه لسليم المشروع اخباره ايه ياولدى
سليم:المفروض كنا هننزل النهارده ياجدى بس انت شايف حالة نور
الجد:طيب ماتبدأ انت فى الأساسيات ياولدى وهى كلها كام يوم وتقوم بالسلامه وتبقا تتابع معاك
سليم :حاضر هقولها ولكن مااعتقدش إنها توافق هتبقا عايزه وجودها بنفسها لان ده أول مشروع تمسكه وعمى أحمد قبل مايسافر كان بيقولها ده اختبار ليها فلازم تثبت نفسها
الجد بمكر:بقيت عارفها زين انت يا سليم
فلتت ضحكه من آدم لأنه عارف قصد جده فسليم خبطه فى رجله من تحت الترابيزة وادم اتوجع 
آدم بصوت شبه مسموع:ربنا على الظالم والمفترى
الجد موجه كلامه لآدم :وانت ياادم مش ناوى تفرحنا بيك ولاهتقعد جنب سليم
آدم :لا هقعد جنب سليم
الجد:اممم اصل فيه عريس جاى لملك 
آدم بعصبية:نععععم لاطبعا مش موافق
الجد بعدم اهتمام:ماحدش طلب رأيك
آدم:بغضب انا قايم ووقف
الجد بسرعه:اقعد يااهبل هى حد شافها اصلا من ساعه ماوصلت وقام وسابهم ودخل أوضة المكتب ومعاه الحاجة فاطمة
آدم وهو فاتح بوقه بص لسليم تصدق عنده حق جدك بيصيع عليا
سليم:وانت عبيط واتضحك عليك عادى 
آدم :انتم السابقون ونحن اللاحقون 
سليم بهدوء:لكن انا مش بحب نور
آدم بتأكيد :بس انا متأكد انك هتحبها
سليم:طيب يلا بينا نشوف الشغل فى المصنع
آدم :يلا واتحركوا الاتنين بره البيت
سارة كانت نازلة من على السلم وسمعت آخر حوار بين آدم وسليم وفرحت لما سليم قال أنه مش بيحب نور لكن فرحتها ماستمرتش كتير بسبب كلام آدم اللى خلاها بقت كتلة لهب وعايزه تولع فى اللى قدامها وعنده حق لازم فعلا تاخد بالها من نور وتخلص منها فى أقرب وقت لانها بندرية وتقدر تلف عليه وهى مش هتسمح بده وابتسمت بشر على فكرة جديدة جات فى دماغها علشان تتأكد إنها تخلص من نور للأبد 

 
الحمد لله بقيتى زينة ياقدرية
الحمد لله يا محمد 
كانت وعكه جامده عاد
بس قومت منيها انا كيف الفرسة ارمح رمح ومااجعش واصل 
هههههه هتحسدى نفسك ياقدرية
ماتقلقش ببخر نفسي
طيب طالما بقيتى زينة انزلى سلمى على الضيوف عاد
اكيد هشوفهم واسلم عليهم قولى بيقولوا ان بنت البشمهندس أحمد زينة قوووى حتى فيها شبه من أخوك حسن ومرته الله يرحمهم
الله يرحمهم هى طباعها قريبة فعلا من حسن اخوى لكن شكل امها او لا مااعرفش عاد انا ماشوفتش مرت حسن واصل
طيب 
هتنزلى
هاجى وراك دلوقتى
طيب هسبق انا علشان ورايا شغل
ماشى 
نزل محمد زوج قدرية لمصالحه بعدها قدرية اتاكدت انه خرج وقفلت الباب بالمفتاح واتجهت ناحية السرير رفعت المرتبة وطلعت صورة من تحتها اتوحشتك ياحبيبى ماكنتش عايزة اعمل فيك اكده لكن كله من العقربة مرتك اللى لافت عليك كيف الحية لازم اقطع اى حاجه ليك سامحنى ياحبيبى وحضنت الصورة وبعدها رجعت مكانها ونزلت على تحت

 
بالليل فى هدوء تام
بت ياحسنة
ايوه يا ست سارة اؤمرينى
وطى صوتك يابهيمة
حاضر وبتتكلم بصوت أقرب للهمس 
عايزاكى تشيعى عيل صغير كده للواد محروس
محروس الحاوى اياك 
ايوه هو فى غيره
ليه ياست
وانتى مالك يابهيمة عاد انتى تنفذى كلام من غير سؤالات وإياك حد يعلم بالكلام اللى بينا ده
حاضر ياستى 
وخدى دول ليكى
من يد مانعدمهاش ياست
يلا بسرعه
دقائق ويكون عندك
اوعى حد يوعالكم 
لا متخافيش واصل انى هجيبه بنفسي استنى فى الجنينة 
ماشى يلا بسرعه
   بعد ربع ساعه
اهو محروس ياستى
طيب روحى انتى راقبى الطريق
حاضر ومشت حسنية
اؤمرينى ياست الناس
عايزة........
قوى ولا خفيف
لا قوى 
امم بس هيكلفك شوية
مش مهم الفلوس المهم المطلوب
حاضر بكرة ان شاء الله يكون عندك
ميتة؟؟
انتى عايزاه امتى 
على الصبحية والكل فى اشغالهم
من عنيا ياست الكل اعتبريه حصل والمعلوم
هتسلم بكره لحسنه وهى هتسلمك
تمام اتفقنا
امشى يلا
حاضر واتخفى فى الجنينه وطلع بره القصر
وسارة ابتسمت بخبث نهايتك قربت يانور

رواية تزوجت صعيدي الفصل التاسع 9 - بقلم اميرة جمال
أيمن محمد

تعليقات

ليست هناك تعليقات
إرسال تعليق
    google-playkhamsatmostaqltradent