رواية جوازي من الانسة حنفي الفصل الرابع 4 بقلم هويدا زغلول
رواية جوازي من الانسة حنفي الفصل الرابع 4
فاروق
والله ما انا دي الغبيه اللي انا متجوزها مش عارف اعمل معاها اي مسكت موبايلي وبعتت
لكل اللي عليه دعوه الفرح
بسمه
معرفش بقي شوف هتحل المشكله دي
ازاي انا مش عارفه اتكلم مع بابا وبقولك اي
هو انت ناوي تقعد شهر في البيت ولا اي
انا عايزه اشوفك اصلك وحشني اوي وبعدين
في عقد عجبني اوي نفسي تجيبه ليا
فاروق
اكيد مش هعرف انزل بس هقولك يا قلبي هبعتلك الفلوس وانزلي هاتي لحد ما اشوفك
تمام كده وقفل السكه وبص عليا وانا
كنت قاعده عامله اكل
ياسمين
تاكل بصل ااااااح الرنجه والفسيخ دول
مش بينزلوا معدتي لا لا والله دول بينزلو قلبي
تعالي كل يا فوفو
فاروق
فوفو اي فوفو دي ورنجه اي اللي اكلها
امشي بالريحه دي وبعد ما تخلصي اعملي ليا
كوبيا شاي وبعدها اصاحبه رنه عليه وقالو
أنهم جاين وانا انصدمت لما لقيت
فاروق بيقول
فاروق
لا لا تيجوا فين انا مسافر شهر عسل وانا
طبعا فرحت بالكلمه وقولت
ياسمين
بجد يا فوفو لما ادخل احضر الشنطه
هسافر مصيف اه ودوني المصيف اه
فاروق
بس بس صوتك مزعج بطلي هبل ومصيف
اي انا مش رايح في حته انا بقول كده
وخالص علشان علشان مش عايز حد يجي
ياسمين
نطلع جمصه بالله عليك او اي مكان انشاله
نروح اسكندريه ارجوك
فاروق
انا مش بروح الإمكان دي يا ياسمين وبعدين
انتي عارفه موضوع المشروع بتاعي ومش هقدر
اروح في مكان اقولك بليل هاخدك نتعشي
سوا برا اي رايك وطبعا علشان أنا هبله
فرحت اوي وقولت
ياسمين
ماشي اللي تشوفه يا حبيبي بس بقولك اي
انا فكرت في حاجه كده الشركه اللي عايز
تفتحها بلاش تكون ب اسمك خليها
ب اسمي انا علشان الضرائب يا حبيبي
فاروق
واي يعني لما تكون ب اسمي لا مش
ده اتفقنا خالص مش عايزه تفتحي ليا
الشركه برحتك بس ب اسمك انتي لا
ياسمين
انا هفهمك في الاول بس خليها ب اسمي
بعدين نعملها ب اسمك لما الدنيا تمشي
شويه تمام
فاروق
تمام يا ياسمين اللي شايفه صح اعملي
برحتك
ياسمين
انت زعلت هي فتره بس وبعدين هخليها
ب اسمك بس عايزه اطلب منك للطلب والنبي
ما تقولي لا عليه
فاروق
ياسمين لو سمحت ريحه البصل ابعدي شويه
كده واتكلمي
ياسمين
ده انا كنت هقولك مش بعرف اكل
لوحدي تيجي تاكل معايا
فاروق
مش بتعرفي تكلي لوحدك ده الرغيف رقم
كام ده يا ياسمين اللي كنتي وكلا
ياسمين
٤بس والله انت عارف الرنجه بتحب العيش
الكتير هههههههههههه يلا بقي
وبعدين بليل لقيت فاروق بيقولي
فاروق
اي رايك نروح الاوبرا ولا نروح مسرح احسن
ياسمين
انت بتضحك عليا مش قولت هناكل انا عايزه
مطعم اكل فيه وبعدها الجرس رن وكانت خالتي
فاروق
اي ده مين اللي علي الباب وفتح وخالتي دخلت
اي ماما اي المفاجاه حلوه اوي واتكلم معاها
بصوت واطي وقال الحمد لله انك جيتي
قبل ما ننزل
ياسمين
خالتي تعالي تعالي احنا كنا خارجين تعالي معانا
نروح ناكل من عند سيد كبده
فاروق
اي قله الذوق دي لا طبعا مينفعش ماما
تيجي ونخرج تعالي نقعد قدام التلفزيون احسن
ياسمين
تلفزيون اي لا طبعا يلا بينا يا خالتي
الخاله
اه يا فاروق انا جعانه اوي وعايزه اكل من
عند سيد كبده يلا بينا وكلنا خرجنا وكانت
خروجه حلوه اوي بس معرفش ليه كان فاروق
مضايق وعدا شهرين علي جوازنا وانا تخنت
شويه عن الاول وفي يوم كان فاروق
قاعد في الأوضه مع أمه وبيقول ليها
فاروق
الله يسامحك يا ماما علي اللي عملتي فيا انتي مش عارفه هي كسفتني ازاي قدام اصحابي بالله عليكي في الاخر انا
اتجوز دي ده بقيت مسخره الشله كلها
الام
قولي الشله دي هتنفعك في اي لما كنت تتجوز واحده غير
ياسمين وتجيب شقه ودهب وتكتب قائمه اصحابك دول
بكره يقولوا ياريت نتجوز واحده زي دي
فاروق
طيب يا ماما ارجوكي فهميها أن مافيش حد بياكل
بصوت وان مينفعش في وسط الاكل تعمل حركات ده
وفي الاخر تضحك وتقول صحه الكلام ده مينفعش
الام
انت عارف يا فاروق أنها جايه من الارياف وحده وحده
هتتعلم براحه عليها يابني ربنا يهديك وبعدها دخلت
ياسمين عليهم
ياسمين
فاروق بقولك اي انا عايزه شويه حاجات من تحت
هتنزل انت ولا انزل انا
فاروق
هو انا قولت كمان مره لازم قبل ما تدخلي تخطبي عالباب
مافيش حد بيعمل كده
ياسمين
الله هو فيه اي طاب مهي امك اللي في الاوضه
هي حد غريب يعني وبعدين شقتي بقي وانا حره
ادخل فيها زي ما انا عايزه
فاروق
شقتي شقتي شقتي هو فيه اي ارحمني
بقي مافيش حد بيعمل كده والله انا
زهقت منك ومن طريقه كلامك وخرج وكان
بيتكلم في التلفون مع بسمه
فاروق
بقولك اي يا بسمه انا عايز اتجوزك الشهر
ده الحمد لله الشركه افتحت وانا خالص زهقت
انتي عايزني ولا لا
بسمه
طبعا عايزك وتيجي دلوقتي تكلم بابا وانا
هقول ليه أن موافقه عليك عالطول وفعلا
اقل من ٧شهور كان فاروق متجوز بسمه البنت
الجميله اللي بتعرف تلبس وبتعرف تتكلم معاه
الناس وانما انا مكنش ليا حد فاروق عالطول
برا خالتي قدام التلفزيون وقررت انزل جيم
علشان اخس شويه لان بجد تعبت وهناك عرفت
هنا
هنا
والله يا ياسمين انتي حلوه وروحك حلوه اوي
بس فيكي شويه حاجات لازم تتغير
ياسمين
منا جيت الجيم علشان اخس شويه اعمل اي
تاني يا هنا ارحمني بقي
هنا
مينفعش طريقه كلامك دي لازم تتغيري يا
ياسمين شكلك لبسك كل حاجه فيكي
ياسمين
فاروق حببني كده خالتي بتقولي علشان مش
يغير عليا
هنا
مافيش راجل هيحب مراته كده اسمعي كلامي
انتي لازم تتغيري
ياسمين
الساعه كام يالهوي انا اتاخرت فاروق زمانه
جاي سلام ومشيت وفي شقتي كان فاروق
قاعد مع أمه والباب خبط فتح
فاروق
ينهار اسود بسمه انتي جايه هنا ازاي مينفعش
ياسمين تشوفك
بسمه
انا حامل يا استاذ ومراتك لازم تعرف بقي
اش اش اي الشقه الجامده دي
فاروق
الله يخربيتك امشي ياسمين زمانها جايه
بسمه
ياسمين لازم تعرف انك متجوز ومراتك حامل
وبعدين انت خايف من اللي نظارتها قعر كوبيا
دي وبعدها انا دخلت وقولت
ياسمين
اي اللي انا سمعته ده
- تابع الفصل التالي عبر الرابط: "رواية جوازي من الانسة حنفي" اضغط على اسم الرواية