رواية ملاكي الخائف البارت الواحد والثلاثون 31 بقلم دعاء احمد
رواية ملاكي الخائف الفصل الواحد والثلاثون 31
تيا:قصدك اي
عدنان:تحبي تتكلمي ولا اتكلم انا يا حياه
حياه بارتباك:اتكلم اقول اي؟ انا مش فاهمه انت بتتكلم عن أي اصلا
عدنان:ااامم فعلا يبقى احكي انا
عزت بيه للأسف معرفتش تربى بنتك
عزت:تقصد اي؟
عدنان قعد وحط رجل على رجل و شد تيا قاعده جانبه
عدنان :بنتك المصونه اكتر انسانه مخا"دعه في العالم.... غشاشه وخبيثه...
حياه بغضب :عدنان اسكت والا انت عارف هعمل اي... و سمعه ست الحسن هتبقى في الارض
تيا:انا عايزه افهم في اي....
عدنان:حياه هانم راحت النايت كلاب وسك"رت فاكره حصل اي يا تيا
تيا :كلمتني عشان اروحلها وهناك في واحد حاول يع"تدي عليا و انا ضر"بته لكن لَما روحت الكليه كان في حد منزل الفيديو باسم زهره الحب
عدنان:فيك... اكونت فيك لحياه
تيا بصدمه ودموع :انت بتقول اي... انت بتكدب حياه مش هتعمل فيا كدا دا انا كنت رايحه عشان اللحقك
عدنان:تلحقيها من اي؟ دي هي اللي اتفقت معه انه يعت"دي عليكي و يصورك وهي اللي نشرت الفيديو
عزت:انت اتجننت... بنتي لايمكن تعمل كدا
عدنان:لا عملت.... ولسه
افتح الشوال يا ابني
واحد بيفتح شوال و بيكون في سميحه مرات خال تيا
الحج عمران:اي دا. انت اتجننت سميحه
عدنان:الست حياه اتفقت مع مرات خالك يا تيا عشان تقولك ان جدك تعبان و تسافري الصعيد.... ولما جيتي تكلميني في حد سر"ق منك الموبيل
تيا:فعلا حصل ولما وصلت لبيت في أول البلد السواق وقف و انا نزلت لقيت سميحه في وشي وبعد كدا مش فاكره حاجه
عدنان:خد"رتك اديتك دواء... قل"عتك هدومك و انتي كنتي بتر"قصي تحت تأثير المخد"ر... صورتك بالشكل دا
و مضيتك على تنازل بفلوسك و دا كله كان بالاتفاق مع حياه عشان تهددني اني ياما اخطبها او تنشر الفيديو وتف"ضحك.... وكمان كانت فاكره اني ممكن أصدق عليكي الكلام دا كله
تيا بدموع وبتترعش:ومالك؟
عدنان وهو بيمسح دموعها:مالك مالوش علاقه بعد ما شفت الفيديو من الايميل بتاعه روحتله وانا اللي شو"هت بالشكل دا مكنتش شايف ادامي..
. انك ممكن تكوني على علاقه بيه
لكن بعد كلام كتير عرفت ان سميحه كانت اخدت موبيله و بعتتلي الفيديو بدون ما هو يعرف و مسحت الفيديو من عنده
لكن انتي غبيه يا حياه
اه والله غبيه
جايه يوم ما تلعبي تلعبي على ظابط في أمن الدوله.... ههههه بجد انتي فاهمه حجم غباءك
انا من اول يوم وانا عارف ان دي لعبه منك
تحبي تعرفي ازاي
فاكره لمآ انا طردتك من البيت وقتها كنت متأكد انك هتلعبي لعبه و"سخه عشان توقعي تيا و فضلت وراكي بس مكنتش اعرف بحكايه سميحه الا بعد اللي عملتوه في تيا
بس حبيت اللعب معاكي اللعبه دي عشان افضحك أدام الكل ابوكي واهلك و اثبت براءه تيا
الحج عمران وهو بيضر"ب سميحه:بقى انت يا بنت الرفدي تعملي كدا في حفيدتي
سميحه وهي حرفيا مضر"وبه علقه محترمه:والله يا حج عمران...
الحج عمران:اخرسي خالص انتي من هنا ورايح مالكيش علاقه بينا و محمد هيطلقك
مالك بحزن:بالله عليك كفايه يا جدي
الحج عمران:دي متستهلش واحده خا"نت العيش و الملح و العشره
كلم المحامي يا مالك خليه يعمل ورق تنازل منها عن الفلوس اللي اخدتها من تيا
عدنان بخبث:هي مخدتش حاجه فلوس تيا كلها باسمي انا
الحج عمران:دا ازاي ان شاء الله
عدنان:انت فاكر اي....
انتم متعرفوش مين عدنان الرفاعي يعني هتجوز واحده معرفش عيلتها عايزه منها اي....
من كتب الكتاب و تيا ماضيه عن تنازل ليا بكل حاجه
تيا:ازاي؟ انا مش فاكره اني مضيت على حاجه زي كدا
عدنان ابتسم و حضنها :كان وسط ورق الجواز و عمك كان عارف
تيا قامت و راحت وقفت أدام حياه وهي بتعيط:ليه عملتي كدا.... لي؟ انتي يا حياه؟ سوئتي سمعتي.... كنتي عايزاهم يعت"دوا عليا..... اتفقتي مع مرات خالي عشان تعمل فيا انا كدا..... ليه؟ دا انتي كنتي اعز صاحبه ليا.... اعتبرتك اختي
حياه بهست"ريه :وليه كلهم عايزينك انتي مش انا...... ليه واخده متخلفه عقليا زيك تدخل كليه الطب وانا لا....
ليه مالك و عدنان يحبوكي الاتنين وانا لا
ليه يحبوا واحده امها ما"تت بسببها
لللللليييييهههه؟.
تيا بنهيار وزعيق:ذنبي اي انا في كل دا
امي ما"تت وهي بتجبني للحياه.. ذنبي اي
ابويا استشهد وانا عندي تلات سنين طفله ذنبي اي
أنا يمكن دخلت مصحه نفسيه عشان كنت تعبت يا حياه.... تعبت بس مش معنى كدا اني متخلفه عقليا..... انا اشتغلت على نفسي لحد ما دخلت الكليه دي لأنها كانت حلمي واي حد عنده حلم مش بيستسلم عنه... حتى لو متخلف زي ما انتي بتقولي
ام الحب مش بيد حد لا انا كنت عايزه حب مالك ولا حب عدنان.... انا بس مكنتش عايزه حد يجرحني لاني والله العظيم تعبت منكم
أنا مش مسامحكي يا حياه ومش هسامحك.... ربنا ينتقم منك و كل لحظه اعتبرتك فيها اختي انا ندمانه عليها
بقلم/دعاء احمد
وانت يا جدي شفت الفلوس والطمع وصلونا لفين...... مرات خالي كانت عايزه تعر"يني عشان الفلوس.... انا معتش عايزه فلوس ولا عمري كنت محتاجها
منكم لله كلكم مفيش غير عمي مصطفى هو الوحيد اللي حبني و اعتبرني بنته بجد
مش عايزه اشوف حد منكم تاني..
قالت كلمتها ونزلت من البيت وهي بتجري وبتعيط بهستريه
عدنان بص لحياه بغضب واشمئزاز و نزل وراء تيا بسرعه
اول ما بتخرج من العماره بتيجي عربيه بسرعه جدا تيا بتبصلها بصدمه ونور العربيه بيجي على عنيها و بتخبطها........
عدنان نزل و كان مصدوم ووووووو
...................... إن لم تتحمل العذ"اب فلا تقل انك تحب فالحب عهد و لا يفي بالعهود الا الفرسان
عند اسد
في الاداره
معتز:أسد مش هتروح انت هنا بقالك كتير اوي... روح ريح شويه وابقى ارجع نكمل شغل
اسد:حاسس ان في حاجة غلط يا معتز
معتز:اي هي
اسد: لو اللي بفكر فيه صح... وان كارولين و الناس اللي برا اكيد مش اغبيه
معتز:برده مش فاهم
اسد:فاضل يومين على رأس السنه يعني اجتماع الوراء صح
معتز:صح...
اسد:اكيد هما مش اغبيه كدا وعندهم احتمال كبير اننا نكون كشفنهم
معتز:انت تقصد أن الانف"جار مش في قاعه الاجتماعات.... وان الناس اللي برا اختاروا المعاد دا مخصوص ليله راس السنه
ك تمويه؟!!!
اسد:هما عارفين اننا اكيد هنبقى مهتمين بحمايه الاجتماع.... عشان كدا استغلوا المعاد دا بالذات عشان نتخيل ان هو دا المكان المحدد.... وفي نفس الوقت ينفذوا خطتهم في مكان تاني
معتز:بس دا مجرد احتمال...
اسد:كل حاجه بقيت احتمالات يا معتز انا فصلت خالص.....
معتز:القضيه دي ملغبطه خالص و كل حاجه داخله في بعضها
اسد :تأمين قاعه الاجتماعات لازم يكون على أعلى مستوى..... بكرا انا هقابل اللوا احمد و هشرحه كل اللي وصلناله..
معتز:هتمشي؟
اسد:مطبق و خالص دماغي فضلت بجد
ياله سلام
معتز:سلام
على أذان الفجر
دخل أسد البيت اطمن على تالين
دخل اوضته لكن ملقاش نسمه حس بالخوف
لكن لقاها بتخرج من الحمام
نسمه بابتسامه :صباح الخير.... انت روحت فين
اسد :كان لازم ارجع الاداره
نسمه:طب ياله اتوضي الفجر بياذن خلينا نصلي سوا و بعد كدا ريح شويه
اسد قرب منها وباس راسها ودخل اتوضي
طلع لقاها بتفرد المصليه
صلى بيها أمام قعد على الأرض وهي جانبه
نسمه بهدوء:خايف؟
أسد بصلها وسكت
نسمه:طبيعي تكون خايف و قلقان...
طبيعي تكون حاسس انك شايل الكون كله على كتفك..... بس لازم دا يكون واثق في ربنا
قالت كدا وهي بتحط ايديها على قلبه
اسد اخد نفس عميق : عارفه انا بس حاسس باللغبطه في كل حاجه من كم اسبوع دخلتي حياتي.... كل حاجه اتغيرت.. تالين رجعت البيت اخيرا بعد ما كانت دايما في المستشفي بسبب تعبها.... انا حاسس بحاجات مختلفه.... حاسس باللغبطه بس مبسوط و مع ذلك خايف.... شغلي و تالين وانتي... ابويا وامي....
اقولك انا شفت ابويا وهو بيند"بح كان شغال على قضيه تخا"بر وقتها كنت لسه مراهق في أول سنه في كليه الشرطه
اللي قت"لوه بعتوا لامن الدوله فيديو وهما بيد"بحوهم ك تحذير ههههه فاكرين اننا بنخاف
اقولك حاجة انا اصريت اني اشوف الفيديو دا
شوفت امي بتند"بح متخيله يعني اي
ابويا مرضاش يتكلم ب و لا كلمه فقت"لوه
كل يوم كنت بتفرج على الفيديو دا
كل يوم نا"ر جوايا بتيض..... نا"ر مش عايزه تنطفي..... وقتها خلود كان عندها تسع سنين.... كنت بعتبرها بنتي اخدتها في حضني كنت بسيبها عندي خالي والد عدنان
واروح التدريبات وأفضل بالشهور مش برجع كل يوم كنت بحلم ب ابويا وامي وهما بينقت"لوا بد"م بارد
بعد تمن سنين رجعت من التدريب لقيتهم بيقولولي ان خلود في المستشفي وقتها مفهمتش في اي
اول م روحت قبلت الدكتور وقالت إنها اتعرضت للا"غتصاب حسيت بالنا"ر بتكو"يني لمآ دخلت اوضه خلود كانت واقفه بتعيط بهستريه كان عندها 17سنه
حاولت أهديها وافهم مين عمل فيها كدا لكن هي مكنتش بتتكلم كانت بتعيط لحد ما فقدت الوعي
تاني يوم دخلت اطمن عليها لقيتها انت"حرت
نسمه كانت بتعيط و أسد كان في حالته صعبه بيبكي ادامها لأول مره
اسد بدموع:وقتها حلفت اني اخلي الكل يعيش في جحيم... كل اللي اذوا علتي يتدمروا
عرفت بعد مده ان باسم اخوكي هو اللي خطفها وعمل فيها كدا اخدت عهد اني ادوقه من نفس الكأس.... لمآ شفتك كنتي هدفي اني اد"مرك.... عرفت ان ابويا اتق"تل بسبب خا"ين اللي كشف ان والدي الظابط اللي شغال على القضيه و سرب معلومات تبع شغل ابويا و ان الوحيد اللي يعرف مين هو الخا"ين دا واحد اسمه الياس
ولو فيها مو"تي يا نسمه مش هسيبهم
نسمه بدموع :نام يا أسد لو سمحت
اسد سند راسه على رجليها ونام وهي بقيت تمسح على شعره و تدعيله وهي بتحاول تستوعب ازاي استحمل كل دا
في قصر الجنزوري
لارين صحيت بدري و حسيت بحركه في القصر طلعت من اوضتها و نزلت خرجت للجنينه لكن اوضه في الجنينه كان النور فيها شغال
راحت تشوف مين فيها
لكن وقفت مصدومه لقيت وريث قاعد بيرسم صورتها في لوحه
لارين من وراه:دي انا
وريث بابتسامه :عجبتك
لارين:دي شكلها حقيقه هو حضرتك رسمتها امتى؟ ازاي
وريث:مش عارف بس ملامحك حلوه اوي و جذابه بس غامضه
لارين بابتسامه :غامضه؟
وريث :مخبيه حاجه
لارين:تفتكر اي هي
وريث قام و بقى يقرب منها وهي بترجع لورا
لارين:في اي؟
وريث:عيونك مخبيه وراهم حاجات كتير تفتكري ليه بقالي يومين سهران على لوحتك
لارين بتوتر:لي؟
- تابع الفصل التالي عبر الرابط: "رواية ملاكي الخائف" اضغط على أسم الرواية