رواية عشقت حورية الفصل الثلاثون 30 - بقلم يوستينا سامي

الصفحة الرئيسية

رواية عشقت حورية الفصل الثلاثون 30 بقلم يوستينا سامي

رواية عشقت حورية الفصل الثلاثون 30


في الصعيد
 حسن وعلي وصالح وصلوا عند اسد ... اسد اول ما شاف حسن ساند على نور جري عليه
 اسد/ مالك يا حسن انت كويس شكل كده الجرح فك ثاني يا ابني ما قلتلك ما تجيش معنا .
حسن / ما تقلقش يا اسد انا كويس اهم حاجه بس ان احنا وصلنا لنور و اطمنا عليها .
 نور بخوف/  طب والحل يا اسد  ده بينزف جامد .. حسن ما تتكلمشي علشان ما تتعبشي 
 اسد بص  لمراد / بقولك خذه واطلع العربيه ووديه على اقرب مستشفى يلا بسرعه. ... و خد نور كمان 
مراد / و هنسيبك لوحدك يا اسد 
اسد ابتسم / طب ما انا طول عمري لوحدي ولا جاي هنا تعمل فيها بطل ... يلا يا مراد اخوك بيموت 
و فعلا مراد زعل اوي من كلام اسد لان هو كان اكثر واحد بعيد عنه وكان بيقسى عليه بكلامه بس اضطر ياخذ حسن ونور ويمشي بهم 
_______________________________________
في الدوار
 اسد قرب من علي / اعتقد كده انا عملت اللي احنا اتفقنا عليه ودخلتك الصعيد بس اللي جاي ده بتاعك انت
 واديك شايف اهل البلد كلهم عايزين تبقى انت العمده قلت ايه يا علي 
 نعمه بعصبيه/  انت بتقول ايه ما فيش غيري انا بس العمده
 اسد بص لها وكلمها بطريقه خوفتها/ اعتقد انا ما وجهتلكيش كلام ولو عايزاني اوجهلك الكلام فانا هاوجعه  بالقانون و ساعتها انت عارفه كويس قوي ان انا هاحبسك انا لحد دلوقت عامل احترام لابنك اللي بيني وبينه كلام رجاله ومش هيخش فيه حريم 
نعمه/ ما تتكلم يا علي هو انت هتعصي امك
علي / سبق وقلت لك ما تخلينيش امشي من هنا والاحسن لك انك تقتليني زي ما قدرتي حور وقتلتي عيشه قتلتي ابويا بحصرته بس انا دلوقت جيت و مش هسيب حقي واصل 
واه يا اسد انا من النهاردة همسك العمودية و قبلها لازم عيشة تطلق 
اسد / انا معاك لحد ما تاخذ حقك وعيشه ترجع لك ومش هارجع مصر غير لو كل حاجه بقت زي الاول واحسن ..
علي طلع وتكلم مع اهل البلد واتكلم مع المامور والناس كلها كانت عايزاها هو فعلا يبقى العمده لانهم كانوا عارفين علي بجد و جدعنته  وطيبته وكانوا عايزين يرفعوا قواضي على نعمه ...بس اسد حاول يتدخل بينهم ... 
المامور .. الست نعمة البلد كلها بتكرها .. وانا مش عارف ازاي قدرت تقنعهم انهم يتنازلوا عن القواضي يا اسد باشا 
انا بسمع عنك في التليفزيون .. و خصوصا بعد المشكلة اللي حصلت و خطف حور
علي / ما فيش حاجه من الكلام دهه يا سياده المامور حصلت حور مش مخطوفه ..حور كانت مع اسد وهو اللي كان بيحميها وانا عارف كل حاجه ومش بواجه له اي اتهام
اسد /  اما بخصوص بقى القنوات الفضائيه فدي اكيد  مش هاسكتلها لان هم متاكدوش من الخبر قبل ما يذيعوا كده 
وفعلا المامور اعتذر و مشي ..
علي واقف مضايق و اسد حط ايده علي كتفه/ مالك زعلان ليه ده انت حتى وصلت لكل اللي انت بتحلم به 
اديك جيت البلد وبقيت العمده قدام الناس و اجبرت امك انها تسيب البلد وتمشي ايه بقى اللي مزعلك كدة 
علي /  قدرت اعمل كل حاجه زي ما انت بتقول بس متاخر قوي يا اسد... لو كنت اقدر اعملها من بدري  منغير مساعدتك ما كانتش حور اضطرت تهرب ولا حياه اتجوزت واحد ما بتحبوش والله يعلم عامله معاه ايه دلوقتي.  ولا حب حياتي عايشه تبقى مع راجل غيري دلوقت  
اسد /.  اولا انا مش عايزك تفكر انا ساعدتك ولا ما ساعدتكش ... عارف ساعات بحسدك ان انت صالح ووقف معك في كل حاجه من اول ما قررت تهربي لحد ما رجعته وكان بيعرض حياته مليون مره للخطر عشانك
اماااا  انا ماكانش عندي ده انا اهلي اللي من دمي ما اكونش واثقين فيا اصلا  المهم دلوقتي
 انا عايزك تفكر ازاي تصلح اللي امك عملته في اهل البلد خذ بالك كل فرد هنا امانه في رقبتك يا علي وانا واثق فيك واهل البلد كمان واثقين فيك اما بقى بخصوص عائشه انا احب اقوللك انها جوه اساسا وجوزها كمان جوه ... خليه يطلقها واول ما تخلص شهور العدة اتجوزها يا علي ..
اسد كان لسه هيمشي بس علي مسك ايده / رايح فين يا اسد.. خليك هنا انا فعلا محتاجك معايا .. تعاالي عيش هنا 
و نبني البلد من جديد .. وماتخفشي هنلاقي حور 
اسد ابتسم / انت اللي ماتقلقيش حور هتبقي  في الفيلا بتاعتي النهاردة بالكتير .   مش انا اللي افرط في حتة مني بس انا عايزك بعد بكرة بالكتير تكون عندي في البيت علشان اكتب الكتاب ..  ابقي بقي بخصوص اني اقعد هنا فده صعب اوي يا علي .. انا مكاني مش هنااا 
و فعلا مشي اسد و علي كان زعلان انه مفضلشي معاه ..
___________________________________________
في العربية ..
مراد كان قرب يوصل مصر .. 
مراد / اجمد يا حسن ..احنا بالكتير نص ساعة و نوصل 
حسن كان قاعد علي الكنبة الي ورا في حضن نور ..
حسن / انا كويس ماتخفشي عليا ..
نور كانت بتعيط و هي حضناه / اوعي تسيبني يا حسن ..انا والله مش هقدر اعيش منغيرك انا غلطت في حقك ومكنتش عارفة اني بحبك كدة 
حسن ابتسم / اشششش انا كفاية عليا اوي دلوقتي هو اني ابقي في حضنك يا نور ..
مراد قرر يطلع موبايله و يشوف نسمة و فعلا لاقلها رنة عليه كتير اوي و بعتاله اكتر من فويس....///  ايه الكلام اللي بتقوله ده يا مراد ..انت هترجع باذن الله ... انا يمكن معرفكشي فعلا زي ما بتقول بس لو انت حصلك حاجة انا هفضل اعيط كتير اوي ... مراد بليز خلي بالك من نفسك ......  
مراد هو انت مش بترد ليه عليا .. مراد انت وحشتني علفكرة بليز كلمني ... انت عارف لو مردتشي عليا انا هعمل فيك ايه 
مراد فضل يضحك و بعتلها رسالة ::: بحبك يا مجنونة 
و نسمة و قتها مكنش جايلها نوم لانها كان نفسها تطمن عليه/ مراد طمني عليك و النبي حد من الناس الاشرار عملولك حاجة ..و حياتي ما تخبي عليا 
مراد / انا والله كويس جدا .. و بحبك جدا و عايز اشوف الواد في اقرب وقت يا نسووم 
نسمة بفرحة / بجط طب احجزلك معاه ميعاد بكرة ..لا النهاردة 
مراد بضحك / النهاردة و بكره ايه بس ...اوعدك اول ما اخلص من كل اللي انا فيه ده .. هجيب كل عيلتي و اجي اتقدملك .. هاااا موافقة وما تقوليش احنا لسه ما نعرفش بعض هنعرف بعض ان شاء الله بعد ما نتجوز 
نسمة / موافقةةةةةةة يا بايخ 
وفعلا مراد وصلهم للمستشفي و حسن نقلوه علطول لاوضة العمليات ... و نور ومراد كانوا واقفين برا 
مراد / نور انا لازم امشي .. ابقي طمنيني عليه اول ما يخرج 
و كلمي جدي خليه يجيلكم ..
وفعلا مشي مراد و نور كانت مضايقة جدا منه معقول يمشي و يسيب اخوه ..
___________________________________________
مراد / الووو يا حور .. انا مراد  متخفيش انا عايزك تخرجي من الاوضة و حد من الخدامين هيوصلك ليا ..
حور بخوف و هي موطية صوتها / حد من الخدامين بتوع حسام انت اتجننت يا عم و بعدين انا مش فكراك 
. هو فين اسد  
مراد / يوووه  حور مش وقت اسئلة  اسمعي الكلام .. يلاا اخرجي من الاوضة علي ضمنتي و هيجبوكي لحد عندي  ..
وفعلا حور خرجت من الاوضة و كانت مرعوبة بس لقت فعلا حد من الخدامين و خرجها. من الفيلا عن طريق الباب الخلفي و حور كانت مصدومة لحد ما خرجت من الفيلا و ركبت العربية مع مراد ...
______________________________________________ 
في العربية ..
مراد / انت كويسة ..حسام او اي حد من تابعه عمالولك حاجة ... انت ساكتة ليه كدة 
حور / هو فين اسد ... انا بصراحة مش فكراك 
مراد / عادي يا حور .. بعد كل الي حصل ده اكيد لا هتبقي عارفاني ولو عارفاني مش هتبقي فاكراني ..بس انا هكلمك اسد علشان تطمني ..
وفعلا رن مراد علي اسد و هو كان في طريقه لمصر 
اسد بلهفة / الو يا مراد وصلتلها طمني بالله عليك .
مراد ابتسم / اه يا عم الحبيب ..اصبر
خدي يا ست جوليت الاستاذ روميو اهووو
حور اخدت الموبيل / اسد ..انت فين ..انا كنت قلقانة عليك اوي
اسد بمجرد ما سمع صوتها ارتاح اوي / معلشي يا حبيبتي انا كنت عايز اجيلك بنفسي بس انا كنت عندكم في البلد مع علي 
حور / يا نهار اسود ..طب عمتي عملت فيك ايه يا اسد 
والنبي ما تخبي عليا.. عبدالرحيم عملك حاجةة
اسد / يا بنتي اهدي ..انا كلها ساعة وابقي قدامك .. مراد هيخدك عندنا الفيلا اوعي تخافي ابدا ..و انا ساعة بالكتير وهجيلك ...
و فعلا اسد قفل مع حور و كلم جاسر .......
______________________________________**
في بيت جاسر في امريكا ..
جاسر بيجري ورا حياه .. / يا بنت الكلاب و الله قطعتي نفسي ..هو انت متجوز عيلة صغيره 
حياه / كفاية بجي انا تعبت جوي  ..انت عمال تجربني و ناسي اني انا حامل يا جاسر ..
جاسر / طب ما تقفي علشان ما نفرهدش بعض ..
حياه / اه و عايزني اقفلك علشان تيجي تضروبني مش كدة ..عيب عليك انت فاكرني عبيطة يا عم 
جاسر / يعني انت عارفة ان اللي عملتيه كان غلط .. يعني اصحي من النوم الاقي شامبو علي الارض انت يا بت عبيطة 
حياه / الله مش انت قولتلي ان احنا عايزين ناخد علي بعض ..طب ما انا كدة باخد عليك اهووة 
جاسر / يا بنت المجنونة ..لا انتي دماغك دي فيها صراصير 
حياه بقولك ايه اكرهيني ..ولا اقولك اخلعيني انا مش عايز الجوازة دي . انا ايه خلاني اتجوز ..دي السنجلة جنتلة والله
حياه/ ايوة .. قول كدة لحقت تقلب عليا ما انتوا كدة يا رجالة غدارين .. وبعدين اوعي تكون فاكر اني نسيت انك اخدتني زي شوال البطاطا و سافرت بيا منغير ما اعرف و لا حتي اطمن علي حور 
جاسر / ما خلاص بقي ..ما انت عضتيني وانا سبتك ..
واستني التليفون عمال يرن من بدري ... ده اسد 
جاسر / الوو اسد .. طمني عليك يا ابني ..
حياه / لا يغور هو ..اساله عن حووور ..
اسد  بضحك / قولها شكرا يا مؤدبة ..عموما انا كويس و حور كمان كويسة اوي و مع مراد دلوقتي ..و زمانهم وصلوا الفيلا 
جاسر انا متشكر اووووي بجد لولاك كانت حور فعلا اتخدت مني للابد و مكنتش هعرف اوصلها .
جاسر / عارف دايمة بقول عليه دماغك سم ..بس مش للدرجة دي عموما انا عملت اللي عليا .. بس انا فعلا مش عايز ادخل تاني في اي حاجة تخصكم ممكن 
اسد / ممكن يا جاسر. ..  شكرا لتاني مرة 
جاسر قفل التليفووون .... 
حياه قربت منه / صدقني اللي انت عملته هو الصح يا جاسر 
جاسر / لا يا حياه هو مش صح .. لاني بعت حسام ...
استووووووب علي كدة 
اعتقد ان القصة اهي بتخلص .. بس انا عايزة اقترحاااات كتير اخلي القصة تخلص البارت الجاي ولا لااااء ؟
و هل حور و اسد كانوا متفقين علي كل اللي حصل ده ؟
و ميرسي اووي اوووي علي كلامكم القمر ده و هلي تشجيعكم ليااااا يس انا عايزة رايكم بجد في البارت ده

رواية عشقت حورية الفصل الثلاثون 30 - بقلم يوستينا سامي
أيمن محمد

تعليقات

ليست هناك تعليقات
إرسال تعليق
    google-playkhamsatmostaqltradent