رواية انين الفصل الثاني بقلم رحمة محمد
رواية انين الفصل الثاني
مامتها بتفتح الباب لقت شاديه مغمي عليها نادهت باسمها : شااااااديه
جرت عليها حاولت تشيلها بس مقدرتش جرت خرجت من البيت وجابت الدكتور جارهم وجيه وكشف عليها
بعد ما كشف عليها خرج امها جرت عليه : طمني يادكتور شريف بنتي مالها
شريف : متقلقيش عليها هي هتبقي كويسه بس تاخد العلاج ده والفيتيمنات علشان صحتها والبيبي كمان والف سلامه عليها
عينيات اخدت منه الرشطه وشكرته ومشي قفلت الباب وراه ودخلت لبنتها الاوضه وقعدت جمبها وباست راسها بدموع : الف سلامه عليكي ياقلب امك... كده تخضيني عليكي
شاديه بتعب : انا كويسه ياماما متقلقيش عليا ولسه راحه تقوم تعبت عينيات اتخضت عليها وقالتلها : ارتاحي ياحبيبتي انتي تعبانه
شاديه : عايزه مياه ريقي ناشف
عينيات :حاضر ياحبيبتي
جابت كوبايه مياه وساندها وشربت
عينيات: هروح اعملك حاجه تاكليها قبل ماتاخدي الدوا
شاديه : لا ياماما خليكي.. انا مليش نفس
عينيات: لا ياحبيبتي مينفعش.. الدكتور قال لازم تتغذي كويس علشانك وعلشان الي في بطنك شاديه سكتت عينيات كملت... هروح اجيب الدوا واجي اعملك حاجه تاكليها.
عينيات سابتها وخرجت راحت الصيدليه الي جمبها علشان تجيب الدوا لشاديه دخلت وقابلت الي هناك وقالتله علي الدوا وقفت شويه لقت الي بيقولها : ازايك يامرات عمي
بصت لمصدر الصوت كان حسين ابن عم شاديه لفت ليه وقالتله بحب :حسين... ازيك يابني عاش من شافك
حسين : الحمدلله يامرات عمي.. انتي عامله وشاديه اخبارها ايه
عينيات افتكرت بنتها فحزنت بس دارت الحزن : الحمدلله نحمد الله يابني... امك عامله ايه
حسين : تعبانه اوي يامرات عمي وجيت اجبلها دوا...
عينيات: الف سلامه عليها... سليميلي عليها كتير
حسين : يوصل ان شاء الله
عينيات خدت الدوا وقالت لحسين: يلا يابني فوتك بعافيه
حسين : استني يامرات عمي اخد الدوا من الراجل وقالها : استني اوصلك لحد البيت
عينيات: ملوش لازوم يابني انا هروح البيت لوحدي
حسين : ودي تيجي برده يامرات عمي اتفضلي
عينيات: مش عايزه اتعبك يابني
حسين : تعبك راحه اتفضلي يلا
خدها ومشي وصلوا البيت وطلعوا السلم ووصلوا لحد الشقه عينيات : تسلم يابني.. تعبتك معايا
حسين : ولا تعب ولا حاجه... انا تحت امرك يامرات عمي
عينيات : تسلم يابني من كل شر وفتحت الباب ولما حسين اطمن عليها انها وصلت البيت قالها: امشي انا بقي يامرات عمي..
عينيات: لا وتيجي برده لازم تدخل
حسين : معلش مره تانيه... اصل انا هوصل العلاج لامي واروح الشغل
عينيات: ربنا معاك يابني يارب
حسين :يارب.. عاوزه حاجه قبل ماامشي
عينيات : عاوزه سلامتك... مع الف سلامه يابني
حسين مشي وعينيات دخلت البيت لقت شاديه قاعده علي السفره بتعب
راحتلها وسابت الدوا علي السفره وقالتلها : ايه الي قومك يابنتي... انتي تعبانه
شاديه بتعب : زهقت من قعده السرير قولت اقعد برا في الصاله شويه
عينيات باستها من راسها وقالتلها : طيب يانن عيني.. هخش اعملك لقمه علشان تاخدي الدوا
شاديه اومءت براسها وعينيات دخلت تعمل الاكل ليهم علشان يتعشوا وبعد شويه خلصت العشا واتعشوا وشاديه اخدت الدوا ونامت.
تاني يوم شاديه صحيت وحاسه انها تعبانه اوي مش قادره تحرك جسمها قامت من علي السرير بتعب وفتحت الباب بتاع الاوضه لقت مامتها قاعده وعلي رجليها صنيه فيها رز وبتنقيه
راحت قعدت جمبها وقالتلها : صباح الخير ياماما
عينيات : صباح النور ياحبيبتي... عامله ايه انهارده
شاديه بتعب : الحمدلله... انتي صحيتي امتي
عينيات : صاحيه من بدري... هقوم اعملك الفطار علشان تاخدي الدوا
شاديه : لا خليكي ياماما... انا مش عايزه افطر هروح اعمل قهوه اشاربها مصدعه اوي
عينيات : قهوه ايه بس يابنتي.. انتي لازم تاكلي حاجه علشان ماتتعبيش... هروح اعملك الفطار
شاديه بصت للصنيه : طب هاتي ياماما انقي الرز.. عما تخلصي
عينيات اعطتلها الصنيه وراحت تعمل الفطار بعد شويه شاديه كانت لسه بتنقي الرز لقت حد بيخبط علي باب الشقه عينيات في المطبخ مش سامعه شاديه سابت الصنيه علي السفره وقامت بتعب وهي ماسكه ضهرها وفتحت الباب اتفاجءت باابن عمها حسين وهو اتفاجيء بيها بس فرح انه شافها
بصتله شويه وقالت : ازيك ياحسين عامل ايه
حسين باءبتسامه : ازيك انتي ياشاديه... ليك واحشه والله.. انتي جيتي امتي
شاديه لسه هترد لقت عينيات خرجه ومعها اطباق عليها اكل وهي بتقول: مين ياشاديه
شاديه : ده حسين ابن عمي ياماما
عينيات بحب : تعالي ادخل يابني.. واقف ليه
حسين : لا معلش يامرات عمي مره تانيه .. وبص لشاديه الي واقفه حزينه
عينيات : مايصحش يابني.. اقعد افطر معنا
حسين : معلش يامرات عمي.. خليها مره تانيه.. اصل انا كنت عند امي وقولت اعدي اطمن عليكي
عينيات: فيك الخير يابني والله.. بس برده مايصحش لازم تفطر معنا وبصت لشاديه : ولا ايه ياشاديه
شاديه كانت سرحانه : ها.. بتقولي حاجه ياماما
حسين : معلش والله اصل انا مستجعل.. هجيلك تاني.. عاوزه حاجه
عينيات : سلامتك يابني يارب...
حسين : سلام
مشي حسين وشاديه قفلت الباب وراه وراحت قعدت علي السفره علشان تفطر مع مامتها وبعد مافطروا خدت العلاج ونامت عما مامتها تعمل الغدا....
************************************************
عند فوزيه كانت بتحضر الفطار مع شويه بنات في الدوار لقت مرات ابنها نازله وكانت لابسه عبايه بيتي واسعه وطرحه نفس لون العبايه وحاطه ميكب خفيف هي بشرتها بيضاء وعيونها عسلي وضخينه وطويله شويه راحت نحيت حماتها فوزيه، وباست ايديها وقالتلها : صباح الخير ياخالتي
فوزيه باءبتسامه : يا صباح العسل... صباحيه مباركه ياعروسه
ناديه بكسوف : الله يبارك فيكي ياخالتي
فوزيه : شاكر لساته نايم
ناديه : ايوه ياخالتي لساته نايم مارتضيش اصحيه قولت اسيبه ينام براحته
فوزيه : طب وجومتي من چمبه ليه يابتي
ناديه بفرحه : الصراحه ياخالتي بس ماتضحكيش عليا عاد
فوزيه : لاع مش هضحك عليكي جولي
ناديه بفرحه : ماعرفتش انام ولا يجيلي نوم من الفرحه... مش مصدجه الراچل الي كنت بتمني انه يبجي چوزي في يوم من الايام بجي چوزي صوح
فوزيه بصتلها وضحكت ناديه : كنت خابره انك هتضحكي عليا.... بس هي دي الحجيجه... وانتي خابره زين ياخالتي.. اني بحب سي شاكر منا وانا صغيره وكنت رايدها من زمان وعايزه اتچوزه معاءني خابره زين اني سي شاكر مش بيحبني
فوزيه : هيحبك يابتي هيحبك بس تسمعه كلامه زين.. وتبسطيه
ناديه : انا ممكن اعمل اي حاچه بس سي شاكر يبجي مبسوط
فوزيه : هيبجي مبسوط لو جبتيله العيل الي نفسه فيه
ناديه : هچيبهوله ياخالتي.. هچيبله العيل الي العجربه مراته ماعرفتش تچيبه
فوزيه بقرف: ما تجبليش سيرتها العجربه دي.
ناديه بغيظ : ومين طايج سيرتها.... ااه ياخالتي هموت واعرف سي شاكر كان بيحب فيها ايه... دي معرجبه وعفشه لولا بس محل البوهيه الي بتحطها علي خلقتها
فوزيه ضحكت وقالت : عنديك حج يابتي... يلا اهي غارت في داهيه وارتحنا منيها.
في اللحظه دي نزل شاكر والكل زغرط وقرب من فوزيه وناديه
باس ايد امه : صباح الخير ياما.. وبص لناديه صباح الخير ياناديه
ناديه بحب : صباح الخير ياسي شاكر
فوزيه : صباح النور ياجلب امك... واخدته في جمب : ها جولي ... سبع ولا ضبع
شاكر بثقه :عيب عليكي ياما.. سبع طبعا
فوزيه بفخر وطبطت علي ضهره : كنت خابره زين انه اكده... يلا علشان تفطر مع مراتك
شاكر : لاع ياما... مش عايز افطر انا هندل هروح مشوار وبعد اكده هروح الشغل
فوزيه : من غير ماتفطر ياشاكر.. وبعدين شغل ايه ياولدي.. في عريس يسيب عروسته يوم صباحيته ويندل شغله
شاكر ببرود : اه ياما فيه.. انا وسابها ومشي
وناديه كانت هتموت من الغيظ منه وراحت لفوزيه الي كانت واقفه متعصبه من ابنها : شايفه ياخالتي... عچبك الي عمله ده وانتي ماتجوليلوش حاچه
فوزيه : اهدي بس يابتي... انا مجدرش اقوله حاچه ده شغله بردك.. وبعدين شاكر عنيد والي في دماغه هيعمله
ناديه بعصبيه : هو في عريس يعمل الي عمله ده.. يسيب عروسته يوم صباحيته... طب الناس تجول علينا ايه.. يجول عليا ايه... ساب عروسته ليه.. علشان عفشه
فوزيه : فشر... عفشه ده ايه... ده انتي ست البنات... متجوليش اكده
ناديه بنفس النبره : امال تسميه ده ايه ياخالتي..
فوزيه : اهدي بس واجعدي.. بصي يابتي شاكر مش صغير شاكر كبير وهو عارف هو بيعمل ايه زين.. وبعدين ده مش رايح يتفسح ده رايح شغله ومهما اجوله بردك هيعمل الي في دماغه عنيد جوي اتعودي علي اكده بجي
ناديه : طب لما اهلي يچوا يباركوا.. هجلهم ايه.. لما يسالوني عريسك فين... هجلهم معلش اصل عنده شغل يوم صباحيته
فوزيه : ملكيش صالح باهلك... انا الي هجلهم... تعالي نفطر بجي
ناديه : مليش نفس عاد
فوزيه : لاع جومي... نفطرو
ناديه وفوزيه قعدوا يفطروا وبعد شويه جيه اهل ناديه ابوها وامها علشان يباركوا ليهم ومعاهم صنيه ناديه جريت علي مامتها حضنت ومامتها قالتلها : صباحيه مباركه ياجلب امك... امال فين شاكر جوزك ناديه بصت لحامتها علشان تكلم اكلمت وقررت انها تتوه في الموضوع : يا اهلا يااهلا ياعزيزه ياخيتي... وبصت لصنيه الي كانت في ايد اختها :ايه الي انتوا چايبونا ده.. تعبتوا نفسكم والله... مكنش ليه لزوم
عزيزه حاطت الصنيه : لا تعب ولا حاچه.. ده فطار للعرايس
زين جوز عزيز بص حواليه ملقاش شاكر فساله فوزيه عليه : امال فين شاكر.. علشان نبركله
فوزيه : شاكر لساته نايم .... تعالوا اتفضلوا
عزيزه : لاع احنا هنمشي بجي... كنا چايين نبارك للعرايس ونچيب ليهم الفطور
فوزيه : متجيش.. لازم تدخلوا وتتغدوا معنا
عزيزه : خليها مره تانيه يافوزيه ياخيتي... لازم نسيب العرايس براحتهم.. يلا نستاءذن احنا سلامو عليكو
فوزيه : وعليكم السلام
ناديه بعد ما امها وابوها مشوا راحت لفوزيه بعصبيه : لساته نايم ها
فوزيه : امال كنتي عايزاني اجولهم ايه... راح الشغل
ناديه سكتت فوزيه شدتها من ايديها :تعالي تعالي معايا جوه وانا بچهز الغدا ودخلوا جوه علشان يجهزوا الغدا
************************************************
نروح لشاديه مامتها بتصحيها علشان تتغدا..
عينيات : شاديه شاديه قومي ياحبيبتي علشان نتغدا
شاديه بتعب : سيبيني انام شويه ياماما.. انا تعبانه اوي
عينيات : مينفعش ياشاديه.. كلي ونامي
شاديه قامت بتعب : حاضر ياماما هقوم اهو
عينيات : يلا ياحبيبتي علشان معاد الدوا
شاديه : حاضر
عينيات مشت وشاديه قامت براحه ودخلت الحمام غسلت وشها وخرجت جهزت مع مامتها الاكل وحطته علي السفره وبدءوا يتغدوا
شاديه مش بتاكل وقاعده تلعب في الطبق ومامتها لاحظت
عينيات : مالك شاديه.. مش بتاكلي ليه
شاديه : باكل اهو ياماما
عينيات : طب ياحبيبتي.. عايزاكي تخلصي الاكل الي قدامك ده
شاديه اومءت براسها وقاعده تبص لامها عايزه تقولها حاجه بس بتتراجع، مامتها عرفت انها عايزه تقول حاجه
عينيات : عايزه تقولي ايه ياشاديه
شاديه : ها.. لا مفيش حاجه
عينيات : قولي يابنتي متخافيش
شاديه سكتت وبعدين قالت : الصراحه كده ياماما انا بفكر اشتغل
عينيات سابت المعلقه وقالتها : تشتغلي؟!! تشتغلي ايه يابنتي وانتي حامل
شاديه : اشتغل اي حاجه.. بس اهم حاجه اشتغل..
عينيات : طب هو انا أصرت معاكي في حاجه يابنتي
شاديه : لا والله ياماما.. بس كل الحكايه اني عايزه اشغل نفسي بأي حاجه مش عايزه افضل قاعده في البيت واقعد افتكر الماضي والذكريات الأليمه اي نعم الماضي عمره ما بيتنسي بس انا هحاول انسي وكمان عايزه اخف عنك حملنا شويه و
قطعتها عينيات : اوعي تقولي كده ياشاديه حمل ايه.. ده انتي وبنتك لو ماشليتكوش الارض اشيلكم في عنيا
شاديه باست ايديها : ربنا يخليكي ليا ياست الكل... عارفه والله ياماما بس برده لازم اشتغل انا عايزه كده
عينيات اتنهدت : طيب يابنتي اعملي الي يريحك بس بلاش دلوقتي.. علشان انتي حامل واي مجهود غلط علشانك خلي موضوع الشغل ده لما تخلفي
شاديه : حاضر ياماما وقامت.. الحمدلله
عينيات : فين الي انتي كلتيه ياشاديه
شاديه : الحمدلله والله ياماما شبعت تسلم ايدك
عينيات :بالف هنا وشفا ياحبيبتي.. يلا روحي خدي الدوا عما اروح اعمل الشاي واجيلك
شاديه اومءت براسها و جايه تشيل الأطباق مع مامتها مامتها وقفتها : بتعملي ايه
شاديه : هساعدك ياماما مينفعش
عينيات : والله مانتي عامله حاجه.. انتي تعبانه.. اقعدي ارتاحي وخدي الدوا
شاديه : حاضر وراحت خدت الدوا وقعدت علي الكنبه تتفرج علي التليفزيون
******************************************
عند شاكر خلص الشغل وروح لقاه امه قاعده مضايقه وكانت مراته جوه في المطبخ بتحضر مع البنات الغدا
راح ناحيتها وقالها : مالك ياما.. مضايج من ايه
فوزيه : يعني ماخبرش انا مضايجه من ايه عاد
شاكر : لاع ماخبرش
فوزيه بعصبيه : عچبك الي عملته الصبح ده
شاكر : ايه الي عملته مافهماش حاچه
فوزيه : والله.. يعني لما تسيب عروستك ليله صبيحتكم وتروح الشغل ده يبجي اسمه ايه.. الناس تجول علينا ايه
شاكر ببرود : انا مليش صالح بالناس... اهم حاجه نفسي مايهمنيش حديت حد وبعدين ياما انا مكنتش بلعب انا كنت في الشغل عاد ومش علشان اتچوزت ناديه عملت اكده لاع.. انا اكده بحب شغلي حتي لما كنت مع شاديه تالت يوم اندليت الشغل
فوزيه : خابره زين انك عنيد وانا كنت مهما اجولك هتعمل الي في دماغك
شاكر : زين ياما انك خابره.. انا هطلع فوق اتسبح واندل عما تجهزوا الوكل ومشي طلع فوق الاوضه ودخل الحمام بستحمي ونزل قعد علي السفره مع أمه ومراته وبعد ماخلصوا اكل ناديه قامت تعمل شاي ليهم وقعدوا مع بعض وناديه كانت مضايقه من شاكر وهو لاحظ انها مضايقه بس ماهتمش بالأمر وقعد مع أمه
************************************************
شاديه كانت مع مامتها وبيتفرجوا علي فيلم ومبسوطين فاجءه لقوا خبط جامد علي الباب شاديه وعينيات اتخضوا وشاديه قامت تفتح الباب لقت حسين ابن عمها اتخضت من شكله وقالت : في ايه ياحسين مالك ايه الي حصل
حسين :معلش ياشاديه اني خبط عليكم كده بس اصل امي وقعه في الارض ومش عارفه اعملها حاجه ممكن تيجوا تساعدوني
عينيات: ياخبر.. انا جايه معاك استني وبصت لشاديه : خليكي هنا ياشاديه انا هروح معاه واطمن عليها
شاديه : لا ياماما انا هاجي معاكي.. علشان اطمن عليها انا كمان
عينيات: خليكي يابنتي انتي تعبانه
شاديه : لا ياماما هاجي يلا
عينيات وشاديه وحسين طلعوا فوق بسرعه بس شاديه كانت طالعه براحه علي السلم راحوا عند خديجه وساندوها لحد ما نايموها علي السرير وعينيات قالت لحسين يجيب الدكتور شريف من تحت وبعد شويه جابه وكشف عليها وخرج
الكل جري عليه وأولهم حسين الي كان قلقان علي مامته وقال لدكتور : طمني يادكتور امي مالها
الدكتور بحزن واسف : البقاء لله
يتبع الفصل التالي اضغط هنا
- الفهرس يحتوي على جميع فصول الرواية كاملة :"رواية انين" اضغط على اسم الرواية