رواية انتقام من نوع خاص الفصل الأول 1 - بقلم امل صالح

الصفحة الرئيسية

رواية انتقام من نوع خاص البارت الأول 1 بقلم امل صالح

رواية انتقام من نوع خاص كاملة

رواية انتقام من نوع خاص الفصل الأول 1

- حماتي بتخون حمايا..!!
- أنتِ بتقولي إي..!!
- دي فرصتي عشان أمسك عليها حاجة، أنا زهقت من اللي بيحصل فيا يا شهد..!!
- من ستر مسلم ستره الله في الدنيا والآخرة، حرام عليكِ يا شروق.
- وهي حلال اللي بتعمله فيا..!! حلال اللي بيحصل فيا من ساعة ما اتجوزت..!! أنا مِش هتراجع عن فرصة دي دي وبعدين أنا مِش هفضحها، أنا عايزاها تعرف إني عارفة عشان تلم نفسها معايا.
- أنا حذرتك ومليش دعوة باللي هتعمليه.
- أنا عملت خلاص.
- تقصدي إي يا شروق..!
- أنا عرفتها إني عارفة....
..... من 3 شهور .....
بدأ الموضوع واحنا بنشتري جهاز بيتي، أنا وماما وخطيبي "حسام" وأمه، وقفنا في محل أدوات منزلية وبدأنا ندور على آخر حاجة في الجهاز "التلاجة".
الأسعار كانت غالية بشكل كبير، فَـ كنت حريصة شوية بما إنها آخر حاجة، اخترت تلاجة ما بس اتفاجأت باعتراضها - دا..! دا مِش مقامنا يا حبيبتي، بعدين مَـ تصرفي من الفلوس اللي على قلبكم دي..!
بصيت لحسام بصدمة من كلامها، مِش أول مرة تتكلم كدا بس في موقف مشابه للموقف دا لما كان هو اللي بيجهز العفش واعترضت على حاجة زعقت وقالت إن كل واحد على قده وبتاع..
بصلها - خلاص يا ماما، دي آخر حاجة في الجهاز كله وفي فلوس كتير صرفوها على باقي الجهاز.
لوت شفايفها وهي بتبص الناحية التانية - اللي تشوفه سِت الحسن ياخويا.
ومواقف كتير من دا، وفي يوم تاني كنا بنتغدي أنا وهو في مطعم بعد كتب الكتاب بفترة، يعني بعد ما خلاص بقى جوزي ومفهمني إن الشقة خلصت، إتفاجأت بيه بيقولي..
- إحنا هنعيش مع أمي في بيتها.
رواية انتقام من نوع خاص الفصل الأول 1 - بقلم امل صالح
أيمن محمد

تعليقات

ليست هناك تعليقات
إرسال تعليق
    google-playkhamsatmostaqltradent