رواية مختمرة في عالم الأزياء بقلم رحمة محمد
رواية مختمرة في عالم الأزياء الفصل الأول 1
-طيب وقررت حضرتك هتعمل اي ولا سيبها كدا على الله حكايتك
-في أي انا من امتي حد بيتكلم معايا كدا انت ليه محسسني اننا لسه متعرفين على بعض جديد أعقل كدا وركز والعرض هيتقدم هيتقدم والبتاعه دي انا هعرف ازاي اخليها تقف عند حدها
مصطفى :يا أسر مش قصدي بس البنت فعلا موقفه التصاريح كلها ومش راضيه اننا ناخدها والظاهر كدا ان ليها كلمه هناك
أسر :حلو موضوع ليها كلمه ده تعال بئا معايا
أسر عنده ٢٨ سنه عاشق للنساء الجميله بيشتغل في مجال الموضه وعروض الأزياء
مصطفى صاحبه عنده ٢٧ سنه معاه في نفس المجال لكن على النقيض تماما في موضوع البنات ده
زينب :انا نازله الشغل يا أمي محتاجه حاجه
فاطمه :لا يا قلب امك بس عيزاكي ترجعيلي بعريس مش ترجعي بشويه خمارات
زينب :صلى على النبي في قلبك كدا يا بطوط يعني هو انا كنت مانعت مهو انتي عارفه إلى فيها انا اي ذنبي
فاطمه :اتنازلي شويه عند موضوع ملتزم ده يا بنتي ده انتي اغلب عيلتك مش بيركعها هيبصلك الملتزم ده على أي بس
زينب :بصي يا أمي في حاجه اسمها النصيب وانا بؤمن بيه وجدا وبعدين يا ستي انا عندي حسن ظن بربي وعارفه انه هيكرمني وواثقه فيه خليها على الله
فاطمه :ونعم بالله روحي يا بنتي ربنا يكملك بعقلك
زينب :امين يارب بس الي قوليلي يا بطوط كان فيه طبق رز بلبن جوا اي نظامه اوعي تقولي حد جه جمبه لا ده انا ازعل واجيب ناس تزعل فاطمه رم؛ ت عليها الشب؛ شب؛ امشي يا بنت الهب؛ له
زينب :السلام عليكم ورحمة الله وبركاته يا قوم كف حالكم
رانيا :كويسين يا ختي بس اتلقي وعدك
زينب :ليه يعني عملت اي
عادل :انا هقولك يا استاذه زينب لما توقفي ورق لشركه بالحجم ده جيالها توصيه من فوق اوي بتدفع ضرايب بأرقام مهوله عشان شويه كلام فارغ
زينب :انا معطلتش حاجه كل الي قولته انهم يغيروا في المحتوى إلى عايزين يطرحوه في السوق مش اكتر
عادل :حاجه متخصكيش يا استاذه ونفذي وأمضى والا هتتحولي للتحقيق من بكرا الصبح انتي فاهمه
يتبع الفصل الثاني 2: اضغط هنا
الفهرس يحتوي على جميع فصول الرواية كاملة: "رواية مختمرة في عالم الأزياء " اضغط على أسم الرواية