رواية عشقت قطة الفصل الرابع عشر 14 - بقلم فيروزه

الصفحة الرئيسية

   رواية عشقت قطة البارت الرابع عشر 14 بقلم فيروزه

رواية عشقت قطة كاملة

رواية عشقت قطة الفصل الرابع عشر 14

تاني يوم الصبح .....
ام اسد بحزن....مالك يا حبيبي بطلت تطلع من اوضتك ليه ...طول الوقت قاعد في اوضتك ...ولا بتخرج ولا بتقبل حد وكانك في الدنيا لوحدك ....
اسد بابتسامه...ولا حاجه يا ماما ...قاعد بفكر في حياتي ...واللي جاي ...واللي لسه ...حاسس اني كده مرتاح..
وانا بعيد عن الكل ....حبيت الدنيا لوحدي .....حاسس الوحده 
امان من بكره واللي جاي ....
ام اسد بابتسامه....انت فاهم الحياه غلط يا حبيبي الحياه عمرها ما بتقف علي حد ولا علشان حد مات الحياه ماشيه ..
واحنا نموت او نفضل عايشين الحياه كده كده ماشيه بينا أو من غيرنا ...يبقي ليه مناخدش الحلو من الدنيا واحنا عايشين 
....ونفرح مع بعض وعلشان بعض ....نبتسم من قلوبنا وعلشان قلوبنا تفضل تدق بحب وعطف  ....اخرج وشوف الدنيا الوردي اللي فيها بروضه الوان بتخلي للوردي طعم لانه جاه بعد طول انتظار.....
اسد بابتسامه حضن أمه ....حاضر يا حبيبتي ......هخرج علشان اشوف الوردي الملون .....وعلشان قلبي يدق بحب ....
ام اسد بفرحه .....بجد ...
اسد بابتسامه....بجد يا ماما ......
ام اسد...طيب انا هخرج علشان تغير هدومك وتخرج ....
اسد بابتسامه......ماشي يا ست الكل...
ام اسد خرجت من الاوضه بابتسامه طلعه من قلبها علشان ابنها ....
اول ما ام اسد خرج اسد حط ايدو علي قلبه بفرحه ....
اسد بابتسامه....قطه ...يا قطه ....
القطه ....صوت كله فرحه مالك يا حبيبي....
اسد بابتسامه....نفسي اشوفك دلوقتي ونخرج مع بعض زي الاول وحشني صوتك ....وحشني شكلك. ....وحشني نسمع ام كلثوم مع بعض .... وحشتيني حكايتك ....كل حاجه معاكي وحشتيني......
القطه ....خالص البوابه قربت تخلص فكر أنت واحنا نكون مع بعض .....
اسد بابتسامه....عرفت بيت ...
القطه ...احكي ....
اسد بابتسامه....البيت مش جدران البيت ناس وقلوب بتخاف عليك ...البيت ام كل همها ابنها او بنتها....ازاي يكونوا مبسوطين وده الاهم عندها ....البيت اب كل همه ازاي يجيب فلوس تكفي احتياجات ولاده ومراته ....البيت ابن وبنت البيت جد ...البيت احفاد البيت يعني الونس.....
القطه ...البيت يعني انا وانت وبس .....
اسد بابتسامه....البيت قلبي وقلبك ...وونس العمر ....
القطه ...كده كمان حجر في البوابه ....
اسد بابتسامه...النهارده قررت اخلص البوابه ...واشوفك ...
القطه بسعاده....بجد .....
اسد بابتسامه....وحياه قلبك عندي ....
القطه بابتسامه....كمل ....
اسد بابتسامه....حكايه ست ....
كان يا مكان في هذا العصر والزمان كان في ست ....في منتصف العمر ....في مقتبل الحياه ....بس بنسبه للناس عانس ....وده لقب بتاخده كل ست في سن مفروض أنها لسه بتبد فيه حياتها .....بس احنا في مجتمع بعد سن معين للست بتبق عانس ....كلمه بتوجع اوي ....كلمه كأنها خ نج ر في قلب كل ست ....ماكنش ليه نصيب تتجوز دلوقتي وده مش معانه أنه عيب منها لا ....ده نصيب من عند ربنا واو يمكن اختبار ليها من ربنا علي قوه تحمله وصبرها وايمانها بالله.......
نبدا الحكايه ..
انتي يا ست هانم هتفضلي نايمه للعصر كل يوم كده  ....
قمت بنت في منتصف العمر ...من النوم ...
نعم يا ماما ....
نعم الله عليكي ياختي ....قومي شوفي وراكي ايه ولا هتفضلي نايمه للعصر زي كل يوم ....ولا جواز اتجوزتي ولا منك منافعه......هتفضلي طول العمر جمبي كده كل البنات اتجوزت الا انتي ....هتفضل قاعده في وشي طول العمر ....
البنت ...حاضر يا ماما انا قومت اهو ....
قمت البنت من النوم بدموع علي كلام كل يوم ....نفس الكلام القاسي وبعد كل ده الساعه لسه تسعه ....بس ده مصير 
كل بنت اتاخرت في الجواز ...مع أن ده نصيب ....(وهل تعلم يا نصيب كم انا في انتظارك...لقد مل الانتظار مني ومنك ....
وانتهت كلامتي مني ...وانا في انتظارك....وااااااه من الانتظار....
قمت البنت لهم كل يوم ....كنس وطبخ وبعد كل ده مفيش كلمه شكر كل الكلام اللي بيتسمع انت ملكيش لازمه ...وانك 
مش زي فلانه ولا زي غيرها ...كل اللي قدك معهم عيال طولهم وانتي عانس ....
كلمه بتوجع اوي والاكتر لما تكون خرجه من اقرب حد ليك وهي امك ....
البنت بتفضل تسكت وتسكت ....يمكن هي شايفه أن ده الحل ...
بس عمر ماكان الصمت حل ....دايما الحل في انك تدفع عن نفسك بنفسك ....
انتي لسه قاعده محلك سر ...... دي كلمه أمها وخالتها وحتي الجيران بي يقولها ليها ....(كلمه معناها وجع ....
بعد تعب اليوم دخلت البنت اوضتها....وفكرت ازاي تخلص من الحياه دي ....وبعد تفكير طويل قررت تخرج من البيت ..
ومن حياتها ...وتشوف ناس جديده يمكن ده الحل ....
قمت من الصبح بدري ...
وقالت باعلي صوت عندها ماما ...ماما ...
خرجت الام والاب علي صوتها ...
الام ...مالك يا بنتي علي الصبح ...
البنت ...انا قررت اشتغل ...وهنزل دلوقتي ادور علي شغل ...
الام بستغراب ....مره واحده كده طلعت في دماغك ....
البنت ...لا بعد تفكير طويل قررت اشوف حياتي واطلع من كلمه عانس مره وللابد ....
الاب بابتسامه.....علي بركه الله يا بنتي ....اعملي اللي شايفه صح ...
الام  ...انت بتقول ايه يا راجل ...ولم هي تخرج مين هيشوف شغل البيت ...
الاب ولاول مره ياخد موقف ...انتي اللي هتشوفي شغل البيت ....البنت اتعلمت علشان تعيش حياتها ...مش علشان تفضل قاعده جمب المواعين ....يلا يا ليل اخرجي واعملي اللي شايفه صح ...أنا وثق فيكي ....
ليل قربت من ابوها وحضنته....ربنا يخليك ليا يا بابا ....
الام بحزن مصطنع .. .. يعني علي بختي ...هو انا هعمل ايه ولا ايه ...
الاب ....هقولك انا هتقومي من مكانك ...اللي بق تفاصيل علي مقاسك من كتر القاعده ...يلا يا ليل اخرجي ...
....
خرجت ليل ولاول مره تخرج وتكون بالسعاده دي ...لاول مره ابوها يادفع عنها ...وكمان وهي خرجه ادها مبلغ وقاله قبل ما تدور علي شغل تجيب لبس وكل الحاجات اللي نفسها فيها واعتذار منها ... لانه كان مقصر معها ....
الفرحه ممكن تخليك تصغر سنين ....
ليل دخلت محلات كتير وجابت لبس حلو اوي كله فساتين بنتي هاديه ومميزه ....ولبست في المحل فستان منهم ...
وبعدين دورت علي شغل ....ولقت ....
وبعد ماخرجت من الشركه كنت حاسه انها مسكت النجوم باديها.....
انها السعاده .....
روحت وكنت هتطير من الفرحه ....
ومع مرور الأيام اتعرفت علي زميل ليها في الشغل ....وبقي في بينهم شرره حب ....دقه قلب ....سعاده من غير سبب ولا مبرر .....بقي في كلمه سر وهي الحب ....
وبعد فتره اتقدم الشب وحصلت خطوبه من نوع خاص ...خطوبه مميزه بكل معني الكلمه ....
وبعد كم شهر كان الفرح .....
بارك الله لكما وبارك عليكما وجمع بينكما في خير ❤️❤️❤️
هي دي نهايه الصبر دايما جبر من الرحمن ❤️
حتي لو الجبر اتاخر ...ده نصيب بس النهايه أن لكل صابر نصيب من صبره .....
العريس بفرحه ....حبيتك من نظره ....
ليل ...كنت عارفه انك الجبر ❤️🥺....
العريس حضنها وفضل يلف بيها وهي كنت طايره من السعاده 
 ....
العريس ...بحبك يا ونسي❤️🥺...
ليل ....حبيت روحك قبل قلبك بحبك❤️🥺 ....
ليل حبت واتحبت حتي لو بعد الاربعين ....لكل صابر نصيب 
ولكل بدايه نهايه .....وأنه النهايه للصبر ❤️🥺...
حب واتحب حتي لو بعد الاربعين ....ومفيش حاجه اسمها عانس.....
انت قلب حتي لو مر العمر ❤️🥺....
هو الحب بيجي من نظره أو كلمه ...نعم إنه الحب ملوش سن ولا ميزان ولا عقل  ....الحب مجنون بلا عقل ❤️🥺
...
اسد بابتسامه....وهي دي حكايه ست حبت واتحبت.....
القطه ...حبيت الحكايه ودخلت قلبي ...
اسد بابتسامه .....ولسه الباقي علشان البوابه تكمل النهارده ..
القطه ...كمل ...
اسد بابتسامه...حكايه ولد ....
وهو فعلا الولد هو السند ولا دي اشاعه ....وليه ماتكنش البنت هي السند ...ولا احنا في مجتمع لازم فيه الولد ....
والله يا نور مش عارفه هعمل ايه لو المره دي طلعت بنت ...والاكتر اني حامل في تؤم....
هتعملي ايه يا نسرين هو باديكي ....
مش عارفه يا نور ....انا مرديتش اعمل سونار من خوفي ...
خايفه من ايه يا بنتي ....ده البنات نعمه وغيرك مش لاقيها ....
خايفه علشان محسن حلف المره دي لو جبت بنات هيتجوز عليه ويجيب الواد ....
....
جاه اليوم المنتظر ....
وفعلا نسرين جابت بنتين .....وكده بقو ٨.....
اول ما طلعت من اوضه العمليات محسن رمي عليها يمين الطلاق ....
نسرين عيطت كتير علي بختها وكمان دي حاجه من عند ربنا 
....
بس الإنسان طماع .....
بعد مرور السنين ....نسرين ربت البنات ....وكبرتها .....ودخلوا كليات القمه .....وانتهت علاقتها بمحسن من يوم الطلاق ....
وفي يوم من الايام الباب خبط ...
نسرين فتحت وشافت محسن بس شكله اتغير اوي ....بقي واحد تاني ...كأنها مر عليه قرون مش سنين ....
نسرين دخلت محسن ورحبت بيه ....
محسن بدموع ....جبت بدل الولد اربعه ....
نسرين بكسره ...ربنا يبارك فيهم ....
محسن بدموع....ربنا يخدهم...زلوني وفي الاخر رموني في الشارع لو الكبر كلني....بقيت ابات في الشارع ....
نسرين قربت منه وطبطت عليه .....طيب ما جيتش ليه بدل بهدلتك ....
محسن دموعوا ذات.....كنت خايف لتعملي زيهم ...
نسرين بحنان ....عمري ما هكون زي حد وبعدين انت ابو بناتي ....
محسن بدموع...هم فين نفسي اشوفهم.....
نسرين ....زمنهم جاين دلوقتي دول هيفرحوا بيك اوي ...
بعد مده البنات جمو....ورحبوا بابهم اوي ....
ومع مرور الأيام الاب حالته ساءت اكتر ....واللي كانوا واقفين جمبه وشيلينه بناته..... 
وم  ت محسن ....واللي كانوا معه في النهايه البنات ...
هو صحيح يارب ولد ...
بس يارب بنات تنور الحياه ....
يارب بنات بميت ولد  .....
...
تمت ...
اسد بابتسامه....كده فضل حجر والبوابه تخلص واشوفك يانور عيني.....
القطه ....حبي ليك كل يوم بيزيد بحبك يا ونسي ❤️🥺...
اسد بابتسامه....تعبت من بوعدك نفسي اخدك جوه حضني وغمض عنيه ....واعيش وانا في حضنك❤️🥺 ....
القطه ....انت الحياه .....نفسي اعيش جوه قلبك❤️🥺 ...
استوب بكره نكمل ....
بكره اخر بارت من الروايه يارب تكون عجبتكم....
ممكن رايكم في كل حكايه في بارت النهارده....
واللي جاي اقوي بكتير من اللي فات.....
اسفه على التاخير بس بجد غصب عني .....
عايزين النهايه حزينه ولا سعيده ...


رواية عشقت قطة الفصل الرابع عشر 14 - بقلم فيروزه
ranosha

تعليقات

ليست هناك تعليقات
إرسال تعليق
    google-playkhamsatmostaqltradent