رواية مصيبة سكنت قلبي الفصل السابع 7 بقلم اميرة رمضان

الصفحة الرئيسية

  رواية مصيبة سكنت قلبي بقلم اميرة رمضان 


رواية مصيبة سكنت قلبي الفصل السابع 7


كنت متوتره اوووي بس لازم اقوله واخلص بقي 
_يوسف عايزه اقولك حاجه 
=قولي 
_بس اوعدني انك مش هتزعل مني 
=في اي 
_اوعدني الاول بس 
=قولي ومتخافيش انا سامعك اهو 
_احم انا من فتره كده كنت كنت   (الكلمه مش قادره تطلع )
=قولي علطول انتي علقتي 
خت نفس عميق وقولت بسرعه 
_كنت بحب واحد 
(نظرت يوسف وقتها تخليني ادفن نفسي مكاني )
_اي ي يوسف انت قولتلي مش هتزعل 
= طب ودلوقتي لسه بتحبيه 
_ لاء خالص والله انا دلوقتي مش بكره حد قده
(حست الي حد ما ان يوسف هدي خالص وبقي عادي يالهوي ده كان هياكلني )
=هو كان عارف انك بتحبيه 
رديت بتوتر _ ماهو بصراحه انا كنت بكلمو كنا مرتبطين 
يوسف : مرتبطين طب متخطبتوش ليه بقي 
رديت بتلقائيه _ عشان هو  كداب وخاني  وكلم بنات كتيره اووي عليا وكان مفهمني انه بيحبني وخلاني حبيته واتعلقت بيه
وبعدين كسرني وسابني 
يوسف مسك اعصابه بالعافيه واتكلم بهدوء :  كنتو بتخرجو مع بعض 
انا خوفت ليتعصب اكتر _ لاء مخرجناش كنا بنتكلم بس 
 #بقلمي_اميره_رمضان
يوسف : تمام وبعدين 
_بس هو ده اللي كنت عايزه اقوله 
يوسف : ماشي انا همشي بقي 
_ يوسف في اي وبعدين هتمشي ليه طب والعزومه
يوسف : في حاجه ضروري في الشغل لازم امشي
يوسف مشي من غير ميقول حاجه في الموضوع وانا خوفت من الهيحصل يارب استر 
ميرا : لوكااا هو يوسف رايح فين 
_ مش عارفه قال نازل في حاجه ضروري في الشغل 
ريم : انتي قولتيله 
_ ايوا قولتلو وياريتني مقولت زعل وسابني ومشي 
ساره : عادي ي ملك ممكن مزعلش وفعلا في حاجه ضروري في الشغل 
_ مش عارفه بقي ربنا يستر 
______
عند يوسف 
يوسف ركب العربيه وراح مكان فاضي 
يوسف بغضب : يعني انا كنت بحبك الفتره دي كلها وانتي بتحبي واحد تاني 
هو ممكن تكوني اتخطبتي ليا عشان تنسيه او تغيظيه وكده 
يعني انا مليش لازمه عندك 
ليييه كده بعد مكنت هموت واوصلك ووصلتلك اتصدم كده ليييه 
(قعد اكتر من ساعه لحد مهدي خالص وركب العربيه ومشي )
عز : لوكاا هما جايين ايمتي 
_ مش عارفه ي عز 
عز : رني عليه طيب 
خوفت ارن ليزعقلي : مش معايا رصيد 
عز : طب هشوفو انا  
_اي ي يوسف انت زعلت بجد ولا اي ومش هتاجي 
(الباب خبط طلعت اشوف مين بسرعه )
فتحت الباب ولقيت يوسف وعيلته  كلهم
  (واكيد طبعا جايه معاهم روفان ماهي بنت خالته بقي واحمد ابن عمه وانتو عارفين )
_ اتفضلو نورتونااا  
بابا : اهلا وسهلا اتفضلو 
ماما : مرحبا ي جماعه اتاخرتو ليه 
احمد : والله ي خالتي كنا هناجي من بدري بس نعمل اي في البارده دي هي اللي اخرتنا 
رنا : والله متاخرتش اوي يعني خلاص بقي ي طنط هيهزقوني تاني 😂
بابا : ولا يهمك ي قمر اتفضلو هناا (ودخلو يقعدو )
ولقيت يوسف جه وقف جنبي انا حسيت انه هيلطشني بالقلم بس لقيته ميل عليا وقال علفكره انتي قمر في الطقم ده اوووي 
_ يالهوووووي 
يوسف : اي 
_ لاء اصل انا كنت متوقعه حاجه تانيه 
يوسف : حاجه اي  
_ لاء متاخدش في بالك 😂
يوسف : طيب زرعتي الورد  
_ لاء 
يوسف : طيب تعالي نزرعو مع بعض  
_ بجد 
يوسف : اه يلا 
_ اشطاااا تعالي 
وطلعنا البلكونه وجبت المايه والحاجات 
_ يوسف قبل متعمل حاجه انت زعلان مني 
=شوفي انا الاول كنت متضايق اووي فكرة ان حد كان بيقولك كلام حلو دي كانت مضيقاني اووي غيران بقي بس لما قعدت شويه مع نفسي قولت عادي بقي ده كان ماضي وراح لحالو وانا مكنتش في حياتك وقتها عشان ازعل وكده وبعدين انتي لما قولتيلي انا احترمت ده جدااا وده سبب كافي اني مزعلش منك 
_ ياشيخ طمنتني انا كنت خايفه لمتجيش 
=مقدرش طبعا دانتي وحشتيني في الشويه دول علي فكره 
_ هههههه طب يلا نزرع 
=طيب هاتي شويه مايه هنا 
_ يوسف انت بتعمل اي متحطهم كلهم مع بعض 
يوسف : هبله انا بعمل كده وشوفيهم لما يطلعو هيبقي عاملين ازاي 
_ ماشي ي باشا منتا مهندس بقي لازم تظبط كل حاجه 
= طبعا ي بنتي مش مهندس 
كنت بكب المايه علي الورد وهو بيظبطو و بصالو وهو مش واخد بالو بس اي الجمال ده وشعرك ده حقيقي ولا استشوار 
وسرحت فيه وهوووب كبيت المايه عليه 
يوسف : بتعملي ااااي     #بقلمي_اميره_رمضان
_ يالهوووووي مختش بالي والله 
وجيت امسح المايه من علي الشيميز كانت ايدي فيها طينه ووسخت ليه الشيميز 
يوسف : يخربيتك بس بس جيتي تكحليها عمتيهاا خااالص 
_اسفه والله ينهار اسود 😂
يوسف : بتضحكي 
_ تعالي تعالي اغسل ايدك ونضف الشيميز بدل منضفه انا 
يوسف : قصدك تبهدليه اكتر منك لله 😂
واحنا واقفين نضحك جات امنا الغوله 
روفان : انتو بتعملو اااي 
يوسف : في حاجه 
روفان : اي الوسخ هدومك كده اكيد هي موسخاك قصد 
_ اي ده هي الحلوه كانت بتراقبنا من بدري ولا اي 
روفان : هات  ي يوسف انضفهولك  وهتحط ايدها علي يوسف 
مسكتلها ايدها جامد : انتي هتعملي اي ي بت 
روفان : سيبي ايدي انتي مجنونه 
_ انا هوريكي الجناااااان علي اصوله



يتبع الفصل الثامن 8: اضغط هنا
الفهرس يحتوي على جميع فصول الرواية كاملة: "رواية مصيبة سكنت قلبي " اضغط على أسم الرواية

رواية مصيبة سكنت قلبي الفصل السابع 7 بقلم اميرة رمضان
nada eid

تعليقات

ليست هناك تعليقات
إرسال تعليق
    google-playkhamsatmostaqltradent