رواية أحببت طفلة الفصل الثاني 2 بقلم الكاتبة شروق مصطفي

الصفحة الرئيسية

  رواية أحببت طفلة بقلم الكاتبة شروق مصطفي 



رواية أحببت طفلة الفصل الثاني 2

غرام :بيب بيب يلا نظيط
ملك :منك لله بسببك يختي بنضف بيت عيله كامل
خلود:روحي ياشيخه الهي يارب تقومي تلقي رجلك الشمال
بدل اليمين
فتون :يوه مش كلكم عليها ياجدعان
غرام : حبيبي يا.....
فتون:انا كفيله بيها سبولي الطلعه ديه بقي وراحه مشنكله
غرام حته شنكله
غرام :اه ياحلوفه ضهري لاء رجلي لاء إيدي لاء ده كلي
خلود:احسن تستهلي
ده عقاب البنات تعالوا نشوف الولاد
عبدالرحمن :بسكوتي وحشاني اوي ياجدعان
أوس:أه يامراره أهلي أه
كريم :ياخي اتنيل
عبد الرحمن :مش هعتمد ولا هتعمد اجر الحاقدين الي تعبكوا الي انا حراق رجلي في وش الطخين
كريم :عناااب
أوس :عبد الرحمن تعالا معايا علشان نشتريلهم الطلبات من الهايبر وانت ياكريم اقعد هنا في العربيه لما نقلك افتح شنطه العربيه تفتح
كريم :خلاصانه ونزلوا فعلا واشتروا حجات كتيره اوي اوي شنط شنط شنط
أوس وهو بينهد : اه مش قادر منك لله ياغرام
كريم :ولدي قره عيني انت كويس
أوس بتمثيل :لاء يما ولدك مش بخير مش بخير
عبدالرحمن:بطلوا تفاها يلا نروح نشوف مين هيطلعها معانا
ومشيوا ب اختصار عقاب البنات ينضفوا بيت عيله ست ادوار وعقاب الشباب انهم يجيبوا طلبات البيت كله علشان خلاص رمضان فاضل عليه أسبوع وهما يدوب بيجهزوا
غرام :اهلا بهدومك يارمضان
خلود: ونعيش ونصومك يارمضان
فتون :بعد غياب عدنا إليك
ملك :سيبولي الحته ديه انا هلحنها بعد غياب عدنا إليييييك
ياااااااا رمضاااااان
البنات:يع بس صوتك مقرف ياشيخه نسبهم دول عيله هبله اصلا 😂
صهيب :امي ياست الكل
مرام : حبيبي عامل ايه
صهيب :انا بخير يا أمي فين الواد خالد
مرام:لسه راجع من السفر ودخل ينام
صهيب :تمام ماشي
مرام:بطل غشامه
صهيب :ولا غشامه ولا حاجه ده هزار ايه مبتهزرش يارمضان
مرام :بمناسبه رمضان كنت عايزاك تنزل انت واخوك خالد تشتروا الحاجه
صهيب :ماشي يا مريومتي يا قمر انتي
مرام:صهيب ياريت مضايقش خالد بكلمه انا عارفه انك بتاخد بالك من كلامك بس انا برضوا لسه بشوفك صغير مهما كبرت وانت عارف خالد زاي أبني هو ابن عمك ولازم نعوضه حنان الاب والام تمام صهيب
صهيب :أكيد طبعا يا أمي ياست الكل وباس إيديها وطلع
عند خالد كان نايم وحاطط رجل علي جل
صهيب:أيه النومه الغرييه ديه نايم بس بشياكه وراح جنب. دنه وقال تووووووووووووووت
خالد بفزع :ايه حصل ايه مين مات الملك احمس مات رمسيس بقي محطه مترو الزومبي فاقوا من قبورهم صهيب حبيبي حد ضايقك
صهيب وقع ميت من الضحك علي الارض
خالد:وربنا ياصهيب انت عيل بارد
صهيب :كده يافوزي بتشتمني إءه إءه إءه إءه
خالد:كات يافنان انا قلبي رهيف ودمعتي قريبه
إظاهر ان صهيب كده بردو هربانه منه ده جو بيته وسط عيلته لكن هو بره البيت جد ونظامي جدا كمان
غرام :مها ياست الستات ياقلبييييي
مها :مالك يا نحنوحه عايزه ايه
غرام :عايزه عشرين جنيه هجيب بومب وصواريخ
مها :مش كفايه مطروده لاء وكمان بجحه
غرام :انتي قفوشه اوي والله اعيط
مها :اتفلقي
عند خلود
خلود :يارنا بقي
رنا ماما خلود :انسي انسي سلك مواعين ايه يابنت الهبله الي هتولعيه في الشارع
خلود: رنا هعيط
رنا :اتفلقي
عند ملك :ريماس حماتشي كرما امي حبيبتي ست .الكل ياحبيبه
ريماس:مش مطمنالك يامرات ابني
كرما : ولا انا مطمنه يا بنت بطني
ملك : الموضوع بيسط هو مش موضوع هما اتنين موضوعين
ريماس:ارغي
ملك :الاول انا وبودي كتكوتي يعني عايزين نتجوز في العيد الصغير مش الكبير والتاني انا وكتكوتي عايزين نفرقع بومب وصواريخ في الشارع وهو قالي مش هفرقع غير لما ريماس وكارما يوافقوا الاول بيهددني المعفن
ريماس: الموضوع الاول موافقين تمام التاني موافقين بردوا
كارما:انا مش موافقة
ملك :وربنا هعيط
كارما :اتفلقي
عند فتون
بقي ديه مختلفة امها بتوافق علي اي حاجه بسرعه وعادي جداا بعد مرور اسبوعين كانوا الشباب والبنات في الجامعه في نهار رمضان
غرام :انا هروح اجيب الكشكول من الخازنه بتعتي حد جاي معايا
الكل كان قاعد متنح مش فايقلها
غرام :عادي انا هروح مع نفسي نو بروملم اصلا
فتون :غوري علشان وربنا هفطر عليكي
غرام كانت ماشيه في سلام وامان وطمئنينه خبطت في جسم فضائي بالنسبلها وكان صهيب
غرام : مش تفتح يا اعمي البصر والبصيره والبصيرات كلها
صهيب :بيدور علي مصدر الصوت
غرام :هنا تحت انت بتبص لفين
صهيب:ايه ده
غرام :خد بالك يوه وطيلي علشان اعرف اتكلم معاك انت ١٩٠سم وله ايه
صهيب :يبنت اللعيبه عرفتها ازاي
غرام:احلف انت ١٩٠سم
صهيب :اها
غرام :تعرف انا انا ١٤٩سم وبضحك عليا وبقول اني ١٥٠سم
صهيب :حالتك صعبه
غرام :جدا تعال ربع اقعد اقعد أحيلك عن مأسواتي في الحياه طبعا ده تأثير الصيام وهي راغيه ومش لقيه حد ترغي معاه فصهيب الغلبان لبس فيها
صهيب في نفسه ايه البت المجنونه ديه بس لاء انا لازم اكون اصدقاء مخليش حد يشك فيه وقعد معاها
غرام :تعرف يابش مهندس انت اسمك ايه
صهيب : انا صهيب
غرام:ومحسوبتك غرام اسمعني تعرف جوايا شعور اني اعيط من الصبح ليه معرفش وفجأة ضحكت جامد
صهيب : انتي كويسه
غرام :اصل ده تأثير الصيام اااه وضحك جامد
صهيب ضحك علي ضحكها وفجاه رجعت مود الحزن تاني.
صهيب :يلهوي عليا ارسيلك علي حاله
غرام :اصل الدكتور عماد الواطي اداني ورقتي
صهيب :ايه ده انتي متجوزه الدكتور عماد وطلقك
غرام :لاء ورقت الامتحان
صهيب :ياصبررر
غرام قامت وقفت وغنت اغنيه من طيور بيبي وهي بتقول
انا سمول راسبوا للشعر طول ماشالله ماشالله ،😂
صهيب : سلام ياغرام علشان مفطرش عليكي
ولحد هنا خلص البارت ده تفتكروا صهيب هيعمل ايه
مع الهبله ديه وهل فعلا هيقدر ينجز المهمه طب وخالد ايه حكايته ملك وعبد الرحمن معقوله يتجوزوا كده من غير م اعكنن عليكم ابسلوتلي ياحبايبي ابسلوتلي كريم وفتون ايه قصتهم خلود وأوس
يتبع الفصل الثالث3 : اضغط هنا
الفهرس يحتوي على جميع فصول الرواية كاملة: "احببت طفلة" اضغط على أسم الرواية

رواية أحببت طفلة الفصل الثاني 2 بقلم الكاتبة شروق مصطفي
nada eid

تعليقات

ليست هناك تعليقات
إرسال تعليق
    google-playkhamsatmostaqltradent