رواية عشقت حورية الفصل الخامس والعشرون 25 بقلم يوستينا سامي
رواية عشقت حورية الفصل الخامس والعشرون 25
في المستشفي ..
مراد خرج يبص علي نسمة و لقاها قاعدة تلعب مع العيال خلاويص ..
مراد بضحك/ طب والنبي مش عيب واحدة زيك كبيرة كدة
تبقي بتلعب مع حبة عيال ..انت مش مكسوفة يا بت انت
نسمة / يوووه وانت مالك ومالي هو انت ولي امري يا عم
يلا مين عليه الدور يا ولاد ..
مراد مسكها من ايديها وشدها بعيد عن العيال
نسمة / ايه ساحبني وراك كدة ليه وعايز مني ايه يا عم انت
مراد بضحك / عم يا بيئة ..وبعدين هعوز منك ايه يعني هو انا اعرفك اصلا ..انا بس كنت عايز اعرف بتعملي ايه هنا في المستشفي و جاية مع مين
نسمة / يسلام وانت مالك بقي ..ممكن تسيب ايدي علشان اروح اكمل لعب لو سمحتي يا كابتن .
مراد / بصراحة كدة مش هقدر اسيبك انا عايز اقعد معاكي شوية يعني تكلميني عن نفسك عن حياتك كدة يعني
نسمة / يوووه يا عم هو انا اعرفك اصلا .عموما انا نسمة عز الدين بنت الدكتور عز الدين قاسم و المفروض اني اجي هنا ادرب هااا فهمت ولا لسه .
مراد ابتسم اوي / انت دكتورة ..واكيد اطفال صح
نسمة بزهول / صح انت ايه عرفك يا ...هو انت اسمك اي
مراد / اسمي مراد العقاد اما عرفت ازاي فدي مش محتاجة اصلا ..بقولك ايه تعالي معايا
نسمة بستغراب / علي فين بس ..
مراد شدها / تعالي وانت ساكتة ...
في فيلا حسام
اسد بيحاول يبعد جاسر عنه
اسد بوجع / انت اكيد اتجننت .ولا يمكن انت بتسبق قبل ما انا اللي اولع فيكم صاحيين ..
جاسر بحدة / انت كمان ليك عين تتكلم يا بجح ما خلاص عرفنا كل حاجه وعرفنا ان انت لسه لحد النهارده نتقابل فيروز.. وانا اللي كنت زعلان وحزين ومش عارف اقف في صف مين ضد مين بس خلاص عرفتك على حقيقتك يا اخي ده انا كنت طول الوقت باقول يمكن مظلوم يمكن مظلوم بس طلعت ايه طلعت واطي .
اسد بعصبيه / باقول لك ايه كفايه بقى اتهامات باطله انا عارف ان اكيد رقيه هي اللي قالت لك ان فيروز كانت عندي في المكتب بس والله العظيم انا ما اعرفش عنها اي حاجه من ساعه الحادثه وتفاجئت بها في المكتب ولو رقية كانت موجوده وقتها في المكتب عندي كانت قالت لك ان هزقتها وطردتها بره . صدقني يا جاسر انا ما فيش اي حاجه بيني وبين فيروز
جاسر / وايه اللي فكررها بيك بعد الفتره دي كلها جايه دلوقت تفتكرك يا اسد ولا يمكن حنت ليك
اسد / لا ما حنيتش ولا زفت لانها اصلا اتجوزت واتجوزت راجل اعمال كبير اوي .. بس لقيتها جايه وبتقول لي ان حسام عايز يقتلني وان هي مستعده تقف معايا وتساعدني وان احنا لو حطينا ادينا في يد بعض هنعرف نقضي علي حسام ولو مش مصدقني لحد دلوقت الكاميرات موجوده في الشركه روح وشوفها بنفسك .
جاسر بتعب / مش عارف اصدقك بعد اللي عملته يا اسد مش عارف... هو ما فيش غير حل واحد فعلا انك تبعد عننا انت ايه اللي جابك هنا ؟؟
اسد بصله بغدر / انا بقى جاي هنا علشان حقي وعلشان بنت عمي اللي انتم خطفوها نور يا جاسر
جاسر / ايه الكلام الاهبل ده نور ايه اللي اتخطفت وبتاع ايه هو انت جاي ترمي بلاوي علينا
اسد مسكه من هدومه / مش اسد العقاد اللي يتهم حد بالباطل يا جاسر بس حسام هو اللي قال لي وفعلا نور مختفيه من امبارح وانا بقى جاي النهارده يقاتل يا مقتول و سبق وقلتلك اللعبه بيننا احنا.
حسام خرج من الفيلا / انا سبق وقلت مية مره انا ما بحبش الصوت العالي يا ابن العقاد وبالنسبه للعبه بيني وبينك وما ندخلش البنات بيننا احب اقولك اني مش انا فعلا اللي خطفت نور ..واللي خطفها ليه عندك امانه هو عايز يرجعها اه
عبدالرحيم لو سمعت عنه .
اسد بصدمة / ايه ..هو خطفها علشان ارجعله حور .
وفاجاه خرجت حياه جري و مسك اسد / هو انت خاطف حور يا كلب انت ..رد عليا مش كفايا انك جاتل ابوها كمان خاطفها ..
جاسر بيمسك في حياه / بس يا حياه انت مش فاهمة حاجة
حياه / ومش عايزة افهم حاجة ..انا عايزة اشوف حور يا جاسر .ده انا قلبي بيتقطع عليها .
اسد / اطمني والله العظيم حور كويسه هي في البيت وزمانها دلوقت نايمه
حياه بعياط / لااا انا عايزة اشوفها ماليش صالح ..جوله يا جاسر والنبي. ..
اسد / خلاص انا هاخدك البيت عندي هي هناك ..اقعدي معاها وخدي بالك منها ..لحد ما اعرف هرجع نور ازاي
حسام بشماتة / معتقدشي انهم هيرجعوها يا اسد غير لما يخدوا حور ..
اسد مردش عليه و فعلا جاسر جاب حياه وراح مع اسد
البيت اللي كان قاعد فيه ..
في العربية ..
مراد / بس يا ستي كدة انا حكيتلك عني كل حاجة ..اه اخر حاجة انا عمري ما حبيت قبل كدة .
نسمة / هو انت طبيعي بجد .. انت بقالك ساعة عمال تحكي عن اخوك و حريق المخازن و عن اسد ابن عمك و صحاب عمرك ..وانا مالي بكل ده انا بجد مش فاهمااك
مراد / بقولك اي انا فعلا مضايق اوي و مصدقت الاقي حد يونسني .. طيب اقولك احكي انت عن نفسك بقي
و فعلا بدات تتكلم نسمة عن نفسها و مراد كان منبهر ببرائتها والكلامها اللي زي الاطفال لحد ما جيه تليفون لمراد مهم
واضطر ياخدها و يروح بيها الفيلا
وفهلا وصل الفيلا و اتفاجاه ب راجلين واقفين لابسين صعيدي ويسألوا عن اسد العقاد .
مراد / خير انتوا مين و عايزين ايه
صالح / هو انت اسد العقاد و لا لاء
مراد / انا مراد العقاد أبن عمه و كدة كدة اسد مش عايش هنا
المهم انتوا مين وعايزين ايه بالضبط ..انتوا تبع عبدالرحيم مش كدة
علي / لاا انا جاييين هربانين من الصعيد و كنت عايزين مساعدة من اسد بيه ..انا علي ابن عمه حور و زي اخوها
مراد / اممم لا انت تقعد كدة وتفهمني الحكاية من اولها لو فعلا عايز تشوف اسد .
و فعلا علي بدا يحكي كل الحكاية ومراد و نسمة كانوا بيسمعوه ..ونسمة كانت مصدومة من اللي بتسمعوا عن نعمة امه و ظلمها ..
في بيت اسد ..
دخل اسد. و حياه و جاسر البيت بس اتصدوا لما شافوا حور ...😔😳 يتبع الفصل 26 اضغط هنا
- الفهرس يحتوي على جميع فصول الرواية كاملة :"رواية عشقت حورية" اضغط على اسم الرواية