رواية اختي سرقت زوجي البارت السادس عشر 16 بقلم أيات الرحمن
رواية اختي سرقت زوجي الفصل السادس عشر 16
نجاة حطيت السم في الميه اللى على النار عشان بنت ابنها تتسمم وتموت ولمسه تتسجن وتبقى كده خلصت منها لكن الميه كانت لنسكافيه ابنها وينسون لمرات ابنها التانى ام الولد يعنى
قولنا ان هى بعد ماحطت السم دخلت اوضتها عشان تخرج على صوت لمسه لما بنتها تموت بالسم لكنها بتخرج على صوت اقوى
قبل ما نحكى عنهم نروح عند همسه الاول
طبعا كلنا عارفين ان همسه اتخطبت لارقم وقاسم فى المستشفى امراض نفسيه وكده
شروق:ايه يا بنتى فكك بقى منه ابنك معاكى وخطيبك عايزه ايه تاني
همسه:قاسم صعبان عليا لو قولت ليكى انى نسيته ابقى بكذب عليكى قاسم كان حب عمري
شروق:ولما انتى لسه بتحبيه اتخطبتى لغيره ليه
همسه:عشان انساه بس مش قادره مش هقول ان قاسم كان وحش قاسم كان احن شخص في الدنيا كلها لكن الله يسامحها نيفين كم مره قالت ان هو خاين وكانت بتبعت لى صوره مع بنات لحد ما ضاعت الثقه بينا وضاع الحب وكل حاجه حلوه ضاعت
شروق:انتى لسه على البر ارجعى ليه
همسه:ما بقاش ينفع
شروق:انا احتارت فى امرك بجد
همسه:مفيش اى حد هيقدر يفهمنى غيري انا مستعده ادوس على قلبي عشان اكمل عشان حلمى اللى خلاص قرب يتحقق انا ما بقيتش زى الاول همسه اللي بتموت من كلمه حلوه انا بقيت واحده جديده
يمكن أرقم يكون احسن من قاسم ويعوضنى عن اللي خسرته فى حب قاسم
شروق:ماتفكريش ان بجوازك من ارقم هترتاحى هتبقى دكتوره وعندك صيدليه بإسمك وفيلا وكتير يعنى لكن هتكونى مرتاحه
همسه:مش عارفه
شروق:راحتك مع ابنك ومع قاسم
همسه:مستحيل ارجع بعد ما قرر يتجوز
شروق:انتى عارفه ان مامته كانت ضاغطه عليه صح
همسه:صح
شروق:انا همشي دلوقتي ونصيحة خليكى مع ابنك أرقم هيتجوزك ووعدك ان ابنك هيعيش معاكى لكن لو استحمله سنه مش هيستحمله الثانيه
يلا سلام
نجاة خرجت لقيت رواد واقع على الارض ومرات ابنها التانى بتصرخ جامد
نجاة:رواد ابنى رد عليا
رواد:
نجاة:روااااااد
لمسه كانت واقفه مصدومه من منظر زوجها وحبيبها وهو بيموت قدام عيونها
الاسعاف جت واخدوا رواد وهدى
المستشفى
الدكتور:دى حالة تسمم لازم نعمل ليهم غسيل معده
رياض:ومستنى ايه
شوف شغلك
الدكتور:لازم حد يمضى على تقرير او اقرار بإن لو حصل ليهم حاجه مانبقاش مسؤولين عن حاجة
رياض:انا همضى بس ارجوك بسرعه
بعد وقت طويل لمسه بتحكى وبتقول الدكتور خرج وقال كلمات صعبه جدا صعب اى حد يتقبلها
وطبعا الشرطه موجوده
رياض ونجاة:طمنا يا دكتور
الدكتور :انا اسف جدا على الكلام ده بجد
رياض:اتكلم بسرعه
الدكتور:بالنسبه للمدام احنا بفضل الله قدرنا ننقذ الجنين بس للاسف ماقدرناش ننقذ الام
رياض:مستحيل
نجاة:وابنى
الدكتور:اما بالنسبه للاستاذ رواد فيؤسفنى انى اقول ليكم حالته خطيره جدا دخل في غيبوبه ولو ما فاقش منها فى خلال 24ساعه هيموت
نجاة:لاالا لا يا رب ابنى لا
لمسه كانت واقفه:مصدومه مش حاسه بالدنيا
فاقت على قلم على وشها من نجاة
نجاة:قتلتى ابنى ياو*** ياوا***
الشرطه خلصت لمسه من ايديها بالعافيه
وخدوها معاهم
وبدء التحقيق
لمسه كانت لسه مصدومه مابتردش اصلا على اى حد خالص
الضابط:انا مش عارف احقق معاها دى مش بترد خالص
ضابط تانى :حاول معاها تانى
وبعد محاولات كتير اتحولت للنائب العام للتحقيق معاها وبردوا على نفس الصدمه
بنتها الصغيره والدتها اخدتها
وابن رياض بقى يتييم الام
رياض:ليه يا هدى ليه ليه سيبتينى ليه انا تعبت عشان ابقى معاكى ليه بعدتى خليتينى احبك واتعلق بيكى وفى الاخر تبعدى بعد ما تتأكدى انى ميت من غيرك قومى شوفى ابننا مش دا كان حلمك ان انتى تشوفيه وتشيليه بإيدك وتبوسيه وتقولى ليه نورت الدنيا ياقلب امك ياقرة عينها الصغير ليه بعدتى ليه حرام عليكى صدقينى مش هقدر اربيه من غيرك
أرقم :خلاص يارياض اهدى
رياض:كانت دايما تقولى هسميه عمر واول ما يتولد واشوفه هقوله طاب العمر بك وطبت انت لى عمرا
كانت دايما تقولى عارف انا هستنى اليوم ده بفارغ الصبر عشان اشوفه واحضنه ويكبر ويقولى ماما كانت لما تشوف طفل فى التليفزيون تمسك بطنها وتقول انت مهما كانت ملامحك متأكدة هتكون في نظرى اجمل ابن فى العالم
ليه بعدت وما حققتش ده ليه لييييه
أرقم كان دموعه نازله من كلام رياض كان حزين جدا عليه
نجاة كانت واقفه هتتجنن على ابنها هتموت وتتطمن عليه لكن ممنوع الزياره عنه
لمسه كانت فاقده النطق والحركه فضلت على الحال ده سنه كامله دكاتره كتير فقدوا الامل في علاجها طبعا قبل ما تتعرض على وكيل النيابه نزلت الحجز وكعادة السجناء كانوا هيضربوها بسبب صمتها لكن كبيرتهم منعتهم
- تابع الفصل التالي عبر الرابط: "رواية اختي سرقت زوجي" اضغط على أسم الرواية