رواية مصيبة سكنت قلبي الفصل الرابع عشر 14بقلم اميرة رمضان

الصفحة الرئيسية

   رواية مصيبة سكنت قلبي بقلم اميرة رمضان 


رواية مصيبة سكنت قلبي الفصل الرابع عشر 14


_ يوسف متسكتش كده اديني فرصه تانيه وانا والله مش هكرر ده تاني
يوسف بتنهيده : هتطلعي من هنا ايمتي 
_ مش عارفه
يوسف :طب انا طالع اشوف الدكتور 
(قومت بسرعه من علي السرير ومسكت ايدو )
يوسف بالله عليك متسبنيش انا غلطت واستاهل كل ده بس كفايه كده بالله عليك عارفه اني زعلتك مني بس دي اول واخر مره اعمل فيها كده 
(وعشان قومت بسرعه دوخت وانا بكلمو حسيت اني هقع )
يوسف : علي مهلك فيكي حاجه 
_ لاء دوخت بس #بقلمي_اميره_رمضان
يوسف : في حد يقوم كده 
بصيت ليه بندم 
يوسف خد نفس عميق: ملك شوفي انا هديكي فرصه تانيه بس لو اتكرر ده تاني صدقيني عمري ما هسامحك 
 فرحت اوووي انه قالي كده _ يعني خلاص سامحتني ومش زعلان 
يوسف : هكدب عليكي لو قولتلك مش زعلان وسامحتك سبيني اخد وقتي انتي اللي عملتيه مش سهل 
_ طب خلاص خد وقتك براحتك بس متقساش عليا 😢
يوسف : وانتي لو حصل اي حاجه مهما ان كانت تعالي قوليلي ومتخافيش 
_ خلاص ماشي والله هعمل كده وبعدين انا فرحانه اووي انك جيت 
يوسف : ممكن اعرف بقي اي اللي تعبك 
_ انا من زمان لما بتعصب او يحصل اي ضغط علي اعصابي بتجيلي حاله كده واتشنج بس بفوق بسرعه منها بس المرادي الضغط كان شديد اوووي علي اعصابي فاغمي عليا ولما فوقت لقيت نفسي هنا 
يوسف : الف سلامه عليكي 
_ الله يسلمك انت هتمشي ايمتي 
يوسف : لاء مش همشي انا هفضل هنا معاكي لحد متخرجي من هنا 
(يالهووووي علي الفرحه اللي انا فيها دانا حاسه اني هيجرالي حاجه من الفرحه عارفين لما تحس انك خسرت كل حاجه وفي ثانيه كل حاجه تتصلح شعور جميل اوووي )
_________
احمد : ميرا متزعليش من كلام يوسف لما جيتو الشركه هو والله مش وحش بس تلاقي في حاجه مزعلاه اووي 
ميرا : وهي الحاجه اللي مزعلاه دي متخلهوش ياجي يشوفها عارف لو كان مجاش شافها كنت كرهته بس لما جه خلاص مش زعلانه اصلا اهم حاجه ان ملك هتبقي مبسوطه 
احمد : بتحبي ملك اووي كده 
ميرا : طبعاااا احنا ملناش غير بعض اصلا 
وملك دي غاليه علينا كلنا احنا كنا هنموت من القلق عليها بس الحمد لله فاقت ولما شافت يوسف بقت احسن بكتير 
احمد : هي بتحب يوسف اوي كده
ميرا : شوف هي لسه عارفاه من قريب بس اللي حصلها ده عشان بس يوسف زعل منها وكان هيسيبها يثبت فعلا انها بتحبه 
وملك قلبها طيب ومشكلتها بتتعلق في اي حد بسرعه 
احمد : علفكره يوسف ده اكتر واحد يخاف عليها وهو بيحبها من زمان اووي وهيسامحها  لو عملت اي حاجه 
ميرا : يارب 
ريم جات 
ريم : عارف لو صاحبك مصالحش البت وطلعها من اللي هي فيه ده اقسم بالله مش هخليه يطلع علي رجليه من هنا 
احمد : ههههههه اهدي بس انا مالي متقوليلو هو 
ريم : انت مش صاحبه توصلو الكلام ده بقي 
ميرا : خلاص ي ريم بقي اهدي شويه لما نشوف هيعمل اي 
ريم : يخربيت الحب علي اللي بيحبه عشان يحصل في البت كده بسبب الحب والزفت  (ومشت )
احمد : عنيفه اوي 
ميرا : هههههه لاء ابدا والله يمكن ريم دي اطيب وحده فينا بس هي عصبيه شويه ولو حد فينا زعل بتقلب الدنيا عشانه
احمد : ربنا يخليكم لبعض الصحاب اللي زيكم مفيش منهم كتير 
________
روفان : هو يوسف فين 
امال : مش عارفه كان في اوضته وطلعت من شويه ملقتهوش 
روفان : راح فين يعني 
امال : مش عارفه #بقلمي_اميره_رمضان
روفان : انا لازم اكون معاه في الوقت ده واعرفه اني مهتميه بيه وكده عشان اخليه يحبني ونتجوز بقي 
امال : يسمع منك ربناا  وانا هكرهو فيها علي اد مقدر 
روفان : اشطااا
_____________
ساره ورنا واقفين مع بعض وجه عز 
عز : عامله اي ي رنا 
رنا : الحمد لله  
عز : تعبتي نفسك وجيتي ليه
رنا : لاء طبعا مفيش تعب ولا حاجه وبعدين انا جايه اطمن عليها 
ساره اتضايقت ان عز بيتكلم مع رنا ومأهملها  
سابتهم ومشت 
وطلع يوسف شاف الدكتور وجه وكتب لملك علي خروج 
يوسف خد ملك وابوها وامها وعز معاه في العربيه 
ورنا خدت عربيه احمد وركبت هي والبنات وراحو وراهم واحمد مشي علي الشغل 
ووصل البيت 
ملك : تعالي اطلع معانا
يوسف : معلش مره تانيه عشان عندي شغل 
ابو ملك : لاء والله لتدخل تشرب حاجه يلا انا حلفت 
ودخلو كلهم البيت 
يوسف : خدي العلاج في وقته عشان تخفي بسرعه متنسيش ان عندك إمتحانات كمان اسبوعين 
_ بتفكرني ليييييييه 
يوسف : ده بدل متقولي انا خلصت مزاكره وهراجع 
_ هيهيهيهيهيييي 
يوسف : بت اي الضحكه دي وطي صوتك عز برا 
_ ههههههه سوري اصلك بتقول حاجه غريبه 
يوسف : اي اللي غريب في انك تزاكري 
_ شوف انا اذا متزنقتش ليله الامتحان زنقت الكلااااب مبقاش ملك 
يوسف : يخربيت الفشل 
_ هههههههه عادي بقي بنجح بنجح 
ميرا : اتفضل العصير #بقلمي_اميره_رمضان
هدي : مع اني والله كنت عايزاك تقعد تتغدا معانا 
يوسف : مره تانيه معلش عشان مستعجل 
_ يوسف خليلي شويه عصير من الكوبايه بتاعتك  زي المره اللي فاتت
يوسف : هو كل مره هتجبولي العصير وعينك فيه كده 
_ ايوا اديني بقي عشان ميحصلكش حاجه😂
___________
زين : ملك عامله اي 
احمد : بقت كويسه وروحت  البيت وانا جاي 
زين : طب كويس 
احمد : يوسف رحلها 
زين : بتتكلم جد 
احمد: ايوا واتكلمو مع بعض وبعدين راح يوصلها البيت وهياجي هنا 
زين : سبحان مغير الاحوال ده كان هياكل اصحابها 
احمد :ههههههه اسكت متفكرنيش ماهي ريم مسكتتش ولما رحت هناك قالتلي لو صاحبك مصالحش البت اقسم بالله مش هخليه يطلع علي رجليه من هنا 
زين : هههههه ماهي اكتر حاجه عجباني فيها قوتها دي 
احمد : طب مستني اي متروح تعترفلها بحبك ولا بلاش 
زين : ليه 
احمد : ماهي قالتلي برضو يخربيت الحب علي اللي بيحبه يعني مش هتعرف تاجي معاها سكه  😂
زين : طمنتني الله يطمنك😄
____________
يوسف : عايزه حاجه بقي انا ماشي وهبقي اجيلك تاني 
_ هستناك 
يوسف : طب شدي حيلك عشان هبقي ازاكرلك 
_ والله طب ياريت 
يوسف : بس انا مش بحب الغباء 
_ غباء اي الغباء ده الكلمه دي عمري مسمعت عنها 
يوسف : بجد طب ربنا يستر 😄
(ومشي هو ورنا  )
رنا : اي اللي جابك #بقلمي_اميره_رمضان
يوسف : مقدرتش مشوفهاش 
رنا : طب اي اللي حصل معاكم 
يوسف : دي حاجه بيني وبينها وخلاص اتحلت 
رنا : طب الحمد لله بس بعد كده لما يحصل حاجه وحشه خليها بينكم بس متخلوش حد يشمت فيكم 
يوسف : اي ده دانتي بقيتي تقولي كلام ناس عاقلين اهو 
رنا : طول عمري 😂يبقي قول لاحمد بقي ان عربيته عندنا وهاته معاك وانتو جايين 
يوسف : ماشي ي قلبي سوقي علي مهلك 
________
ريم : انا عايزه اعرف اااااي اللي حصل 
_ هقولكم بس وطي صوتك انا مش عايزه صداع 
وحكيت ليهم اللي حصل
ميرا : يالهوووي كل ده حصل وكل ده يطلع من محمود 
ساره : حسبنا الله هو نعم الوكيل فيه
ريم : تؤتؤ بس فيه حاجه مش راكبه علي بعضها 
_ اي 
ريم : محمود طول عمره بيهددك ومبيعملش حاجه اشمعني المرادي عمل وكمان سوري يعني هو مش بيحبك عشان يفرق بينك انتي ويوسف 
ميرا : ممكن يكون بيعمل كده حقد وغل 
ريم : ممكن برضو بس والله لاندمه علي اللي عمله ده 
_ ريم انا مش عايزه مشاكل كفايه 
ريم : متخفيش مش هعمل حاجه خلاص 
ميرا : بس كده يبقي يوسف عنده حق يزعل 
ريم : انا كنت هولع فيه من شويه بس بعد اللي عرفته ده لاء عندو حق بصراحه 
_ عارفه انكم رحتو عندو عشان ياجي يشوفني 
ريم : بصي خطيبك ده عنيد مرديش ياجي معانا وجه لوحدو 
ساره بغمزه : مقدرش علي البعد 😂
__________ 
بليل 
يوسف رجع البيت 
امال : حبيب قلبي اتاخرت كده ليه 
يوسف : متاخرتش جاي في ميعادي 
روفان : اكيد تعبان تعالي كل انا اللي عامله الاكل عشانك 
يوسف : سبحان الله  ومخوفتيش علي ضوافرك 
روفان : كله فداك #بقلمي_اميره_رمضان
رنا : طب قوليلي عامله البطاتس دي ازاي 
روفان بصت لخالتها 
امال : وانتي مالك قال يعني انتي عارفه حاجه 
رنا : مش عارفه بس معترفه بكدا مش بكذب واقول انا اللي عامله الاكل 
روفان : علفكراا انا مش كدااابه
يوسف : بس بس انا مش عايز صداع 
امال : اي رايك في اكلها طبعا بعد الجواز هتهتم بيك وبصحتك 
يوسف : جواز اي 
امال : لما تتجوزو يعني 
يوسف : انا هتجوز ملك مالي انا بروفان 
امال بعصبيه : ملك اي وزفت اي دلوقتي انت مش قولت انك سبتها 
يوسف : لاء انا قولت هسيبها بس كان سوء تفاهم واتحل خلاص وملك دي ملكه قلبي لوحدها  وسلام بقي عشان طالع انام 
روفان بعصبيه : ااااااعااا شايفه ابنك يعني بعد كل اللي عملته ده وبرضو لسه معاها 
رنا : عملتي اي 

يتبع الفصل الخامس عشر 15 اضغط هنا 
الفهرس يحتوي على جميع فصول الرواية كاملة: "رواية مصيبة سكنت قلبي " اضغط على أسم الرواية


رواية مصيبة سكنت قلبي الفصل الرابع عشر 14بقلم اميرة رمضان
nada eid

تعليقات

ليست هناك تعليقات
إرسال تعليق
    google-playkhamsatmostaqltradent