Ads by Google X

رواية حياة بقت حياتي الفصل الثالث عشر 13 - بقلم اسراء محمد

الصفحة الرئيسية

رواية حياة بقت حياتي الفصل الثالث عشر 13 بقلم اسراء محمد

 رواية حياة بقت حياتي الفصل الثالث عشر 13

حازم : ممكن اتكلم 
مهدي : مش دلوقتي يا حازم 
حازم : بس 
مهدي : مفيش بس وانتي يا حياه حاولي تخفي مرواح الكافيه ده 
حياه بحزن : حاضر ، عن اذنكوا 
وجت تدخل 
مهدي : استني
حياه : نعم 
مهدي : استني عايز افهمك متروحيش لي 
حياه : عشان اكيد بيلعب بيا 
مهدي : لا مش عشان كده 
حياه باستغراب : اومال اي
مهدي : عشان هديله فرصه يمكن انا فاهم غلط 
حياه بفرحه : بجد 
مهدي : اي الفرحه اللي ظهرت فجأة دي
حياه حاولت تداري الفرحه بس معرفتش قامت بصت في الأرض بكسوف
مهدي : افهم من الفرحه والكسوف دول انك معجبه بيه 
حياه بكسوف : عن اذنكم 
ودخلت اوضتها جري 
مهدي ضحك عليها 
وقال لحازم : كنت عايز اي 
حازم : كنت عايز اقولك اللي حصل بيني وبين حاتم واحنا في العربيه 
مهدي : قول 
حازم حكاله اللي حصل
مهدي : انا كده اطمنت نوعاً ما اني هديله فرصه بس يارب يكون قدها 
صفاء : ان شاء الله قدها ولو مش قدها ماكنش جه وراها المستشفى وفضل معانا لحد ما جينا البيت 
مهدي : عندك حق ، بس برضو لازم اخاف دي بنتي
صفاء : ان شاء الله ربنا هيريح قلبها ويرزقها الخير ويريح بالك وقلبك عليها 
مهدي : يارب ، يلا بقي نقوم ننام عشان انا تعبان 
حازم : هتنام بدري كده 
مهدي : اه عشان مرهق ولو مش هتنام مسمعش صوت عالي 
حازم بضحك : حاضر 
عند مراد 
مراد : معلش يا يونس هقعد معاك شويه لحد ما اظبط اموري 
يونس : عيب متقولش كده انت اخويا 
مراد : هو ده العشم يا يونس 
يونس : ربنا يخلينا لبعض 
مراد : يارب 
يونس : هقوم احضر لقمه ناكلها 
مراد : لا انا هنام 
يونس : مش هتاكل
مراد : لا مش عايز 
يونس : براحتك 
وكل واحد دخل ينام 
تاني يوم
 صحيت حياه ودخلت الحمام توضأت وأدت فرضها وجهزت وخرجت
حياه : صباح الخير
الجميع : صباح النور
مهدي : اي رايحه الكليه
حياه : اه 
مهدي : طب تخلصي وتيجي علي طول 
حياه : حاضر 
صفاء : اقعدي كلي بقي 
قعدوا كلوا وكل واحد نزل
عند مراد 
يونس : قوم يا مراد يلا 
مراد : قومت اهو 
يونس : طب انا هنزل المطعم اللي تحت اجيب فطار 
مراد : طيب 
ونزل يونس ومراد قام دخل الحمام وجهز
كان يونس طلع وقعدوا فطروا 
مراد : بقولك 
يونس : قول 
مراد : انا هجيب غدا معايا 
يونس : لي 
مراد : عادي مره عليا ومره عليك لحد ما امشي 
يونس : إذا كان كده موافق
وخلص ونزل 
في الكليه 
روز : كل ده تأخير 
حياه : صباح الخير الاول 
روز : صباح النور اي اللي اخرك 
حياه : الطريق 
روز : طب يلا عشان نلحق المحاضره
حياه : طيب 
روز : تيجي بعد ما نخلص نروح الكافيه 
حياه : لا مش هينفع
روز : لي بقي 
حياه : بابا قالي متروحيش هناك 
روز : لي 
حياه : بعد المحاضره هحكيلك
روز : هستني علي نار 
حياه بضحك : طب يلا يا فضوليه 
وحضروا المحاضرات وخلوصها 
حياه : ياه كان يوم متعب 
روز : اوي 
حياه : طب يلا نروح نجيب قهوه عشان دماغي باظت 
روز : يلا وبالمره تحكيلي
حياه بضحك : طب يلا 
وراحوا جابوا القهوه وقعدوا 
روز : احكي بقي حرام عليكي شوقتيني 
حياه بضحك : خلاص هحكي اهو 
 وقالت : فاكره حاتم 
روز : حاتم مين 
حياه : اللي بيقولي يا شمس 
روز : اه الواد المز ده 
حياه : اتلمي يا بت 
روز : لي هو في حاجه ولا اي 
حياه كانت هترد قاطع حديثهم يحيي 
يحيي : ازيكم يابنات
حياه ورز : الحمدلله وحضرتك عامل اي
يحيي : الحمدلله ، ممكن ثواني يا حياه 
حياه : تمم 
يحيي : معلش يا روز هاخدها منك ثواني 
روز : مفيش مشكله يا بشمهندس
وقعدوا في حته تانيه
حياه : اتفضل يا بشمهندس
يحيي : الاول ماما عامله اي دلوقتي
حياه : الحمدلله احسن 
يحيي : طب الحمدلله
وسكت شويه 
حياه : اتفضل قول يا بشمهندس حضرتك عايزني في اي 
يحيي : الصراحه كنت عايز اتكلم معاكي في موضوع امبارح 
حياه : انا كنت عايزه اقولك حاجه امبارح بس حصل اللي حصل بقي معرفتش اقولك 
يحيي : قولي 
حياه : كنت عايزه اقول لحضرتك اني مرتبطه وهتخطب  قريب 
يحيي بحزن : بجد 
حياه : بجد 
يحيي بحزن : مبروك وربنا يتمملك بخير
حياه : الله يبارك فيك عقبالك
يحيي : في حياتك
وهما قاعدين
قاطع حديثهم مراد
مراد : ......

google-playkhamsatmostaqltradent