Ads by Google X

رواية حياة بقت حياتي الفصل الحادي عشر 11 - بقلم اسراء محمد

الصفحة الرئيسية

رواية حياة بقت حياتي الفصل الحادي عشر 11 بقلم اسراء محمد

 رواية حياة بقت حياتي الفصل الحادي عشر 11

يحيي : بصراحه كده انا معجب بيكي وعايز يبقي في بينا حاجه رسمي عشان تعرفيني اكتر واعرفك اكتر قولتي اي 
حياه : بس 
يحيي : انا مش عايز  رد دلوقتي
وفجأة موبايل حياه رن 
حياه : بعد ازنك ارد 
يحيي : اتفضلي 
حياه : الو 
الشخص ببكاء : الحقيني يا حياه 
حياه بخضه : في اي يا حازم مالك 
حازم : ماما يا حياه ماما 
حياه بفزع : مالها ماما 
حازم : ماما تعبت وطنط ناديه اخدتها ع المستشفى وانا رايح علي هناك 
حياه : مستشفى اي 
حازم قالها اسم المستشفي 
حياه : طب انا هحصلك 
وقفلت 
حياه وهي بتلم حاجاتها : انا لازم امشي 
يحيي : في اي فهميني 
حياه : ماما في المستشفى ولازم اروحلها 
يحيي : طب استني اوصلك 
حياه وهي ماشيه : مفيش داعي 
وقامت خبطت في حاتم
حاتم بلهفه عليها : في اي يا حياه 
حياه : ماما يا حاتم ماما 
حاتم : ماما مين وفيها اي
حياه : مامتي في المستشفى
يحيي : طب يلا يا حياه 
حاتم وهو مضايق : طب روحي مع الاستاذ وانا جاي وراكي   بس قوليلي اسم المستشفي اي 
قالتله حياه اسم المستشفي
وهو راح وهو مش فاهم ازاي مامتها متوفيه وازاي في المستشفى بس راح وخلاص 
وصلوا كلهم 
وحياه سألت علي رقم الغرفه 
وعرفت وراحت جري علي الاوضه
ودخلت حضنتها علي طول 
حياه : ماما انتي 
صفاء : اه يا حبيبتي الحمدلله
يحيي وحاتم : حمدلله علي سلامتك يا طنط 
صفاء : الله يسلمكم 
ناديه : ازيك يا يحيي 
يحيي : الحمدلله حضرتك عامله اي
ناديه : الحمدلله انت عرفت منين وجيت ازاي 
يحيي : كنت مع حياه ساعة ما جالها التليفون 
مراد من وراه : وانت كنت مع حياه بتعمل اي
يحيي كان هيرد لكن حياه اللي 
رديت : وانت مالك هو كان معايا بيعمل اي
مراد : يعني اي انا مالي 
حياه : يعني ملكش حكم عليا انت مجرد جاري والمعيد بتاعي مش اكتر 
مراد : واخوكي 
حياه بعصبيه : لو اختك بجد ماكنتش سيبت خطيبتك تغلط فيا وانت واقف ساكت مبتتكلمش 
ناديه : الكلام ده بجد يا مراد 
مراد بص في الارض وسكت 
وناديه فهمت انه بجد 
وقالت : حقك عليا يا حياه انا معرفش الحوار 
حياه : انتي ملكيش دعوه يا طنط هو وخطيبته اللي غلطانين 
حاتم اتدخل وقال : ما تصلوا ع النبي يا جماعه وخلاص يا حياه طنط الاستاذه اعتذرتلك بالنيابه عنه 
مراد بعصبيه : وانت مين انت كمان عشان تقف معانا وتدخل بينا كده 
حاتم سكت ومعرفش يرد 
وحياه ردت : قريبنا انت مالك 
حاتم بصلها وفرح انها قالت عليه كده 
مراد : من امتا ده 
لترد عليه صفاء : في اي يا مراد يعني هتقول علي واحد غريب قريبنا وهو مش قريبنا وقدامنا كمان 
ناديه : مراد اطلع دلوقتي عشان وجودك ملوش لازمه 
مراد : بس 
ناديه : مفيش بس لو علينا موجود حازم والاستاذ وعمك مهدي جاي في السكه 
يحيي : وانا كمان هستأذن ولو عوزتوا حاجه من بره ابقوا كلموني
مراد : ويكلموك انت لي 
ناديه : انا قولت امشي يا مراد 
حياه : شكرا يا بشمهندس علي تعبك معانا 
يحيي : مفيش تعب ولا حاجه المهم صحة مامتك 
صفاء : شكرا يا بشمهندس

يحيي : الشكر لله استأذن انا 
ومشي 
ناديه : وانا هقوم اشوف الجامع هنا فين عشان اصلي 
صفاء : ما تصلي هنا 
ناديه : لا عشان اسيبكم مع بعض شويه ومتزعليش يا حياه علي اللي حصل 
حياه : مفيش حاجه يا طنط خلاص
صفاء : قوم يا حازم مع طنط عشان محدش يضايقها 
ناديه : ملوش لازمه
صفاء : لا ده كفايه تعبك معايا 
ناديه : متقوليش كده احنا اخوات
صفاء : ويمكن اكتر من اخت والله ده كفايه ان انتي اللي لحقتيني 
ناديه بمزاح : هنقعد نشكر في بعضينا كده كتير لحد الفرض ما يضيع عليا 
صفاء بضحك : طب روحي يلا يا حازم 
وخرجوا من الاوضه
حاتم : استأذن انا كمان والف حمدلله ع السلامه يا طنط 
صفاء : الله يسلمك بس استني انا عايزاك 
حاتم : اتفضلي 
صفاء : انا عايزه افهم حضرتك مين وتعرف حياه منين عشان حوار قريبها ده مش داخل عليا 
حاتم : انا انا انا 
صفاء : انت اي 
لتتدخل حياه : الصراحه مش قريبي يا ماما
صفاء : اومال اي 
حياه : ده حاتم صاحب الكافيه اللي انا بقعد فيه وصديق ليا 
صفاء : صديق ازاي يعني
حياه : الصراحه مش صديق 
صفاء : ايوا انا عايزه اللي بعد كده
ليرد حاتم : انا معجب وعايز اتجوزها 
صفاء : انا حسيت كده من اول ما هي قالت قريبنا 
ليقاطع حديثهم دخول مهدي 
مهدي : انتي بخير يا حبيبتي
صفاء : اه الحمدلله متقلقش 
مهدي : طب اي اللي حصل
صفاء : اغم عليا وانا قاعده مع ناديه فوقت لاقيت نفسي هنا 
مهدي : طب الدكتور قال اي 
صفاء : قال ان الضغط كان عالي شويه ولما اغم عليا ناديه معرفتش تفوقني فجابتني علي هنا عشان في حاجه كبيره 
مهدي : الف سلامه عليكي يا قلبي 
وبيبوس ايدها
حياه : نحن هنا 
لينتبه مهدي لابنته : انتي هنا من امتا ومين الاستاذ ده 
حياه : انا هنا من قبلك 
مهدي : مخدتش بالي معلش بس برضو معرفتناش
صفاء : ده عريس 
مهدي : عريس لمين 
صفاء : هيكون ليا مثلا اكيد لبنتك 
مهدي : بجد ، اسمك اي بقي 
حاتم : حاتم يا عمي 
مهدي : اهلا وسهلا وانا عمك مهدي 
حاتم : اتشرفت
مهدي : الشرف لينا 
صفاء : بس احنا قولنا قدام ناديه انه قريبنا 
مهدي باستغراب : لي 
حياه : طب احكيله انتي اللي حصل وتعالي يا حاتم بعد اذن بابا عايزاك بره 
مهدي : ماشي 
وخرجوا
حاتم : نعم 
حياه : انت اكيد مفكرني كدابه 
حاتم : كدابه لي 
حياه : عشان قولتلك قبل كده ان ماما متوفيه ودلوقتي قولت ان ماما في المستشفى
حاتم : انا مش شايفك كدابه انا بس مستغرب لي قولتي كده 
حياه : عشان فعلا ماما متوفيه
حاتم : واللي جوه دي تبقي اي 
حياه : تبقي مرات ابويا
حاتم باستغراب : مرات ابوكي 
حياه : اه وهي اللي مربياني عشان كده بقولها يا ماما ولما حازم كلمني وقالي انها في المستشفى كنت حاسه اني هموت وهتيتم تاني 
حاتم : الحمدلله مفيش حاجه 
حياه : الحمدلله
حاتم : عشان كده وهي بتتكلم معانا قالتلك قريبك مش قريبنا 
حياه : اه ، بس خلي بالك
حاتم : من اي 
حياه : طنط اللي معانا دي متعرفش حاجه هي عارفه اني بنت صفاء 
حاتم :  تمام 
ليقاطع حديثهم حازم 

google-playkhamsatmostaqltradent