رواية حياة الفصل العاشر 10

الصفحة الرئيسية

رواية حياة البارت العاشر 10 بقلم مجهول

رواية حياة كاملة

رواية حياة الفصل العاشر 10

كانت بين احضانه تبتسم بخبث
لتقول بحزن:آسر انت هتقعد هنا ولا هناك لتمسك بيديه وتكمل بتوسل:انا بخاف اقعد لوحدي ي آسر
آسر:روحي مع السواق وهاتي حاجتك هنفضل كلنا هنا
لتحتضنه مره اخري وتودعه وتذهب

نظر حوله لم يجدها صعد لها غرفتها دق الباب فاتي له صوتها يأذن له بالدخول وجدها جالسه علي طرف السرير وآثار الدموع مازالت علي وجهها
اقترب وجلس بجانبها ومسح دموعها بحنان كان علي وشك التحدث إلا انها قاطعته
حياه:متقولش حاجه انا فهماك وسالي مراتك برضو ف عادي
احتضنها بحنان ليقول بحب بالغ:ربنا يحفظك ليا ي حياتي...يلا اجهزي علشان معانا مشوار مهم
حياه:مشوار اي
آسر:هنروح للدكتوره علشان نطمن عليكي وعلي البيبي
حياه:بس انا كويسه ي آسر
آسر بخبث:مش عايز مناقشه خمس دقايق تكوني جهزتي وإلا انا معنديش مانع البسك بنفسي قولتي اي
حياه بسرعه:دقيقتين وهكون جاهزه
آسر:ايوا كدا ليرسل لها قبله ف الهواء ويخرج
اما حياه اختارت دريس من اللون الازرق الرقيق وحجاب ابيض
****
كان ينتظرها في السياره ليبتسم عندما اتت فتح لها باب السياره صعدت وانطلقوا
آسر:مكنتش اعرف انك قمر كدا
حياه:نعم! هو انا كنت وحشه قبل كدا ولا اي
آسر بسرعه موضحا:لا طبعا ي حبيبتي بس ف الازرق قمر بمعني الكلمه
حياه بخجل:آسر
آسر:عيون آسر
حياه:بس بقا والله بتكسف
آسر:ايدا ايدا هنقلب طماطم من كلمه قمر لسه زي م انتي متغيرتيش نفس كسوفك ونفس خدودك الطماطم اللي عايزه تتاكل
حياه بضحك وخجل:آسر بس الله
ظلوا يتحدثون ويضحكون حتي وصلوا وذهبوا للطبيبه
الطبيبه:اتفضلي ي مدام نامي علي السرير
فعلت حياه كام اخبرتها لتقوم الطبيبه بفحصها وبعد عدة دقائق انتهت عدلت حياه ملابسها وجلست بجانب آسر
الطبيبه:كل حاجه بخير مفيش اي مشاكل والبيبي بخير بنوته زي القمر
شكروا الطبيبه وذهبوا
حياه بدموع الفرحه:مش مستوعبه ي آسر حاسه هطير م الفرحه
آسر بسعاده مماثله:مكنتش عارف انك هتفرحي بالشكل دا
حياه:مبسوطه اوي اني هبقا ام وكمان لبنوته
آسر: هتبقي اجمل واحن واطيب ام ف الدنيا كلها
تظرت له بعيون تفيض من السعاده
ليقول:بما اننا عرفنا انها بنوته فتعالي نجيبلها ملابس والعاب ونجهز كل حاجه
حياه بسعاده:يلا بينا
******
كانت تذهب وتأتي في غرفتها تكاد تنفجر من الغيظ
سالي:طلعوا من اول الصبح والساعه 8 ولسه مجوش ي ترا بيعملوا اي اااه هتشل
شاديه:بيفسحها مش عروسه جديده ولازم تتهني
سالي:تتهني وانا مرميه هنا هطق من الغيظ دا عمره م خرجني دا مبيقعدش معايا اصلا
شاديه:مهو من خيبتك سنه ونص ومش عارفه توقعيه حتي مقدرتيش تحيبي حتت عيل يربطك بيه
سالي:يووه ي ماما م انتي عارفه بيعاملني ازاي دا لو اخوات مش هيبقا كدا
شاديه:خليهم يتهنوا يومين وانا هعرف اجيبهولك لحد عندك
سالي:ازاي
شاديه:......................
سالي وقد التمعت عيناها:وكدا مش هيبوصلها وهيرميها
شاديه:اصبري لحد م اقولك تنفذي امتي دلوقتي انا همشي وهعدي عليكي بعدين
وودعتها ورحلت
*****
كانت الساعه التاسعه عندما اتي آسر وحياه
نظر آسر للخادمه وقال:طلعي الحاجات اللي ف العربيه لأوضه الاطفال اومأت الخادمه وذهبت لتفعل ما امرها به
خرجت سالي من غرفتها لتري آسر يضحك هو وحياه
لتقول بهدوء عكس ما يدور بداخلها:احضرلك العشا ي حبيبي
آسر:اكلنا انا وحياه بره ....امسك بيد حياه واتجه للأعلي
اما سالي ظلت ترفس الارض برجلها بحقد وغضب ويزداد حقدها وهي تري الخادمه تحمل الكثير من ملابس الاطفال والالعاب لتقول في سرها:بقا دا كله علشان الست هانم وابنها امال لو كان ابنك كنت عملت اي بس ماشي ي حياه ان ما وريتك مبقاش انا سالي
******
اتي الصباح لتقوم ميران بكسل علي صوت الهاتف امسكته لتري هشام من يتصل
ميران:ايوا ي هشام
هشام:ياريت تيجي علشان تاخدي حاجتك اصل انهارده كتب كتابي وورقه طلاقك هتوصلك انهارده
شهقت عندما سمعته لتقول بصدمه:هتتجوز!!
هشام:ااه هتجوز ي ميران مش كنتي عايزه تتطلقي
ميران بدموع وصوت مبحوح:طيب ي هشام انا جايه
اغلقت الهاتف
وضعت يدها علي وجهها ظلت تبكي بحرقه لم تتوقع انه سيطلقها ويتزوج بهذه السرعه
جففت دموعها وقامت استعدت لتذهب لبيته
...........بعد وقت ليس بطويل وصلت ترجلت من السياره فتحت لها الحجه سميحه استقبلتها بالاحضان فهي تحبها وتعتبرها مثل بناتها
سميحه:ازيك ي بنتي عامله اي
ميران:الحمد لله ي خالتي بخير حضرتك عامله اي
سميحه:بخير ي بنتي اتفضلي
ميران بتوتر:هشام قالك اني جايه آخد هدومي
سميحه بحزن مصطنع:اه ي بنتي اتفضلي اهو المفتاح
ميران:معلش تعالي معايا مينفعش ادخل الشثه لوحدي
سميحه:دي شقتك لسه ي بنتي وبعدين زي ما انتي عارفه مبقدرش اطلع السلالم والبنات مش هنا
لم تجد ميران حل امامها فصعدت بمفردها
فتحت الباب ظلت تنظر حولها بدموع فها هو حب عمرها يضيع ببطئ
مشت بخطوات ضعيفه متردده فتحت الباب لتشهق بصدمه

  • تابع الفصل التالي عبر الرابط: "رواية حياة" اضغط على أسم الرواية
رواية حياة الفصل العاشر 10
أيمن محمد

تعليقات

ليست هناك تعليقات
إرسال تعليق
    google-playkhamsatmostaqltradent