Ads by Google X

رواية حب بعد عناء الفصل التاسع 9 بقلم ميادة خاطر

الصفحة الرئيسية

      رواية حب بعد عناء  الفصل التاسع بقلم ميادة خاطر

رواية حب بعد عناء  الفصل التاسع 

الباب خبط ابو رنيم قام وراح فتح وانصدم لما شاف البوليس 
الظابط:حضرتك استاذ سعيد محمد ابو حبيبه
سعيد بلع ريقه وقال:اي اي ايوا أنا 
الظابط:اتفضل معانا 
سعيد:خ خ خير يا باشا
الظابط:هتعرف كل حاجه فالقسم يلا وخدوه 
أم بينيامين كانت طالعه وشافته وقالت بصدمه:ابو رنيم خير ياخويا في ايه 
سعيد:معرفش ياأم بينيامين خلي بالك من رنيم 
أم بينيامين بحزن:ربنا يرجعك بالسلامه ومتخفش فعيني،،،،،،
رنيم وهي أعده ناموسه دخلت فعنيها(ايوا ناموسه عادي😂)قالت بوجع وهي بتدعك فعنيها:اي اي عيني اي 
مالك بخضه؛في اي 
رنيم:حاجه دخلت فعيني اي بتوجع اوي اااااه وبدأت تهز رجليها فالارض جامد مالوجع
مالك بسرعه:طب اهدي اهدي ابعدي ايدك وهي بعدت أيدها وكانت مغمضه عنيها
مالك:افتحيها براحه 
رنيم بدأت تفتحها براحه خالص وهو بدأ ينفخ براااحه فيها 
بينيامين كان ماشي وشافهم وانصدم وطبعا رنيم كانت مدياله ضهرها ومالك قريب منها وباين انه احم 😂
بينيامين غضب جدااا وراح بسرعه وشد رنيم ورزعها بالقلم وقال بصوت جهوري:اه يا سا*فله انتي بتعملي ايه 
رنيم كانت مصدومه جداااا ومش فهمه حاجه 
مالك كمان أنصدم وقال وزق بينيامين وقاله بغضب:انت ازاي تجرأ وتعمل كده يا حيو*ان
بينيامين بغضب؛انت اللي ازاي تجرأ وتعمل كده 
مالك باستغراب:عملت ايه حضرتك حاجه دخلت فعينيها وكنت بنفخ فيها عملت ايه أنا 
بينيامين بصدمه:ايه وبص لرنيم اللي كانت حاطه ايديها علي وشها ومصدومه 
مالك بضيق:انت عملت ايه انت ازاي تمد ايدك علي ست هي دي المرجله وبعدين مين اداك الحق اصلا 
بينيامين مكنش سامع مالك وكل اللي فباله أنه مد ايده علي رنيم وهو عارف كويس رنيم لما تزعل من حد بتعمل ايه 
بينيامين بتردد:رنيم أنا بس رنيم قاطعته لما رفعت ايديها فوشه من غير ما تبصله وبصت لمالك وقالت:ممكن توصلني 
مالك هز رأسه بمعني ايوا
رنيم مشيت ومالك وراها وبينيامين كان واقف مشلو*ل مش قادر يتحرك ومصدوم أنه ازاي فعلا اتجرا وعمل كده او اصلا تخيل أن رنيم ممكن تعمل حاجه زي كده وقلبه وجعه اوي لان باللي عمله ده خسر رنيم للابد
رنيم نزلت ومالك شاور علي عربيته وركبت وهو ركب ومشي 
مالك:اوديكي فين 
رنيم من غير ما تبص:البحر
مالك باستغراب ؛تاني 
رنيم؛ممكن توصلني من غير نقاش
مالك:حاضر ومشيوا ومالك كان حزين عشانها وهي كانت مصدومه لان دي اول مره بينيامين يمد ايده عليها،،،،،،
في القسم 
سعيد:ها يا باشا خير 
الظابط:زوجتك رفعت عليك قضيه بتهمه الضر*ب الشديد
سعيد بصدمه:ايه سميره 
الظابط:ايوا وهي كشفت عند الطب الشرعي وأثبت فعلا الضر*ب بطريقه وحشيه اوي 
سعيد بلع ريقه وقال:وهتعملوا فيه ايه 
الظابط بصله وقال:يعني انت معترف انك عملت كده فعلا 
سعيد بص فالارض وقال:حرمت اكذب تاني يا باشا 
الظابط:حلو امضي بقا هنا وشرفنا فالحجز علي ما المحكمه تحكملك بيوم 
سعيد بقله حيله مضي ودخل الحجز بدون كلام،،،،
مالك وصل البحر ورنيم نزلت وراحت وقفت عند البحر وربعت ايديها واعدت تبص للبحر الكبير وشعرها كان طاير ومالك كان اعد علي العربيه من ادام ومربع ايده وباصص عليها وسرحان فيها وفملامحها الحزينه وفاللي جرالها من عائلته ومن ابوها ومن بينيامين دلوقتي واد ايه كان حزين وقلبه واجعه عشانها 
أما رنيم كانت واقفه تفكر فكل اللي حصلها سواء من زوجها أو أهله أو والدها أو بينيامين واول مره تحس بالضعف وان ملهاش اي حد خالص فعلا يعني بينيامين  كان مهون جامد وهي كانت بتطمن بوجوده جنبها بس بعد اللي عمله مبقاش يعنيلها شئ (ممكن تحسوا انها مأڤوره بس الضر*به لما تيجي من اقرب الناس لينا بتوجع اوي اوي)وفالوقت ده قررت انها مش هتستسلم تاني ومش هتتنازل عن حقها وهتاخد موقف من هنا ورايح وايه يعني لوحدها مش مشكله اهم حاجه تكون مرتاحه فداهيه جوزها وأهله لو هيتعبوها فداهيه والدها لو رماها ومش هيسال عنها(ممكن كتير يعارضني فالحته دي بس دي روايه من دماغي يجماعه وبعدين في فعلا ابهات ميستاهلوش كلمه اب ربنا يعافينا)فداهيه صديق طفولتها لو هيخليها تعاني سعتها رنيم مسحت الدموع اللي كانت فعنيها وبصت للبحر وابتسمت وقالت فسرها:اوعدك يا امي مش هخذلك ورجعت عن مالك ولقته سرحان تماما طرقعت صوابعها ادامه 
مالك فاق وقال:ها ايه 
رنيم:ممكن طلب
مالك:اتفضلي 
رنيم:ممكن توصلني المحطه
مالك باستغراب ؛ايه ليه 
رنيم:مش حابه اتكلم عن السبب حاليا ممكن 
مالك:احم حاضر وركبوا العربيه واتجه للمحطه وهو مش فاهم اي حاجه وعدوا علي محل دهب رنيم وقفته ونزلت وقلعت السلسله اللي كانت حيلتها وباعتها وركبت تاني 
مالك:بعتي سلسلتك ليه 
رنيم بجمود:مش حابه أخد فلوس من حد 
مالك حط ايده علي شعره من ورا وقال ممكن اعرف راحه فين 
رنيم خدت نفس وبصت وقالت بجديه:هقولك بس متقولش لحد وتوعدني 
مالك هز رأسه بمعني ايوا
رنيم:هروح القاهره عند جدتي والده امي بابايا كان بياخدني عندها كل سنه مره 
مالك:وليه 
رنيم بصت فالارض بحزن وقالت:لان مليش حد هنا خالص 
مالك:وانا 
رنيم بصتله باستغراب وهو ركز فاللي قاله وفاق علي نفسه وقال:احم فكك خلاص تمام هوديكي بس بشرط 
رنيم بزهق:ها 
مالك:هاجي معاكي 
رنيم برفعه حاجب:تيجي معايا فين 
مالك:محدش يعرف اني جيت وبينيامين ده ميعرفنيش وكده كده اهلي هيفتكروا اني لسه مسافر خديني معاكي 
رنيم باستغراب برضو:وليه 
مالك باحراج:احم بصراحه انا حبيت شخصيتك وانتي غير اي بنت قابلتها وحكايتك ماثره فيه جدااا وحابب اقف جنبك اكون سند بمعني اصح ونكون اصدقاء وكده كده أنا عندي بيت فالقاهره بتاعي بابا كان شاري بيت هناك وكتبه باسمي لانه كان فاكر اني هاخد كليه فالقاهره هعد فيه ونبدا سوي نعمل اي مشروع ونكون اصدقاء 
رنيم بعدم فهم:مش فهمه برضو ليه 
مالك ابتسم بضيق علي غبائها وقال:انتي مش فهماني لي 
رنيم؛يعني مش وصلالي فكرتك 
مالك:يختاااااي 
رنيم بضحك علي شكله:ايه
مالك؛هاجي معاكي وخلاص 
رنيم:لي بقا 
مالك؛رخامه يا ستي 
رنيم:ما تفهمني يابني 
مالك:اللهم طولك يا روح
رنيم بضحك:علي هذا اللوح 
مالك بصلها لمده ١ ثانيه واعد يضحك هو كمان 
رنيم بضحك:بجد بقا هتيجي ليه 
مالك برق وقال؛بت اسكتي ومشي بالعربيه 
رنيم أعدت تضحك وسكتت وكانت من جواها سعيده متعرفش ليه بس سعيده،،،،،
بينيامين وهو واقف مصدوم فونه رن فاق ورد وقال:الو 
اميره بحزن:الحق يا بينيامين عمك سعيد البوليس جه خده 
بينيامين بصدمه ؛ايه 
اميره؛اه والله انت لقيت رنيم
بينيامين بلع ريقه وقال:ا ا ا اه 
اميره:طب متقولهاش وهاتها وتعالوا يلا وقفلت 
بينيامين:الو ماما ماما وقال:اعمل ايه دلوقتي ياتري روحتي فين يا رنيم ومين اللي مشيتي معاه ده اووووف ياربي ومشي من المستشفي وهو يجهل اللي هيحصل،،،،،،،
رنيم:ايوا المحطه هنا استني 
مالك مشي من غير ما يكلم 
رنيم باستغراب:مالك مااالك 
مالك:ها 
رنيم:اقف عدينا المحطه 
مالك بصلها ببرود لا متناهي
رنيم بعصبيه؛مالك متستفزنيش
مالك بزهق من زنها:ايه يا بنتي منا قلتلك هاجي معاكي
رنيم باستغراب:منا عارفه وبعدين 
مالك بدهشه من غبائها؛يابنتي هاجي معاكي هتركبي القطر ليه هوصلك 
رنيم بفهم:ااااااااااااااه فهمت وضر*بت علي رأسها:ههههه تصدق غبيه
مالك بضحكه ساذجه:اخيرا 
رنيم وهي بتضيق عنيها:متستفزنيش
مالك مردش 
رنيم اضايقت منه ومكلمتش
مالك بقا يضحك فصمت لان رنيم لما بتتعصب بيبقا شكلها نكته،،،،،
رؤوف فاق وكانت الممرضه بتحطله دوي 
رؤوف:هي مراتي فين
الممرضه:مشيت
رؤوف باستغراب:ايه 
الممرضه:ايوا كان في واحد هنا وكان عايز يدخل ومنعته وقال إنه اخوك وبعدين اعد معاها يجي نصايه وفي واحد جه ضر*بها بالقلم معرفش لي بس مشيوا بعدها 
رؤوف بصدمه:ايه انتي بتقولي ايه وو و اخويا اخويا ازاي ده هو بره مصر 
الممرضه هزت كتافها:ممم معرفش هو قال كده عن اذنك ومشيت وسابت رؤوف بأفكاره ودماغه بيصور الف حاجه وحاجه ،،،،،،،
رنيم بملل:اووووف زهقت هو فاضل اد ايه 
مالك كان حاطط الهاند فري فودنه وعمال يهز دماغه ولابس النضاره 
رنيم:مالك مالك مااااللللكككك وبصتله بغضب ولقته كده شالت السماعه بعصبية 
مالك بضيق:ايه يا مفسده
رنيم بزعيق:بكلمك أنا وأنت ازاي متجاهلني كده لا وبتسمع ميوزك لوحدك
مالك رفع حاجبه:انتي ايه مضايقك مش فاهم وبعدين انتي أعده باصه بالشباك ومش معايا خالص فقلت اسلي نفسي 
رنيم وهي بتجز علي سنانها:وانا ايه يسليني
مالك ببرود:ميخصنيش ولبس الهاند فري تاني 
رنيم: عااااااااااااااااااااااااااااااااااااااااااااااااااااااااااااااااا بارد اوووف وبصت حواليها وبعدين ابتسمت بخبث 


يتبع الفصل العاشر اضغط هنا 
google-playkhamsatmostaqltradent