رواية عذاب الحب الفصل الثامن بقلم ندى محمود
رواية عذاب الحب الفصل الثامن
-بص من الاخر يعني .. انا مش بعتبرك اخويا
نديم كان طاير من الفرحه لانه فهم قصدها بس مثل انه غبي ومش فاهم
=مش فاهم ازاي مش معتبراني اخوكي
-يعني .. يعني زي م قولتلي قبل كدا احنا مش نفس الاب ولا نفس الام ولا حتي راضعين مع بعض
=اه يعني ايه بردو
-نديم متستفزنيش
=لا بجد مش فاهم قصدك
-يعني بحبك ياخي ارتحت !!
بعدها اتصدمت ب الي قالته .. هي مكنتش ناويه تقوله لان المفروض الراجل هو الي بيقول الاول بس هو الي استفزها
نزلت من العربيه
و نديم نزل وراها وكان حرفيا قلبه طاير من الفرحه ودا كان اسعد يوم فحياته
= طيب نزلتي ليه من العربيه
-بص انا اصلا مكنش قصدي اقول الي قولته من شويه
= دا كان احلي كلام سمعته فحياتي
بصدمه -بجد ! يعني انت كمان بتحبني ؟!
= لا طبعا مش بحبك
بحزن -تمام مفيش داعي انك تكدب وتقول انك بتحبني ك شفقه يعني وعشان مزعلش وكدا
=انا بعشقك يا ندي .. مش هتتخيلي كنت بموت ازاي من القهر لما كنت مخطوبه لرامي ؟ مش هتتخيلي ازاي كانت دي اسوء ايام فحياتي .. عشان كدا وقتها انا قولتلك اني هسافر الصعيد .. لاني مكنتش قادر اشوفك وانتي مع حد تاني .. مكنتش قادر اشوفك وانتي بتقوليلي اسماء عيالك الي هتسموها انتي و رامي و اقعد ساكت
-انا فعلا كنت عاميه و شايفاك اخويا طول الوقت .. طول الوقت شايفاك اخويا و عمري م فكرت حتي اني ممكن اكون بحبك .. يمكن عشان اتعودت علي وجودك ف مقدرتش اعرف مشاعري الحقيقيه
=عارفه دلوقتي انا نفسي اعمل ايه
-ايه
=نفسي احضنك و الف بيكي و اقول للدنيا كلها انك بتحبيني بس خلي الموضوع دا بعد م نتجوز
بصدمه -نتجوز !!
=ايوه يبنتي اومال هنفضل نحب فبعض طول عمرنا مثلا ؟ ايه رأيك نعمل خطوبتنا يوم عيد ميلادك
-لا استني .. يعني انا وانت هنتخطب صح !! وانت هتبقي خطيبي قره عيني وكدا ؟
بضحك =ايوه يبنتي مش مستوعبه الموضوع ليه
-لا استنيي بقا انت كدا بتسرع الاحداث اوي و بتستعجل
=اه طبعا المفروض استني عشرين سنه تانيين وبعدها نفكر فالخطوبه صح
-لا مش كدا
=انتي الي هتقولي ل ماما ومامتك ولا انا الي اقولهم
-ايه رأيك نقولهم مع بعض
=ماشيي موافق يلا نروح نقولهم
*فالبيت*
كل واحد خبط علي باب شقته و صفيه وميساء فتحو الباب وهما مخضوضين لان المفروض كل واحد فيهم معاه مفتاح ف ليه يرنو
=عندنا ليكم خبر حلو بس تعالي يا ماما الاول ندخل شقه ميساء و نقولكم الخبر
دخلو شقه ميساء و ندي
-هتقول انت ولا انا
= خلاص هقول انا .. احنا بنحب بعض و قررنا نعمل خطوبتنا يوم عيد ميلاد ندي بس الاول طبعا عايزين موافقتكم
صفيه وميساء فرحو جدا لدرجه انهم عيطو من الفرحه
> الحمدلله اخيرا امنيتي اتحققت
*والله يبني مكنتش هلاقي حد احسن منك لبنتي ندي
>ولا انا كنت هلاقي واحده احسن من ندي لنديم
=معلش هنفصلكم من العياط بس ايه رأيكم فمعاد الخطوبه
>انا موافقه
*وانا كمان
= خلاص كدا يبقا خطوبتنا بعد يومين بالظبط
و بعدها صفيه و نديم راحو شقتهم
وندي دخلت نامت و كانت سعيده بطريقه متتوصفش .. عمرها م كانت بالسعاده دي قبل كداا
بعدها سمعت صوت نوتفكيشن عالموبايل ف مسكته تشوف مين الي بعتلها رساله
وكان نديم
= صاحيه ولا نايمه
-صاحيه
=انا مش قادر انام من الفرحه
-هنتكلم عالموبايل كتير ولا ايه ؟😂😂 مش قولتلي عمرك م هتكلمني شات
= طب اطلعي برا انا قدام شقتكم
-الساعه ٢ يا نديم !
= اطلعي بس مش هاكلك يعني
فتحت الباب و فعلا كان نديم قدام الباب
= خدي الكيكه دي عملتهالك عشان عارفك مأكلتيش من بدري واكيد مش هتعرفي تنامي وانتي جعانه كدا
-ايه دا كمان بالشوكولاته زي م بحب
=عشان تعرفي بس اني عارف كل حاجه عنك
-نديم انا مش عارفه البس ايه فالخطوبه
= بكرا انا مش هروح الشغل وننزل نختار الفستان مع بعض لو حابه
بفرحه -بجد !!
=ايوه
-انا بجد محظوظه بيك
=ايوه بقا تعالي للكلام الحلو دا
ندي جريت جوا شقتها و قفلت الباب
ونديم ضحك
*اليوم الي بعدو *
نديم رن علي ندي كتييير جدا و فالاخر ندي ردت
-ايه يا نديم بتصحيني بدري ليه ! انت عارف الساعه كام دلوقتي !! ٩ الصبح يا نديم .. حد ينزل يشتري فستان الساعه ٩ الصبح !! روح اتخمد يلا
= اييه كل دا اومال لو مكنتيش نايمه علي نفسك كنتي اتكلمتي كام كلمه فالدقيقه
-اقفل يلا واتخمد
= اتخمد ! فيه واحده تقول لخطيبها اتخمد !
-لسا مبقتش خطيبي
= علي اساس هتطلعي الشخص الحنين الي جواكي لما نتخطب !!
-ايوا صح عندك حق .. والله انا كدا لو مش عاجبك سبني
= لا اسيبك ايه بس دا انا مصدقت انك تحبيني
-طب ايه متنزل انت تشوف الفستان و ابقي هاتهولي
= وهعرف مقاسك منين ان شاء الله
-ابقا البسه وجربه وهتعرف
=علي فكره نكته مش ظريفه
-اقفل خلاص دا انت غلس اهو هلبس و جيالك
ولبست بسرعه وفتحت الباب وكان قدام الشقه
-عارف لو صحتني الصبح تاني هعمل فيك ايه
=ايه
-هخلعك لما نتجوز
= طب كويس عشان متاخديش ولا شبكه ولا قايمه ولا اي حاجه
-هو انت عندك ردود لكل حاجه كدا !
= يلا يبنتي اتأخرنا
-اتأخرنا ايه هو فيه اصلا محلات بتفتح دلوقتي !
= عادي مش كل الناس كسوله زيك
-طب امشي بس قدامي
*فمحل الفساتين *
-ها دا احلي ولا الي قبله ولا الي قبله
= مش معقووول ازاي كلهم تحفه عليكي ازاااي
-نديم انا مش هجرب واحد رابع .. قولي انهي احلي خلينا نخلص
= والله التلاته حلوين عليكي بس بصي البسي الفستان الlilac دا احلي واحد عليكي بجد
-ماشي خلاص انا اعتمدت الفستان دا
و اشترو الفستان وخرجو من المحل
-كدا فاضل اشوف مين هيحطلي ميكب .. تفتكر مين احسن واحده تحط ميكب فالقاهره .. جهاد ولا زينب
= ولا واحده .. انا عايزك علي طبيعتك وبحبك من غير اي نقطه ميكب حتي
-عارف لو مكنتش انا الي هدفع كنت افتكرتك بتقول كدا عشان متدفعش
= حرام عليكي بوظتي اللحظه الرومانسيه
-طب امشي بس قدامي يلا
و كل واحد راح شقته و نامو لغايه بالليل لان اصلا نديم كان سهران من امبارح وندي منامتش كتير
اليوم الي بعدو ندي راحت مع مامتها ل مركز عنايه بالبشره عشان تجهز نفسها ليوم الخطوبه
ونديم راح حلق و جاب بدله .. كان لونها ابيض وكانت لايقه جدا عليه عليه
*يوم الخطوبه *
كانت الخطوبه ف قاعه اوبن اير و كان فيه ناس كتير فالقاعه وكان
اغلب الي فالقاعه معارف نديم
*ف بيت ندي وميساء *
طبعا هي محطتش ميكب فعلا ف كان نديم هياخدها من بيتها بدل الكوافير
-عارفه يا ماما كان نفسي يكون عندي صديقه تقف معايا فيوم خطوبتي
*ولا يهمك يا بنتي صحيح انتي مكنش عندك حظ فالاصحاب بس كان عندك احسن صديق فالدنيا واهو دلوقتي هتتخطبو
-عندك حق يا ماما مهو اكيد مش هاخد كل حاجه
وقتها الباب خبط
و ميساء فتحت
*ما شاء الله عليك يبني ايه الحلاوه دي كلها
بكسوف = اكيد ندي احلي مني يا ميساء .. هي فين
*جوا مستنياك
دخل الصاله وكانت قاعده عالكنبه مستنياه
رفع حاجبه لفوق
= مش قولتلك مش عايز ولا نقطه ميكب يا ندي ! ايه الايلاينر دا و ايه الرموش دي و ايه الروج دا !!
-لا دول حاجات بسيطه انا حطتهم لنفسي
= طب امسحي الروج وشيلي الرموش عالاقل
-لا يا نديم انا عاجبني شكلي كداا
= بس ايه الفستان الجامد دا مين الي اختارهولك
-بتستهبل حتي فيوم خطوبتنا !!
= لا بس عارفه ؟ انتي الي محليه الفستان اساسا
-اه منا عارفه
= يخربيتك بتبوظي دايما اللحظات الرومانسيه !
-استني هنا بس .. ايه البدله البيضه دي !! يعني انت مش عارف ان اللون الابيض بيبقا قمر عليك ؟!
=عارف عشان كدا لبست بدله بيضه
-بس انا مكنتش عايزه تلبس ابيض تاني خالص فالشارع تقوم تلبسهولي فالخطوبه ؟!!
= ايه يبنتي م براحه انتي بتغيري عليا ولا اييه
-اغير ليه يعني و استني استني .. ازاي شعرك بقا بالجمال دا بعد م حلقت .. ليه حلقت اساسا دلوقتي هتخرج الشارع ازاي
بضحك = ازاي اخرج الشارع ازاي
-يعني انت كدا شعرك و بدلتك زي القمر و هتتعاكس
فالشارع وانا ميرضنيش دا .. روح بوظ شعرك و البس بدله غيرها
بضحك = انتي شكلك مش هتنزليني من البيت بعد كدا
-اه عادي ممكن يحصل بردو
= طب يلا عشان اتأخرنا عالناس فالقاعه
*فالعربيه*
-نديم .. هو انت بتحبني من امتي
نديم ابتسم
= لما كان عندنا ٧ سنين .. فاكره وقتها لما كنا فالمدرسه و الواد حسن الملزق دا قالك شعرك حلو النهارده ؟!
-اه وانت ضربته وقتها و كسرتله مناخيره و كانو هيطردوك من المدرسه لولا ان مامتك حلت الموضوع مع عيله حسن
= وقتها بقا انا ادركت اني بغير عليكي
-ياه دا احنا حتي كنا اطفال و المفروض متفهمش اصلا الكلام دا
= انا كان عقلي كبير مش زيك
ندي ضربته علي ايده
= بتضربيني حتي واحنا رايحين القاعه ؟!
-انت الي بطل ترخم عليا يوم خطوبتنا
= طب انتي ادركتي امتي انك بتحبيني
-فاليوم الي شفنا فيه الفيلم ف بيتك
= طب كنتي قولتيلي كنا شفنا الفيلم ف بيتي من بدري
-وصلنا القاعه يا خفيف
دخلو القاعه وكل الناس بصتلهم
£ شوف ازاي لايقين علي بعض
¥ جداا كأنهم فعلا اتخلقو لبعض
قعدو فالكوشه
=تعرفي النهارده تاني اسعد يوم فحياتي
-ايه اول يوم
=اليوم الي قولتيلي فيه انك بتحبيني
-طب استني مبدأيا كدا لازم نتفق .. انت الي هتطبخ وهتنضف الشقه كل يوم
نديم رفع حاجبه
= وانتي هتعملي ايه ان شاء الله
-انا ههتم بيك
=يا سلااام
-ايه مش عاجبك الكلام ؟
= طيب ايه رأيك من بكرا اعلمك الطبخ .. هبدأ بالسهل
-طالما انت الي هتعلمني ف انا موافقه
وجه وقت تلبيس الشبكه و ندي انبهرت بالشبكه لان دا زوقها بالظبط ( هو جاب الشبكه لوحده وهي لسا اول مره تشوفها دلوقتي )
-انت ازاي كدا بجد
= مش فاهم
-ازاي عارف ان دا زوقي وان دي الشبكه الي هتبهرني
= عيب عليكي دا انا حافظك صم
و صفيه هي الي لبستها الشبكه لانهم مكنوش عايزين لمس ايادي ولا اي حاجه مش شرعيه غير بعد جوازهم عشان ربنا يبارك ف خطوبتهم
وخلصو الخطوبه و روحو البيت
دخلو كلهم شقه ميساء وندي عشان ميساء كانت عزماهم عالعشا عندهم
بس فجأه وهي ندي بتجيب الاكل من المطبخ عشان تحطه عالسفره وقعت واغمي عليها
نديم قلق جداا عليها
=ندي فوقي يا ندي فوقي
جابو برفن و رشوه ف صحيت
-ايه الي حصل
= اغمي عليكي ..
-اكيد من تعب الخطوبه
=لا لازم اتصل بدكتور عشان نتطمن
واتصل بواحد زميله و فعلا جه عندهم بسرعه
=طمني يا دكتور .. خطيبتي كويسه ؟!
الدكتور كانت بصاته مريبه
$المدام حامل
يتبع الفصل التالي اضغط هنا
- الفهرس يحتوي على جميع فصول الرواية كاملة :"رواية عذاب الحب" اضغط على اسم الرواية