رواية حب خلف الكواليس الفصل السابع بقلم نجوى إبراهيم
رواية حب خلف الكواليس الفصل السابع
ليان:بعد اذنك ي مستر ادهم انا كنت جايه اقدم استقالتي ياريت حضرتك توافق عليها
ادهم:اي استقاله اي انتي ناسيه انك ماضيه علي شرط جزائي بمليون جنيه ادفعي بقا وبعدين استقيلي غير كدا مده العقد سنه
ليان:بصتله ومشيت راحت مكتبها ادهم جالها وقعد قدامها وقال انا اسف بخصوص امبارح مكنتش اقصد ازعلك انا بس مبحبش افتكر الماضي حقك عليا
ليان: حضرتك محصلش حاجه انا اللي اسفه اني اتدخلت في حياه حضرتك انا بس كنت قصد اساعد حضرتك مش فضول مني بعتذر لحضرتك مره تانيه
ادهم:قالها مفيش داعي للأسف ومدلها ايده توافقي نكون صحاب
ليان:بصدمه اي حضرتك دا شرف ليا ومدت ايديها اول ما ايديها لمست ايدهم الاتنين قلبهم دق بسرعه وادهم سحب ايده وخرج بسرعه وقال لا ي ادهم متكررش القديم تاني
قلبه:بس ليان باين عليها غير لارا
عقله:كلهم زي بعض وبكرا تكتشف دا
قال بصوت مسوع بسسسسس بقا تعبت
ليان:خرجت بسرعه دكتور أدهم في حاجه حضرتك
ادهم:بابتسامه لا ي ليان مفيش حاجه تعبان شويه بس
ليان:الف سلامه علي حضرتك وابتسمت ابتسامه خلت ادهم قلبه داب وفضل باصصلها وبعدين قالها ضحكتك حلوه اوووي ليان اتكسفت ودخلت مكتبها وقلبها فضل يدق وقالت لا ي ليان انتي مش حمل جرح قلب
عدي اليوم وعدي الترم وبدات ليان وادهم يقربوا من بعض ودا بقا واضح عليهم
وجه يوم خطوبه مالك وسيلا اللي مبقيوش قادرين يتخلوا عن بعض وليان عزمت ادهم وهو وافق
جه بالليل وقت الخطوبه ليان لبست فستان احمر قصير برقبه دنتل من غير كم وهيلز اسود وعملت شعرها تسريحه منفوشه وكانت شبه الاميرات وحطه ميكب خفيف ظهر جمال عيونها الزيتوني
وسيلا لبست فستان سماوي منفوش وعملت شعرها ليس وحطه تاج وكانت حوريه ومالك لبس بدله زرقاء وقميص ابيض وجزمه بيضا
وادهم لبس بدله سمرا وقميص ابيض وكان وسيم
بدات الخطوبه زمان ادهم لسه مجاش وليان كل شويه تبص عليه وكل العيون كانت علي ليان لانه كانت شبه الاميرات
شويه وادهم دخل والعيون اتحولت عليه راح سلم علي مالك وباركله وسلم علي اهل ليان وراح قعد جمب ليان
ليان:كنت فكراك مش هتيجي
ادهم:بصلها وقالها احنا بقينا صحاب يعني لازم نقف جمب بعض ونفرح لفرح بعض حلو اووي الفستان اللي لبساه دا
ليان:بجد مشكره جدا ي ادهم انت كمان شيك جدا
ادهم: من يومي ي بنتي ورفع عيونه بغرور كدا
ليان :تبا لتواضعك ي شيخ وقعدوا يضحكوا
ادهم:تعالي نقعد مع والدك ووالدتك
ليان:يلا بينا واهو يتعرفوا عليك بس والنبي ما تسيحلي قدامهم وقول انا شاطره في الكليه والشغل
ادهم:تدفعي كام وانا اعمل كدا
ليان:شت دا اي الصحوبيه اللي مفيش منها منفعه دي
وراحوا قعدوا مع باباها وماتوا وادهم اتعرف عليهم وحبوه جدا وهو حبهم جدا
وخلص اليوم وتاني يوم ليان راحت الشركه دخلت عادي واتعاملوا طبيعي جدا كاي مدير ومساعدته
ادهم :بعد ما خلصوا الشغل طلب من ليان تروح تتغدا معاه وهي وافقت وراح علي مطعم شيك جدا وقعدوا
ليان وادهم في نفس الوقت هطلب مكرونه بشاميل
ادهم:اي دا اوعي تقولي انها اكلتك المفضله انتي كمان
ليان:دي العشق والله دة انا مدمنه مكرونه بشاميل
ادهم:طلع بينا حاجات مشتركه اهو وخلصوا اكل وسط ضحكهم ومناكفه ليان في ادهم
بعد فتره ليان بتبص في الساعه لقيت الوقت اتأخر وقالت سواد السواد ي قرمط علي سنينك كنتي صغيره علي الموت ي ليان ي بنت ام ليان
ادهم:في اي ي بنتي
ليان:ابويا هيطردني الوقت اتأخر جدا وكمان رن اكتر من مره والفون صامت اه ي حزنك ي ليان هتموتي صغيره ابقا ازرع جمب قبري ورد جوري عشان بحبه
ادهم: بضحك وانتي هتقومي تشميه ازاي وانتي ميته ي هبله هانم
ليان:كمان عاوزني اموت اه ياللي معنديش صاحب وفي ي ليان اه ي حظك ي ليان
ادهم:خلاص خلاص ي بنتي كفايه ندب علي حظك وتعالي اوصلك واحاول اقنع والدك اني سبب تأخيرك هنكدب كدبه بيضا ونقول في اجتماع
ليان:ربك يستر وميدفنكش معايا 🤣🤣🤣
وصلوا البيت وليان طول الطريق تشاهد وادهم يضحك علي خوفها طلعت البيت وادهم طلع معاها خبطت وفتحتها مالك
مالك:انتي كنتي فين دا ابوكي هينفخك وبص شاف ادهم سلم عليه وعزم عليه بس ادهم رفض وجه والد ليان ودخل ادهم جوا وكان في ضيوف
احمد :اتفضلي ي ادهم يابني احب اعرفك خالد ابن اختي ودي فوزيه اختي
ادهم:اهلا يافندم تشرفنا طب استأذن انا بقا
احمد:لا والله ما يحصل انت مش غريب دا دكتور أدهم دكتور ليان في الجامعه ومديرها في الشغل
فوزيه :بس شكلك صغير يابني علي المناصب دي
ادهم : ودا لام والدي ووالدتي اتوفوا وانا في الجامعه فتوليت كل حاجه من بعدهم وحته اني دكتور في الجامعه لاني كنت متفوق وديما بطلع الاول عشان كدا اتعينت
فوزيه:ربنا يحميك لشبابك يابني هاااا ي احمد قولت اي في طلبنا
احمد:والله الرأي رأي ليان ي فوزيه
ليان:رأيي في اي ي بابا
احمد:خالد طالب ايدك ي ليان وانا كنت مستنيكي تيجي عشان اعرف رايك
ليان:بصدمه اي.........
يتبع الفصل الثامن اضغط هنا
- الفهرس يحتوي على جميع فصول الرواية كاملة :"رواية حب خلف الكواليس" اضغط على اسم الرواية