رواية بنات الملجأ الفصل الثالث بقلم مادونا عماد
رواية بنات الملجأ الفصل الثالث
غزل كانت ساندة راسها علي الشباك ودموعها بتنزل بصمت
قطع شروطها صوت السواق : وصلنا
غزل نزلت ووقفت تتفرج علي البيت كبير اوي وفخم البوابة اتفتحت والجنينة شكلها جذاب وفيها جميع انواع الزهور
دخلت معاه وهي خايفه اوي
السواق : استني هنا هقول لمني هانم ومدام ريم
بعد شوية طلعت امرأه جميلة وشكلها طيبة وخليها بنت في سن 20 سنة وهي ريم زوجة سيف
مني باستغراب : انتي غزل
غزل : ايوة
مني وهي بتبص لريم : انتي صغيرة اوي
ريم : عندك كم سنة
غزل : 15 سنة
مني بهمس : دي صغيرة يا بنتي ومتنفعش
ريم بهمس : لو سمحتي يا ماما وافقي
مني : تعالي يا غزل جوا ونبقي نشوف لما سيف يرجع من الشغل هنعمل ايه
غزل : حاضر
***************************************************
عند اسيل وصلت بيتها الجديد
يارا مسكة في ايديها بحب
يارا : وصلنا
اسيل بصت علي البيت وكان جميل جدا
دخلوا
كريم (زوج يارا ) : ها اية رأيك في البيت
اسيل : حلو اوي اوي
يارا مسكتها من خدودها : انتي اللي حلوة
يارا قعدت وقعدت اسيل علي رجليها
يارا : قوليلي بقا اسمك اية وعندك كم سنة وعرفينا عليكي
اسيل : انا اسمي اسيل عندي عشر سنين وليا اختي غزل بس هي سابتني
يارا بصت لكريم
كريم : اسمك حلو يا اسيل واحنا دلوقتي عيلتك الجديدة انا بابا ويارا ماما
اسيل : اسمك حلو يا يارا وانت اسمك اية يا بابا
كريم بضحك : اسمي كريم
اسيل : اسمك حلو بس يارا احلي
يارا ضحكت
كريم بيمثل الزعل : ماشي انا زعلان
اسيل : خلاص ماتزعلش اسمك حلو
كريم شالها وزغزها هو ويارا وضحكوا بصوت عالي
************************************************
عند جنة وصلت مع الناس اللي اتبنوها
مروة : ادخلي يا جنة
جنة بصت للبيت بخوف
طارق زوج مروة بخبث : ايوة تعالي متخافيش
جنة خافت من طريقة كلامه ولاحظت نظراته ليها طول الطريق
دخلوا البيت
مروة : بصي ياجنة دي غرفتك
جنة : حلوة اوي
مروة : انا بروح الشغل كل يوم وطارق كمان انتي متخافيش واوي تطلعي من هنا
جنة بخوف : حاضر
مروة : يلا هسيبك ترتاحي شوية يلا يا طارق
طارق : يلا ياحبيبتي
**************************************************
في الملجأ
عند كيلا وتالا
كيلا : انا غزل واسيل وجنة وحشوني اوي
تالا : وانا كمان
عطيات : كيلا تالا تعالوا
كيلا وتالا : نعم
راحوا معاها المكتب وكان في واحدة ست
عطيات : اختاري واحدة يا مدام
حنان : هاخد دي
عطيات : اسمها كيلا
حنان : تمام جهزي حاجتك يا كيلا
***********************************************
في المساء
تالا : كلهم مشيوا انا مش هستني لما حد ياخدني لازم اهرب
راحت الحمام وبصت للحمام وفجأة سمعت صوت
يتبع الفصل التالي اضغط هنا
- الفهرس يحتوي على جميع فصول الرواية كاملة :"رواية بنات الملجأ" اضغط على اسم الرواية