رواية عذاب الحب الفصل الثالث بقلم ندى محمود
رواية عذاب الحب الفصل الثالث
-نديم مالك
= الف مبروك
-نديم بقولك مالك
ندي لمحت دمعه عند طرف عينه
-نديم انت بتعيط ؟!
دي كانت اول مره تشوفه بيعيط .. حتي فالحضانه عمره م عيط قدامها
مسكته من ايده وخرجو برا القاعه
راحو البحر .. كان قريب من القاعه
-قولي بقا مالك
= تعالي نرجع القاعه عيب تسيبي خطيبك كدا
-بقولك مالك يا نديم !! و بصلي وانا بكلمك لو سمحت
= انا عايز اقعد لوحدي شويه
-وانا مش هسيبك وحدك يا نديم وكمان هتقولي مالك
انفجر فالعياط و كان بيعيط زي الطفل
ندي اتصدمت لانها فعليا اول مره تشوفه كدا .. اصدقاء طفوله من وهما اطفال بس عمرها م شافته بيعيط وكمان بالشكل دا
حضنته وهي ساكته
= انا تعبان
-ششش متتكلمش …
وقتها رامي جه وشافهم وهي حضناه
بزعيق وغضب ~ ايه الي بيحصل هنا دا !!!
نديم بعد عن ندي ومسح دموعه
-ايه يا رامي ليه متعصب كدا
~ اه طبعا ليه اتعصب اصلا اصلا .. خطيبتي سيباني فالخطوبه وحدي و رايحه مع صديق طفولتها وكمان بتحضنه .. طب طالما بتحضني اي حد كدا عادي احضنيني انا كمان
-انت بتقول ايه !! نديم اخويا و عادي لو حضنته .. انت ازاي فاكرني رخيصه كدا .. اتفضل اهي دبلتك
~ لا استني انا اسف بجد انا معرفش ازاي الكلام دا خرج مني .. سامحيني المره دي بس حطي نفسك مكاني و هتعرفي شعوري و بعدين يا نديم انت تخلي عندك ذره نخوه ورجوله وتبعد عن خطيبتي ..
-يعني بتقولي سامحيني وفنفس الوقت بتهزق اخويا !!
~ طب يلا نرجع للخطوبه عشان كدا بقا منظري وحش اوي
-اعتذر لنديم الاول
رامي كان عايز يعدي الليله وخلاص ف اضطر يعتذر
~ اسف يا نديم
اما نديم ف سابهم و مشي
و ندي رجعت مع رامي للقاعه
-لعلمك دي اول واخر مره هسامحك فيها
~ طب ابتسمي كدا بدل م انتي قاعده مكشره فالخطوبه
-اهو
وكانت بتدور علي نديم و بتقول فنفسها انه اكيد مروحش وسابها وحدها
وفعلا حصل كدا .. نديم رجع تاني للخطوبه وكان واقف فمكان بعيد بحيث ندي متشوفهوش بس مامته صفيه اخدته برا القاعه
= ايه يا ماما عايزاني امشي ليه
> انا تعبانه تعالا روحني
روحها البيت وكان هيمشي بس مامته مسكته من دراعه
> تعالا اقعد معايا شويه عيزاك فموضوع
= يا ماما لازم اروح الخطوبه اكملها للاخر
> بص انا ضحكت عليك انا مش تعبانه ولا حاجه … انت مينفعش تروح الخطوبه وتيجي علي نفسك عشان خاطر تبسطها .. اوعي تفتكر اني عبيطه و مش ملاحظه اد ايه بتحبها بس هي مش مقدره دا .. او يمكن هي مش متوقعه انك تكون بتحبها بطريقه تانيه بس المهم عندي هو انت .. انت اهم شخص فالدنيا بالنسبالي .. سيبك يبني من وجع القلب دا و ابعد عنها وهتنساها بالتدريج و لو حابب ممكن من بكرا نشوف شقه تاني
= يا ماما عادي انا خلاص اتقبلت انها عمرها م هتكون ليا ..
> انت بتضحك علي نفسك ولا علي مين ..
= ماما لو سمحتي انا تعبان وداخل انام .. قوليلها انك تعبتي ف اضطريت اسيب خطوبتها و اروحك البيت
> تمام ارتاح انت شويه
خلصت الخطوبه وندي روحت البيت وهي مقموصه لان نديم مكملش خطوبتها .. كانت متوقعه انه هيستني للاخر و يوصلها البيت كمان
بس صفيه اتصلت بيها بمجرد لما وصلو البيت وقالتلها انها كانت تعبانه ف نديم اضطر يروحها ويقعد معاها لغايه متتحسن
و ندي فضلت طول الليل سهرانه وهي بتذاكر للامتحان الي عليها الصبح
و الصبح اتصلت ب نديم وكان هو نازل الشغل هو طبعا مردش فالاول بس لما رنت كتير قلق احسن يكون فيه حاجه ف رد
-ندييم انت نسيت ان عندي امتحان النهارده ولا ايه !! مستنياك تخبط عالباب ومخبطتش و المفروض توصلني زي كل يوم
= اتوقعت خطيبك هو الي يوصلك مش انا
-لا منا مرضيتش اقوله .. اصل بص انا سهرانه طول الليل بذاكر و شكلي زي مدمنين المخدرات ف اكيد مش هيشوفني بحالتي دي واحنا اصلا لسا مخطوبين امبارح .. فاهمني ؟
= الي بيحبك هيحبك فكل حالاتك
-هنشوف الكلام دا بعدين بس وصلني بجد والا هتأخر عالامتحان ومش هيدخلوني
= طب هوصلك بسرعه وامشي مش هوصلك لغايه اللجنه المرادي عشان متأخر عالشغل
-ماشي موافقه يلا مستنياك قدام شقتكم
خرج من الشقه و ركبو عربيته
= علي فكره شكلك حلو النهارده .. مين قالك انك زي تجار المخدرات
-ربنا يجبر بخاطرك يا بيه
نديم ضحك
-محسساني اني اديتك صدقه
= طب بطل كلام عشان عايزه اراجع
-راجعي راجعي
وهما قريبين خالص من الجامعه ندي بدأت تعيط جامد
وقف عربيته وهو مخضوض
= مالك ؟!
بعياط -حاسه مش فاكره حاجه.. انا هسقط فالماده دي يا نديم
= تسقطي ايه بس استهدي بالله
-متحسسنيش اني عمري م شلت مواد .. منا كل ترم بشيل ماده
= المرادي هتنجحي ف كله
-انت كل مره بتقولي كدا وبردو بنزل فماده
= طيب اهدي بس انتي ذاكرتي واكيد هتنجحي
-طب رجعني البيت انا مش عايزه امتحن
نزل من العربيه و مسكها من ايدها لغايه لما وصلو اللجنه
-ايه يبني بتجرني وراك زي البهيمه !
= هتدخلي الامتحان يا ندي
-بقولك مش عايزه سبني براحتي
= هستناكي عند باب اللجنه لغايه متخلصي
-لو حليت حلو هتعزمني علي ايس كريم ؟
= ايوه و اي حاجه تاني عيزاها
-ماشي خلاص هدخل الامتحان
و دخلت الامتحان و هو فضل مستنيها قدام باب اللجنه ساعتين لغايه لما الامتحان خلص
خرجت من اللجنه وهي بتعيط
= مالك !
بعياط - مفتكرتش حاجه خالص
= اهدي دي مش نهايه الدنيا وبعدين دول اشطر ناس هما الي بيمتحنو سمر اصلا
ضربته علي ايده
-انت بتتريق عليا وانا فحالتي دي ؟!
= حتي وانتي بتعيطي بتضربيني ؟!
-روحني البيت وانا هعيط لماما بدل م انت بتتريق عليا كدا
= يخساره كنت هعزمك علي ايس كريم و كنا هنروح ماك كمان
-اي دا بجد ! هتعزمني ولا هتخليني انا الي ادفع
= لا انا الي هدفع
-عااش عاش
= مش كنتي بتعيطي من شويه ؟!
-انا ؟ لا طبعا اعيط ازاي
= طب يلا يا هبله اركبي العربيه
وهما فالطريق رامي اتصل علي ندي
~ عملتي ايه فالامتحان
-زي الزفت
~ طب فينك دلوقتي .. حابب نخرج بعد الامتحان بحيث تغيري المود شويه
-انا حاليا مع نديم رايحين ناكل
~ اهااا .. ماما النهارده عزماكي عالغدا عندنا و بعدها هنخرج نتفسح شويه
-بس انا مع نديم دلوقتي ..
~ اه هروح اقول لماما معلش خطيبتي مش هتقبل بعزومتك عشان خارجه مع صديق طفولتها
-هي هتزعل جامد صح
~ جداا
-طب خلاص هخلي نديم يوصلني لبيتك دلوقتي
~ تمام مستنيكي
ندي طبعا كان سامع الحوار بما انهم فنفس العربيه
-نديم معلش وصلني لبيت رامي
=تمام
-مش هتزعل اننا مش هنخرج النهارده صح
= لا ازعل ليه
-كنت عارفه انك مش هتزعل
وصلها عند بيت رامي ومشي راح شغله وهو متضايق جدا
-حلو اوي الاكل بتاع حضرتك يا طنط
£ ان شاء الله يكون اكلك حلو زيي
-للاسف انا مش بعرف اطبخ
£ نعم !! ازاي يعني
-مش مشكله اغلب البنات بيتعملو الطبخ بعد الجواز
£ ولغايه متتعلمي ابني هياكل منين
-ديلفري
£ بس انا مش بحب ابني ياكل من برا كتير
فسرها -يخربيت غلاستك يشيخه
-حاضر يا طنط هتعلم اطبخ ان شاء الله
£ دا شئ اكيد .. انا مش هجوز ابني لواحده مش عارف تطبخ
~ ماما !!
-طيب تمام يا طنط خلي ابنك جمبك
و اخدت شنطتها و خرجت من الشقه و رامي راح وراها
~ ماما متقصدش حاجه يا ندي
-رامي هو انت مش شايفها بتهزقني ازاي وانت قاعد ساكت ومنطقتش !!
~ معلش هي ماما كدا شديده حبتين
-رامي معلش خد دبلتك اهي و شوفلك واحده بتعرف تطبخ
~ انتي كل مشكله هتقوليلي خد دبلتك !!
-اه اصل المشاكل هي الي تافهه وانا الي مجنونه وبكبرها
~ عموما براحتك
و سابتله الدبله ومشيت
روحت البيت وقالت لمامتها انها خلاص نهت الخطوبه و اخدت الشبكه و اديتهاله
نديم اول لما سمع الخبر دا طار من الفرح اما هي فكانت زعلانه جدا و قاعده ف اوضتها ومش بتخرج منها
نديم جاب كرسي وقعد عليه وهي كانت قاعده عالسرير
= قالولي ان ندي الحلوه زعلانه .. زعلانه ليه
-مش زعلانه
= طب تعالي نخرج و نغير جو
-مش عايزه
= عايزه ايه طيب
-هو رامي جه الشغل النهارده ؟
نديم زعل اوي من سؤالها بس مبينش دا
= لا مجاش
-اكيد زعلان وندمان صح
= يمكن
-هو محبنيش صح
= يمكن
-نديم انا بحبه …
لو كان صوت كسر القلب بيتسمع كانت ندي وقتها سمعت صوت كسر قلب نديم
-ايه يا نديم سرحت ف ايه
ب ابتسامه مزيفه = لا مفيش
وقتها دخلت عليهم ام ندي
*رامي برا يا ندي عايز يشوفك
-عن اذنك يا نديم
وخرجت للصاله
-نعم يا رامي عايز ايه
~ انا جاي وطالب منك السماح و اتمني انك تسامحيني ونرجع لبعض تاني .. انا اكتشفت اني مقدرش استغني عنك
يتبع الفصل التالي اضغط هنا
- الفهرس يحتوي على جميع فصول الرواية كاملة :"رواية عذاب الحب" اضغط على اسم الرواية