رواية بنات المنشاوي الفصل التاسع بقلم خلود وائل
رواية بنات المنشاوي الفصل التاسع
سيف:الا قوليلي يادعاء انتي عرفتي منين موضوع الحصه الزيادة ال عند المزارعين دي اذي:
دعاء:ها😳
سيف:بقول عرفتي منين
دعاء بتوتر:ابدا ..دا ..دا ..واحدة صاحبتي كان بباها عندة مزرعه وكنت عرفت منها الموضوع دة
سيف:امممم اسمه ايه بباها يمكن اكون اعرفه
دعاء:ها...مش فاكرة بصراحه هو كان اسمه ابراهيم بس مش فاكرة اسم العيله
سيف: اه... تمام
علي طاوله عاصم****
ورد: دعاء هتيجي امتي انا عاوزة اروح
هناء:تروحي ايه دي السهرة لسه في اولها
ورد بضيق:معلش اسهرو انتو
همت ورد بالوقوف ليقف عاصم ايضا
عاصم:اتفضلي هوصلك
ورد:ملوش لزوم انا عارفه الطريق
عاصم:مينفعش تمشي لوحدك
تغريد:ماقالتلك عارفه الطريق سيبها براحتها
ورد:عن اذنكم
ذهبت ورد سريعا اما عاصم فتوجه بكلامه لتغريد بنبرة تحذيريه:وديني لو ملميتي نفسك لدفنك مكانك
تغريد:انا قلت ايه يعني
لم يهتم عاصم لما قالت وركض سريعا ليلحق بورد
عاصم:ورد .... ورد....استني ..ورد.....اققفي بقولك
ورد بعصبية:عاوز مني ايه ابعد عني روح لحبيبه القلب خليها تحضنك
عاصم:والله ماحبيبه القلب غيرك انتي ..انتي وبس ال ملكتي قلبي ♥️ انتي ال فرضتي سيطرتك علي كياني وتفكيري مبشوفش غيرك ياورد ارجوكي صدقيني
ورد:امال سبتها تحضنك ليه . .....انت حتي مبعدتهاش عنك كنت مبسوط بيها ومرتاح لحضنها
عاصم:انا بس اتفاجئت مبقتش عارف اعمل ايه واقسم بالله دي حاجه عمرها محصلت ولا عمري لمست تغريد دي
ورد:ابعد عني ياعاصم ارجوك
عاصم:ارجوكي انتي كوني ليا وشاركيني كل لحظه في حياتي كوني مراتي وروحي وعشقي كوني وردتي ال بتنور حياتي
ورد بدموع: بحبك ياعاصم
عاصم: وانا بعشقك ياقلب عاصم
اقترب عاصم من ورد ليقبل جبينها وبعدها ابتعدت عنه ورد
ورد:وة باينك اتجنيت ياراجل انت
عاصم:ايه دة بتتكلمي صعيدي
ورد:ايوة بتكلم زين قلتلك انت متعرفش عني حاچه واصل
عاصم وهو يقترب من ورد:طب متعرفيني اكتر وتقربيني منك
ورد:وة ابعد ياعاصم بلاش چنان
عاصم: حاضر ...اتفضلي يلا قدامي
ورد:علي فين؟!
عاصم:نسيتي اتفاقنا ولا ايه
ورد:اممممم هو احنا اتفقنا علي حاجه ولا ايه
عاصم:اممممم ماشي تعالي وانا افكرك اتفقنا علي ايه
اكمل الاثنان طريقهما بمرح وسعادة ليتوقفو امام الشاطئ حيث انبهرت ورد بما اعدة عاصم لها فقد انار رمال الشاطئ بشموع كثيرة وطاوله صغيرة عليها كرسيين مع بعض الورود الحمراء المنثورة علي الرمال وسط الشموع
ورد بفرحه:الله كل دة علشاني
عاصم:عشان ست قلبي وست الناس
ورد:☺️🙈
بعد عدة ساعات في الفندق كانت تجلس دعاء وآيه في بلكونه الغرفه بينما تنام هناء وتغريد في داخل الغرفه
دعاء: تمام انا كدة خلصت
آيه:مشاء الله مفيش حسبه بتاخد وقت في ايدك يادودو
دعاء:عيب داانا تلميذة فارس
آيه:اه طبعا داانتي دراعه اليمين ...لو عمك حسان يعرف انك انتي ال كنتي بتخلصي حسابات الشغل كله كان هيجيله جلطه
ضحكت الفتاتان .....
دعاء:فارس ربنا يبارك فيه كان بيعلمني كل حاجه تخص الشغل وعرفني كل املاكنا ال عند عمك
آيه:بجد يعني انتي عارفه ورثنا من بابا الله يرحمه
دعاء:طبعا
آيه:طب لينا كام فدان عند عمك حسان؟
دعاء:قولي رقم كدة
آيه:اممممم ٦٠فدان
دعاء بدهشه:انتي بتتكلمي جد ياآيه
آيه:ايه اققل من كدة!
دعاء:احنا لينا عند عمك حسان٥١٠فدان ارض
آيه:😨😨😨
دعاء:ولينا نص المواشي ال في الزريبه ولينا نص القصر ال ساكنين فيه ولينا ٩فدادين دخلو كردون مباني وعمك هيموت ويبيعهم وكمان لينا فلوس سيوله اكتر من ١١مليون جنيه كانو في حساب ابوكي الله يرحمه قبل مايموت وضيفي عليهم ارباح الارض كل سنه من يوم ابوكي ممات وعمك بياخدهم ليه لوحدة
آيه بصدمه:يانهار ازرق ....كل دة عمك وولادة بيتمتعو بيه واحنا بيطلع عينا عشان يدينا جنيه واحد واخرتها احنا هربانين منه وبنشتغل عند الناس!!
دعاء:كدة احسن منكون تحت رحمته ياحبيبتي
آيه:واخرتها يادعاء؟
دعاء:والله منا عارفه ياآيه!
آيه:طيب.....الا قوليلي ايه حكايه خنجر بيه ال ماشي ورانا في كل حته دة
ضحكت دعاء بشدة لما قالتها اختها المشاكسه
دعاء:يابنتي اسمه سيف بيه والكل بيعمله الف حساب الا انتي مش عارفه بجد بتعملي معاه كدة ليه
آيه بتذمر طفولي:مهو ال لسانه طويل ومبيسكتش
دعاء:هو بردو
آيه:بقولك ايه اسكتي احسن
دعاء:لا انا هقوم انام
آيه:والورق دة مش هتوديهوله
دعاء: بكرة انشاء الله قبل مانسافر هعدي عليه اوديهوله
آيه:طب متجبيه اوديه انا الوقتي
دعاء:الوقتي!!
آيه:هعتزله والله عن ال عملته وحتي عشان ميستقصدكش في الشغل ووانا جايه هعدي علي ورد اجيبها دى اتأخرت اوي
دعاء:فعلا هي اتأخرت اوي بس انا اخاف عليكي تودي الورق لسيف بيه مينفعش اصلا
بعد مفاوضات طويله بين دعاء وآية انتهت بموافقه دعاء علي اقتراح آيه
آيه:نامي انتي بقي مع المقتولين دول عما اجي
في فندق سيف الحديدي ....
كان يجلس سيف مرتديا بنطلون رياضي اسود وتيشرت ابيض بنص كم ويحمل هاتفه بين يديه يجري اتصالا هاتفيا
ليان:انا اصلا زعلانه منك مهما تعمل
سيف:انا مقدرش علي زعل حبيبه قلبي شوفي ايه ال يغفرلي غلطتي وأنا اعمله
ليان:مفيش حاجه تغفرلك انك سافرت شرم من غيري
سيف:ياحبيبه قلبي والله سفريه شغل وكان لازم اسافر بسرعه
ليان:عاوز تفهمني انك منزلتش الميه ولا مرة
سيف:اممممم بصراحه نزلت مرة وكانت مرة سودة والله
ليان:ليه ياحبيبي بعد الشر ايه ال حصل
سيف:قابلت بت لسانها طويل عاوز قصه خبط فيها من غير مااققصد وعينك ماتشوف الا النور
ليان بضحك:نهار ابيض سيف بيه الحديدي لقي حد يطول لسانه عليه
سيف:تخيلي يالولو
ليان:لا تصدق صعبت عليا وسامحتك خلاص
سيف:ايوة كدة يعني كان لازم اتهزق يعني
ليان:😂😂😂😂
سيف:😂😂😂😂
اثناء حديثهم سويا طرق باب جناح سيف⚡⚡⚡
اغلق سيف الهاتف مع اخته واتجه ليفتح الباب ليتفاجئ بسلينا واقفه امامه ترتدي قميص نوم قصير للركبه وفوقه الروب الخاص به
سيف بأقتضاب:في حاجه يامدام سلينا
سلينا: موش اعرف نام سيف بيه
سيف:طب وانا اعملك ايه يعني!
سلينا:ممكن اقعد معاك اتكلم شوااايه سيف بيه
سيف:معلش مش هينفع
سلينا:اممم هو دة واجب ضيافه تبعكم سيف بيه
سيف علي مضض:احم ...اتفضلي
دخلت سلينا لتجلس علي الكنبه
سلينا:ممكن كوب ماييه
احضر لها سيف كوب من الماء لتأخذة منه وتجلس بقربه وبحركه سريعه مقصودة منها سقط كوب الماء علي سيف ليبلل التيشرت الخاص به
سلينا بتصنع:اسف انا اسف سيف مش كنت اققصد
سيف ببرود:لا ولا يهمك ثواني هغير واجي
دلف سيف لغرفته وماان خلع التيشرت وسمع صوت طرقات الباب⚡⚡⚡لتتجه إليه سلينا وتفتح الباب لتنصدم آيه من منظر سلينا وتتلاشي ابتسامتها
سلينا:انت مين؟
آيه:انتي ال مين؟
سلينا:معلش انت عاوز مين
آيه بأشمأزاز:دة جناح سيف الحديدي
قبل ان تكمل سلينا كلمتها تفاجأت بسيف الواقف امامها عاري الصدر
سيف:ادخلي جوة ....
ثم التفت ل آيه:نعم حضرتك عاوزة ايه
آيه:كنت فكراك محترم طلعت زباله
سيف بعصبيه: اخرسي ياحيوانه واحترمي نفسك وانتي بتكلميني
آيه بصياح:هو انت خليت فيها احترام انت اصلا مش محترم وبني ادم حقير
تفاجأت آيه بصفعه مدويه نزلت علي وجهها الرقيق الناعم لتقع ارضا وبضع قطرات من الدماء تتساقط من فمها لتضع يديها علي وجهها وتتفاجأ بالدماء علي يديها لتنهض بألم وانكسار
آيه:انا كنت جايه اعتزر عن سوء التفاهم ال مابينا واعطيك دة ...ناولته الملفات التي اعطاها لدعاء لتنهي بها بعض الحسابات .....بس طلعت انسان حقير متستاهلش اني اققف اتكلم معاك اصلا
القت كلماتها وهمت بالذهاب وتركته في دوامه من التفكير فيما فعل بوجهها البرئ ونظر ارضا ليري اثر قطرات الدماء علي الارض ليشعر بنغزة في صدرة ليتفاجئ بسلينا تحتضنه من ظهرة ليبتعد عنها بقوة
سيف بعنف:اطلعي برة
سلينا:what...(ماذا)
سيف بعصبيه:قلت اطلعي برة والمعاملات ال مابينا اعتبريها منهيه بعد الصفقه دي واياكي تفكري تتعاملي معايا تاني
سلينا:انت اتجننت سيف
سيف:كلمه كمان وهندمك انك اتعاملتي معايا من الاساس
سلينا بغضب:هتندم سيف هتندم كتير
خرجت سلينا بغضب من جناح سيف تاركه اياه في دوامه الغضب ليرتمي علي السرير لا يستطيع استيعاب ما فعل مع سلينا لاجل تلك المشاكسه الصغيرة التي تجعله يفقد اعصابه......اما عند ورد فكانت تجلس مع عاصم يتبادلون اطراف الحديث بسعادة لتقف آيه من بعيد تنظر اليهم وتتذكر ماحدث منذ دقائق لتستعيد شجاعتها وتقسم علي ان تلقن ذلك المتعجرف درسا قاسيا
في صباح اليوم التالي استيقظت جميع الفتيات احداهم بداخلها الم تقسم علي ان تأخذ بثأرة واحداهم قلبها يكاد يقفز من بين ظلوعها من السعادة واحداهم تكلم فارس حياتها في الهاتف واحدهم قلبها يشتعل حقدا واحداهم لاتأبه لاي شئ فمازال قلبها لا ينبض لاحدهم ولم يذق طعم الحب
فارس:اتوحشتك كتير يادعاء حاسس حالي تايه كيف العيل الصغير ال ضايع من امه
دعاء:قلبي مشتاقلك يا واد عمي فراقك صعب جوي
فارس:مبقيتش قادر ع بعدك اكتر من اكدة يادعاء
دعاء:والله ولا انا يافارس بس اعمل ايه طيب
فارس:بقالي شهرين واسبوع وثلات ايام وساعتين مشوفتكيش يادعاء خلاص هتجن
دعاء:وة بتحسب الايام يافارس
فارس:والدقايق والثواني يادعاء انتي بعيدة عني وانا بموت في بعدك
دعاء: لا بعد الشر عنك ياقلبي
فارس:قلبك جايلك بكرة ياضي العين
دعاء بفرحه:بتتكلم جد يافارس ...الله يخليك متكونش بتضحك عليا
فارس:بتكلم جد ياقلب فارس وكل حاجه حلوة في حياته
دعاء:مستنياك ع احر من الجمر ياقلبي
فارس:مع السلامه ياحبيبتي
دعاء:مع السلامه ياقلبي
اغلقت دعاء الهاتف لتزف الخبر لاخواتها الذين قابلوة بسعادة غامرة
ورد:بجد فارس هيجيلنا اخيرا
آيه:والله نفسي اشوفه واشوف مرت عمي صفيه والبت مرام انوحشتهم چوي
ورد:والله فرصه حلوة عشان عاصم يطلب ايدي منه
آيه بمرح:ايوة ايوة كلن يبكي علي ليلاة
ورد بخجل:بس يابت
دعاء:مبارك ليكي ياقلب اختك
ورد:يبارك فيكي ربنا ياحبيبتي. ... تفتكري فارس هيوافق بعاصم
آيه:وميوافقش ليه عاصم محترم ورايدك لشخصك من غير مايعرف عنك حاجه وامه واخته ناس محترمين واحنا هنقوله كمان
دعاء:فارس هيسأل عنه قبل مايعطيه كلمه وكمان هيفرحلك قوي
دلفت هناء لغرفه الفتيات لتستكمل معهم حديثهم
هناء:يلا يابنات يادوب نلحق نفطر ونركب الاوتوبيس
آيه:هنفطر ايه حلو ياسكر انتي
هناء:جبتلك الكريب ال بتحبيه وكمان بيبسي
آيه:عااااا حبيبتي يانؤة بموت فيكي والله
ورد:يلا ياطفسه
آيه:طب اياكي اشوفك واخدة سندويتش واحد هااا
ضحكت الفتيات سويا وبعد ساعه من المرح وتناول الافطار ركبو جميعا الاوتوبيس ليبدائو رحله العودة لمنازلهم ليجلس عاصم بجوار هناء في مقابل ورد ودعاء وعلي الجهه الاخري تجلس تغريد وآيه وام عاصم واحدي زميلات عاصم
دعاء:احم احم احم
هناء:تست تست تست
دعاء: احم
هناء:تست
دعاء:احم
عاصم:في ايه انتي وهيا متتكلمو
هناء:مفيش والله انا بس بجاريها
دعاء:بقولك ياعصوم ابن عمي رجع من السفر ويعني كدهوة بقي
عاصم بفرحه:بجد يعني ممكن اروحله اطلب منه ايد ورد
ورد بأحراج:ياعم انت طول بالك مستعجل علي ايه
عاصم:سيبك منها يادودو وخليكي معايا ..ابن عمك دة ساكن فين؟
ورد:مسمعكش وانت بتقولها يادودو😂😂
هناء:اشمعنا ها !ها! ها!
ورد:بطلي حشريه يابت انتي
دعاء:هو لسه مستقرش يعني بس اوعدك لما يكلمنا هقولك علي طول
عاصم:ربنا يخليكي ليا يادودو
ورد:وانا ياخدني عادي مفيش مشاكل
عاصم:بعد الشر عليك ياجميل انت داانت وردة حياتي وربنا
هناء:ياحنين مااجبلكو اتنين لمون وازرعلك واحدة صبار في دماغي هنا وشمسيه في نفوخ ست دودو
دعاء بمرح:الله وانا مالي يالمبي
ضحكو جميعا لتلتفت اليهم تغريد:لعله خير انشاء الله
عاصم:خير يااختي اتخمدي انتي بس
هناء بهمس:دي لو عرفت الحوار هتروح فيها
ورد:ليه بقي انشاء الله
عاصم:ولا حاجه والله يارياسه اهدي انتي بس وروقي كدة عاوزك فرفوش ونعنوش كدة ياقلبوبي
ورد:امممم ماشي
يتبع الفصل التالي اضغط هنا
- الفهرس يحتوي على جميع فصول الرواية كاملة :"رواية بنات المنشاوي" اضغط على اسم الرواية