رواية ملاك احتلت عرش قلبي الفصل الثالث والعشرون بقلم ام ريماس صلاح
رواية ملاك احتلت عرش قلبي الفصل الثالث والعشرون
قبل منبدا الفصل حابه اوضح حاجه للناس اللي بتسال في نفسها ليه البطله فرحه ورغم كده رضوى ماخده حقها اكتر منها وكانها هيا البطله احب اقولكم ان رضوى هيا كمان بطله ذي فرحه سيبكم من الغلاف خالص والاسم كمان اركنوه علي جمب متاخدوش اي روايه باسمها او بغلافها الرؤايه بتتاخد بالاحداث بتاعتها لما تعيشوا معاها هتعرفوا ان رضوى بطله الرؤايه ذي فرحه بالظبط وحسام بطل ذي عمر بالظبط.
رواياتي تقريبا 90في الميه فيها مش خيالي وحجات واحداث واقعيه.
بتحصل معانا تقريبا كلها وبحب اوصل رساله في كل روايه هيعرفوها المتابعين بتوعي الرساله اللي في الرؤايه دى ان السن مش مهم في مقابل الحب وان الفقر والغنى برضه مش مهم اهم حاجه اخلاق الشخص وفكره وقلبه من جوه ايه.
وحبيت اوصل رساله بالنسبه لفاتن ان الحرام اخرته وحشه والحب الممنوع اخرته عذاب واي حاجه تتم بالسر تبقي حرام وعيب ومصيرها معروف.
الرؤايه فيها دروس كتير ومواعظ اكتر اتمنى انها تعجبكم وتنال رضاكم
دمتم بخيرمتابعينى
نرجع للروايه بقا
.........
حسام وصل الشركه لقي ايمن علي اخره اول مدخل عنده شد معاه بسبب الفلوس اللي سحبها شدوا جامد مع بعض لكن حسام اقتنع ايمن انه خدها لمصلحه وهيشغلها وهيرجعها الطاق طاقين حتى يهدا ايمن ويسكت.
واخيرا اقنعه.
........
في حوالي الساعه الرابعه عصرا
محدش ارتاح النهارده في الشركه خالص بسبب ايمن كان يوم صعب ايمن مسمحش لحد انه يقعد كان يوم شغل شاق يعنى عمر معرفش يريح نص ساعه اخيرا اعلن ايمن ان خلاص اليوم انتهى.
فرح عمر اللي اخيرا هيرجع لسريره تانى لانه تقريبآ منامش من امبارح.
خد عربيته وجري علي البيت.
حسام كمان خد عربيته واتوجه لشقته.
ايمن: محتار من وضع حسام وبيساله ليه رايح الشقه بتاعتك لوحدك متيجى معانا البيت.
حسام: طبعا مقالش اي حاجه اكتفي انه يقوله انه هيروح يرتاح هناك وهيجى بكره.
......
........
عمر وصل البيت.
ام عمر: بتحضر الغدا قالها انه هيطلع يريح لغايه متخلص لانه مطحون ومش شايف قدامه.
...
عمر: طلع الاوضه محسش بنفسه من التعب نام فوق السرير وهو بجزمته.
...
ام عمر حضرت الغدا وطلبت من فرحه تروح تناديه لان فرحه كانت معاها بتجهز ومفيش قدامها غيرها تبعتها.
ام عمر: معلش يافرحه هتعبك مش قادره اطلع وانزل.
فرحه: لا ولايهمك ياطنط حاضر
طلعت فرحه تنادى عمر
....
خبطت الباب لكن عمر مردش فتحت الباب بالراحه لقيت عمر نايم قدامها فوق السرير ورجليه نازله في الارض
كانه كان متكا ونام مش قاصد انه ينام حتى الفون علي صدره مفتوح.
....
فرحه تقرب منه خالص تطبطب عليه عمر بيه يااستاذ عمر
لكن عمر في سابع نومه مش حاسس بيها كانه ماخد بنج.
عمر:اممممم عايز انام بس دوشه اوووش بيتكلم هو ونايم كانه بتمتم بالكلام
فرحه: عمر بيه عمر قوم اخر مزهقت وعرفت انه مش هيقوم شالت الفون حطته فوق الكومدينو وقعدت علي الارض مسكت رجليه بكل حنان قلعته جزمته ورفعت رجليه فوق السرير وشدت الغطاء عليه وطفيت النور وخرجت وقفلت الباب.
نزلت تحت قالت لام عمر
ام عمر: كمان عرفت انه مستحيل هيقوم وقالت لفرحه سيبيه خلاص لما يجوع يقوم ياكل...
........
.......
في مكان اخر..
فريد: انا خلاص زهقت تقدري تقوليلي انتى قاعده معايا ليه لما انتى مش طيقانى كده ايه اللي غيرك كده.
فاتن: احنا خلاص كبرنا علي الكلام ده انا مش عارفه انت مكبر الموضوع ليه.
فريد: ايه البرود اللي انتى فيه ده ايه ده انا مش مصدق كبرنا علي ايه ياهانم.
فاتن:بعصبيه العلاقه مش سرير وبس فيه حجات تانيه اهم فيه الاحترام واننا نحس بمشاعر بعض وبعض.
فريد: انتى واعيه بتقولى ايه انا من امتى كان همى علاقه وزفت انا بتكلم عن اسلوبك حتى الاحترام بقا معدوم مش حاسه منك بتكلمينى دلوقتي عن الاحترام
فاتن:.........
فريد: معندكيش رد طبعا كل اما اكلمك تحسسينى انى عايز علاقه وزفت انا لوكنت عايز كده كنت اتجوزت من زمان مكنتش صبرت عليكى كل السنين دى.
فاتن: تتسع عيناها ايه تجوز.
فريد: ايوه يهانم اجوز متفاجا من ايه انا يحقلي الجواز من زمان من سنين مفيش راجل يتحمل اللي انا اتحملته ولكنى اتحملت كده علشان بحبك لكن للصبر حدود يفاتن وانا صبري نفذ ويسيبها ويخرج.
فاتن: تقعد تعيط.
..........
.......
حسام وصل البيت متاخر حوالي الساعه 12بالليل.
حسام فتح الباب بالمفتاح ودخل علطول لقي رضوى فاتحه التلفزيون بس نايمه.
حسام قرب منها وطبطب عليها بالراحه رضوى.
رضوى: تتفزع اوى.
حسام: اهدى ده انا متخافيش.
رضوى: حمدلله على السلامة.
حسام: قومى نامى جوه
رضوى: طيب توقف عشان تدخل جوه
حسام: كلتى
رضوى: مكلتش لكن قالت له اه انها كلت.
رضوى: وانت كلت ولا احضرلك.
حسام: اه اتعشيت بره.
رضوى:طيب تصبح على خير.
حسام: وانتى من اهله بس اصحى بدري عشان معانا مشوار كده.
رضوى: مشوار ايه.
حسام: الصبح هتعرفي.
رضوى: ماشى تدخل الاوضه علطول حسام: نام فوق الكنبه بره لانه ميت من التعب.
.........
عمر: صحى حوالي الساعه واحده بالليل لانه شبع نوم تقريبا لانه نايم من اربعه العصر.
قام بص علي نفسه لقي انه متغطى وفونه فوق الكومدينو وجزمته قالعها افتكر ان امه هيا اللي جات وعملت كل ده.
قام الحمام الخاص بغرفته خد دش عشان حس انه مرهق اوى ومخدش دش اول مرجع نام قام خد دش وطالع من الحمام
بيجفف شعره بالفوطه لمح علي التربيزه اكل متغطى كان لسه هينزل تحت يجيب اكل فرح اوى انه مش هينزل وافتكر ان امه برضه هيا اللي حطت الاكل ده وعصير كمان يسلام امى دى حاسه بيا اوى عمر ماسك فونه وبياكل وشرب العصير.
بص علي الساعه الساعه اتنين الاربع بالليل دلوقتي هعمل ايه والنوم طار افتح الالاب توب لغايه معرف انام
فعلا فتح الالاب توب بتاعه وبيتفرج فديوهات بس معرفش ينام الا الساعه خمسه الصبح قفل الالاب توب بتاعه ونام حوالي الساعه خمسه خمسه ونص.
يتبع الفصل التالي اضغط هنا
- الفهرس يحتوي على جميع فصول الرواية كاملة :"رواية ملاك احتلت عرش قلبي" اضغط على اسم الرواية