رواية بنات المنشاوي الفصل الثاني والعشرون بقلم خلود وائل
رواية بنات المنشاوي الفصل الثاني والعشرون
في صباح اليوم التالي استيقظ جميع ابطالنا منهم السعيد ومنهم التائه في أفكارة ومنهم الحزين ومنهم الذي يخطط بدقه .....
في شقه عاصم...
هناء:يابني كمل فطارك هتروح تلم لبن ولا ايه
عاصم:اخلصي ياهناء هاتي الشاي خليني انزل بسرعه
ام عاصم:متقومي يابت هاتي الشاي لاخوكي بدل مايتأخر علي شغله
هناء:توب عليا بقي يارب وابعتلي عريس مريش ينتشلني من حياه سندريلا ال انا عيشاها دي
عاصم:بتبرطمي تقولي ايه
هناء:بقول ربنا يعينك ياعاصم
دقائق قليله وخرجت هناء من المطبخ حامله كوب الشاي لتضعه امام عاصم ليتناوله سريعا ويقف حاملا اغراض عملهه ويتجه ناحيه الباب لتستوقفه والدته
ام عاصم:متتأخرش ياحبيبي عشان نجيب الشبكه بدري
عاصم:انشاء الله ياحبيبتي اجهزو انتو من بدري علي معادنا ....يلا سلام
ام عاصم:في امان الله وحفظه ياحبيبي ربنا يوقفلك ولاد الحلال في طريقك يابني ولا يحكم فيك ظالم ابدا
نزل عاصم سريعا ليتجه لعمله في الصباح الباكر وبداخل رأسه ملايين الافكار اما في شقه ورد فكانت الفتيات يجلسن جميعا حول مائدة الطعام يتناولن الافكار بصمت تام لتقطع ورد الصمت بسؤالها:فارس لسه مبيردش عليكي يا دعاء
دعاء بثبات: شلا ما رد
انذهلت كلا من ورد وآيه من رد دعاء علي سؤالها لينظرو لها بدهشه وتعجب شديدين
آيه:انتي كويسه يادعاء !!
ورد:مالك ياحبيبتي ....طولي بالك
دعاء بغضب:اطول بالي علي ايه ولا ايه ها قولولي اعمل ايه انا تعبت مبقتش قادرة استحمل اكتر من كدة خلاص جبت اخري حسو بيا بقي ارحموني حرام عليكم
ورد:ياحبيبتي هو بس زعلان وواخد علي خاطرة وانتي عارفه انه بيعاند عشان بيحبك وخايف عليكي
ظعاء:بكفياه حب وخوف عليا وكتر الف خيرة ولحد هنا وخلاص
آيه بعدم فهم:يعني ايه؟
دعاء:يعني خلاص ال بيني وبين فارس انتهي خلاص بلاش نلعب علي بعض اكتر من كدة ....انا وهو جوازنا مستحيل وعمرنا مهنكون لبعض يبقي من الوقتي احسن وهو اختار البعد مع اول غلطه عملتها يبقي خليه علي راحته
ورد:اهدي يادعاء انتي بتقولي كدة من زعلك
دعاء بحدة:ولا زعلانه ولا زفت زعل ايه دة ال يخليه ميردش عليا افرضي جرالي حاجه وبستغيث بيه يسيبني اموت ولا انا من البدايه مش فارقه معاه وكان عاوزني عشان الفلوس
آيه:فارس مش كدة يادعاء وانتي عارفه
دعاء: واهو بقي كدة واستني لما يحب يعاقبني هيروح يعرف عمك حسان بكل حاجه
ورد بثقه:فارس مستحيل يعمل كدة انتي اتجننتي يادعاء ال بتتكلمي عنه دة يبقي فارس حبيب عمرك وامانك وحمايتك جرالك ايه
اجتمعت الدموع في عينيها قائله:هونت عليه
آيه:اعقلي يادعاء هو بس زعلان وهيروق ويكلمك
دعغء: وانا مش هستناه لما يحن ويكلمني
القت دعاء كلماتها المبهمه وهمت بالنزول سريعا لتتجه لعملها بحزم اما عن آيه وورد فجلست كل منهما بتعجب من حال دعاء لتهتف ورد قائله:ربنا يهديكي يادعاء
آيه: يارب........يلا ننزل عشان متأخرش علي الجامعه
اتجهت ورد للصيدليه وبدورها آيه ذهبت للجامعه لتعطي البحث الخاص بها لاحدي زميلتها لتسلمه للدكتور سيف لتتجه هي للكافتيريه ليمر الوقت ببطئ شديد لتظهر أمامها ليان
ليان بحرج:والله ماعارفه أققولك ايه ولا اودي وشي منك فين
آيه بحنو:اققعدي اققعدي.....اخوكي دة لاسع علي الاخر
ليان وهي تسحب احدي الكراسي لتجلس عليها:والله هو طيب خالص بس مش عارفه كان ماله امبارح
آيه:كانت هبه منه علي الاخر
ليان:بس بقي دة اخويا بردو
آيه:ياريتني ماعرفت كنت الاول بشتم براحتي 😂
ليان:وكنتي مفكراني عيني منه وبغير عليه
آيه:اسكتي يختي بلا نيله عليكو هي مين دي ال هتبصله.......ثم أكملت:بقولك هي مين ال كانت متصورة في حضنه ولابسه تيشرت ازرق وربطه شعرها
ليان بدهشه:انتي دخلتي اوضته !!
آيه بتوتر:انا..لا..اصل ... مهو...بصي انا دخلتها الاول غلط كنت مفكراها اوضتك وملقتش فيها حد فخرجت علي طول ولقيت البنت ال بتستغل عندكو بتناديلي وهي ال وصلتني أوضتك
ليان:عادي بقي المهم ميكونش شافك والا كالعادة كنتو هتمسكو في بعض
استعادت آيه الدقائق التي مرت بها بالامس في غرفه سيف لتنتهي بتذكرها الصفعه المدويه التي ناولتها أياها لتبتسم رغما عنها
ليان:هاااي روحتي فين
آيه:معاكي اهوة
ليان: كان نفسي تشوفي السيكشن كله النهاردة ودكتور سيف بيسأل علي البحث
آيه:ايه ال حصل؟
ليان:ال معملوش وال هبد هبد السنين وال عمل ومكملوش دة حتي الدحيحه خايفين من ال كتبوة في البحث
آيه بثقه:شويه هواة
ليان بتعجب: ياشيخة خافي بقي ولا اتوتري ولا اعملي اي حاجه محسساني انك عملتيه صح
آيه:اتفرجي المحاضرة الجايه وابقي احكيلي ولا هتحكيلي ليه انا هحضر بنفسي
ليان:هتحضري!!! طب اذاي وسيف____
آيه:قولي يارب
ليان بتعجب:يارب....
آيه:.متتوهيش الكلام بقي وقولي مين البت ال كانت في الصورة
ليان بمكر:امممم وانت عاوز تعرف ليه ياجميل
آيه بتردد:ها ....لا ابدا براحتك مش عاوزة اعرف
ليان:طااايب دي ياستي تبقي ريهام مرات سيف
آيه بحزن:اها طيب .......طب معرفتنيش عليها يعني في عيد ميلادك ولا شوفتها خالص
ليان:متشوفيهاش غير لما يأذن ربنا
آيه بتعجب:يعني ايه مش فاهمه
ليان بتردد:قصدي يعني....اممم اصل هيا مسافرة فعشان كدة محضرتش عيد ميلادي
آيه وهي تزم شفتيها بضجر:عادي بقي
في شركه الحديدي*****
كانت تجلس دعاء تنهي بعض الاعمال الورقيه بملل ليتجه لها أحدي زملائها في المكتب ليجلس علي الكرسي المقابل للمكتب الخاص بها
دعاء: خير يا استاذ أمير في حاجه
أمير:كنت عاوز اتكلم معاكي في موضوع مهم
دعاء: كان ممكن تتكلم وانت قاعد علي مكتبك وكنت هسمعك وكمان كانو زمايلنا موجودين انما قعدتنا كدة غلط
أمير:حضرتك فهماني غلط انا استنيت لما ينزلو البريك عشان اعرف اتكلم معاكي
دعاء بملل:اتفضل
أمير:انا معجب بأخلاقك جدا وجديتك والتزامك بالشغل وكل حاجه فيكي شداني بطريقه غريبه وحابب لو انتي موافقه تحدديلي معاد مع والدك عشان اجي اطلب ايدك منه
تدفقت التساؤلات الكثيرة لعقل دعاء فهاهي الفرصه تأتيها لترد لفارس تجاهله وعنادة ولكن اذا فعلتها ستندم كثيرا فهي تعشق فارس حد الجنون كيف تفعل به هذا صوت بداخلها يدفعها للموافقه وبشدة وصوت آخر يلومها لكي لا تفعل هذا وكان العند هو المسيطر الأكبر لترد دعاء بتوتر:....
يتبع الفصل الثالث والعشرون اضغط هنا
- الفهرس يحتوي على جميع فصول الرواية كاملة :"رواية بنات المنشاوي" اضغط على اسم الرواية