رواية ملاك احتلت عرش قلبي الفصل الاول بقلم ام ريماس صلاح
رواية ملاك احتلت عرش قلبي الفصل الاول
في الصباح الباكر في فصل الشتاء الجو البارد والشبوره ماليه المكان والبخار وهدوء وميه الندى مغرقه الشجر كله والارض كانها عليها مطره لسه الشمس مطلعتش.
في وسط الغابه ممر من الاسفلت من الناحيتين شجر طويل كانها غابه طريق ممر لمكان ما.
..
تمر احدى السيارات المفيمه سياره سوداء كبيره جيب.
كاد ان يصتدم في شي ولكنه وقف عند اللحظه الاخيره.
فتاتتين يمروا للناحيه التانيه.
يقف شخص ما عند اللحظه الاخيره.
يخرب بيت كده على الصبح مين دول انس ولا جنى في الوقت ده والجو ده.
الفتاتتين لا يبالوا للعربيه اللي واقفه قدامهم وكانت هتخبطهم كل همهم يلموا حجتهم اللي وقعت في الارض بسرعه علشان يمشوا من الجو ده بيجمعوا الثمار بتاعهم اللي وقع من الخضه من الارض بسرعه للسله اللي معاهم.
شخص اخر يجلس بجانب الشاب السايق انزل شوف حكايتهم ايه مش ناقصه عطله احنا متاخرين على كده الراجل هيمشي
لو اتاخرنا اكتر من كده.
الاخر يقوله انزل انت ياعم انزل ايه انا في الشابوره دى.
الشاب التانى هنزل انا خليك.
ينزل اذا بفتاه تبلغ من العمر حوالى 18عام وفتاه اخرى تبلغ من العمر 14عام واضح من شكلهم ولبسهم الفقر والبساطه بيلموا بسرعه بس خلصوا ووقفوا هيمشوا.
الشاب نزل بص فيهم احنا اسفين اوى انتوا ايه طلعكم في حته زى دى الساعه دى وبتعملوا ايه.
بصوا فيه وهموا بالمشى بسرعه وكانهم خايفين منه يبصو وراهم ويسرعوا بالمشى والكبيره تقول الصغري اسرعى في مشيتك.
الشاب واقف مستغرب لتصرفهم بس واضح انهم خافوا منه في الحته المقطوعه دى.
ركب الشاب العربيه وهيسوق ويمشي.
بيتكلم دول اتنين شكلهم كانوا بيجمعوا ثمار وفاكهه من الغابه.
الشاب التانى دول اكيد مجانين في الجو ده ازاى يطلعوا من بيتهم اساسا.
وهو هنا فيه ناس اساسا ساكنه..
الشاب:شكلهم خافو منى وجريوا بس معرفش انا مش شايف اي بيوت او حته تدل على ان فيه ناس هنا بقالنا نص ساعه اهو في الغابه دى مفيش حيوانات حتى.
الشاب:الاخر بس ابوك عايز يجيبنا هنا معرفش ليه وايه في دماغه عجل بس شويه لصاحب البيت يمشى وابوك يبهدلنا يقول احنا عملنا كده قصد علشان منشتريش البيت.
الشاب:الاخر اللي سايق وانت تفتكر انا هقعدله هنا هو هيقعد فيه لوحده
.......
وصل الشابان لفيلا صغيره امامها بحيره صغيره تودى الا بحيرات كبيره لكن البحيره القريبه التى تطل عليها الفيلا مالا فرع صغير وغابات تحاوط البحيره.
مكان كله طمانينه وهدوء بعيد عن ضوضاء المدينه يقف الجيب.
يتحدث مهاب الشقيق الاصغر والله مكان حلو مش بطال.
عمر الشقيق الاكبر حلو ايه ياعم من غير ناس جنه من غير ناس متنداس انزل انزل خلينا نخلص عايزه ارجع انام منمتش من امبارح.
مهاب: ينزل وهو مين نام.
مهاب: احسن حاجه طبيعه خلابه وهيكون فيه صيد واوووو.
مهاب شاب ذات العشرون عام وهو الشقيق الاصغر لعمر بس مهاب بيعشق الرحلات والصيد والمغامره.
عمر ذات 25عام بس هادى جدا مش بيحب الكلام الكتير شعاره في الحياه خير الكلام ماقل ودل.
نزلوا من العربيه وقفلوها ولسه هيرنوا الجرس فتح الباب رجل ذات الخمسون عام.
صباح الخير سمعت صوت العرييه عرفت انكم وصلتوا.
عمر: صباح النور انت عم حسن.
عم حسن: راجل واضح عليه البساطه ذات الخمسون عام يرتدى جلابيه بسيطه ولافف بتاع تشبه الشاش او الكوفيه القماش اوالشمله ع دماغه من الجو والبرد.
عمر: حضرت الورق.
عم حسن: ليه مستعجلين كده ومن الباب ينفع الكلام ده الورق اهو يطلع ورق من جيبه بس اشربوا حاجه الاول
: عمر: لا متشكرين اوى احنا مستعجلين يمد له شنطه فيها فلوس اتفضل عد فلوسك.
عم حسن: معقول اعد ورا حضراتكم بس البيت قريب تعالوا كلو معانا حتى طيب.
عمر: متشكرين اوى لحضرتك احنا لازم نمشي حالا.
عم حسن طيب مش هتتفرجوا البيت.
مهاب: مش بابا اتفرج خلاص نبقي نشوفه بعدين.
عم حسن: ايوه والدك اتفرج عن طريق النت بس الحقيقه تفرق.
مهاب:هو حضرتك صاحب البيت
عم حسن:لا انا سمسار ع قد حالى وحارس للبيت ده صاحبه مسافر بره بلاد الخوجات واستقر هناك وانا بحرسه وباخد بالى منه.
مهاب:اها فهمت
عمر يمشي ناحيه العربيه هنبقي نشوفه المره الجايه سلام.
عم حسن: ذي متحبوا سلام يشير لهم بايده.
يركبوا العربيه ويمشوا.
في العربيه: عمر ومهاب مشغلين كاسيت.
عمر: فونه يرن يفتح ايوه يااحج.
والده: ايمن الشرقاوى عملتوا ايه.
عمره: كله تمام اديناه الفلوس وجبنا العقد.
ايمن الشرقاوى: ابو عمر ومهاب طيب تمام شفته البيت.
عمر': اه شفناه حلو.
ايمن الشرقاوى: طيب انتوا راجعين دلوقتي الشرقيه ولا هتقعدوا في القاهره شويه.
عمر: لا راجعين علطول.
ايمن الشرقاوى: طب تمام علشان عمك ومراته وبنته جايين ياخدو اليوم هتلحقوهم ع الغداءمتتاخروش.
عمر: اااه ياحج نسيت صح ياااااه لازم اقابل واحد صاحبي اتغدوا انتوا.
ايمن الشرقاوى: يسلام دلوقتي طلع صاحبك مكنت من شويه جاي علطول.
عمر: لا لا هنيجى بكره الصبح هنبات فى القاهره.
ايمن الشرقاوى: ماشى اللي يريحكم.
عمر: مع السلامه ويقفل.
مهاب: قاهره ايه اللي هنروحها احنا لغايه منرجع القاهره عايزين تلات ساعات.
عمر: لا لا مش القاهره هنرجع نبات هنا في البيت مش بقي بتاعنا خلاص.
مهاب: بيت ايه مكنت مش طايقه من خمس دقايق.
عمر: حبيته دلوقتي احسن من وش الست نهاء.
مهاب: امممممم فهمت طيب مش عاملين حسابنا.
عمر: هنتصرف هنروح نشترى شويه حاجات من هنا قريب ونرجع.
مهاب: ماشي اما نشوف اخرتها.
.......
في مكان بالقرب في الغابه.
بيت صغير يظهر عليه البساطه والفقر.
يدق الباب؛ تفتح فرحه ذات ال 18عام اتاخرت ليه يبابا الاكل هيبرد..
عم حسن'انا جيت اهو عبال مالناس جم استلموا البيت.
فرحه: طيب.
عم حسن: هغير هدومى بس من المطره دى.
فرحه: هو فيه مطر بره.
عم حسن: بسيط.
فرحه: واووووو تبص بره شويه.
امها: ادخلى يابنتى مش ناقصين مرض وتبص لجوزها دول كمان ليه جايين من قبل الصبح يعنى البيت ليه سنين مركون كده ولما يتباع يشحططونا كده ع الصبح.
عم حسن: معرفش الراجل مستعجل ليه والله انا برضه مستغرب بس منعرفش ظروف الناس.
الام: هاتى ياامل باقي الاكل من جوه.
امل: الاخت الصغرى لفرحه باصه مركزه في التلفزيون..
الام: يابت مش بتكلم انا..
فرحه: تدخل وتقفل الباب انا هجيبه خليها مفكره نفسها صغيره تسمع كارتون.
بيفطر عم حسن وحواليه مراته وبناته بيسالهم جبتوا الحاجه يافرحه.
فرحه: ايوه يبابا.
عم حسن'معلش يابنتى انا سبتها امبارح المغرب ع اساس انى هرجع الصبح بدرى اجيبها بس حصل موضوع البيت.
فرحه: ولا يهمك يابابا.
عم حسن: الحمدلله شبعت يبص لمراته قومى جهزيلى الحاجه علشان اطلع بيها.
مراته: تقوم مش هتشرب شاي.
عم حسن: لا مش عايز انا كده متاخر يدوب الحق السوق من اوله.
مراته تقوم طيب.
عم حسن:بيجمع ثمار وفاكهه هو بيزرعها حوالين البيت وبالقرب من النهر وبيروح يبيعها في سوق فى اول المدينه.
..........
.............
...............
في قصر كبير يبدو عليه الفخامه والرقي.
يوصلوا راجل ومراته وابنه وبنته.
تستقبلهم ام عمر وبنتها اسماء اخت عمر يااهلا وسهلا اتفضلوا.
اخو جوزها فريد يسلم عليها ومراته ام زياد تسلم عليها اهلا عامله ايه حبيبتي ام زياد لاام عمر.
ام عمر: الحمدلله انتوا عاملين ايه.
فريد: فين اخويا حبيبي وحشنى..
ام عمر: اتفضل جوه في المكتب مستنيك.
نها: بنتهم الوحيده اخت ذياد.
نهاء: فين عمر ومهاب.
ذياد: يبص فيها بغيظ.
نها: اصل مش شيفاهم.
ام عمر؛ عمر ومهاب راحوا مشوار ياحبيبتى ابوهم بعتهم.
نها: ميعرفوش اننا جايين ولا ايه..
اسماء: اخت عمر ومهاب الوحيد تشدها من ايدها تعالى ياختى لا ميعرفوش اسماء صديقه نهاءمن الطفوله..
اسماء: عندها 23سنه اخت عمر الاصغرمنه واكبر من مهاب بسنتين.
ام عمر: ترحب باام ذياد وتدخلها..
نهى: عندها 23سنه برضه لاكن متمرده ومتدلعه جدا ومتسلطه دايما بتحب عمر بجنون لكن هو لايبالى ومش بيديها اهتمام ولا بيحب يشوفها اساسا.
ذياد: اخ نهاء التوام عنده 23سنه برضه الابن الوحيد ومتدلع اكتر منها ودايما حاسس ان هو اكبر واعلى من كل الناس في سن مهاب لكن فرق بينه وبين مهاب في كل حاجه مهاب طيب ومتفاهم ومتواضع لكن مهاب بيحب ابن عمه ذياد ودايما مع بعض .
ذياد: اهم حاجه عنده انه يفتح الالاب اوالفون دايما على مواقع التواصل الاجتماعي مش مخلى بنت الا لما يرخم عليها ويدخل يكلمها خاص لازم دايما ينزل صوره في ارقي الاماكن ع صفحته الشخصيه بيحب يلفت انتباه البنات
يتبع الفصل التالي اضغط هنا
- الفهرس يحتوي على جميع فصول الرواية كاملة :"رواية ملاك احتلت عرش قلبي" اضغط على اسم الرواية