رواية بنات المنشاوي الفصل الاول بقلم خلود وائل
رواية بنات المنشاوي الفصل الاول
في احدي قري الصعيد بمحافظه سوهاج وبالتحديد في احدي قصور اغنياء القريه وفي احدي الغرف الفارهه بجلس علي كرسييه بهيبه وشموخ يرتدي عمامه ناصعة البياض وعبائته الغاليه المصنوعه من اجود الاقمشه ويرفع عكازة المهيب ويخفضه بسرعه في الارض قائلا بعصبيه:وانا جولت لع يعني لع في ايه في كلامي مفهمهوش ياوليه
صفيه بخوف:يا حسان انا مقصدش بس براحه عالبنات اكدة مهيوافقوش
حسان:واه من ميتى واحنا بناخد راي النسوان ياوليه اتجنيتي اياك ولا ايه
صفيه:احب ع يدك ياحسان بلاش دول امانه في رقبتنا من يوم مااخوك ومرته ماتو وسابوهم قطط مغمضه
حسان:وانا قلتلك هرميهم في الشارع انا بقولك هجوزهم لولادي الرجاله ولاد عمهم من لحمهم عيحموهم ويصونو مالهم وعرضهم ولا عوزاني ارمي مال اخويا في ايد حد غريب
صفيه:انا يهمني راحه البنات دول بناتي بردك ياحسان ....عشان خاطري البنات معيحبوش ولادنا ومفيش وليه بتعرف تعيش مع راجل معتحبوش
حسان بعصبيه:الله لا يجعلهم يعيشو خليهم يموتو ونرتاح من قرفهم ....هي كلمه واحدة ملهاش تاني ياصفيه كتب كتابهم ودخلتهم الخميس الجاي وبعدها يحلها ربنا
هم بالخروج ليوقفه صوت بكائها بنحيب:عوضي عليك يارب الرحمه من عندك يارب
حسان بدهشه:ياوليه دول هيتجوزو ولادك الرجاله ال كل بنات البلد بتترمي تحت رجلهم انتي اتجنيتي ياصفيه ولا جري لمخك حاجه
صفيه وهي ترتمي تحت قدميه:ابوس رجلك ياحسان ارحمهم مش اكدة
ابتعد عنها حسان قليلا وهمت بالوقوف
صفيه:اسمعني زين الله يخليك ولادك طبعهم صعب مهيتقوش ربنا فيهم واول ماياخدو مالهم عيرمهومم عاد وانت خابر انا ربيت البنات كأنهم اخوات مرام بنتي ولا يوم بعمري فرجت بيناتهم ويعز عليا انهم يعيشو في مرار مع ولادي وانت عارف ان ولادك كيفك تمام عاوزين فلوسهم وورثهم من ابوهم
حسان بلهجه محذرة:صفيه.....زمان اتحملت زنك اكتير لحد ماكبرتهم وعلمتهم ودخلتهم اكبر كليات وبقت الكبيرة دكتورة وهتتخرج والتانيه محاسبه واخر سنه ليها وال متتسمي الصغيرة كلها كام سنه و تخلص كليتها هي كمان وتبقي مهندسه واكدة انا عداني العيب لكن اكتر من اكدة متحلميش كفايه ان العلام في البندر فتح مخهم ووعاهم واياكي تتحددتي معايا تاني والا قسما عظما لهيكون حسابي معاكي عسير اما دلوك تطلعي للبنات تفهميهم ان فرحهم الخميس الجاي ع ولاد عمهم وتخليهم يجهزو نفسهم
القي كلماته وامسك عكازة وطرف عبائته الفاخرة وخرج من باب الغرفه بعصبيه مطلقه اما صفيه فأرتمت علي اقرب كرسي وانفجرت في البكاء
صفيه:يامرك ياصفيه ...عيني عليكو يابنات منال ياحبايبي لو كان ابوكو عايش مكانش حالكو بقي اكدة
........في احدي طرقات القصر الفارهه كانت تمشي ورد اكبر بنات المرحوم طايع المنشاوي هي فتاه طويله القامه ذات جسد ممشوق ووجهها ناصع البياض وعينيها شديدة السواد وملامحها ناعمه كقطعه السكر وشعرها الطويل الحريري القاتم السواد...حينما استوقفها ابن عمها الاكبر سليم حسان المنشاوي:القمر رايح ع فين لوحده
ورد:ماليكش صالح ياسليم بعد عن سكتي احسنلك
سليم:والا هتعملي ايه
ورد بغيظ:هشتكيك لعمي
سليم:مفيش واحدة بتشتكي جوزها ياحبيبتي
ورد:نچوم السما اجربلك ياواد عمي
سليم:كلها كام يوم ياورد وتبقي مرتي واعمل فيكي مابدالي
ورد بنفي:مستحيل ولو اخر راچل في الدنيا عمري مهتجوزك
سليم بتوعد:ورب الكعبه لهتجوزك وتبقي بتاعتي ياورد وساعتها هحاسبك ع عنادك دة
ورد:بعد عن طريقي
سليم:بكرة تيجي تطلبي رضايا ومتنوليهوش واصل وهتبقي جاريه تحت رجلي وتنامي في سريري وتطلبي الرحمه ومهتلاقيهاش كلها ايام ...هانت ياورد
تسلل الخوف لقلب ورد ليتملكها احساس بالرعب من سليم وكلامه مجرد التفكير في انها قد تصبح زوجته يصيبها بالرعب ...همت ورد بالذهاب من امامه واكملت طريقها لغرفتها وارتمت في احضان سريرها وانفجرت في البكاء لا تعلم لماذا تبكي ولكنها تمنت وجود والدها لكي يحميها من عمها وبطشه ...اما في الغرفه المجاورة فكانت غرفه دعاء الاخت الوسطي لورد وكانت تجلس معها مرام ابنة عمها حسان...
دعاء:الله حلو جوي الفستان دة يامرام جبتيه ميتي؟
مرام:لسه السبوع ال فات يادودو بس والله اتلهيت اني افرجك ايه رايك هيبقي حلو عليا
دعاء:جوي جوي هتلبسيه فين دة
مرام بمرح:هلبسه في فرحك انتي وفارس
دعاء بخجل:بس يامرام انتي بتجولي ايه
مرام :مفكراني هبله عاد كل القصر عارفين انكو بتحبو بعض من وانتو عيال صغيرة
دعاء:قلتلك بس عيب الحديت دة
مرام:امممم فينك يافارس تاجي تشوف عروسك الزينه وخدودها حمرة كيف الطماطم
دعاء:كلمه زيادة وهطخك عيار يچيب اچلك
ضحكت الفتاتان واستمرا في الضحك والمزاح سويا اما في صالة القصر الكبيرة كانت تجلس فتاه في اوائل العشرينات تتابع بعيناها الزرقاوتين مسلسلها المفضل في شاشه التلفاز الفارهه وامامها طبق من الفشار اعدته لها احدي الخدم وكانت مستمتعه وترفع بكف يديها احدي خصلات شعرها البني القصير من امام عينيها وتضحك علي المسلسل حينها قاطعها صوت رجولي
فراج:بتضحكي علي ايه عاد
آيه بتأفأف:وانت مالك يارخم انت
دخل فراج ليشاركها مجلسها ولكنه بدا عليه علامات الاندهاش عندما نظر اليها
فراج بحدة:ايه ال هببتيه دة يامنيله
آيه بصياح:وانت مالك هببت ولا مهببتش ملكش صالح بيا عاد
فراج:انتي اكيد اتخبلتي في عقلك ايه ال نيلتيه في شعرك دة
إيه:قصيته حلو مش كدة
فراج:زفت علي دماغك يابعيدة في بنت تقص شعرها اكدة
آيه:موضه انت ايش فهمك انت وبعدين انت ملكش كلمه عليا متصرخش عليا تاني عاد
فراچ:من اهنه ورايح محدش له كلمه عليكي غيري
آيه:كنت اشتريتني ولا ايه
فراچ:لا هتجوزك وهتبجي مرتي
ايه:هههههههه عشم ابليس في الجنه ياحبيبي
فراچ:والله حبيبي طالعه منك بتنجط سكر
ايه:ياعدوي ولا تزعل نفسك دي بجي تنجط سم ع دماغك حلال عليك الفشار سديت نفسي داهيه تسد نفسك
فراچ بغيظ:والله لعيد تربيتك ياايه واقص لسانك الطويل دة
لم تعطه ايه ادني اهتمام وهمت بالذهاب لغرفه ورد لتشاركها الحديث وعندما وصلت امام غرفه ورد وقفت فترة بعد ان طرقت الباب وبعدها فتحت لها ورد وسمحت لها بالدخول
ايه وهي تجلس علي السرير:مالك ياحبيبه قلبي معيطه لما عيونك مورمين ليه؟
ورد:مفيش ياقلب اختك انا بخير
ايه:مخبيه ايه ياورد قولي
ورد: سليم جابلني النهاردة الصبح وجالي كلام ماسخ زي عوايدة
ايه:ودة يخليكي تعيطي ياورد مهو الرخم دة ع طول بيضايقك بكلامه ولا عمل حاچه زعلتك
ورد:لاا زي كل مرة بس قالي انه الوقت قرب وهيتجوزني ومش عارفه ليه بس حسيت حالي خفت من كلامه
ايه:تبجي عبيطه لو عملتي للواد الاهبل دة حساب
ورد بمرح:بجي راجل قد الحيطه بيتهز لاسمه بلد بحالها وتچولي عليه واد
ايه:ياحبيبتي ولا واحد في بلدك يخوفني لسه متخلجش ال ايه المنشاوي تخاف منه
ورد وهي تمط شفتيها:ولا عمك حسان
ايه بجرأة:ولا حتي جدي غنيم الله يرحمه
انفجرت ورد في الضحك هي وايه وقاطع ضحكهما صوت طرقات الباب
ايه:ادخل يالي بتخبط
دخلت الخادمه من الباب:الغدا چاهز ياورد هانم
ايه:يامخبله انتي مشيفانيش ولا ايه؟
الخادمه:العفو منك ياآيه هانم انا جهزتلك عصير الفراوله ال طلبتيه
آيه بمرح طفولي:اذا كان كدة خلاص عفوت عنك
استأذنت الخادمه وهمت بالذهاب وتبعتها ورد وآيه وعندما جلسو علي سفرة الغداء كانت كل العائله مجتمعه ماعدا فارس ابن حسان الاوسط
حسان:امال فارس فين ياسليم
سليم:كان بيمر علي المخازن وزمانه جاي
دقائق ودخل شاب طويل القامه كثيف الشعر برونزي البشرة بعينين بلون القهوة رياضي الجسم يرتدي بنطلون جينز وسويت شيرت وهم بتقبيل يد امه وابيه
سليم:السلام عليكم ياأهل البيت
الكل:وعليكم السلام ورحمه الله وبركاته
ذهب فارس لغسل يديه واتجه ناحيه المائدة وهم بالجلوس في مكانه المقابل لمكان دعاء
فارس وهو ينظر ناحيه دعاء:اتوحشتك جوي ياما
صفيه بوهن:وانت اكتر ياحبيبي
احمرت وجنتي دعاء فهي تعلم انها هي المقصودة
فارس: مالك ياحبيبتي بيكي حاجه
صفيه:لا ياحبيبي انا بخير
فارس:لو تعبانه اجيبلك الحكيم نطمن عليكي
مرام:وليه الحكيم وورد حبيبتي موجودة
صفيه:انا بخير ياولاد يلا اتغدو وبعد الغدا يابنات عوزاكم في موضوع مهم
ورد:لعله خير يا ماما
حسان:كل خير يا ورد اطمني
نظر سليم بمكر لورد وانتبهت هي الاخري وتملكها احساس الخوف وبعد دقائق انهت طعامها واستأذنت واتجهت لغرفتها وتوضأت وظلت تصلي وتدعو ربها ان ينجيها مما يخبرها به قلبها انه سيحدث ...
اما في الاسفل فكانت الخادمات يرفعن الطعام من علي الطاوله واخريات يأتين بالفاكهه والمرطبات
آيه بأذعان:فين عصير الفراوله بتاعي
فراچ:كل دة مش مكفيكي
آيه:خليك في حالك يابغل انت
فراچ بغيظ:بغل لما يرفصك يابعيدة احترمي حالك يابت انتي واعملي حساب انك قاعدة في بيتي
انتفضت آيه من مكانها لتصيح:انا قاعدة في بيت ابوي وعزة وماله وانت بتشتغل في ارضي وبترعي في ملكي انا واخواتي ولو مزعلك قعدتي انا واخواتي ادينا حقنا بما يرضي الله واقعد فيها لحالك
فراچ:ملكيش عندينا حق واخبطي راسك في الحيط
حسان بصوت يزلزل جدران القصر:انكتم منك ليها والله عال مبقاش ليا احترام ولا ايه
فراچ:منتاش سامعها بتجول ايه يابوي
آيه بأندفاع:انا مغلطش وبيني وبينك المحاكم ياواد عمي
حسان وهو يحاول سحب غضب آيه:حقك عليا يابنت الغالي امسحيها فيا انا
آيه بدون اهتمام انسحبت من مجلسهم وتوجهت لغرفتها اما حسان فأمر فراج بالتوجه لمكتبه فورا ليحاسبه عما قال ونظر لصفيه بمعني ان تتجه لغرف البنات وتتحدث معهم فيما ابلغها اياه في الصباح
دخل حسان المكتب وخلفه فراچ
حسان بغضب:معرفش تمسك لسانك يابهيم انت
فراچ:حقك عليا يابوي
حسان:جك كسر حقك انت اتهبلت عاد ولا ناسي انها متعلمه وفاهمه دي بتجولك بينا المحاكم....انا مش هسمحلك تضيع ال انا بخطتله سنين طويله
فراچ:يابوي مكنا اتجوزناهم وهم صغيرين لزمته ايه نستني كل دة وكمان علمتهم وبقو فاهمين الدنيا دايرة كيف
حسان بنفاذ صبر:يابهيم آيه كلها كام شهر وتكمل ٢١سنه وتخرج من تحت وصايتي ويبقي من حقهم التلاته انهم يستلمو ورثهم ال ابوهم كتبهولهم قبل مايموت وقبل اكدة مكنتش اقدر اجوزهملكم اخوالهم مكانوش هيسكتو ولا هيسبوهم واصل اما دلوك هيبقو خرجو من وصايتي لجوزاهم وانتو بشطارتكم هتخليهم يتنازلولكم عن ورثهم ال هو نص ال بنملكه كله يااغبي خلقه ربنا
فراچ:ابااي بقي يابوي البت دي ع قد ماجمالها بيطير العقل بس لسانها متبري منها ونفسي اقطعهولها
حسان:لما تتجوزها ابقي اقطعولها ع كيفك انما دلوك لااا
دلفت صفيه لغرفه ورد بهدوء وانتظرتها حتى تنهي صلاتها وعندما انتهت قامت من مكانها واتجهت لصفيه التي بدت عليها علامات الحزن
ورد بتوتر:مالك ياماما معجبانيش من الصبح فيكي ايه
صفيه:انا بعت البت هنيه الخدامه تنادي اخواتك عوزاكم كلكم في موضوع مهم
بدأ قلب ورد ينبض بعنف واحست بكامل جسدها يرتجف من كلام صفيه ومنظرها.......وفاقت من شرودها علي دق الباب ⚡⚡
يتبع الفصل التالي اضغط هنا
- الفهرس يحتوي على جميع فصول الرواية كاملة :"رواية بنات المنشاوي" اضغط على اسم الرواية