رواية صغيرة فؤادي الفصل السابع عشربقلم أسماء سلام
رواية صغيرة فؤادي الفصل السابع عشر
تم عقد قران سلمى وفؤاد وخلاص بقوا زوجين رسمين فى الدين والقانون
فؤاد خلص ورجع البيت ودخل لقى روح نايمة
فؤاد فى نفسه ، الحمد لله اتجوزت حبيبتى وحققت حلمى بس ليه حاسس ان فى حاجة ناقصة ، حاجة مش مخليانى افرح فرحة كاملة مع انى من شهر كنت عايز الوقت يعدى واتجوز سلمى بسرعة ، معقول اكون اتعلقت بيكى ومش عايز ابعد ، حاسس بحاجة ناحيتك بس مش نفس شعورى لسلمى ، أنا عارف انى بحب سلمى بس ليه مش قادر احدد مشاعرى تجاهك ، ثانية واحدة ... ، أنا قولت مشاعر ، معقول اكون عندى مشاعر تجاهك ، فى حاجة مش فاهمها من ناحيتك ، شايف فيكى حاجة مش شايفها فى سلمى بس مش قادر احددها
فؤاد دخل اوضته يغير وقعد يفكر يا ترى هنقدر يجمع ويعدل بين الاثنين وخصوصا انه مش عايز يظلم روح اكتر من كده ، بيفكر يا ترى القدر مخبيله ايه وبعدين نام من التعب
( ليلتك بيضة يا فؤاد 😁 )
تانى يوم
روح صحيت ودخلت اتوضت وصلت وبعدين دخلت تحضر الفطار لفؤاد وبعد لما الفطار جهز دخلت تصحى فؤاد
روح يا فؤاد ، فؤاد
فؤاد بنعاس ايوه يا سلمى
روح سلمى !!! ، سلمى مين ، أنا روح
فؤاد قام مخضوض وقال معلش غلط فى الاسم
روح عادى ولا يهمك ، يلا صلى وتعالى افطر
فؤاد سلمى دى يا روح تكون
روح قاطعته وقالت صلى وتعالى افطر وسابته ومشيت
فؤاد اكيد شكت أنى اعرف واحدة اسمها سلمى ، طب اعمل ايه دلوقتي ، اصالحها ازاى ، هصلى الاول واشوف هعمل ايه
فؤاد خلص صلاة وطلع يفطر مع روح
روح قاعدة بتاكل ومش بتبصله ومتجاهلاه تماما
فؤاد يا روح اسمعينى ، سلمى دى زملتى فى الشغل
روح هو انا طلبت منك تفسير ولا قولتلك على حاجة ، انت حر اعمل اللى تعمله
فؤاد يا روح اهدى وركزى معايا ، دى زملتى مش اكتر وانا لسه مش متعود انك تصحينى
روح بس متعود أن ست سلمى تصحيك
فؤاد لأ مش كده ، على كنت بحلم بالشغل وأننا بنتناقش موضوع مهم ، ولو منجحتش احتمال اترفد من الشغل علشان كده قولت اسمها لانى فكرت أنها بتكلمنى على الشغل
روح بعد الشر ، باذن الله خير ، المهم انتم لقيتم حل للمشكلة ولا لأ
فؤاد اه يا روح ، فى حل بس ادعى أنه يتقبل
روح يا رب يا فؤاد ، كل كويس علشان تعرف تشتغل كويس وسيب كل حاجه على الله
فؤاد متضايق أنه كدب عليها ، قد ايه هى اهتمت بيه ونسيت زعلها ، ومع ذلك هو مكمل فى خداعها وبيستغل طيبة قلبها
فؤاد وروح فطروا وبعدين فؤاد قعد يتفرج على التليفزيون
روح بتعمل ايه
فؤاد بتفرج شوية وأشوف الدنيا فيها ايه
روح طب خلص شغلك الاول وبعدين صلى الجمعة وبعدين تعالى اتفرج
فؤاد باس أيدها وقال حاضر
روح شغلت سورة الكهف وبعدين قامت تروق الشقة
بالليل
روح يا فؤاد عايزة اكلمك فى موضوع
فؤاد قولى يا روح ، متنكسفيش
روح الدراسة بعد اسبوعين وانا محتاجة لبس و ادوات علشان الكلية وكده واكون كويسه بين صحباتى ، قولت ايه
فؤاد قولت امين يا روح ، اكيد هجيبلك وكمان هاجى معاك واخليكى تشترى كل اللى يعجبك
روح بجد
فؤاد اه بجد ، انتى مراتى ومسئولة منى ، اى حاجة عايزاها اطلبيها منى
روح شكرا ، ربنا يخليك ليا
فؤاد يا رب ، تعالى نتفرج على فيلم
روح يلا ، بس اختار فيلم كويس جدا و رومانسي
فؤاد اختار فيلم رومانسى حزين وروح قعدت تعيط
فؤاد بتعيطى ليه يا روح
روح ازاى البطل قدر يخون البطلة ويتجوز عليها
فؤاد بس ده حقه وهو مقصرش معاها
روح لأ مش من حقه ، أنها يخدعها ويضحك عليها ، مدام بيحب التانية يقول للأولى وهى حرة توافق أو متوافقش
فؤاد انتى لو مكانها و جوزك قالك أنه اتجوز عليكى هتعملى ايه ؟
روح مش هعمل حاجة خالص ،اول حاجة هسالها انا قصرت فى حقه ولا لأ ولو كنت قصرت كان لازم يقولى ولو لأ يبقى يطلقنى وكده كده انا هطلب الطلاق لأنه خدعنى وكان مع واحدة غيرى حتى لو مراته ، شعور وحش انك تحس انك شخص مغفل ، وهى حد بيضحك عليك وانت كنت مأمنله على روحك فازاى عايزنى اسامحه ، ده من سابع المستحيلات ، ساعتها كل واحد يروح لحالة
فؤاد للدرجة دى
روح واكثر لان كسرة النفس والخاطر صعبة جدا
فؤاد فعلا معاكى حق بس ممكن هى السبب انه اتجوز عليها
روح كان يقولها ولو معدلتش من نفسها يهددها أنه هيطلقها أو هيتجوز عليها وهى حرة تعمل اللى يعجبها بس لو هى فضلت زى ما هى يبقى هو ليه الحق انه يطلقها أو اتجوز عليها فساعتها ده حقه
فؤاد اه تمام
روح طب افرض انك قصرت فى حقى فروحت خنتك ، مش كده غلط وكان لازم اقولك الاول مش اخونك او اخلعك كده
فؤاد ايوه انتى صح ، نكمل الفيديو
روح لأ كمله انت ، أنا هدخل انام لانى مش قادرة اتفرج اكتر من كده واعيط ، لان البطل طلع انانى وهامه نفسه وخلاص
روح دخلت تنام وسابت فؤاد يتفرج على الفيلم وحاسس إن الموقف ده هيحصل معاه فى يوم وساعتها مس هيكون قادر يتكلم ولا يبرر ، سترك يا رب العالمين 🤲
عند عصافير الحب زياد وياسمين
زياد قاعد بيفكر فى اللى حصل امبارح مع ياسمين
Flash back
زياد يلا يا عماد هنتأخر على الجماعة
عماد بغمز الجماعة ولا الجميلة
زياد ضربه على كتفه وقاله بس بقى ويلا علشان اتأخرنا اوى
عماد اوى ايه بس اللى اتأخرناه ، احنا ميعادنا بعد العشاء والمغرب لسه ماذن مش شوية يعنى لسه بدرى ومتأخرناش ولا حاجة
لمياء بس بقى يا عماد ، متضايقهوش ، خليك على راحتك يا زياد ، باذن الله خير
زياد شكرا لما مرات اخى ، ربنا يخليكى لينا وتعيشى وتشوفى حمزة مكانى كده
لمياء يا رب يا زياد
عماد انتى معايا ولا معاه يا لولو وغمزلها وضحك
زياد لأ يا حبيبى ، دى تبعى أنا ولا ايه رايك فى كلامه
لمياء ربنا يخليكم لبعض دائما
عماد ويخليكى ليا يا حبيبتى ❤️ ، أنا خلصت اهو
زياد اخيرا ، يلا نمشى بقى
لمياء بالسلامة وربنا يوفقكم
زياد اللهم امين يارب العالمين
عند ياسمين
ياسمين قاعدة بتجهز نفسها للعريس اللى جاى
الام يلا يا بنتى ، دول وصلوا بره
ياسمين أنا خلصت يا حبيبتى
الام لما اقولك هاتى الضيافة تطلعى وتجيبها للضيوف وباستها من راسها وقالت يا رب اشوفك احلى عروسه فى العالم يا حبيبتى ❤️
عند زياد وعماد
عماد يسعدنى يا استاذ مجدى انى اطلب ايد بنت حضرتك الدكتورة ياسمين لاخويا زياد
مجدى تشرفنا يا حبيبى ، اللى فيه الخير ربنا يقدمه ، انت معاك ايه يا زياد
زياد أنا ضابط فى الجيش يا عمى
مجدى ماشاء الله ، ربنا يحميك يا بنى
زياد ربنا يخليك يا عمى
الام الضيافة يا ياسمين
ياسمين جابت العصير و جت وقعدت جمب الام وطبعا مبصتش على العريس لأنها مكسوفه
الاب قعد يسأل زياد شوية أسئلة عن إمكانياته و أهله ونسبهم علشان يضمن حيات بينته
الاب نسيب العرسان يقعدوا مع بعض شوية
الام والام وعماد قاموا قعدوا فى الاوضة اللى قدام الصالة بحيث يكونوا شايفين زياد وياسمين
زياد وياسمين قعدوا فى الصالة لوحدهم وياسمين قاعدة. حاطه عينها فى الأرض ومش راضية تعرفها ولا تقول اى حاجة فزياد بدأ الكلام وقال
زياد ازيك يا انسه ياسمين
ياسمين بكسوف الحمد لله
زياد طب بصيلى واعرفى شكلى
ياسمين رفعت راسها تشوف مين لأنها سمعت الصوت ده قبل كده
ياسمين قبل ما شافت زياد اتخضت وقلبها قعد يدق جامد وقالت انت ؟؟!!!!
زياد ايوه انا ، كنتى متوقعة حد تانى ولا ايه
ياسمين لأ مش كده بس مكنتش متوقعة أنه انت
زياد وطلعت أنا ، ممكن نتعرف على بعض واهو بعلم اهلك مش من وراهم
ياسمين ضحكت بكسوف وكانت قمر ❤️
زياد ايوه بقى الضحكة دى
ياسمين عيب كده
زياد حاضر ، بصى بقى يا ياسمين نتكلم جد ، أنا جاى النهاردة اتقدم ليكى لانى شايف انك انسب واحدة تكون مراتى ، حاسس براحة ناحيتك اوى من اول لما شوفتك وطريقة كلامك عجبتنى اوى وطبعا زيدتى فى نظرى لما رفضتى تدينى النمرة مع انك لو كنتى اداتيهالى مكنتش فكرت فيكى غلط ، بس انتى اثبتيلى انك انسانه محترمه وانا هيكون ليا الشرف انى اكون زوجك
ياسمين مبسوطه بكلامه اوى وهى كمان حاسه نفس الشعور ده بس مكسوفه تتكلم
زياد ساكته ليه ، اتكلمى وقولى كل اللى فى جواكى ، عايزانى ولا لأ ، او فى حد تانى فى حياتك ، فى الاول والاخر الزواج ده قسمة ونصيب
ياسمين مفيش حد فى حياتى ، بس الحقيقة أنا كمان ارتحتلك بس طبعا لازم نشوف فى توافق بينا ولا لأ
زياد فرح أن مفيش حد فى تانى فى حياتها وبعدين قال قوليلى عايزة تعرفى ايه عنى وانا اقولك
ياسمين اهم حاجة عندى اخلاقك ودينك قبل اى حاجة ، يعنى بتصلى بتصوم ، عصبى ولا لأ
زياد أنا الحمد لله بصلى ومداوم على الصلاة والصوم واخلاقى بعون الله كويسه والدليل انى وقفت البنات عن معاكستك ، أما موضوع عصبى فأنا الحمد لله مش عصبى خالص ، بالعكس بفكر قبل ما اتكلم وأفهم الشخص ده عمل كده ليه قبل ما احكم عليه
ياسمين الحمد لله ، ربنا يثبتك ويزيدك
زياد وياسمين قعدوا يتكلموا ويتعرفوا على بعض وطلعوا متفاهمين
بعد شوية الام والام وعماد جم قعدوا معاهم وقالوا هيردوا عليهم بعد اسبوع او 10 ايام
End
زياد قاعد بيفكر يا ترى ياسمين هتوافق ولا هترفض ، وهل أهلها ممكن يرفضوا ، الله اعلم ، شعور الحيرة ده ، شعور وحش اوى ، انك مش عارف الدنيا هترسى على ايه بس زياد عنده امل فى ربنا كبير اوى أن ياسمين واهلها هيوافقوا عليه
عند ياسمين
ياسمين صلت صلاة استخارة ولقت نفسها مرتاحه لزياد فقالت تستنى مش ترد علطول علشان تختار صح وربنا يوفقها
(((معقول على آخر لحظة ياسمين ترفض ؟ )))
يتبع الفصل التالي اضغط هنا
- الفهرس يحتوي على جميع فصول الرواية كاملة :"رواية صغيرة فؤادي" اضغط على اسم الرواية