رواية المتعجرف والعنيدة الفصل الخامس عشر 15 بقلم الاء

الصفحة الرئيسية

        رواية المتعجرف والعنيدة الفصل  الخامس عشر بقلم الاء

 رواية المتعجرف والعنيدة الفصل الخامس عشر

الاء.... وربنا لو جت فيا هروح اعمل فيك محضر
عمار....يادي نيله متسبها يابني بقا
محمد.... دي عايزه تتربه وانا هربيها
الاء... كان القرد نفع نفسه
محمد...  لا وربنا ما هسكت المره دي  تعاليلي بقا وبيبعد عمار   
عمار كان وقف مابنهم
عمار.... خلاص يبني  هي بتهزر 
الاء.... لا بتكلم  جد مش بهزر
عمار... اسكتي هنضرب 
محمد  وعنيه حمر بغباء... ابعد يا عمار احسنلك
عمار.... يا محمد  دي بنت
محمد.... عمار انت لو متحركتش دلوقتي هتزعل وانت عارف مش هعمل حساب لحد 
شاديه....بس  ياولاد عيب كده
نجاة.... خلاص يا محمد انت الكبير
محمد شد عمار من قدمو  والاء كانت مسك في ضهرو  لما بعدو الاء راحت معاها
الاء كانت لما شد عمارر الاء اتحدفت علي الارض و خبطت  في  الترابيزه والترابيزا كانت عباره عن ازاز  وكانت هتقع عليها عمار  وقع علي الانتريه   
محمد لحقها قبل متيجي عليها.... خلي بالك وشد الاء  في لمح البصر  الاء اتشدت من هنا والازاز وقع من هنا
محمد لما شدها خبطت في حضنه...  انتي كويسه
الاء من الخضه  سكته....  
محمد بيهزها....انتي يبنتي   كويسه
الاء....عيطت مره واحده 
كلهم بصو لي بعض
محمد.... مجتش ناحيتها
الاء اترمت في حضنه.... كان هيقع عليا 
محمد حسه بحاجه غربيه.... 
عمار شدها وبيحقق انها بخير. وبيطمنها.... اهدي اهدي مافيش حاجه
الاء بعياط طفولي ومش مفهوم بتقول ايه....البتاعه كده ووقعت وانا مكونتش   خالص
عمار غصب عنه ضحك.... انتي بتقولي ايه 
الاء.... البتاع وقع
عمار... وبعدين
الاء.... وانا مكونتش  خالص
عمار... مش فاهم بس معلش 
شاديه جبتلها مياه..... اشربي
الاء.....لا
نجاة.... اشربي يابنتي عشان تهدي
الاء بدون وعي وشكلها طفله بعياطها .... لا لما بشرب وانا مخدوضه بعمل حمام 
عمار......لا اسف بجد وفضل يضحك جامد
نجاة وشاديه....ولا احنا  وفضلو يضحكو
شاديه...شكلك يضحك بصراحه
محمد  كان وقف بيتاكد انها سليمه  
الاء لقت محمد بيبصلها بصه غريبه..... ايه فرحان انت صح  
محمد.... علي فكره مفروض تشكريني اني لحقتك كان زمانك  كل الازاز عليكي
الاء.... ما انت السبب   اساسا اشكرك علي ايه 
محمد.... تصدقي انا غلطان كنت سبتك 
نجاة وشاديه وعمار....  تاااااني
محمد.... لا تاني ولا تالت     وسبهم ودخل المكتب
عمار....  مافيش فائده ودخل لي محمد
الاء....  سبتهم وطلعت اوضتها غيرت ونزلت  عملت قهوة وخبطتت
محمد... بت انتي اطلعي برا
الاء.... اقفل بوقك 
عمار... ياجماعه واللهي  مافهاش حاجه لو اتصرفتو مع بعض  كويس
الاء...  هو  مش انا وبعدين  مستناش يسمع مني عموما قهوة دي  اهي  ليك يا عمار   وبصت لي محمد  بقرف ودي ليك عشان  شدتني قبل ما تقع ا بس برضو انت  السبب بس شكرا
محمد بصله وسكت....
الاء.... ودي مش قهوة عمتو دي قهوة  بابايا
عمار.... ازاي مش متوافي انا اسف يعني
الاء...  بابا كان بيجبها قهوه ساده وبيحط فيها حاجات بتخليها بالطعم دا  وانا اتعلمتها منه   بتخلي الواحد فايق ولو عندو صدع بيروح   لو عجبتكم ادعوله هو وامي واخويا بعد اذنكم
عمار... الله يرحمهم وبيبص لي محمد لقه ساكت
عمار... ايه مالك
محمد.... مش عارف بترسم علي ايه البنت دي 
عمار..... ياعم  احسن الظن 
محمد... اتحداك الا لو وراها حاجه  تلاقيها جي تتمسكن وتاخد اللي في نصيب
عمار......  لا اله الا الله ومتقولش انكم اهلها ليه
محمد...... اهل انت عبيط  وبعدين اللي ياكد كلامي   سحبالي  زفت دا
عمار...  لا زياد شوفته محترم.وشكله يعتمد عليه بلاش تفكيرك دا اللي بيضيع ناس منك مش شرط اللي بيتعاملو كويسين يبقي عايزين حاجه  وبعدين بين علي زياد انه شخصيه محترمه جدا
محمد.... تمثيل يا حلو  واديكم دخلت عليكم
عمار..   دا اخوك يبني   
محمد... ماليش زفت
عمار..    خلا ص  انت هتتعصب عليا ليه بس عموما هتندم علي تصرفاتك دي قدم المهم يلا نكمل شغل
محمد.... يكون احسن
ــــــــــــــــــــــــــــــ.
الاء رنت علي زياد
زياد....حبيبي عامل ايه
الاء.... الحمد الله بقولك ينفع  طلب 
زياد.... اكيد
الاء..   انت فاضي بكره
زياد.. بكره عندي اجتماع مهم جدا
الاء..   اها خلاص
زياد.... ايه طيب ممكن نعمله نهارده
الاء...  لا انا بتكلم وخلاص 
زياد.... الااااء قولي
الاء... ياعم كلام المهم اخبارك ايه
زياد.... الحمد الله يا قلبي
الاء..  دايما يارب طيب ايه شغلك 
زياد...  اهو  ادعيلي
الاء... ربنا يعينك  ويقويك يااخويا يارب
زياد...  يارب ويحفظك يا قلب اخوكي 
الاء...  هسيبك تشتغل بقا  ربنا معاك باي
زياد.... ومعاكي باي
ـ الاء بعد ما قفلت معا عز رن عليها
الاء.... ايه مره دي قبلت  مين النهارده ملكه جمال مصر 
عز..... لا لسه بس شوفت واحده شبهك  بالظبط
الاء.... اها وبعدين
عز.... لسه جي اديها بالقفا بركز لقيت عنيها سوده
الاء.....     هناك اختلاف كمل  
عز....  بجد  والله المهم لقيتها بصتلي بصه مفهمتهاش 
الاء.... اها فا قولت تفاهم  
عز.... اها طبعا
الاء..   روحت طبعا جرار كلام معاها  علي اساس انا وبعدها سوري فكرتك قربتي
عز بضحك.... احبك وانت فاهمني
الاء..... فاهمك دا انا حفظتك كمل
عز.... بس وتكلمنا وطلبت تشوفك عشان كان نفسها تشوف واحده شبها من زمان
الاء... عند امك
عز بضحك.... احنا فينا من كده
الاء.... عز انت اخر مره ورتني واحده استغفرالله العظيم يعتبر لبسها كله عريان  كان هين عليا اقلع الجاكت البسهولها
عز بضحك.... لا لا بجد شكلها محترمه
الاء...  اها زاي سهيله اللي كانت ضحكتها في الفون ولا اجدعها رقصه في شارع الهرام
عز.....لا  دي شكلك 
الاء.... عز بطل كدب يا بابا انا نص شعب مصر بقا شبهي بسببك اتلم بقا
عز....طيب دا مش يوضحلك حاجه
الاء.... يوضح انك مش سيب حد  الا لما  لف لافت معا
عز.... لا  ياهبل  دا يدل اني شايفك في كل ناس
الاء بضحك.... يا ود يا جامد لا حلو دي 
عز بضحك....    عجبتك
الاء.... اووي اقنعتني
عز... ايه بقا بكره تيجي معايا واحيات ما بتقولي انك تطولي شويه
الاء.... عز انت عبيط انا بكلمهم  بالعافيه  اللي بيهون عليا انهم عادي  
عز.. ما انتي مش سبتي حد الا لما  نصحتيهم  وشتمتيهم   كلهم بعدو عني
الاء.... احسن عشان عيب
عز.... بس دي اول مره هتقبلي   
الاء.... عز
قطعها عز... وغالوتي ياستي لو معجبتكيش هنمشي
الاء.... انت مش  بتحبها تقبلها ليه
عز... يبنتي صاحب حب ايه وكلهم عرفين صاحب فقط
الاء... انت عايز ايه 
عز... بكره هاخدك هخرجك وهي بعد  ما تخلص شغلها هتجلنا ونتمشا كلنا 
الاء... لو لقيت اسلوب زباله او قلة ادب همشي
عز... لا لا بجد دي كويسه وهي اللي طلبت تشوفك والله
الاء....  واللهي ولا هتطلع شبهي ولا نيله بس تمام
عز.... قلباااااي وربنا بحبك 
الاء.... انت بتحب مصر كلها يا عز اتنيل
عز بضحك.... لا بجد بحبك  انتي اللي مش بتحبيني
الاء... لو مش حبك مش هصبر علي الهبل بتاعك  دا
عز.... ربنا ميحرمنيش منك يارب 
الاء.... ولا منك يارب عز
عز... قلبه
الاء... عايزه ارجع اسكندريه 
عز.... ليه حد زعلك 
الاء.... لا عايزه ازور بابا وماما واخويا  
عز.... حاضر 
الاء...ينفع نصحا بدري بكره اروح ونرجع علي معاد صحبتك
عز....  اللي تؤمري بي
الاء.... بس محدش يعرف 
عز.... حاضر
الاء.....عارفه اني هتعبك معايا بس بجد نفسي اروح ليهم
عز... بكره هصحيكي ياستي ونروح ولحد ما تقولي يلا
الاء.... ربنا يحميك ليا يارب شكرا 
عز.... شكرا دي تقوليها لحد غريب انا اخوكي يا جزمه 
الاء ضحكت.... ماشي باي وقفلت  ومانت فرحانه انها هتروح لي اهلها
عز...باي 
ـــــــــــــــــــــــــــــــ
داليدا....اياد انا خلصت هروح
اياد... استني هوصلك
داليدا....لا كمل شغلك
اياد... قولت استني  اقاعدي هنا لحد ما اخلص
داليدا.... حاضر
خلص واخدها ونزل في سكه
داليدا..... انا عايزه اجازه يومين
اياد.... طب متقعدي خالص
داليدا.... لا  هما يومين بس انت قول لي محمد
اياد.... ليه
داليدا.... انا مش هيرضا
اياد.... اممم تمام بس انتي فاهمه اني اقصد علي اليومين  ليه
داليدا.... مافيش بس حبه اقعد يومين
اياد وقف العربيه فجاءه...مالك
داليدا.... اهدا متخافش  انا بس  حبه كده والله
اياد.... داليدا
داليدا... وغالوتك
اياد.... تمام
ــــــــــــــــــــــــــــــــــــــــــــــ
بعد وقت 
اياد  دخل القصر
اياد.... السلام عليكم 
نجاة وشاديه .... وعليكم السلام  
اياد...  امال فين الاء
في نفس الوقت محمد وعمار  كانو طلعين من المكتب  والاء نزله علي سلم القصر
نجاة...فوق
عمارلي محمد... تمام نتقابل بكره بقا اتمنا مترنش عشان عايز  انام 
محمد..... بس يلا
اياد....عمار عامل ايه يا صحبي 
عمار... اياد الحمد الله جيت امتا
اياد...لسه حالا  
الاء...اياد وجريت عليه 
اياد حضنها... بنوتي عماله ايه
الاء...  الحمد الله كنت عا يز احكيلك حاجات يامه 
اياد وهو بيلعب في شعرها....  اخد شاور كده واجي تحكيلي كل حاجه
الاء.... اشطا وانا هجهزلك الاكل  
عمار.... ياسيدي ياسيدي  يبختك يا عم اياد
اياد... اتلم دي بنتي 
الاء... عمار دا احنا لسه متفقين عيب كده
عمار.... واللهي بهزر 
الاء.... ماشي نعديهالك 
عمار.....  تسلميلي يارب  بعد اذنكم بقا  انا همشي
محمد كان وقف بيجز علي اسنانه بسبب كله مهتم بيها  
الاء... لا اقعد تاكل معانا  
عمار.... مره تانيه
نجاة... هتكسف اختك اقعد عقبال  ما نجهز الاكل  يكون كلهم جم وناكل كلنا
عمار.... بس
الاء..... ما بسش ويلا بقا تعال انت ساعدني اهو نشوف تنفع  للي في بالي بالك ولا لا
شاديه.... يعني ايه
الاء.... هااا لا دا هزر وكده
عمار همس لي الاء...  الله يخربيتك هتودينا في داهيه
الاء ضحكت....  
محمد كان وقف قصاد الاء 
الاء.... وسع عشان اعدي
محمد... هو انا حايشك  متتزفتي
الاء... معلش اصلك حيطه سد المكان
شاديه ونجاة بصو لي بعض  زاي مافيش فائده
واياد وعمار في صوت واحده.... حبو بعض يا ولاد عيب كده  وبصو لي بعض وفضلو يضحكو  انهم قالو زاي بعض
اياد....   ياعم دوله نقر ونقير
عمار...  انت هتقولي دوله من ساعات ما جيت علي كده
محمد بهمس.... علي فكره انا سكتلك  عشان حاجه واحده   ولو اتاكد منها  صدقيني مش هرحمك
الاء... مش عايزه اعرفها خاليهالك  ولو عايز تاذيني اعمل مابدلك ربنا هو اللي بيحميني مش حد فا عمل ما بدالك
محمد.... اكيد مش عايزه تعرفي عشان  انتي كده 
الاء..... مبدائين انا بجد مش فاهمه انت عايز ايه وقصدك ايه معرفش ما علينا اوع كده عايزه اعمل اكل عشان تطفح 
محمد ضم ايده جامد ومسك نفسه بالعافيه لدرجه عروق ايده برازت.... وربنا بتمنا يحصل اللي في دماغي عشان هئذيكي  لدرجه تتمني الموت
الاء....   ايه دا هو انت متعرفش انا بتمنا من يوم ما اهلي ماتو 
محمد... ان شاء الله  تبقي معاهم في اقرب موت
الاء.... انا شايفه انك عمال تذكر ربنا يامه وتحلف بي ومشوفتكش بتركها اساس 
محمد... بنت انتي
الاء قطعته..... ولاه انا مش فاضيلك اوع   
محمد مسكها من ياقه  هدومها....  احترمي نفسك
اياد مسك ايدو ونزلها وبايدو التانيه اخد الاء في حضنه.... انت هتجنن 
عمار.... ماتهدا بقا انت هتمد ايدك علي بنت
الاء...  لا دا ميعرفش الاصول فالح بس يجعر
محمد... انت مش سامعين
الاء.... انت بني ادم متكبر وشايف نفسك علي الفاضي  وعمال تذكر ربنا وهو ربنا قالك تقطع اخوك اللي عمرو ما جاب سرتك لا بالخير ولابالشر وانت عمال تشتم في  وفالح بس تذكرربنا عزة وجل  علي لسانك و انت متعرفهوش قرب منه يمكن تتعدل 
محمد.... لسه هيمسك الاء من شعرها 
اياد زقه وعمار وقف قصاده
اياد.... لا بقا انت شكلك مش في وعيك
عمار... ميصحش كده يا محمد
محمد عصبيه  واعلي صوت يهز القصر.... هو في ايه  مش سامعين  الزباله دي عماله تقولي ايه انا محمد الدمنهور واحده زاي دي متسواش جي انا تعرفني ربنا وهي اساس شكلها مدورها
عمار....ايه اللي انت بتقوله دا 
اياد..... وربنا لو مش بعتبرك اخويا كنت مديت ايدي عليك
نجاة... اخرس يا قليل الادب
محمد بص لي  شاديه... ايه يا خالتي معندكيش كلمه انتي كمان
شاديه.... كلامتك يامه مافيش فايده فيك
الاء كانت مسك نفسها وحلف ما تبين ضعفها قدمه من اخر مره..... واحد زايك اتوقع منه يقول كده اصل مشوفتش حد الا وقال عليك بتاع ستات  فا كل اللي بتتتعمل معاهم كده فا مفكر كله زاي اللي حوليك كده بس  معلش لما ربنا يتوب عليك وتبعد عن القذره  والقرف دا تفاهم مش كل ناس زاي بعضها وبصتله من فوق لي تحت
اياد همس ليها... اهدي الله يسترك
محمد.... لا بقا انتي قطعو عمار وبيزقو لي جنينه
عمار...  اهدا  بقا وتعال معايا 
نجاة.... خد الاء يا اياد وطلعها فوق
الاء... لا هدخل اجهز الاكل اصل نفسي اتفتحت اكتر  وبصتله بكبريئ
محمد بصلها وزاي لو يقدر يموتها هيموتها.... 
عمار.....يلا بقا ودخلو الجنينه
اياد بيبصلها ولسه هيقولها انتي قدره لقها عنيها مدمعه ووشها بان عليه الوجع
اياد.... تعالي وسيبك من الاكل دلوقتي
الاء... هروح اطلع غالي في احسن عقبال ما انت  متغير
نجاة مسكت وشها.... حقكك عليا متزعليش  
شاديه....  بس تصدقي عجبني ردك  بتخالي بصحيح   جدعه يبت 
الاء ضحكت....   
نجاة.... اومال انتي مفكره ايه دي بنت اخويا يعني احسن ترببع واحسن رد  وقويه  ومحدش يقدر يزعلها   وللي ياكد كلامي وقفت قصاد محمد اللي محدش يقدر عليه
الاء فرحت انها بنت انها قويه  ونجاة كانت قصدها كده  انها مش ضعيف وتقدر علي  محمد و انهم كلهم معاها
الاء.. يعني مش زعلان مني
نجاة....بلاعكس عجبتيني
اياد... انا كا  اياد انبهرت  
شاديه..... وانا والله ربنا يحفظك 
اياد... تعالي الاول معايا فوق  وبعدها ننزل انا وانتي نجهز الاكل
نجاة... يلا روحي مع اخوكي 
الاء طلعت معا 
نجاة بصت لي شاديه....  خايفه عليها اكون بذيها بوجودها هنا 
شاديه... متخافيش اياد وعز جمبها 
ـــــــــــــــــــــــــــــــــــ
عمار..... عيب اللي انت قولته ازاي تشبها بكده
محمد....يعني هي سكتت
عمار... حقها ترد  عليك
محمد..... نعم
عمار.... اها حقها انت اهنتها ومن حقها ترد
محمد بصله.... شكلها عجبتك
عمار.... لا انت فعلا اتجننت الاء اختي مش اكتر  واظن انا عندي زايها واللي مقبلهوش علي اهل بيتي مقبلهوش علي حد
محمد.... يوووه 
عمار.... ياريتك.تسمع كلامها
محمد... كلام مين
عمار.... الاء  قرب من ربنا احسن
محمد..امشي من قدمي
عمار.... براحتك وسابه  وجي يمشي
نجاة... رايح فين
عمار.... هروح  
شاديه.... مش هتاكل معانا
عمار.... مره تانيه
نجاة....   لا الاء تزعل  اقاعد عقبال متنزل 
ـــــــــــــــــــــــــ
اياد وهو في الحمام والاء اعده علي الكنبه...
الاء.... واللهي انا محبتش اهينو زاي ما عمل بس وربنا كمان مره ما هسكت  
اياد وهو في الحمام.... هو انت كده سكتي
الاء... اها 
اياد.... ربنا يسترها
الاء... اكيد هيستر  لان ربنا عارف هو ايه
اياد وهو طلع...
الاء  ديرت نفسها بسرعه... ايه ياعم قول انك طلع
اياد... انتي هبله ابت انا لبس متخافيش
الاء..... احلف
اياد ضربه علي رايها بخافه....  وربنا هبله  
الاء ضحكت... الحرس  واجب يسطا
اياد ضحك وبهزر...  اكيد وبعدين انا ولد ولود عيب انكشف علي ستات
الاء بضحك....  اها طبعا احنا كله الا سمعت ولدنا 
اياد.... اول اراجال لي ايه غير شرفو 
الاء.... طبعا 
ــــــــــــــــــــــــ
نجاة..حاول تهدي من ناحيه الاء شويه
عمار... بحاول واللهي يا تيتا بس هو دماغو ناشفه
شاديه... انت هتقولي
نجاة... معلش خاليك وراه
عمار...  حاضر
نجاة... يحضرلك الخير يارب
عمار...دعوتك يا بارك
الاء.... ربنا يحفظك ويجعلك  من نصيب اللي في بالي يارب
كلهم  بصوعلي الصوت لقو الاء  واياد نزلين
عمار  بضحك....انتي متاكده انه سر 
الاء....  عيب يا يسطا تشك في ولائي
اياد بضحك.... كلمه دي بتعت  عز  بس هو في ايه
الاء... لا لا فكك يلا علي المطبخ يا ولاد
عمار واياد.... حاضر  يا ماما  بصو لي بعض وضحكو
الاء  ...  ماما مين يا شحط منك لي
اياد...
الاء
" يليق بك أن تكون ضوءًا لا ينطفئ،  أن تكون وردًا لا يموت، وماء لا يجُفّ، يليق بك أن تكون كل الأشياء السعيدة التي لا يمكن أن يعبرها الحزن يومًا ما .. عزيزى  القارئ لا تجعل هؤلاء الحمقى يفسدون عليك حلاوة أيامك وأنت تتذكر أفعالهم. "


يتبع الفصل التالي اضغط هنا
    رواية المتعجرف والعنيدة الفصل  الخامس عشر 15 بقلم الاء
ranosha

تعليقات

ليست هناك تعليقات
إرسال تعليق
    google-playkhamsatmostaqltradent