رواية روز الفهد الفصل الرابع عشر بقلم أمنية يحيي
رواية روز الفهد الفصل الرابع عشر
الدكتوره بحزن وأسف : للاسف هى ضعيفه جدا ومش بتاكل بقالها فتره ده غير إن لازم نعملها عمليه الزايده فى أقرب وقت
فهد بصدمه : ايه ده كله هى مستحملاه
وبعدين قال للدكتوره بجمود : ابدأي في إجراءات العمليه ومش عاوز غلطه واحده هى فاقت دلوقتى
الدكتوره بإحترام : حاضر والف سلامه عليها لا هى مفاقتش هي هتفوق كمان ساعه او ساعه ونص بالكتير
فهد : شكراً ليكى يلا اتفضلى شوفي شغلك
الدكتوره مشيت
وفهد قعد على كرسى جمب مالك
وملك وريم كانو بيعيطو على صاحبه عمرهم وكل واحده بتعتبرها أختها
ريم بعياط : قولى يا فهد إن روز هتبقى كويسه قولى كدا والنبى
فهد بيحاول يتماسك وقال بهدوء : إن شاء الله هتبقى كويسه ادعلها إنتى بس
كانت الدكتوره بتجهز التقارير بتاع العمليه وخلصتها وراحت بلغت فهد إنهم هيعملو العمليه بكره الصبح
وفهد قالها : هو ممكن ندخل نطمن عليها
الدكتوره : اه طبعاً بس متتقلوش عليها ومتخلوهاش تتكلم كتير
فهد : تمام
ودخلوا لروز
اول ما دخلو ريم وملك جريو عليها كانت هى لسه مفاقتش
قعدو جمبها على السرير
وفهد ومالك قعدو على الكراسي اللى جمب السرير
فهد بص لريم وملك اللى عنيهم حمره من العياط وبيبصو لروز اللى نايمه على السرير بتعب
فهد قالهم بحزن : بطلو عياط بقى عشان لو فاقت وانتو كدا هتقلق
ريم وملك : حاضر
ومسحو دموعهم
فهد بضحك وبيحاول يخفف على نفسو قبلهم هما : ايوه كدا اسمعوا الكلام عشان تبقى كويسه
ريم وملك ابتسمو بحزن : إن شاء الله تقوم بالسلامه
فهد : إن شاء الله
وهنا روز فتحت عينيها بتعب وقفلتها وفتحتها كذا مره
وقالت بوجع : اه أنا فين
كلهم قالو : إحنا فى المستشفى
روز : ليه ايه اللى حصل
فهد : ريم وملك حكو ليا على حوار ناهد وكنا جايين ناخدك ولقيناكى فاقده الوعى وحاولنا نفوقك مفوقتيش فا جبناكى على هنا
روز بوجع ومرح : طب وحياه ريم عندك يا اخى تطلعونى من هنا عشان مبحبش جو المستشفيات ده
ضحكو كلهم
فهد بهدوء : بعد العمليه إن شاء الله
روز بصدمه واستغراب : عمليه ايه
فهد : حاجه بسيطه كدا
روز بعياط : عمليه وحاجه بسيطه
وبعدين وجهت كلامها لملك وريم
وقالت : قولو انتو طيب عمليه ايه
ريم وملك بصو لفهد بمعنى نقول ولا لأ
فهد هزلهم راسه بمعنى قولو
ريم وملك : بصراحه كده انتى هتعملى عمليه الزايده
روز بصدمه: ايه ده بجد يا فهد
فهد بحزن : ايوه بس اوعى تخافى إحنا معاكى
روز بشجاعه : وانا مش هخاف تانى
فهد : ايوه كده انا عايزك شجاعه دايماً
روز : ايوه انا اصلا شجاعه
ملك بضحك : اه ماهو باين
روز ضربتها فى أيدها بخفه
وهنا دخلت الدكتوره
وقالت : لا ده مينفعش كده خالص دلوقتى أنا قولت متتكلمش كتير بس واضح إنها متكلمتش بس دا قعدت كمان
روز : يعنى هو انتو هتربطوني فى السرير
كلهم ضحكو
الدكتوره بضحك وهى بتغيرلها المحلول : هو إحنا نقدر يا قمر
روز بضحك : لا طبعاً محدش يقدر
خلصت الدكتوره وخرجت
فضلو قاعدين مع بعض شويه وملك استأذنت من أهلها إن هيا هتبات مع روز فى المستشفى وهما وافقوا
*****************
تانى يوم الصبح قامو من النوم
والمفروض دلوقتى وقت العمليه
جهزوا روز وعقموها
وخدوها وكانو داخلين غرفه العمليات
روز قالت ببكاء : متسيبونيش
فهد شاور عليها وعمل كده 💪 بمعنى انتى شجاعه
روز إبتسمت وهى بتبكى ودخلوا غرفة العمليات
بيمر ثلاث ساعات
وبعدين بتخرج الدكتوره بحزن
كلهم جريو عليها
وقالو : طمنينا يا دكتوره روز بخير
الدكتوره بحزن : للاسف العمليه فشلت وفقدنا المريضه
الكل بصدمه : ايه
يتبع الفصل الخامس عشر اضغط هنا
- الفهرس يحتوي على جميع فصول الرواية كاملة :"رواية روز الفهد" اضغط على اسم الرواية