رواية ملاك احتلت عرش قلبي الفصل الحادي عشر بقلم ام ريماس صلاح
رواية ملاك احتلت عرش قلبي الفصل الحادي عشر
فرحه مشيت مع ام وعمر دخلت جوه لقت امها قاعده
ام فرحه: ابوكى لسه ما رجعتش
فرحه: انتى ايه جابك هنا مش كنتى في البيت
ام فرحه: ام عمر ناديتني
فرحه: اها
ام عمر: انا عايزه منكم خدمه يا ريت ما تكسفونيش
ام فرحه: اؤمري عينينا لكى
ام عمر: بما ان انا هنا ما اعرفش حد غيركم ومفيش اي حد
غيركم في المكان اساسا قلت اقولكم تيجوا تسكنوا هنا معانا يا ريت تجيبى عم حسن و تخليه يوافق تقعدوا معانا
ام فرحه: بضحكه صفرا انتى بتقولي ايه حضرتك انا اجيبه ولا هو اللي يجيبنا وبعدين نقعد معاكم فين ما يصحش ما ينفعش
ام عمر: انا مش عارفه اجيبها لكم ازاي بس انا عايزاكم تساعدونى يعني في الطبيخ وكده امبارح عجبني طبيخ فرحه قوي و شاطره جدا
ام فرحه: ما ينفعش يا هانم اللي بتقوليه ده احنا هنبقى نمشي ونيجي لك كل يوم
فرحه متضايقه قوي فاهمه قصد ام عمر فهمت ان هي عايزاهم يشتغلوا عندها لا اكثر بس مش عارفه تجيبها لهم ازاي محرجه منهم
فرحه قالت في نفسها وهي هتجيبنا هنا ليه يعني تانى ايه اللي بيننا وبينها كنت متوقعه كده المهم
ام عمر: اخذت نصف ساعه تلف وتدور مش عارفه توصل هم ازاي بس هما فهموا
فرحه وامها طالعين في الطريق فرحه بتقول لامها احنا مش هنشتغل عند حد اعملي حسابك
امها: قالت لها دلوقت ما حدش طلب منك كده يبقي تسكتي انا مش ناقصاك انا مش عارف دول كمان طلعوا لنا من فين فرحه: بتقول لامها باقول لك علشان تكوني عارفه
امها: قالت لها وابوك اساسا مش هيسمع بكده واحنا من امتى
بنشتغل عند الناس احنا مش محتاجين مستورين والحمد لله فرحه وامها اوصل البيت
عم حسن وصل وامل بتحضرله الاكل فرح قصت على ابوها كل حاجه حكيت لي اللي حصل اللي فاجئ فرحه ان
ابوها: بيقول لها وماله في ايه يا بنتي عادي جدا ناس كويسين واحنا منتاخرش عنهم
فرحه: حضرتك بتقول ايه يا بابا انت عايزني اشتغل عند الناس اخر الزمن
امل:حطت الصينيه قدامه و متنرفزه بتقول لابوها انتهت شغلنا خدامين كمان
امها: يا بنت اسكتي انت وهي ادخلوا جوه كده من وشي دلوقتي انسوا الموضوع ده
امل: ماشي هندخل بس مش هنروح نشتغل عند حد
ام فرحه: قربت على عم حسن قاعد جنبه شايفاك موافق مش معترض يعني
عم حسن: اهو تتسلوا بدال مانتوا زهقانين وبعدين الناس دول طيبين قوي يعني عمرك ما هتحس ان انتم شغالين عندهم
ام فرحه: شكلك كنت عارف و موافق كمان مش معترض
ابو فرحه: الصراحه اه استاذ ايمن قال لي عايزني اشتغل غفير بره في الجنينه وانت تساعدوا مراته جوه في المطبخ بفلوس مغريه ودى فرصه متتعوضش احنا عندنا بنتين عايزين نامن مستقبلهم
ام فرحه: يعني كلام بنات طالع مضبوط ولما هما معاهم فلوس ميجيبوا حد من بلدهم
عم حسن: ربنا يسهل انا جاي تعبان و خلاص اسكتي
ام فرحه: قامت من جنبه اما نشوف اخرتها ايه مع الناس دول وطالعوا لنا من فين
......................
...............
في مكان اخر
نوها: قاعده مع صاحبتها بتشتكي لها بتقول لها وبعدين مش عارفه اعمل ايه عمر اللي مشي من جنبي وبعد عني وماما اللي متغيره اليومين دول في عالم ثاني مش معانا خالص.
صديقتها: عمرهو عمر عمره كان من امتى جنبك
نوها: على رايك بس كنت متعشمه ان في يوم يحبني صديقتها: عمر مش بتاع حب يا بنت ده معقد فكك وحتى لو حب مش هتكونى انتى لانه شايفك اخته
نوها: بس انا بحبه من زمان اوى كمان
صديقتها: بكره الصدمه لما يتجوز غيرك عمره
نوها: غيري ايه والله ده انا كنت قتلها وقتله عمر مش هيتجوز غيرى
صديقتها: اما نشوف
نوها: ابو شكلك انت ى كمان بطلي احباطى بقى انا جاي لك ليه علشان تحبطينى
صديقتها: بقولك ايه ولا تحبطينى ولا احبطك فكك من عمر وامك جاتنى دعوه في ديسكو فيه حفله النهارده بالليل تيجي
نوها: انا قلت مش هاروح ديسكو ثاني بعد اخر مره مع الولد زياد واللى عمله فيا لما شافنى هناك
صديقتها: هو زياد ايه هيعرفه
نوها: بتفكر
صديقتها: هتروحي
نوها اوكي ماشي هاحاول ان انا اجي لك ونروح سوا
صديقتها: هستناكى على الساعه تمانيه تكوني عندي
نوها: حتى ماما مش هتسال لانها مش فايقه لي خالص
..........
.........
في مكان اخر كافيه فخم
حسام قاعد مع رولا
رولا: بتقول له خلاص يا معلم فاضل لها تكه
حسام: خلصيني من الموضوع ده بقى انا زهقت
رولا: انت ما عندكش صبر اساسا ماتسيبك من البنت دي بقى حسام: انت بتقولي ايه اسكتى اسكتى والنبي
رولا: انا اتصدمت لما شفتها يا ابني وربنا ما حلوه خالص
انا مش عارفه ايه اللي عجبك فيها ذوقك وطى المره دي اوى
حسام: بضحك اه من غيرت الستات من بعض
رولا: انا اغير من دي ولا شكل ولا مستوى ولا اي حاجه
حسام متعصب وقف وشال تليفونه ومفاتيح من فوق الترابيزه وحط فلوس الحجات اللي شربوها بالبقشيش
اخرك معايا بكره اوكي يا اما شيلى ايدك من الموضوع ده رولا: قبل بكره هتكون عندك
حسام: اما نشوف وسابها ومشي
رولا: نادت الجرسون اديته الفلوس ولبست نضارتها وشالت شنطتها وطلعت وراه اما نشوف ياحسام اخرتها معاك ومع البنت دى
.........
...........
حسام داخل البيت الست وداد قاعده في الصاله لوحدها الست وداد كنت فين يا حسام
حسام: ايه يا ماما اول مره تسالني السؤال ده ولا انتى فضيتيلى
وداد: ايه ما سالش كمان كبرت عليا
حسام: يبص في الساعه الساعه ثمانيه يا ماما
وداد: يا اخويا ثمانيه ولا تسعه كله محصل بعضه البيت فاضي وانا زهقت
حسام: انا قلت لك روحي معهم انت اللي مردتيش
الست وداد: ماينفعش اسيب بيتي وما سيبكش اسيبك لمين حسام: هو انا صغير يا امي بكره اوديك لو تحب الصبح عندهم
الست وداد: اه هتوديني بس هاروح وارجع في نفس اليوم حسام: زي ما تحبي انا خارج تاني اوكي هغير واخرج
الست وداد:مش هتعشي معي تخرج فين انت لحقت
حسام: لا معلش يا امي صحبي مستنيني ماشي
الست وداد: طيب ربنا معك
حسام: طلع اخد شاور ونزل ثاني
.......
نوها راحت لصديقتها علشان تروح معها الديسكو استغلت الفرصه ان باباها مش موجود ده بيجي ينام على طول امها مش طايقاهم اساسا اليومين دول ولا بتسال هما رايحين فين ولا جايين من فين
........
........
عند فرحه
امل وفرح قاعدين مع بعض امل بتقول لي فرحه انتى لو وافقتى ورحت معهاهم انا مش هاروح
فرحه: مقدمناش حل تاني
امل:انا زهقت من العيشه دي كلها
فرحه: ابوك يا حبيبتي موجود بينا هنا عشان خايف علينا
امل خايف علينا من التار امال لو كنا اولاد كان عمل ايه احنا بنات لو كان عنده اولاد كان عمل ايه ما كانش طلعهم من البيت خالص
فرحه: بتقولي كده على ابوك ده جزاته يعني وبعدين اسكتي لو سمعك هيزعل
امل: انا بقولك مش هاروح معكم اخدم عندحد
فرحه: تتنهد وتبص لفوق
عمر: ماسك الالاب بتاعه وشغال عليه
تدخل عليه والدته وبيدها كوب من الشاي
عمر تسلم: ايدك تعبت نفسك يا ماما
ام عمر: تقعد جنبه تعبك راحه يا حبيبي
عمر: عايزه تقولي ايه
ام عمر: انا مخنوقه مش عارفه اتكلم مع مين
عمر: يسيب اللاب ينتبه لامه في ايه يا ماما
ام عمر: تفتكر يا حبيبي ابوك ليه جابنا هنا ابوك متغير خالص اليومين دول
عمر: مش فاهم متغير يعني ايه
ام عمر: مش معنا خالص كانه جاى بالعافيه
عمر: كلام ايه ده يا ماما هو اللي حابب يجي هنا
ام عمر: ما اعرفش بقى انا حاسه كده اللي جاى بالعافيه
عمر: مش معقول يا ماما هيجي بالعافيه ليه من ايه٠مثلا ومن مين
ام عمر: وبعدين انا زعلت فرحه وامها النهارده
عمر: زعلتهم ليه مش فاهم
ام عمر: طلبت منهم يجو يشتغلوا عندنا
عمر: برود عادي وفيها ايه ما يشتغلوا عمر يعني ما فيهاش حاجه مش هيزعلوا
تدخل اسماء::وبتزعق وتبرطم مع نفسها
عمر: في ايه يا بنتي انتى كمان
اسماء: ما فيش شبكه كويسه هنا انا مش عارفه اكلم صحابي عمر ما شغاله اهي حلوه اسماء قربت منه وريني كده شغال عندك انت مش شغال عندي انا ليه
عمر: وربنا تافهه روحي يا بنت الله يهديك
يتبع الفصل التالي اضغط هنا
- الفهرس يحتوي على جميع فصول الرواية كاملة :"رواية ملاك احتلت عرش قلبي" اضغط على اسم الرواية