رواية غرور وكبرياء عاشق البارت العاشر 10 بقلم دعاء حجاج
رواية غرور وكبرياء عاشق الفصل العاشر 10
انا موافق اديك ربع مليون بس المقابل اتجوز بنتك الصغيره نغم
منير قام وقال بعصبية: مستحيل
(كان رد فعل منير صادم جدا لتلك المتكبر)
مراد قام أيضا وقال بابتسامه: مالك يا منير انت مش عايز
ال ربع مليون ولا اي
بلع ريقه وقال: حرام ده لسه صغيره
قعد على الكرسي وقال بكل برود: طالما لسه صغيره كنت عايز تجوزها ليه
منير:__________
مسك تليفونه وقال: رد ساكت ليه
بص لمراد وقال: يمكن اخاف على بنتى منك انا عرفك كويس مستحيل تفرح بنتى
_وجهه نظر بردو
مراد قام وقال: على العموم ده قرارك وانت حرا فيا عن اذنك
مراد مشي ومنير قال: لا يمكن اجوز بنتى واحد زي ده
في شركه السيوفي والالفي ( شراكه)
غسان أمر بدخول خالد السنهوري
دخل فعلا وقال بكلام مقطع: غ غ غسان بيه
غسان ابتسم وقال: ما ترتب كلامك الاول يا خالد بيه عشان نعرف نتكلم
خالد بص للمحامى وقال: انا مقدرش ادفع مليار ونص
لف بالكرسي تلك المغرور وقال: امال ازاى قدرت تفسخ العقد
ثم كمل بتريقه: ولا مكنتش تعرف الشروط اللى محطوطه
خالد:_________
التفت ليا وقال: بسمع السكوت علامه الرضا مش كده يا جلال ( محامى غسان السيوفي)
ابتسم وقال: كده يا غسان بيه
غسان بص لخالد وقال: اي رايك بقا سح"رك اتقلب عليك
_انا مستعد اعمل كل حاجه تطلبها بس بلاش موضوع الفلوس ارجوك ده هتبقا خساره فادحه للشركه
غسان بعصبية: طالما خايف على الشركه كده فسخت العقد ليه
ثم كمل: اوعك تفتكر أن الصفقه ده تلزمنى
_طالما الصفقه متلزمكش بتعمل كده ليه
غسان ببرود: حقي يا خالد بيه
غسان بص للمحامى وقال: صح ولا انا غلطان يا جلال
جلال ابتسم وقال بخبث: صح يا غسان بيه
خالد باندفاع: يعنى اي
غسان قام وحط ايدو على المكتب وقال بكل عصبيه: يعنى هتدفع ال مليار ونص يعنى هتدفعهم
_انا مستعد افسخ عقدي مع شركه الحديدي بس ارجوك ٠٠
غسان قاطعه وقال: مش انا اللى ادوس على كرامتى يا خالد بيه والموضوع انتهى خلاص
غسان بص لجلال وقال: المهله قد اي يا جلال
جلال محامى غسان: اسبوع واحد بس يا بيه
ثم بص لخالد وقال: اي رايك بقا عشان تعرف تلعب معايا بعد كده
خالد بتهديد: مش هرحمك يا غسان وربنا ما هرحمك
بعد أن قال تلك الجمله خد بعضه وطلع
جلال بص لغسان وقال: انت عايز توصل لأي
مسك سيجارة وقال: متشغلش بالك تقدر تمشي
جلال قام وقال: تمام عن اذنك
غسان هز رأسه وجلال طلع وأروي دخلت عالطول
_غسان بيه
غسان:_________
_احم في واحده برا بتقول انها زوجه حضرتك
غسان بصدمه:اي
اروي استغربت رد فعل غسان وقالت: غسان بيه
فاق من الصدمه وقال بعصبية: ازاى تيجى هنا
أروي باستغراب: نعم
خد نفس عميق وقال بكل عصبيه: خليها تدخل
أروي هزت رأسها وطلعت عالطول
_غسان بيه في انتظار حضرتك جوا
حور دخلت وأروي جرت على البنات وقالت: اي ده المغرور طلع متجوز
ثم كملت: بس في حاجه غريبه
_اي الغريب
_اول ما قولتلها زوجه حضرتك برا وشه جاب ألوان
_بتفكري في اللى انا بفكر فيا
_معتقدش غسان بيه يتجوز في السر
_كل شي وأرد
_الله اعلم
حور دخلت وغسان قام وقال بحده: انتي ازاى تيجى الشركه
حور بارتباك: هو هو
زق الباب برجله وقال: هو اي اتكلمى
_خالتى سماح تعبت فجاه وطلبت منى اوديلك الفطار
قعد على الكرسي وقال: ممكن اعرف قولتى برا انك مراتى ليه
حور بصت لتحت وقالت: طب اقول اي
_خدامه غسان السيوفي (قالها بكل برود اعصاب)
هزت رأسها وقالت: عن اذنك
كان ماسك جهاز في ايدو
ضغط على الزر اللى موجود في الجهاز لينقفل الباب
حور حاولت تفتح الباب لكن معرفتش والاخري مسك تليفونه
حور التفت لغسان وقالت: الباب
غسان:__________
حور بصوت ربما عالى: غسان بيه
بصلها وقال: انتى لسه هنا
_الباب شكله علق
_الباب علق
حور هزت رأسها وغسان قام وراح عندها وقال: انتى اللى ضعيفه
_فعلا عندك حق ممكن تفتح الباب
ضغط على الزر وقال: افتحى الباب
_قولتلك معلق
غسان فتحوا فعلا وقال: مش بقولك انتى اللى ضعيفه
حور طلعت عالطول وكانت متنرفزه من تلك المغرور
_هي ده مرات غسان بيه يا بنات
الكل بص على حور وقالت احدهم: ده بيئه اوى ازاى غسان بيه يتجوز واحده زي ده
_اسكتى لو البيه سمعك هيكون اخر يوم ليكى هنا
_مش لما يكون بيحبها الاول
_تقصدي اي
_غسان بيه قلبه حجر ومستحيل يحب ومش بنت زي ده تدخل دماغه
_تفتكري
هزت رأسها وقالت: ومتاكده كمان
حور نزلت وغسان كان شايفها من فوق وقال: لازم اخدك عند سامر في مره محتاج اشوف تعبير وشه لما يشوفك معايا
في كافيه جنب المدرسه اللى بتدرس فيها نغم
شد الكرسي وقال بحب: اتفضلى
نغم قعدت وقالت بخوف: اللى بنعملوا غلط يا شريف
قعد أيضا وقال باستغراب: احنا مش بنعمل حاجه غلط يا نغم انا بحبك وانتى عارفه كده
نغم بارتباك: وانا كمان بحبك بس
حط ايدو على أيدها وقال: عايزه اي
بصت في عيونه وقالت: لازم نبعد
هو بصدمه: اي
نغم قامت وقالت: لو ينفع اتجوز دلوقتى كنت قولتلك تعالى اطلب ايدي من بابا بس انا لسه صغيره
قام ايضا وراح عندها وقال: وانا قولتلك اي
نغم:_____________
_مش قولتلك هستناكى لحد ما تخلصي تعليم
_دول كتير اوى يا شريف ومعتقدش انك هتستنانى
_افهم من كلامك اي يا نغم
_لازم نبعد
_عشان الحلو اللى كنتى هتتجوزى صح
ثم كمل: ولا في واحد غيره
قلم نزل على خده ونغم قالت والدموع نازله من عينيها: مكنتش اتوقع ان حضرتك تقول كده
مسك ايدها جامد اوى وقال بعصبية: انتى ازاى تمدي ايدك عليا يا زباله
عينها اتسعت اوى وقالت بصدمه: زباله
زقها وقال: وكلبه فلوس
بدأت تشهق وقالت: مكنتش متوقعه منك كده
شريف:__________
نغم مسكتوا من لياجته وقالت: يعنى كنت لعبه في ايدك صح بتضحك عليا الفتره ده كله يا حيوان
مسك أيدها وقال: اهدي يا نغم انا معايا صور ليكى كتير وممكن اعمل فيهم حاجه تخلى سمعتك في الأرض
الدموع نزلت من عين نغم وقالت: انت زباله
ابتسم وقال: انتى بتاعتى لوحدي فاهمه
بص عليها من تحت لفوق وقال: بصي انا عمري ما حبيتك بس حبيت جمالك اوى
بلعت ريقها وقالت: امسح الصور
_ده صور محتشمه خايفه كده ليه
نغم بعصبية: بقولك امسح الصور
شريف بكل برود: تؤ
خدت تليفونها وقالت: انا هوديك في ستين داهيه
هز رأسه وقال بابتسامه: ولا تقدري تعملى حاجه
بصت ليا بنظره مقززه ومشت عالطول
حط ايدو على شعره وقال بابتسامه: مش هسيبك الا لما اخد اللى عايزو يا نغم
في الطريق
كانت ماشيه وقالت بعياط: حيوان كان بيضحك عليا الفتره ده كلها
_مراد فينك
_انا على الطريق اهو
_الساعه ١٠ وحضرتك لسه مجاتش
_كنت في مشوار كده لما اجى هقولك
غسان خد نفس عميق وقال: خلاص ماشي سوق براحه
مراد ابتسم وقال بتريقه: شوفوا مين اللى بيتكلم
_طب يا خفيف سوق باقصي سرعه ممكنه
مراد ابتسم للمره الثانيه وقال: بهزر معاك عايز حاجه
غسان:____________
مراد بص في التليفون وقال: تقفل في وشي يا غسان ماشي حسابك معايا في الشركه
رفع رأسه وشاف نغم وكانت بتعياط
مراد ابتسم وقال: هي بتعياط عالطول كده ولا ده حظى الأسود
نغم وقفت حين شافت مراد
نزل من العربيه وراح عندها وقال: منديل
مسحت دموعها وقالت: نعم
_تاخدي منديل
_واخد منديل منك ليه
_للاسف عينكى اشتكت منك
نغم بعصبية: وانت مالك
كانت ماشيه الا ان مراد مسك أيدها وشدها ليا
حط ايدو على ضهرها وقال بهمس: انتى عارفه انتى بتكلمى مين
بصت في عيونه وقالت: لا مش عارفه ولا عايزه اعرف
_لازم تعرفي عشان هكون جوزك قريب اوى
(قال تلك الجمله بكل ثقه واكن منير الهواري وافق)
_انت مجنون صح
هز رأسه وقال: لو شايفه ده جنان يبقا انا مجنون فعلا
نغم زقته وقالت: انت عايز منى اي
_اقولك بس مش هنا
نغم خافت اوى وقالت: امال فين
مراد بص للعربيه وقال: نقعد في كافيه ونتكلم سوا في كام حاجه كده
_لا مش طالعه معاك
_بس مع الحلو عادي
نغم بصدمه: انت عرفت منين ثم قالت بارتباك: اي الكلام اللى بتقولوا ده
_الحلو اللى عنده ٢٢ سنه اللى بتشوفي كل يوم
_انت مراقب بقا
_لا مش مراقب بس عارف ومتساليش ازاى
_امممم عن اذنك
كانت ماشيه الا ان كلام مراد وقفها
_تقبلى تتجوزينى مقابل تاخدي اللى عايزه
التفت ليا وقالت: انت بتقول اي
راح عندها وحط ايدو في جيبه بكل وقال بكل غرور وكبرياء: ثلاث شهور بس والمقابل هتاخدي اللى انتى عايزه
نغم بفضول: اشمعنا انا
_حظك بقا
_بس انا لسه صغيره عن اذنك
_متخافيش هيكون بينا حدود
_انت عايز منى اي ثم كملت: اي الهدف من جوازك منى
_ما قولتلك حظك الأسود انك جيتى في طريقي
_وانا مش موافقه ضيعت من وقتك كتير عن اذنك
_ولو قولتلك ابوكى هيدخل السجن وعرضت عليا اتجوزك رفض قال اي بنتى صغيره
ساعتها وقفت مكانها وقالت بصدمه: اي
راح عندها وقال: منير بيه عليا ديون تحبسوا في السجن لمدي الحياه
نغم بارتباك: انت انت كداب
_لو مش مصدقانى اسالى ومعتقدش هيقول الحقيقه
ثم كمل: طب استنى انا عارف واحد والدك سالف منه فلوس
بلعت ريقها وقالت في سرها: معقول
نغم افتكرت والدها لما كان مرتبك جدا
_الوووو
_مراد بيه
_منير الهواري سالف منك قد اي
_100 الف جنيه ومدفعش اجار البيت
_انا مستعد اسد ديوانه
_وانت مالك يا بيه
بص لنغم وقال: في حاله موافقتك
الدموع نزلت من عينها ومكنتش عارفه تعمل اي وقالت من غير ما تفكر: موافقه
مراد ابتسم ونغم طلعت تجري عالطول
قفل التليفون وقال: اللعب ابتدأ
في قصر السيوفي
_سماح سماح
حور طلعت عالطول وقالت: خالتى سماح تعبت فجاه واضطرت تمشي
عفاف بغيظ: الاوضه اللى فوق على ايدك الشمال تتروق فورا
هزت رأسها وقالت: حاضر
_حور
وقفت والتفت لمصدر الصوت لتقول بفرحه: تيته
عفاف اتعصبت اوى وقالت: اعملى زي ما قولتلك
حور لم ترد على عفاف وراحت عند والدتها
_عامله اي دلوقتى
_لما شوفتك بقيت بخير
حور ابتسمت وقالت: الحمدلله انك بخير
_ماما غسان كان طلب منى ارن عليا لما تيته تصحى
هزت رأسها وقالت: استنى لما تطلع فوق ولما حلوه تنظف الاوضه (قالت الجمله ده وهي بصه لحور)
حور طلعت عالطول وعفاف قالت: ماما انا هروح اعملك الفطار
ثم بصت لرهف وقالت: خدي ستك على فوق
هزت رأسها وقالت: حاضر
في شركه سامر الحديدي
_سامر بيه خالد بيه برا
هز رأسه وقال: خلى يتفضل
هزت رأسها وطلعت وقالت: البيه في انتظار حضرتك
دخل عالطول وقال بارتباك: غ غ غسان
سامر قام وقال: في اي
بلع ريقه وقال: كان في شرط في العقد
ضم حواجبه وقال: شرط اي
_في حاله فسخ العقد شركتى تدفع مليار ونصف تعويض لشركه السيوفي والالفي
سامر بصدمه: اي
هز رأسه وقال: وانا بكل غباء فسخت العقد ودلوقتى غسان بيطالب الفلوس
سامر راح عند خالد وقال بشر: لازم تدفع الفلوس ده والا هتدخل السجن طول عمرك
_مقدرش أدفع المبلغ ده
لف حواليا وقال: يبقا لازم تقت"ل غسان
خالد بصله وقال بصدمه: اي
_هتجيب مليار ونص منين انسب حل تقت"ل غسان السيوفي
_بس ازاى ده غسان السيوفي
_واي يعنى غسان السيوفي ما انت خالد السنهوري
_واق"تل غسان ازاى
مسك سيجاره وقال: بليل وهو راجع من الشغل
_بلاش النهارده قت"ل غسان عايز تخطيط مش بالسهوله ده
خد نفس من السيجارة وقال: موافق
خالد بصله وقال بخبث: وانت مش هتساعدنى
_انا عليا الرجاله وانت عليك قت"ل غسان السيوفي
قال بشر: اعتبروا ما"ت
ابتسم وقال: الله يرحمه
في شركه السيوفي والالفي (شراكه)
فتح الباب وقال: خلاص لقيتها
لف بالكرسي وقال: لقيت مين الخدامه
قعد على الكرسي وقال بخبث: ايوه
_يعنى اتاخرت بسبب كده
هز رأسه وقال: عملت اي
_في اي
_في الزفت اللى اسمه سامر الحديدي
_سيبوا ميقدرش يعمل حاجه
_تفتكر
هز رأسه وقال: تعالى نفطر
_اشطا
في قصر عائله السيوفي
_اقعدي يا تيته
_رهف
_حاضر جايه
رهف طلعت ووالده عفاف قالت: تعالى يا حور
حور راحت عندها وهي قالت: رنى على غسان
حور بارتباك: ارن ارن على مين
حطت أيدها على كتفها وقالت: انتى كويسه
هزت رأسها وقالت بارتباك: اه
_طب رنى على غسان
خدت التليفون وقالت: يمكن مشغول يا تيته
_رنى بس
حور كانت متردده وفي الأخير رنت
_تليفونك بيرن
غسان مسك التليفون ومراد قال: هستناك تحت متتاخرش
هز رأسه ومراد طلع وهو فتح التليفون
غسان بنبره صوت حاده جدا: الووو
_رد
حور رمت التليفون لوالده عفاف وقالت بارتباك: انا هنزل تحت مش هتاخر
ثم كملت بارتباك: س سلام
ابتسمت على تصرفات حور الغريبه جدا ومسكت التليفون وقالت: غسان
بص في التليفون وقال: تيته
_مفاجاه صح
_ده التليفون منور اخبارك اي دلوقتى
_هي في حاجه اسمها التليفون منور
_ولا تزعلى نفسك القصر منور
_وانت عرفت منين انى في القصر
_مش لازم تعرفي المهم أخبارك اي دلوقتى
_بخير يا حفيدي
_تحبي اجبلك اي وانا جاي
_اممممم
_بتفكري في اي
وقتها حور دخلت ووالده عفاف قالت: حور هتقولك
عطت التليفون لحور اللى مكنتش فاهمه حاجه
_شوف حور عايزه اي
حور هزت راسها وهى ابتسمت وقالت: فرصه يا حور مش هتكرر تانى استغليها
غسان ببرود: هتفضلى ساكته كده كتير
بلعت ريقها وقالت: انا انا
غسان كان رايح يقفل التليفون ولكن حور قالت: بيتزا
والده عفاف ابتسمت وقالت: وانا كمان يا غسان اقولك هات لينا كلنا
_تمام
قفل التليفون بعدها عالطول وحور قعدت جنب والده عفاف وقالت: اخدتى العلاج ولا لا
ابتسمت وقالت: اخدته متخافيش
_ماما الفطار
_عفاف انا مش جعانه
_لازم تاكلى عشان علاجك يا تيته
ابتسمت وقالت: حاضر يا قلب تيته
وقتها عفاف حست بالغيرة وقالت: شكلك مش محتاجانى خالص يا ماما
_مين قال كده يا بنتى
بصت لحور وقالت: هي عارفه
_طب يا تيته انا طالعه
_فين
_مش هتاخر
هي بغضب طفولى: هو كل شويه
باستها على رأسها وقالت: لما تيته تخلص أكلها هرجع عالطول
_ماشي
حور طلعت وعفاف نفخت وقالت: انا بكره البنت ده اوى
_في اي يا عفاف والله بنت عسل
قعدت جنبها وقالت: انتى غلبانه يا ماما متعرفيش حاجه
_لا انا معايا حق وحور طيبه مش زي ما انتى بتقولى
عفاف باستسلام: طب افتحى بوقك
في المساء خصوصاً في منزل منير الهواري
فتح الباب ودخل
_بابا انت رجعت
_نغم
نغم طلعت من اوضتها وقالت: كنت عايزه اتكلم معاك في موضوع كده
_موضوع اي
نغم كانت مرتبكه جدا ووالدها حط ايدو على كتفها وقال: انتى كويسه
هزت رأسها وقالت: اه كويسه
_طب اي الموضوع اللى عايزه تتكلمى معايا فيا
بصت لتحت وقالت: انا موافقه اتجوز مديرك مراد الالفي
منير بصدمه: اي
- تابع الفصل التالي عبر الرابط: "رواية غرور وكبرياء عاشق" اضغط على أسم الرواية