قصة كاملة باللغة العامية المصرية في عبرة وحكمة
قصة كاملة باللغة العامية المصرية
انا بنت زي كل البنات ..
حبيت جوزي ومن وانا في أعدادي حبيته خمس سنين قبل ماتجوزه..
اتجوزته بعد ماخلصت تالته ثانوي...
انا دلوقتي عندي 26 سنه.
في بداية جوازنا كنا عايشين في بيت عيله مع حمايا وحماتي وكانو طيبيين جدا
خصوصا حمايا كان راجل غلبان اوي وطيب جدا وبيحبني اوي
حد كدا عيكلي نياته من الناس بتوع زمان اللي في قلبهم علي لسانهم..
في يوم قالي ياهند
قولتله نعم يابابا
قالي هو انتي مامعكيش موبايل
قولتله اه يابابا مش معايا
قالي ماتاخدي واحد من اللي مع جوزك دا معاه تليفونين
بقيت اكلم نفسي الاه 🤔 هو حمايا خرف ولا ايه جوزي راجل علي قده وبيشتغل مع محامي تحت التدريب هيجيب منين موبيلين مره واحده دا المرتب بيكفي بالعافيه طنشت كلام حمايا
وهو فضل يزن عليا وعلي جوزي لحد مااشترالي موبيل جديد علي قده بس كنت فرحانه بيها اوي
المهم جوزي اتثبت في المكتب وبقاله وضعه وبعد فتره قليله من جوازنا حسيت باعراض الحمل اشتريت اختبار حمل ومعرفتش حد قولت اعملها مفاجأه ليهم لو في حمل وفعلا طلعت حامل وجريت علي جوزي حبيبي افرحه بالخبر دا بس الغريب انه استقبلني ببرود شديد لقيته بيقولي
انتي حملتي بسرعه كدا ليه
كسر فرحتي ساعتها
قولتله يعني ايه حملت بسرعه تقصد ايه 🤔
قالي مافيش مافيش وسابني ومشي
بعد تسع شهور ربنا كرمني ببنوته زي العسل وبعد بنتي الاولانيه حملت تاني بعدها بسنه لقيته جايبلي حبوب ولبوس كدا من بتاعت التسقيط وقالي خدي دول انا مش عايز عيال تاني
قولتله ايه اللي انت بتقوله دا😳
مرتين وهو يقولي انا مش عايز عيال هو انا قدرت اربي الاولانيه لما هربي تاني هو انا عارف اصرف عالبنت قادر اجبلها لبن ولا بامبرز عشان اخلف تاني وخلاني انزل حملي مرتين بقيت بسمع كلامه من غير نقاش عشان بحبه حتي مجبتش سيره لحد من اهلي لا امي ولا ابويا ولا اهله هو
المهم بعد فتره بقيت كل مااتصل عليه يكنسل عليا مافيش مره اتصل علي الموبايل يفتح يشوفني عايزه ايه ولا في ايه 🙁
مع اني بتصل بيه عايزه اخد رأيه تحب تاكل ايه عالغدا اعملك ملوخيه بالفراخ ولا تحب باميه باللحمه الضاني ماهو بحبه وعايزه ادلع عليه واخد رأيه في كل حاجه
وفي مره قاعده مع بنتي ورنيت عليه وبالغلط بدل مايكنسل فتح عليا وساب الموبايل مفتوح واتاريه معاه تليفون تاني ربع ساعه متواصله وهو بيتكلم علي الموبايل التاني مع وحده تانى
يقولها لابسه ايه
طيب البسي قميص طيب وريني وكلام كده كتير مش قادره اقوله
ربع ساعه متواصله وانا بسمع ودموعي علي خدي لحد ماقفلت من نفسي من القرف اللي بسمعه
قفلت الخط وعملت نفسي الزوجه الصالحه اللي لازم تاخد بالها من جوزها وتشوفه بيحب ايه وتعمله ليه قولت طالما جوزي بيحب كده هعمله كدا
وفعلا خليته يروح الشغل وبقيت ارسم تاتو علي صدري او سوتى او اخر ضهري واصور وابعتله
لحد ما اتصورت بملابسي الداخليه وابعتله صور مثيره وابعتله حاولت اعمل كل ده عشان مبقاش مقصره معاه في حاجه
لقيته بيتصل يقولي ايه القرف دا انتي بتتصوري كدا ليه
انا استغربت🙄
معقول جوزي محترم ومش بيحب الكلام دا ولا بقا محترم فجأه الفار لعب في عبي
واول مارجع البيت فضل يزعق ليا ويشخط وينكد عليا
هنا قررت اواجهو ببعتلك عشان اللي سمعته منك وانت بتكلم وحده في التليفون
ببعت علشان محسش اني مقصره معاك
وانا بقا منهاره ودموعي علي خدي فضل يهدي فيا ويقولي اهدي
قولتله ببعتلك عشان متبصش لوحده غيري عشان متخليش ست تانى توريك صدرها والكلام اللى سمعته بينك وبينها ده
ببعتلك علشان متسالش وحده لابسه ايه او لونه ايه
عملت زي ماسمعت يااستاذ
وهنا قالي سمعتي ايه انتي اتجننتي اهو تليفوني خدي دوري فيه لو لقيتي حاجه انا محقوقلك
مسكت الموبايل فضلت ادور واقلب فيه ملقتش حاجه قولتله اومال ايه اللي سمعته دا انت بتكلم من تليفون تاني
قالي اه دا واحد صاحبي استني
راح متصل علي واحد صاحبه
الو ازيك ياحماده عامل ايه من اسبوعين كنت قاعد عندي في المكتب كنت بتكلم مين
قالي يامدام انا كنت بكلم وحده وكنت باخد مصلحتي منها وقفلت معاه السكه
قولت لجوزي دا صوتك انا مستحيل اتوه عنه ازاي تتفق مع صاحبك بسرعه كده واتهرب مني وخلع من الموضوع
قولت مابدهاش برضو بحبو وهدلع عليه وهدلعه احسن ماتيجي واحده تاخده مني وهقوله كل الالفاظ اللي بيحبها وهلبس كل اللبسالمثير واللي بيخطف العقول ويحرك الحجر
وهعمل كل حاجه معاه وهبقي معاه زيهم وهشتري قمصان لانجري وبيبي دول وهعمل شعري واظبط نفسي واشوف افلام عشان اتعلم منهم كل اللي الراجل بيحبه عشان اعجب جوزي
المهم مره برن عليه وكالعاده بيكنسل
قررت اني اروحله المكتب يمكن يفرح واهو يبقي تغيير طبيت عليه في المكتب لقيت..
تكملة القصة
دخلت المكتب لقيت المكتب فاضي والسكرتيره مش موجوده
اتسحبت بشويش لحد موصلت عند اوضه المكتب
بصيت من ورا الباب لقيته حاطط رجل علي المكتب وبيكلم في التليفون وبيقول الفاظ و كلام sox كل دا وانا سمعاه من ورا الباب.....
قررت ادخل عليه عشان اظبطه متلبس وميقولش مش انا
فرزعت الباب جامد ودخلت عليه
فانتفض جامد وراح منزل التليفون ووقعه في درج المكتب
وبصلي بخضه وخوف وقال😳
هو في ايه
قولتله ايه اللي اترمي من ايدك دا؟
قال مافيش هو ايه اللي اترمي من ايدي
مافيش حاجه اترمت من ايدي.
قولتله يمكن بيتهائألي..
وعملت نفسي مش فاهمه حاجه
ومش عارفه ان في تليفون وقع منه
ولقيت موكله عنده دخلت المكتب
روحت اخدت بعضي وخرجت بره المكتب
دخلت الموكله تساله عن قضيه ليها فهو راح يجبلها ملف قضيتها
فتحت الدرج بسرعه اخدت التليفون
قولتله هستني برا لحد ماتخلص وفضلت افتش في التليفون
لقيت فيه محادثات بينه وبين ست تانى و بلاوي ينهار اسود ايه كل دا
لقيت صور ليهم هما الاتنين باوضاع ولا كانهم متجوزين وباعتين لبعض فيديوهات
وكل فيديو اكتر من اللي قبله
خرجت الموكله وهو دخل عليا لاقني ماسكه الموبايل
بقوله هو دا التليفون التاني اللي كنت بتقولها اقلعي ووريني كذا وكذا ومتصورين بالطريقه دي
طيب ليه؟
دانا لما سمعتك المره الاولي والتليفون فتح غصب
قولت اقلد البنات دي واعمل زيهم يمكن انفع لو عملت كده
يمكن تحبني ومتبصش لغيري
دانا اتصورتلك صور من غير ملابس وبعتلك و نمت معاك علي سرير واحد وعملت كل اللي نفسك فيه كل حاجه عملتها عايز ايه تاني
فضل يقولي سامحيني انا اسف ويترجي فيا 😢
دانا شوفت صور ليك وكلام عالتليفون دا
عمرك ماقولتلى الكلام ده وانت معايا تروح تبعت كل دا لوحده تانى
دا انا عندي 26 سنه
يعني لسه مكبرتش معجزتش مهتمه بنفسي جميله
وبعملك كل اللي نفسك فيه عملت حركات
مستحيل ست تعملها عايز ايه تاني
انت ازاي جوزي ازاي هخرج معاك واحط ايدي في ايدك تاني
وقال ايه مش عايزني اخلف منك دا انا اللي مش عايزه اخلف منك تانى
انا خلصت كلامي
ودلوقتي عند بيت اهلي وسبت كل حاجه
كتبت قصتي وهشوف تعليق كل حد فيكم
مستنيه اخد رأيكم ارجعله ولا اخلعه ولا اعمل ايه