رواية تزوجت ولم ادري الفصل الثالث والثلاثون بقلم نورا نور
رواية تزوجت ولم ادري الفصل الثالث والثلاثون
كان فيه شخص بيتكلم فى الفون ولسه بيكمل كلام لقى حد بيخق*نه بحبل حوالين رقبته وبيحاول يفك مش عارف وبيحاول ومش قادر والشخص التانى بيضغط اكتر لحد ما بعدين بيسيب الشخص ده بالعافيه والشخص قعد يكح ومش قادر وبعدين بيبص على اللى عمل فيه كدا فبيتصدم بيلاقى وعد ايوه الشخص دا احمد
وعد بشر:انت فاكرنى همو*تك بسهوله كدا تؤ تؤ تبقى بتحلم دانا هاخد حقى منك على كل اللى عملته فيا بقا انا تعمل فيا كدا وانا اللى حبيتك وصدقتك طلعت كدا*ب وحيو*ان
احمد بشر وعصبيه:انتى ايه اللى رجعك تانى انا مش كنت خلصت منك وبعدين عايزه منى ايه انا معملتش حاجه فيكى انتى اللى عملتى فى نفسك كدا
وعد:بقا انا اللى عملت كدا كل ده عشان وثقت فيكى خو*نت ثقتى فيك انا السبب فعلا انا السبب خليت عيلتى تسبنى وسبتنى
احمد ببرود:انا مش فاضيلك دلوقتى وقتى اهم منك لو شوفت وشك تانى صدقينى هسجنك لولا أن اللى فى بطنك كنت قتل*تك وخلصت منك
وعد بصدمه وعياط فى ان هو ده الشخص اللى هى حبته هو ده اللى كان دايما بيقولها انه بيحبها هو ده اللى ضيعت عمرها عشانه وقعدت تعيط واغمى عليها احمد شافها صعبت عليه وخاف على ابنه وراح بسرعه ياخدها للمستشفى
❤️❤️❤️استغفروا❤️❤️❤️
عند مايان وايمى فى المستشفى
سامر كان لسه هيض*رب ايمى لقى اللى مسك ايده وزقه وهو عاصم وقاله:انت ازاى تتجرأ وعايز تمد ايدك على مراتى انت اتجننت دا انا هوريك هعمل فيك ايه وضر*به وقعد يضر*ب فيه وايمى بتحاول تمنعه هى وعم محمد مش عارفه وهو مفيش فايده لحد ما جه أمن المستشفى وقالوله مينفعش كدا يا عاصم باشا انتوا فى مستشفى هنا يعنى منفعش الكلام ده الكلام ده بره مش هنا
عاصم سابه بالعافيه وقاله:لسه انت لسه مشوفتش حاجه من اللى هعمله فيك وبصله بشر وسامر متب*هدل وبينز*ف وواقع على الأرض جم اتنين اخدوه عشان يعالجوه
ايمى:اهدى يا عاصم هتودى نفسك فى داه*يه عشان ده
عاصم:عملك حاجه الاول
ايمى:لا معملش حاجه انت جيت علطول وهو ميقدرش متقلقش
عاصم:طب كويس والا كنت مو*ته ولسه حسابى معاه منتهاش وبعدين انتى بتعملى ايه هنا
ايمى حكتله اللى حصل كله وقالتله بس كدا وحاولت ارن عليك مش بترد
عاصم بصدمه ان كل ده حصل فى الوقت ده وكمان لو عرف مالك
ايمى كملت وبتقوله:انت بقا ايه اللى جابك هنا انت مش كنت انت ومالك مع الحرا*مى وكدا ايه اللى حصل
عاصم:انا جاى مع مالك اتصا*ب فى دراعه بسبب وحكالها كل حاجه فدخلته عشان يخيط الجر*ح وطلعت استناه بره فسمعت صوت عالى جيت على هنا لقيتك ولقيت الز*فت ده وهو السبب فى كل ده
ايمى:طب بلاش تقوله عشان لو عرف هيجى ويبوظ الدنيا اكتر ومايان اصلا تعبانه
عاصم:مهو ده اللى بفكر فيه انا مش هقوله حاجه خالص
مالك جه وقاله ايه اللى مش عايز تقوله يا عاصم اتصدموا الاتنين وعاصم قاله:انا قولت مش هقوله حاجه خالص
مالك:ايوه
عاصم:لا انا بقول مش هقوله حاجه خالص على على قاطعه مالك وقال وليه مراتك هنا وعم محمد وفين مايان مايان مالها حصلها حاجه
ايمى وعاصم وعم محمد اتوتروا
مالك بعصبيه:انطقوا
عاصم:اهدى اهدى كدا وهفهمك كل حاجه بس اوعى تتسرع تمام وحكاله ان مايان اغمى عليها وجابوها للمستشفى بس مقالش ان سامر جه واخدهم وكدا عشان مالك ميتعصبش
مالك بصدمه وعصبيه:كل ده يحصل وانا معرفش انا لازم ادخلها
عاصم وقفه وقاله:مالك اهدى مينفعش مراتك تعبانه مينفعش اللى بتعمله ده كدا حالتها هتسوء
مالك:اومال افضل واقف هنا معرفش بقت عامله ايه وكويسه ولا لا
ايمى:انا هشوفها واجى اقولكوا تمام
عاصم:اه تمام ادخلى انتى يا ايمى
دخلت ايمى ومالك متعصب وقعد بره مع عاصم
ايمى عند مايان لقيتها صاحيه ومدايقه فقالتلها:حبيبتى عامله ايه
مايان مردتش
ايمى كررت وقالتلها:حبيبتى مبتردش ليه
مايان عيطت عيطت جامد وايمى حضنتها وقالتلها بإستغراب:مالك يا مايان اهدى يا حبيبتى فى ايه بس
مايان بتعيط اكتر واكتر وصوتها بيعلى
لحد ما مالك بيقلق عليها فبيدخل وعاصم دخل وراه بسرعه
ايمى:مايان اهدى اهدى يا حبيبتى وقوليلى مالك
مايان بتعيط وبتقولها انا انا خايفه خليكى..معايا وبتعيط تانى
ايمى:متخافيش يا حبيبتى انا معاكى اهو مفيش حاجه
مالك حاول يبقى هادى وقالها:مايان اهدى انتى خايفه من ايه
مايان مبتردش عليه وبتبقى منهاره من العياط وبتيجى الممرضه تديها حقن*ه مهدئه ومايان بتعيط اكتر وبتزقها لانها بتخاف من الحق*ن
بس بتمسكها ايمى ومالك وبتديها الحقن*ه وبتنام
ومالك بيدايق على كل حاجه بتحصل ومش عارف يعمل ايه ومسك شعره جامد وبيرجعه لورا وبيقول نادى الدكتور اللى هنا بسرعه
الممرضه:تمام يا فندم ومشيت
وبعد شويه دخل الدكتور وحصل........
وهنعرف البارت الجاى
❤️❤️❤️❤️❤️❤️❤️❤️❤️❤️❤️❤️❤️❤️
البارت الرابع والثلاثون
بعد شويه دخل الدكتور وحصل ان دخل معاه سامر وهو متجبس ومتشلف*ط شافه مالك ومعملش أيتها حاجه وكان هادى وعاصم استغرب بس هو عارف صاحبه وعمال يقول فى سره ايه جاب الز*فت ده دلوقتى دا مالك شكله ناويله على مصيب*ه وانا بردوا هوريه بس نطلع بس وراح يقف جمب مالك عشان لو عمل حاجه يمنعه لان ده هدوء ما قبل العاصفه
مالك بيقول للدكتور:مراتى مالها وايه اللى حصلها
الدكتور:هى عندها انهيار عصبي دلوقتى ومش متقبله تسمع من حد حاجه وواضح ان فيه حاجه حصلت خليتها كدا
مالك اتدايق وقعد يفكر ويقول للدرجادى عشان عملت كدا انا السبب فى ده تمام يا مايان ورجع قاله:طب احنا عايزين نطلعها دلوقتى واحنا هنهتم بيها
الدكتور:مينفعش لازم نخليها هنا كام يوم عشان تبقى كويسه ونتابع حالتها
مالك:وانا هجيبلها احسن الدكاتره وهتهم بيها وكلمتى مش هتتكرر وراح يشيلها
عاصم فاهم دماغ صاحبه عشان كدا متكلمش لكن ايمى قالتله:عاصم خليه يسيبها كل ده حصل بسببه خليها هنا قام عاصم بصلها بصه خليتها تسكت سكتت وقعدت مدايقه
سامر أتدخل وقال:مراتك تعبانه دلوقتى ومينفعش اللى بتعمله ده وبيمثل طبعا
مالك مسمعش لحد ومشى بيها وراح ركب العربيه ومشى بيها
عاصم:دانت معندكش بربع جنيه كرا*مه وراجع تانى شكلك معجبتكش العلق*ه الأولى ممكن اوريك تانى عادى
سامر ببرود:انت فاكر انى هسكت على اللى عملته او اللى مراتك عملته تؤ تؤ تؤ تبقى بتحلم دانا هوريكم انا هعمل ايه
عاصم بإبتسامه شر:دا لو فضلت عايش اصلا وسيره مراتى لو جات على لسانك مره تانيه هتلاقى نفسك مرمى فى كل حته ومفصول عن بعضك واخد ايمى ومشى
سامر اتعصب وقال انا يعمل فيا كدا وبعدين ازاى قدروا ينفدوا من الرجاله وبعدين فكر وقال دا معناه انه عرف كل حاجه واتصدم وخاف وبعدين قال لا لا كان مالك مو*تنى انا لازم اعرف ايه اللى حصل ومشى
❤️❤️❤️صلوا على أشرف خلق الله ❤️❤️❤️❤️❤️❤️❤️❤️
عند مالك وصل البيت طبعا هو مخيط ايده وكدا بس شايلها عادى يمكن مش حاسس بالجر*ح بسبب كل اللى حصل ده فيه جر*ح اقوى بس فى قلبه ودخلها الفيلا وراح قعد جمبها فى السرير وبيبص عليها وقعد يفتكر اد ايه كانت بتعيط راح الاوضه التانيه وفضل يكس*ر فى كل حاجه ويقول انا السبب انا السبب فى كل ده فى كل اللى حصلها مشافتش يوم حلو معايا هى متستاهلش منى كل ده بس انا بردوا مش هستغنى عنها انا هصلح كل ده ومن النهارده هيشوفوا انا هعمل ايه راح اتصل على عاصم وقاله:سامر النهارده تاخده تحطه فى الزنزا*نة وتبعت مسدج لوالدته من تليفونه انه كويس وهيبات بره عشان متقلقش عليه وتقفل عليه واستنى اما اجيلك
عاصم:تمام خلاص هروح ايمى واعمل كل حاجه
مالك:لا هاتها تقعد مع مايان عشان تبقى معاها وانا وانت هننزل
عاصم:تمام تمام انا جاى
مالك باس مايان من راسها وقالها:اوعدك كل حاجه هتتصلح يا حبيبتى ونزل تحت لقى سامر دخل الفيلا وقاعد مالك ببرود قاله:جيت لقضاك شكلك مستعجل اوى
سامر عايز يعرف منه عرف ولا ايه وكدا فقاله:على ايه ثم إن ايه اللى حصل لدراعك بقا مالك يحصل فيه كدا تؤ تؤ تؤ
مالك:شكلك متعرفش اللى حصل واللى هيحصل
سامر قام من مكانه لما لقى ان مالك بيقرب وكمان بيتكلم كدا وخاف وبيرجع لورا بس قاله:ايه اللى حصل وبيبلع ريقه
مالك:خايف ليه انت لسه شوفت حاجه دانا هقولك اصبر بس وحكاله كل حاجه وقاله لعبت مع الشخص الغلط كنت دايما بسكت على اللى بتعمله واقول طفل دلوقتى اللى عملته أخطر من كدا
سامر ضحك بكل شر وفضل يضحك ومالك ساكت فسامر قاله:اومال لو عرفت كل اللى حصل انت كدا عارف حاجه واحده من كل الحاجات اللى حصلت افتكرتك زى ما بيقولوا ضابط ناجح طلعت ولا عارف اى حاجه فهقولك انا وهشوف هتعمل ايه بقا اولا انا اكبر تاجر مخدر*ات اللى انت بتدور عليه ثانيا انا اللى خطف*ت مراتك وكانت معايا بس لولا الاغبي*ه اللى بيشتغلوا عندى فكروا انه انت فخافوا كانت هتبقى معايا وكنت هخليك تتمنى المو*ت ولا اجيبهالك بعدها بعت واحد يشوف ايه اللى حصل اتضح ان اللى كان سايق مكانش انت دا كان اللى بيحب مراتك وخب*طها بالعربيه خبط*ه جامده ومراتك عشان كدا فقدت الذاكره وفقدت د*م كتير ولقينا انها كانت هتموت بس فى اخر لحظه قامت وكل ده عرفناه من كاميرات المراقبه اللى انت نفسك مقدرتش تجيبها ولا تعرف عن مراتك حاجه
مالك اتصدم وصدمه كبيره كل ده عاشته مايان وهو مش معاها كل ده وهو ميعرفش ويطلع كل ده من اخوه فقاله:دانت كدا اللى بتجنى على نفسك وانا همو*تك بإيدى انا هوريك وراح عشان يضر*به سامر هرب بسرعه وطلع ومالك جرى وراه وعاصم جه فى اللحظه دى بعربيته هو ومراته وشاف سامر وهو بيجرى ومالك وراه قال لإيمى:انزلى بسرعه روحى لمايان واقفلوا على نفسكوا كويس وانا هلحق مالك يلا بسرعه
ايمى:طب طب خلى بالك من نفسك يا عاصم وطمنى اما تخلص ونزلت وراحت دخلت وقفلت كويس وطلعت لمايان
مالك لسه بيجرى ورا سامر وسامر بيجرى وبيجرى ومالك بيجرى وخلاص هيجيبه وعاصم بيمشى وراهم بالعربيه لحد ما حلق على سامر ومالك حلق عليه من الناحيه التانيه وبقى سامر فى النص ونزل عاصم من العربيه
سامر:انتوا مفكرين انكوا هتقدروا تعملوا حاجه بالعكس دانا مبلغ رجالتى ان لو اتأخرت ومرنتش عليهم هيجوا فورا ويقتلو*كوا
مالك:وانت مفكر اننا خايفين وبيقرب منه داحنا اكفئ ضباط ولا متعرفش انا مين دانا اللى هخليك تتمنى المو*ت ومش هتطوله مفكر انك هتنجد نفسك بعد كل ده غلطان اوى دانا هخلى امك وابوك يترحموا عليك كل ده ليه كل ده عشان بتغير منى كل ده عشان مفكر أن حبيبتك الخا*ينه انا اللى اخدتها منك بس انا مش هبرررلك حاجه لا وهقت*لك وانقض عليه وقعد يضر*ب فيه وعاصم سابه عشان هو يستاهل ويقعد يتفرج ولقى اللى جايين وبيضر*بوا نا*ر راح يضر*بهم بس الكثره تغلب الشجاعه فمسكوه وحطوا المس*دس على دماغه وقالوا:صاحبك معانا يا مالك باشا سيب سامر باشا وانا هسيب والا هيبقى جث*ه قدامك
مالك وقف ولسه ماسك سامر وخا*نقه فقاله:لو اذيت صاحبى بخدش واحد انا اللى همو*تك وهمو*ت اللى جايين عشانه
عاصم لما لقى الراجل مش منتبه قام داس على رجل الراجل وضر*به واخد منه المسد*س وقاله عندك ومالك خنق سامر اكتر وسامر مش قادر وخلاص هيمو*ت
عاصم قاله:خلاص يا مالك خلينا نسلمه للشرطه وهما هيحاسبوه سيبه سيبه متو*سخش ايدك بيه خلاص انت وريت*ه قيمته سيبه بقا
مالك بعصبيه اكتر وبيضغط اكتر بيقوله:لا يمكن انا اللى هقت*له بإيدى ميستاهلش يعيش لانه فكر بس يمو*ت مراتى
عاصم:القانون هيحاسبه مراتك لو كانت هنا مكانتش هترضى بده حتى لو هو اللى عمل فيها كدا سيبه سيبه عشان خاطرها
مالك فكر ورز*عه فى الأرض لدرجه انه بقا بينز*ف اكتر ما بينز*ف ومقامش تانى مالك فحصه لقاه لسه عايش واتصلوا على الشرطه وجات اخدتهم كلهم وهو وعاصم ركبوا العربيه ومشيوا
❤️❤️❤️❤️استغفروا❤️❤️❤️❤️
عند احمد ووعد
وصلها المستشفى ودخلها اوضه العمليات طلع الممرضه بسرعه وقال المدام وقعت واقعه جامده وهتولد وجريت تنادى الدكتور وجه ودخل بسرعه واحمد قاعد مش عارف يعمل ايه متوتر ومدايق وفيه أحاسيس مختلفه وعايز يعيط راح يصلى ويستغفر ربنا ويدعى يقومها بالسلامه وان ربنا يغفرله اللى عمله وهى تسامحه وخلص وطلع بره لقى صوت بيبى فرح وقلبه دق وراح يشوفه
الممرضه قالتله:مبروك جالك بنت
احمد فرح جدا وقالها:ممكن اشوفها
الممرضه:تمام بس بسرعه عشان هنحطها فى الحضانه لانها مولوده بدرى شويه
احمد:تمام وراح يشوفها وكانت وعد صحيت وشافت بنتها وقعدت تعيط واول ما شافته بصت لبنتها ومكلمتهوش
احمد راح يشوف بنته وعد قالتله:لا اوعى تلمسها ملكش دعوه بيها دى بنتى انا بس
احمد ادايق وقالها:انا عارف انى غلطت بس انا هصلح كل حاجه انا فعلا ندمت
وعد:ندمت بعد ايه وازاى ولحقت دانت لسه كنت بتقولى مش عارفه ايه ومش عايزه افتكر اصلا انا كرهت*ك مش عايزاك
احمد:طب سيبينى اشوف بنتى طيب وهصلح كل اللى حصل سامحينى طيب
وعد:قولت لا والف لا دخلت الممرضه ووعد قالتلها:لو سمحتى خدى بنتى ومتخليش حد يشوفها ولو الاستاذ ده قالك انه عايز يشوفها متدخليهوش لو سمحتى
الممرضه:تمام واخدت البنت ومشيت
احمد:ليه كدا يا وعد ليه بتحرمينى منها دى بنتى زى ماهى بنتك
وعد:انت معترفتش بيها جاى دلوقتى تقول بنتى وعايز تشوفها بعد ما سبتنى كل ده تعبانه ولوحدى وخليت عيلتى يسيبونى يبقى بتحلم
احمد لسه هيكلمها لقى.....
يتبع الفصل الرابع والثلاثون اضغط هنا
- الفهرس يحتوي على جميع فصول الرواية كاملة :"رواية تزوجت ولم ادري" اضغط على اسم الرواية