رواية اسرتني عيونها الفصل الاول 1 بقلم هدير طارق

الصفحة الرئيسية

   رواية اسرتني عيونها الفصل الاول بقلم هدير طارق للقراءة والتحميل


 رواية اسرتني عيونها الفصل الاول

فتحت الواتس كالعاده لقيته منزل استوري اترددت بصراحه اشوفها ولا لا بس في الاخر طبعا و كالعاده فتحتها كان منزل ان احنا صعب نغير طباع الناس بس سهل نغير الناس نفسها بصراحه كلامه المرادي معجبنيش حسيت ان معني كلامه محدش يهمه غير راحته و طپعا بتلقائيتي الي مش بعرف اسيطر عليها بعتلوا لا طبعا دا كلو كلام غلط و مش صح انك تقتنع بيه و بعد ما بعتها اكتشفت الكارثه الي عملتها 
              *--------------------------------------------*
يونس اسيسنت مستر الرياضه بتاعي من و انا في اول ثانوي و طبعا زي اي اسيسنت مدرس بياخد ارقام الطلبه و بيسجلها عندو منغير ما يكون عارفهم شخصيا علشان يعمل جروب للمستر و من ساعتها و انا متابعاه منكرش انو في الاول كان اعجاب ، بس بعدين اكتشفت اني اتعلقت بيه من غير ما اخد بالي و في وسط افكاري لقيتوا بعت رساله اتنططت من الفرحه انا يونس بعتلي رساله ياااااه علي الفرحه الي انا فيها بجد 
يونس : لا طبعا صح ...... اشرحلك 
: اكيد طبعا حاله اعرف وجه نظرك 
يونس : يعني مثلا انا وانتي صحاب وانا مخنوق من طبعك بس عملت كل حاجه وف الاخر طبعك متغيرش يبقي عندي حق ساعتها اني اشوف وادور واغيرك بحد تاني و لا لا 
ياااااه هو قال ان انا و هو ممكن نبقي صحاب بس ثانيا واحده دا قال انو ممكن يغيرني بحد تاني 
: لا طبعا مش سهل تغير حد بتحبوا بحد تاني كدا و خصوصا لو كان عزيز عليك 
يونس : بس لو لقيتي حد احسن منه بمليون مره هتغيريه 
و هنا طبعا قررت اقنعوا انو غلط بطريقتي الي بتجيبني ورا الطول بس عمرنا ما نروح نقول 😂
: بس هو مش هيشوف انو غلطان بالعكس هيجيب الحق كلو عليك و انك صاحب مش كويس و اناني و كلام من دا كتير مبيخلصش 
يونس : صح جدا  فعلااااا فبنضطر نكمل معاه حياتنا عشان ميقولش كده
: طب و مش دا ضد المبدأ الي انت لسا قايله فوق ..... شوفت ازاي ان مفيش حاجه سهله و ان مش كل النصايح بتبقي صح اه معظمها بس اكيد مش هتلاقيها كلها علي حق 
يونس : تصدقي اقنعتيني ..... و لقيت ان احنا بنمشي بالنصايح عشان منرجعش نندم ف الاخر و مش كل الناس تفكيرها زي بعض 
: عادي المهم اقتنعت 
يونس : اه جدا ...و ميرسي علي المناقشه الحلوه دي 😂😂🤍
: العفو علي ايه 🤍
يااااااه اخيرا اقتنع بجد واو و فضلت طبعا اتنطط زي الهبله في الاوضه من الفرحه 
              *---------------------------------------------* 
عند يونس 
احمد : ايه يا عم يونس بتكلم مين و مبتسم اوي كدا 😂 
يونس : دي طالبه عند مستر احمد بس ايه كلامها عجبني اوي متحسهاش في 3 ثانوي كدا تحسها في جامعه و لا عامله دكتوراه حاجه كدا يعني 
اسر : ليه اشمعني يعني و بعدين كنتوا بتتكلموا في ايه 
يونس : يلا بطل غتاته يلا دي كانت بتقنعني بوجهه نظرها بس طريقتها في الاقناع رهيبه 😂
اسر : طب ورينا صورتها كدا يمكن نكون عارفينها و لا هي اسمها ايه 
يونس : هي مش حاطه صورتها بس اسمها نور 
احمد : طب ما تجرب تتعرف عليها يمكن تقع زينا كدا و لا حاجه 😂😂 
( اصل احمد متجوز و طبعا مراته زي كل ست مصريه اصيله منكده علي جوزها 😂😂 ) 
يونس : يبني انت مفيش مره تتكلم جد ابدا ...... انا ماشي علشان مني عازماني عندها انهردا ابقي اقابلكوا بكرا بقااا يلا عزيزين حاجه 
احمد : اهرب اهرب ماشي يا يونس 
اسر : اما جيت مكفي علي وشك و واقع فيها مابقاش انا 😂 
( خلوني اعرفكم علي يونس ، شاب عنده 23 سنه خريج كليه هندسه بيعشق الرياضه من صغرو طويل عيوني عسلي و شعره لا هو بني و لا اسود بني محروق كدا عنده عضلات و جنتل اوي في نفسه كدا 
نور ، بنوته في 3 ثانوي علميي رياضه قصيره بس مش اوي عينيها خضرا و شعرها بني و طويل بس هي محجبه لبسها يعتبر كلو دريسات 
اسر ، شبه يونس اوي في كل حاجه و الي يشوفهم يقول عليهم اخوات عيونه عسلي فاتح و شعره اسود طويل و جسمه رياضي و معظم لبسه بيكون فورمال 
احمد ، طويل بس مش اوي عيوني بني و شعره اسود و حلو بردو بس مش زي يونس و اسر 
نيرمين ، مرات احمد قصيره و صغننه كدا في نفسها عيونها خضرا و هي محجبه و الي يشوفها يقول عندها ١٨ سنه مع انها 22 عادي متجوزه احمد من 3 سنين و لسا مخلفوش 
مني ، اخت يونس التوأم و معاها كل اسراره بس هي متجوزه و عندها ولد و بنت شادي و ندي و باقي الاشخاص هنعرفهم قدام ☺ ) 

يتبع الفصل الثاني اضغط هنا
رواية اسرتني عيونها الفصل الاول 1 بقلم هدير طارق
ranosha

تعليقات

ليست هناك تعليقات
إرسال تعليق
    google-playkhamsatmostaqltradent