رواية أحببتها صغيرة الفصل الثامن بقلم سلمى حجازي
رواية أحببتها صغيرة الفصل الثامن
نجات / لولولولولولولوي ... مبرووك ي حبيبتي مبروك ي عريس
كانت تلك الكلمات التي تتفوه بها نجات تتردد ف اذن سعاد وهي لم تستطيع استيعابها فهي طفله بريئه لا تستطيع ادراك انها قد تزوجت بالفعل من رجل ف سن ابيها بل اكبر
كانت سعاد حزينه بشده ... حزينه ع حالها وحال صديقتها التي لا تعلم عنها اي شئ ... كانت تتمني سعاد ان تذهب اليها ولكن كيف ومتي فقد تم زواجها دون ان تفعل شئ ... فهي الان مجبره ع ان ترضي بالامر الواقع
حسن / مبروك ي حاج فتحي مبروك ي بنتي
فتحي / الله يبارك فيك .... يلا بقا ي عروسه عشان نسافر
نجات / ايه الكلام الماس*خ ده هتسافروا دلوجت مش نستني الصباحيه نطمن ع بنتنا
فتحي / فهمها ي ابو سعاد
حسن / اكتمي يوليه هو عاوز ياخد مرته ويسافر دلوجت انتي اي دخلك
نجات / هو اداك جرشين ولا اي ي حسن
حسن / وانتي مالك ي نجات
نجات / ماشي ي حسن اما نشوف اخرتها
فتحي / يلا بقاا يعروسه
نجات / لولولولولوي زغرتي ي بت منك ليها
سعاد بحزن / اما انا خايفه متسيبنيش يما
نجات / متخافيش ي بتي جمدي جلبك اكده ده انتي هتروحي تجعدي ف مصر ونعيمها والحاج فتحي هيجيبلك كل اللي انتي عاوزاه
سعاد / بس انا مش عاوزه حاجه انا عاوزه اجعد اهنه معاكي انتي وابوي
نجات / ي حبيبتي ي بنتي .... متجطعيش جلبي بجاا ... يلا ي حبيبتي يلا مع السلامه وخلي بالك من نفسك
سعاد / سلام يما ... سلام يبوي
حسن / سلام ي سعاد
رحلت سعاد مع فتحى وف طريقهم الي القاهره دار بينهم هذا الحديث
فتحي / انتي خايفه ؟
سعاد / ل ... لا .. لا مش خايفه
فتحي / بس انتي ايدك بترتعش وباين انك خايفه ..... متخافيش انا مش هأذ*يكي
اسمتعت سعاد كلماته ف صمت وهي لم تطمئن له اطلاقا ف هي حقا خائفه بشده وحزينه ايضا
وبعد مرور ساعات وصل فتحي الي منزله ومعه سعاد
فتحي / ادخلي ي سعاد ادخلي ي بنتي متخافيش
دخلت سعاد وهي ترتجف من الخوف ولكنها كانت منبهره من جمال المنزل وتصميمه الراقي وفخامته فهو حقا كان جميل بشده ومصمم بشكل رائع ذات مساحه واسعه للغايه ويحيطه الاشجار والزهور فكان اكثر من رائع
فتحي / عجبك بيتك الجديد
سعاد / بيتي ؟؟
فتحي / اه بيتك انتي وبقا ليكي خلاص
سعاد / ليا انا !! ... لي ؟؟
فتحي / بصي ي سعاد ي بنتي ف حاجات كتيره عايزه اقولهالك انا مش متجوزك عشان تبقي زوجه ليا زى ما انتي فاهمه
سعاد / اومال
فتحي / انا كنت متزوج واجمل ست ف الدنيا عمري ما شوفت ولا هشوف زيها كانت هى كل حياتي وكل حاجه بالنسبالي اتجوزنا عن حب واحنا صغيرين بدأنا حياتنا من الصفر مع بعض و وصلنا لاحسن حاجه واحنا برضو مع بعض ربنا ادانا كل حاجه الحمد لله بس حرمنا من حاجه واحده بس وهي الاطفال مكنتش محتاج لاطفال طول ما هي معايا هي اللي كانت عاوزه بس انا كنت عاوزها هي وبس كانت بنتي ومراتي وامي وكل حاجه ليا لحد ما من ٧ سنين راحت وسابتني لوحدي وسابت كل حاجه عملناها سوا المصنع والشركه والفلوس والسعاده والفرح والحب كل ده سابته ومشيت ومن ساعه ما راحت وكل حاجه راحت معاها الحب والفرح والسعاده كانهم كانوا موجودين علشانها هي وبس وفضلت عايش لوحدي ف كل ده وحيد ماليش اي حد زى ما تقولي مقطوع من شجره
سعاد / ربنا يرحمها
فتحي بدموع / ي رب ... انا بقا اتجوزتك عشان تبقى بنتي مش زوجتي فكرت اني اتبني بنت بس محبتش الفكره مكنتش هبقى عارف هي بنت مين ولا جت ازاي ف عرفت ان ف الكفر عندكم ف الصعيد بيجوزوا البنات صغيره ف قولت كده احسن و واحد ابن حلال قالي عليكي ف اتجوزتك وتبقى انتي وريثتي من بعد ما اموت واهو تونسيني ف وحدتي دي
سعاد / بجد ي ....
فتحي / قوليلي ي بابا هحب اسمعها منك
سعاد / ماشي ي بابا
فتحي / يلا ي حلوه اوضتك هناك اهي فيها كل حاجه انتي محتاجاها روحي ارتاحي واي حاجه تحتاجيها نادي قولي ي صفاء هي هتجيلك اطلبي منها اللي انتى عاوزاه
سعاد / ماشي ... شكرا
فتحي بابتسامه / العفو
فرحت سعاد بشده وتحول الخوف بداخلها الي فرح شديد وظلت تحمد ربها انه رزقها برجل مثل فتحي فهي حقا ( امها دعيلها بنت المحظوظه😂 )
ف صباح يوم جديد
كان صقر ينظر حبيبه لتأتي لانها حدثته وطلبت منه ان تراه لتخبره بشئ ما
حبيبه / اسفه اتاخرت عليك الطريق كان زحمه
صقر / ولا يهمك
حبيبه / لقيتك طولت ف الغياب قولت اكلمك انا
صقر / منا مغلطش عشان اجي واعتذر
حبيبه بحزن / عندك حق
صقر / م .. مالك
حبيبه / مافيش انا كنت جايه اقولك اني جالي منحه ف اوروبا وهسافر بكره
صقر / ايييه ... لا انتي بتهزري صح
حبيبه / لا مش بهزر ... انا هسافر واشوف شغلي وحياتي
صقر / طب وانا
حبيبه بدموع / انت مبقتش انت ... انت بقى عندك مسئوليات وبيت انا بقيت حاسه انك متجوز وعندك بنت كده مره واحده
صقر / حبيبه بلاش كلام فاضي انا مش هسيبك تسافري وتسيبيني انا بحبك
حبيبه / وانا كمان بحبك بس اسفه انا مستنيه المنحه دي من زمان مش هقدر افوتها كده
صقر / حبيبه انتي عارفه هتقعدي قد اي هناك .... انتي هتكملي الكليه وبعدها هتشتغلي كمان
حبيبه / مش هطول بتاع ٥ سنين وهاجي
صقر / خمس سنين ي حبيبه هتبعدي عني فيهم
حبيبه / ارجوك ي صقر متصعبش عليا الموضوع انت عارف كويس انا بحبك قد اي وهفضل احبك طول عمري عشان خاطري ساعدني ده حلمي
صقر / ربنا معاكي ي حبيبه وتروحي وتيجي بالسلامه
حبيبه / استناني ي صقر .... اوعدني انك مش هتنساني ولا هتحب غيري
صقر / بحبك
ثم ضمها صقر اليه ومسح دموعها واخذها ليوصلها الي منزلها
ف صباح يوم جديد
ف الصعيد
نجات / يلا بينا ي حسن نسافر للبت
حسن / انتي اتجننتي ي مره ولا اي نسافر فين عاد
نجات / جرااي يراجل مش نطمن ع بنتنا دى ضناك
حسن / نتصل بالراجل ونحددها لكن انا مش معايا ولا تعريفه عشان نسافر بيها
نجات / طب اتصل بيه
قام حسن بالاتصال ب فتحي وقام بالرد عليه
حسن / صباحيه مباركه ي حاج
فتحى / خير ي حسن
حسن / بنطمن ع بنتنا مش عروسه ولا اي
فتحي / اطمنوا هي كويسه ونايمه دلوقتي و ي ريت بقاا تنسي بنتك سعاد هي كويسه الحمد لله ولو لقدر الله حصل حاجه هي هتكلمكم تمام
حسن / يعني اي الكلام الماسخ ده دى بنتنا
فتحى / هبعتلك عشرين الف جنيه وتبعد عننا خالص وتنسي بنتك سعاد دي
حسن/ من من عنيا ي حاج انت تؤمر يلا صباحيه مباركه
نجات / ايه البت كويسه
حسن / عال العال
نجات / طب الحمد لله
ف القاهره
ف منزل صقر
دق جرس المنزل ف ذهبت نعيمه لفتح الباب ف وجدته زياد
زياد / ازيك ي نعناعه
نعيمه / الحمد لله ي حبيبي تعالي ادخل
زياد / ازيك ي فروحه
فرح / الحمد لله ي ابيه زياد
زياد / مش قولنا بقاا تقوليلي زياد بس
فرح / ماشي ي زيزو
زياد / ايوا كده يواد يمسكر ي طعم انت
نعيمه / ااه لو صقر يشوفك
زياد / هو فين صحيح
نعيمه / راح يوصل حبيبه المطار
زياد / مطار اي
نعيمه / هو قالي انها مسافره بره مصر معرفش اكتر من كده
زياد / يلا احسن
فرح / هههههه هو انت كمان مش بتحبها
زياد / بيني وبينك ي فروحه مش بتنزلي من هنا هو
فرح / ولا انا والله ي زيزو
زياد / الله ..... زيزو
نعيمه /ده انتو خدتوا ع بعض اوي
زياد / اومال دي عشره تلت ايام
قضوا وقتهم ف جو لا يخلوا من مرح فرح ومعها زياد
ف منزل فتحي
سعاد / صباح الخير
فتحي / صباح النور ي سكره عامله اي
سعاد / كويسه
فتحي / اهلك اتصلوا وبصراحه انا قولتلهم ميتصلوش تاني وينسوكي
سعاد / احسن
فتحي / هههههههه انا كنت بحسب هتضايقي
سعاد / لا مش متضايقه هم اللي عملوا فيا شوي ولا اي
فتحي / انا عايزيك ي سعاد ي بنتي تنسي كل اللي فات وتعيشي كأنك ف بيت اهلك واحسن كمان .... بقولك اي تيجي اوديكي الملاهي
سعاد / الله بجد
فتحي / ايوا يلا روحي افطري والبسي
سعاد / فوريره
ف مطار القاهره
حبيبه / هتوحشني
صقر / وانتي كمان
ثم ضمها اليه وبدأت حبيبه ف البكاء
صقر / متعيطيش بقاا .... تروحي وتيجي بالسلامه
حبيبه / سلام
صقر / سلام ي حبيبتي
بعد مرور ٧ سنوات
فرح / ابيييييه صقررر ي صقووووره ي زيييزووووو جيبت 97% ي خلققق ي هووووو ي نعناااااعه
يتبع.....
#احببتها_صغيره
بقلمي / سلمى حجازي
Part 9
فرح / ابيييييه صقررر ي صقووووره ي زيييزووووو جيبت 97%ي خلققق ي هووووو ي نعناااااعه
كانوا جميعهم يجلسون معا وعندما صاحت فرح بتكلك الكلمات فروا اليها مسرعين
صقر / ايييييه بجد جيبتي 97
فرح بساعده/ اه والله حتي شوف
صقر / الف مبروح ي حبيبتي
ثم قام بضمها اليه وبدأت نعيمه تزغرد
نعيمه / مبروووك ي حبيبتي الف مبرووك
زياد / مبروووك ي فروحه تعبي معاكي مرحش ع الفاضي الحمد لله
فرح / اي ي حبيبي تعب .... مكانوش ساعتين اللي راجعتلي فيهم ع الفيزيا تقولي تعب
زياد / انتي ي لت مبيطمرش فيكي حاجه انتي مفكره الساعتين دول شويه ده بنات مصر كلها تتمني تقعد معايا دقيقه واحده حتى
فرح / هاهاها عشان كده انت سنجل لحد دلوقتي
صقر / انا نفسي تبطلوا تبقوا ناقر ونقير مع بعض انا بصدع منكم
نعيمه / هقوم اعملك الكاب كيك اللي بتحبيه ي فرح حلاوه نجاحك
فرح / تسلميلي ي احلى نعناعه
ف فيلا ف القاهره
صفاء / سعاد ي حبيبتي عملتي اي
سعاد / جيبت 99%
صفاء / الف مبروك ي حبيبتي الف الف مبروك
سعاد ببكاء/ الله يبارك فيكي
صفاء / تؤ وبعدين بقا هتفضلي ع طول زعلانه كده حد يجيب المجموع ده وميفرحش
سعاد / افرح ازاي بس ي ماما صفاء
صفاء / ي حبيبتي اكيد الحاج فتحي الله يحرمه مش هيبقى مبسوط طول ما انتي زعلانه كده ده بقاله سنتين متوفي وانتي زعلانه كأنه متوفي امبارح
سعاد / مزعلش ازاي وهو كان كل حاجه بالنسبالي هو اللي عوضني عن كل حاجه ورباني وكبرني وعلمني انا مشوفتش ده كله مع اهلي ده حتى مسألوش عليا ولا يعرفوا عني اي حاجه من ساعه ما اتجوزته
صفاء / ي ضنايه ي بنتي خلاص بقا متقطعيش قلبي ربنا هيعوضك ويجبر بخاطرك
سعاد / كان نفسي يبقى معايا دلوقتي كان هيفرح اوي بمجموعي
صفاء / ربنا يرحمه ي حبيبتي هو ف مكان احسن دلوقتي
منذ السبع سنوات التى مضوا كان صقر يهتم بفرح كثيرا ويهتم بدراستها ومع الوقت اصبحت تتحدث بلهجته وليست بلهجتها الصعيديه وكان دائما يعاملها بلطف وحنيه لكي لا تفتقد اهلها وبالفعل هي لم تفتقدهم بالمره وكان زياد يقضى معظم اوقاته ف منزل صقر بسبب وجود نعيمه و فرح فهو احب فرح بشده واصبح صديقها فهي كانت تخبره بكل شئ يحدث معها لانه كان معظم الوقت معها اكثر من صقر الذي كان منشغلا في عمله فهو اصبح صاحب اكبر سلسه شركات لتصميم الملابس ف مصر وكان زياد يعمل معه لكن صقر كان مهمتا بعمله اكثر من زياد
ام سعاد فهي كانت تعيش مع فتحي وكان يعاملها بلطف وحنيه لم تجدهم ف والدها فهي احبته بشده احبته اكثر من والدها لدرجه انها كانت تهاتفه ب بابا من شده حنيته عليها فهو اهتم بها كثيرا واهتم بدراستها فهي كانت تذهب الي احدث المدارس ف القاهر فهي كانت حقا متفوقه ف دراستها وكان فحي سعيدا جدا منها فهي كانت حقا مثل ابنته
ظلت سعاد تعيش ف سعاده غامره حتى استيقظت ف يوم من سنتين ع صوت بكاء صفاء الخادمه اليهم بالمنزل فهرولت سعاد اليها مسرعه ف اخبرتها صفاء بوفاه فتحي فنزل عليها الخبر كالصاعقه ومنذ ذلك وهى دائما حزينه
ف صباح يوم جديد
فرح / صباااااح الخيييير
الجميع / صباح النور
صقر / متشيكه ورايحه ع فين كده
فرح / احم رايحه اعمل شوبينج وهتيجي معايا ي حلو
صقر / اااه لا انسيي
فرح / والنبي والنبي ي صقوره
صقر / مش ملاحظه اني بقيت صقوره بدل ابيه صقر
فرح / والنبي انت محبكها اوي صح ي نعناعه
نعيمه / ربنا يخليكوا لبعض تعيش وتدلع عليك
فرح / ي رب .... ها هتيجي معايا صح
صقر / لا بجد مش هينفع ورايا شغل كتير خدى زياد هسمحله يروح معاكي
زياد / لاااا اعفيمي والنبي دى بتدوخني معاها
فرح / اصلا مش عايزاك انت اي ده ..... وبعدين هي مامتك سافرت لباباك وسابتك لينا كده تدوشنا
زياد / هااااا .... شايف تربيتك ي استاذ صقر شاطر بس تحبكها معايا انا ف الشغل
صقر / ههههههه فرح مسموحلها تعمل اي حاجه
فرح / يعيني ي زيزو بجد صعبان عليا بعد كسفتك دي
زياد / بقا كده طب مش رايح معاكي
فرح / انا اصلا عاوزه صقر هو اللي يجي معايا
زياد / الحق دي بقت تقولك صقر كده حاف
صقر / ما قولنا هى تقول اللي هي عاوزاه
فرح / مش عارفه انا اي الناس اللي بتحب تتكسف دي مش عارفه .... هتيجي معايا بقا صح
صقر / معلش والله ي فرح مش هعرف انا اصلا اتاخرت بس اكيد هعوضك ف يوم تاني متزعليش
فرح / يوووه ماشي روح لشغلك
صقر / متزعليش بقا زياد هيجي معاكي واياك تزعلها ي زياد
زياد / هي دي حد يقدر يزعلها اصلا
صقر / هههههههه فعلا محدش يقدر ... يلا باي
فرح / باي
زياد / يلا ي قارفا*ني ف عيشتي
فرح / طب بس متشتمش طاه
زياد/ طااه ؟! .... اللي يشوف شكلك ميشوفش لسانك والله
فرح / هععهعهعهعهع
زياد / امشي قدامي ي اخر صبري
ف فيلا سعاد
كانت سعاد جالسه مع صفاء حتى وجدوا الخادمه تخبرهم بأن صلاح ( صديق فتحي )يريد رؤيتهم ف اخبرتها سعاد انها اتيه
ذهبت سعاد اليه ومعها صفاء
سعاد / ازيك ي اونكل صلاح
صلاح / الحمد لله ي بنتي اتفضلي
سعاد / ايه ده
صلاح / دول 100 الف جنيه ربح الشركه الشهر ده بعد ما العمال قبضوا
صفاء / ازاي يعني 100 الف بس الحاج لما كان عايش كان الراتب اكتر من كده بكتير والبضاعه ف السوق كويسه مقلتش ولا حاجه ازاي بقا الراتب بيقل
صلاح / التصاميم مبقتش تتباع زي الاول ي حاجه صفاء
سعاد / تمام ي اونكل شكرا ع تعبك معانا نورت
صلاح / سلام عليكم
سعاد / وعليكم السلام
صفاء / لا اكيد ف حاجه غلط ده كل شهر الربح بيقل
سعاد / فعلا ..... اي رأيك ي ماما لو ديرت الشركه انا
صفاء / وانتي هتعرفي ي بنتي ف الشغل
سعاد / اه هعرف وهدخل كليه فنون تطبيقه قسم ملابس عشان يبقى عندي خبره اكتر ف الشغل
صفاء / بس انتي كان نفسك تدخلي طب
سعاد / بس بابا فتحي كان نفسه ادخلي فنون تطبيقيه عشان ادير الشركه وانا هحققله اللي كان نفسه فيه
صفاء / اللي يريحك ي حبيبتي اعمليه واهو اكيد هتبقى احسن من صلاح ده حاكم انا حاسه انه حرا*مي
سعاد / ان بعض الظن إثم الله اعلم
صفاء / فعلا بس انا مش برتاحله اصلا
سعاد / واا انا وحياتك
صفاء / طب يلا يلا عشان وفطري
سعاد / ماشي يلا
مر شهران ولم يحدث شئ جديد
ف صباح يوم جديد
فرح / انا جهزت خلاص
صقر / طب يلا ي زياد عشان توصلها الجامعه
فرح / لا بقاااا مش اول يوم ف كليه الصيدله اللي بحلم بيها من صغري متوصلنيش كمان
صقر / بااااس خلاص تعالي
فرح / ايوا كده
زياد / خليه ينفعك هاا
فرح / هههههههه اصل سواقتك مبتعجبنيش
زياد / ياااا بتت
فرح / يااا واد
زياد / ماشي انا هسكت
صقر / يلا بقا عشان متاخرنيش
فرح / ماشي يلا
قام صقر بتوصيلها
فرح / انا خايفه ادخل لوحدي
صقر / طب انزلي هنزل معاكي
نزلت فرح من السياره يليها صقر
فرح / ولا اقولك خليك انا هدخل لوحدي
صقر / هدخل معاكي طالما خايفه
فرح / لالالا انا مبخفش روح انت وخلي بالك من نفسك وخد بالك لحد يعاكسك وانت ماشي هاا
صقر / ده مين اللي يقول للتاني كده
فرح / الزمن انقلب حاله وانت مش حاسس ي بيه
صقر / هههههه طب ادخلي يلا سلام
فرح بهمس / ااااه لو تحس بيااا
دلفت فرح الي الجامعه وعند دخولها سمعت فتاه تتحدث عن صقر وتقول
الفتاه / يخربيت كده مين القمر اللي هناك ده
فرح / نعااااااام ي رووووح اممممم*ك
ف شركه صقر
جاء اتصال لصقر اثناء عمله فقام بالرد عليه
المتصل / الاستاذ صقر معايا
صقر / ايوا مين
المتصل / انا مدير كليه الصيدله جامعه القاهره .... حضرتك تعرف طالبه اسمها فرح
صقر / ايوا ايوا خير
المتصل / طب حضرتك لازم تشرفنا دلوقتي حالا
صقر بقلق / ف حاجه ولا اي فرح حصلها حاجه
المتصل / لما حضرتك ديجي هتعرف
صقر /طب انا جاي حالا سلام
وصل صقر الي الجامعه ودلف الي مكتب المدير
صقر بصدمه / هااااا فررررررح .....
يتبع الفصل التاسع اضغط هنا
- الفهرس يحتوي على جميع فصول الرواية كاملة :"رواية أحببتها صغيرة" اضغط على اسم الرواية