رواية صغيرة الاسد البارت الرابع 4 بقلم رنا احمد عماد
رواية صغيرة الاسد الفصل الرابع 4
في القسم ....
كانوا يقفون جميعهم وهو ينظرون إلي بعضهم بغضب وتوعد فكانوا احفاد المنشاوي ينظرون إلي رامي بغضب وتوعد فبعد ذلك السنوات دخل أحد من عائله المنشاوي القسم ..
الظابط بغضب /بصراحه مش قادر اصدق ان ناس زيكم تتخانق وتتدخل اقسام .
برق بحده وغيظ /ده كان دفاع عن النفس .
رامي بغضب /تشوهوه وشي ويبقا دفاع عن النفس .
الظابط بغضب /اخرس خالص وبعدين ده الي حصل فعلا كل الشهود أثبته انك انت الي اعتديت عليهم الاول ده غير الفيديو الي اتصور واتنشر علي كل المواقع .
حازم بهمس وحسره /احيييه ده احنا هنتنفخ .
عمران بغيظ /وآخرتها ي باشا .
الظابط بجديه /ولا قابلين ابنك هيشيل اليلله كلها لأن هو الي اعتداء عليهم يعني هما في السليم .
رامي بغضب وتوعد /نعم بعد كل ده انا الي هاشيلها القانون ده ي باشا ولا كوسه ل اسد الشناوي .
برق بغضب /اخرس يلا واسم اخويا ميجيش علي لسانك .
الظابط بغضب /احنا مبنعملش حساب لحد وعلشان طوله لسانك دي 15يوم حبس.
عمران برجاء /لا سعادتك اسمع مني ده عيل طايش ومش فاهم حاجه وانا بعتزر للبشوات .
رامي بغضب /ايه الي بتقوله ده ي بابا .
عمران بغضب /اخرس يلا .
الظابط بجديه /ها هتتنزلوا ونلم الموضوع ده ولا ايه .
سليم بهمس /انت ايه رايك ي برق .
برق بغيظ /انا بقول نخلص من الموضوع الزفت ده وكفايه الي هيجرلنا بره بعد الموضوع ماتعرف .
وبالفعل تم الصلح بينهم وخروجهم من القسم ...
من أمام شقه جاسر ...
جاسر بابتسامه /شكرا ي صاحبي علي التوصيله رغم أن انا الي سايق .
اسد بمرح /العفو ي سيدي بس متتعودش علي كده من بكره عربيتك تكون معاك .
جاسر بابتسامه/تمام ي حضره الظابط سلام ي شمس .
شمس بتجاهل وحزن /مع السلامه .
اسد بقلق /ايه مالك فيكي ايه .
شمس بهروب /ها هيكون فيا ايه ي اسد احنا كل الي احنا فيه ده شويه .
اسد بجديه /شمس مش علي اسد ايه الي حصل بينك وبين جاسر بعد مسبتكم .
شمس بدمع ووجع وهي تمسك يده /مش قادره اتكلم دلوقتي ي اسد بس صدقني اول ماقدر اتكلم هتكون انت اول واحد اتكلم معاه .
اسد بابتسامه اخويه وهو يربت علي يدها /وانا مستني وجنبك طول الوقت .
شمس بابتسامه /ربنا يخليك ليا ي اخويا .
اسد بجديه /طب تعالي سوقي بقا ي ترا مين الي باعت اشاره دلوقتي ليفتح اسد الفيديو لينفزع ممايرا وهو يضغط علي يده بغضب شديد .
شمس بصدمه /ايه ده برق وسليم وحازم .
اسد بغضب وتوعد /ليلتهم سوداء .
في المطار ....
كانت تقف جنه بابتسامه وهي تنتظر اخوها مراد وابنته ملك .
ملك بطفوله وابتسامه /عمتو جنه .
جنه وهي تحتضنها بحنان /روح قلب عمتو وحشتيني ي لوكا .
ملك بطفوله /وانتي كمان .
مراد بمرح /وأبو لوكا موحشيكيش ولا ايه ي ست جنه .
جنه بابتسامه وسعاده وهي تحتضن أخيها /حبيبي ي مراد طبعا وحشتني ي قلب اختك عامل ايه .
مراد بابتسامه /الحمد لله ي حبيبتي .
جنه بابتسامه /طب يلا بقا لحسن خالتي تحيه مستنياكم علي نار .
في فيلا رشدي مهران .....
كانت تجلس عشق في الجنينه بدموع فاشتقت كثيرا لوالدتها .
الداده زهره بحنان /لسه برضه صاحيه ي عشق .
عشق بدموع /ماما وحشتني اوي ي داده .
زهره بدموع وهي تحتضنها /ووحشتني انا كمان اوي هنعمل ايه ربنا قادر علي كل شي بصراحه ساعات ببقا نفسي ابلغ عنه ونخلص .
عشق بدموع ولهفه /اوعي ي داده اوعي ده ابويا وانا عرفاه كويس هينفذ تهديده ويقتلها .
زهره بحزن /والله ي بنتي انا مانا عارفه اقول ايه يحرق الفلوس الي بتعمل كده في البنادم ويخليهم يدوسوا علي كل الي حواليهم حتي اقرب الناس ليهم قومي قومي ي ضنايا خلينا ننام ...
في فيلا الشناوي .....
كانوا يجلسون جميعهم بغضب شديد بعدما علموا بما فعلوه برق وسليم وحازم .
رعد بغضب شديد/واضح أن العيال دول احنا دلعناهم بما فيه الكفاية .
علي بحده /العيال دول لازم يتربوا دول ضيعوا سمعاتنا .
عامر بتوعد /ماشي ي سليم قسما بالله لربيك من اول وجديد .
رعد بضيق /مالك ي بابا قاعد ساكت كده ليه .
سالم بجديه /قاعد بتفرج عليكم وبتحسر علي تربيتكم ..
عامر بضيق /قصدك ايه ي بابا .
سالم بحده /قصدي أن العيب فيكم انتوا ي ولادي .
علي باستغراب /ازي ي عمي .
سالم بغضب /قصدي انكم انتوا السبب في الي فيه اولادكم انتوا الي بتتصرفوا غلط محدش فيكم فكر مجرد تفكير هي العيال دي بتعمل كده ليه ايه الي وصلهم ل كده فكرتوا تتكلموا معاهم تفهموهم طبعا لا زعيق واوامر خلاص علي الفاضي .
رعد بضيق /هما عيال ي بابا احنا كنا في سنهم شوف كنا بنعمل ايه .
سالم بحده وصراخ /علشان انا كنت دائما في ضهركم ي سي رعد لكن انتوا بتعملوا العكس .
في الخارج ....
كانوا يقفون الثلاثه بقلق بعد سمعوا ذالك الشجار الذين يعلمون جيدا ما سببه .
حازم بخوف /ي نهار اسود اهو الجواب باين .
سليم بقلق /النار شكلها ولعت واحنا السبب .
برق بسخرية/النار ولعه من زمان يلا ندخل .
في الداخل ...
كانوا يسيرون الثلاثه وهم يشعرون بالخجل من ذاتهم .
رعد بغضب جحيمي /اهلا اهلا بالبهوات الي خالو سيره عائله المنشاوي في الأرض بعد كل السنين دي .
سالم بنبره غير قابله للنقاش /رعد مش عايز اسمع صوت حد فيكم تعالوا معايا ي ولاد المكتب لازم نتكلم .
اسد بغضب /اهلا وسهلا بالي فضحينا في كل حته .
سالم بحده /اسد انا واقف يبقا الكل يسكت .
شمس بغيظ /ي جدو .
سالم بحده /قولت مش عايز اسمع صوت تعالوا معايا ي ولاد .
///////////في غرفه المكتب ..
سالم بابتسامه /اظن انا بالذات مبتخبوش عليا حاجه وعايز اعرف ايه الي وصلكم ل ده .
برق بوجع /علشان نهرب ي جدو كل واحد فينا محتاج يهرب من الملل والروتين الي في العائله .
سليم بجديه /وعلي فكره ي جدو شباب كتير اوي زينا كده والعن بس مش مترقبين .
حازم بجديه /مش مربطوين ولا مقيدين زينا ب عائله المنشاوي .
سالم بجديه /ده علي اساس أن الي انتوا عملتوه صح انتوا بتعقباونا علي شرفنا الي عيشنا بيه طول العمر علشان نخليكم رافعين راسكم .
برق بجديه /العفو ي جدو طبعا مش ده قصدنا .
سليم بحزن /جدو احنا بصراحه بنتمرد علي الواقع كل واحد فينا ابوه عايزه يكون نسخه منه .
حازم بضيق /زي مايكونوا احنا ملناش مشاعر ولا حياه علشان نعشها بنفسنا زي ماهما عاشوها .
سالم بابتسامه /كبرتوا اوي ي أحفادي بس فيه حاجه مهمه لازم تعرفوها أن سواء رعد أو عامر أو علي كانوا زي مانتوا شايفين قدامكم دلوقتي لا الي غيرهم وخلاهم زي مانتوا شايفين دلوقتي هو (الحب) ايوه رعد ابوك ي برق كان دائما عايش كبير العائله وكل ما يشوف عروسه متعحبوش كنت دائما اسال نفسي دي مفيهاش حاجه ممكن تترفض بس السبب الحقيقي أن قلبه كان مشغول ب فله حبها واتجوزها واتحدا بحبه ليها العالم كله أما عامر فكان زيك بالظبط ي سليم كان مغرور كان دائما يتمرد علي حنين علشان عارف ومتاكد أنها بتحبه ولما هي كمان اتمردت عرف قيمتها واتغير حتي علي فضل كتير مستني انجي تحن عليه وتوافق علي الجواز لانه كان بيعشها قصر الكلام ده كله اني بتمنا ل كل واحد فيكم يلاقي الحب الي يغيره ويوديه ل بر الامان والي حصل ده مش هيتكرر تأني وعد ي احفادي ..
برق وسليم وحازم بابتسامه /وعد ي جدو .
//////////////////////.
في غرفه اسد ...
اسد بقلق /ي امي ي حبيبتي والله العظيم انا كويس دي رصاصه كده .
فله بدموع وغيظ /رصاصه كده بتقولها كده بالساهل عايز تحرق قلب امك عليك ي اسد .
اسد وهو يقبل يدها بحنان/الف بعد الشر عليكي يا ست الكل .
رعد بجديه /يلا ي فله سبيه يرتاح .
اسد بابتسامه /صدقيني ي امي انا بخير تصبحي علي خير .
فله بابتسامه وقلق /وانت من أهله ي قلب امك .
///////////////////////////.
في غرفه سليم ..
كان يجلس سليم وهو يخلع حذائه ليقاطعه طرقات الباب لياذن بالدخول .
تمارا بغضب /الفيديو ده حقيقي .
سليم بزهق /انتي كنتي في غيبوبه ولا ايه مش حاسه بكل الي احنا فيه ده .
تمارا بغيظ /ي عني حقيقي فعلا.
سليم بغيظ /ايوه ايه المشكله شويه شباب واتخنقوا مع بعض عادي.
تمارا بغيظ /علي رقاصه وصله بيكم الوقاحه ل كده .
سليم بحده /تمارا انا طول عمري بعتبرك اختي لكن مش هسمحلك تتجوزي حدودك معايا اكتر من كده .
تمارا بوجع وكسره /اختك .
سليم بجديه /ايوه اختي ي تمارا اختي الي بتمنالها واحد احسن مني مليون مره .
تمارا بتماسك وقلبها ينزف بشده /وانا كمان شيفاك اخويا علشان كده جيت انصحك تصبح علي خير .
سليم بتنهيده /وانتي من أهله .
//////////////////////////////.
في غرفه تمارا ...
كانت تسرع بدموع وهي تكتم شهاقتها بيدها فقد أطلق سليم رصاصه في قلبها بكل قسوه .
تمارا بدموع والم /اه اه ي قلبي الي كسرته بدم بارد ي سليم انا عمري محبيت غيرك ي سليم عمري كنت اتمنا أن أننا كمان تحبني زي مابحبك اه ي قلبي اه .
////////////////////.
في غرفه شمس .
كانت تجلس قمر وهي تجهز فستانها لذلك الحفله الهامه بالنسبه لها .
قمر باستغراب /مالك ي شمس .
شمس بحزن /ابدا ي قمر مفيش مشاكل في الشغل .
قمر بابتسامه /مشاكل في الشغل ولا جاسر .
شمس باستغراب /انت عرفتي ازي أن جاسر رجع .
قمر بابتسامه /سمعت طنط فله وهي بتقول مانتي عارفه هي الي مربياه .
شمس بدموع والم /مبقاش جاسر ي قمر الي انا اعرفه بقا واحد تاني .
قمر بحزن /انت عارفه كويس الي حصله موت أمه واخته بالطريقه البشعه دي اكيد كسره خصوصا أنه حاسس ان هو السبب.
شمس بدموع والم /وانا ذنبي ايه انا كنت مستنياه يرجع علشان ابقا جانبه بس هو خلاص خرجني من حياته وانا كرامتي فوق أي شي ومش هفرض نفسي عليه تاني ...
///////////////////.
في غرفه برق ....
كان يحاول أن يغفا لكن عقله كان يفكر وبشده في ذلك المتوحشه كما يطلق عليها سليم لما ظهرت في خياله عندما سمع ذلك الحديث من جده لما تذكرها ليقاطعه من شروده طرقات الباب لياذن بالدخول .
برق بتنهيده /ادخل ي اسد .
اسد بجديه /كويس انك عارف أن انا الي بخبط .
برق بغيظ /لاني عارف كويس انك مش هتقدر تنام قبل ماتديني المحاضره بس اطمن مركز في الوزاره مش هيتاثر .
اسد بغيظ /طظ في مركزي وفي الوازره انا جاي علشانك انت جاي لاخويا نصي التاني ي برق .
برق بجديه /مفيش ي اسد مشكله بسيطه وخلاص الموضوع خلص .
اسد بتنهيده /تمام ي برق لو احتاجت اي حاجه افتكر أن اخوك موجود تصبح علي خير .
برق بجديه /وانت من أهله ي اسد .
///////////////////////////.
في الكباريه ....
كانت تسير رحمه وهي تخدم علي الزبائن لتنتبه الي أخيها عصام لتنظر إليه بغيظ لتسير الي الخارج بغضب .
في الخارج ....
رحمه بغضب /انت ايه الي جابك هنا .
عصام ببلطجه /الله عايز فلوس ي اختي هجيلك علشان سواد عيونك .
رحمه بغيظ /ياخي هو مين فينا الي المفروض يصرف علي التاني وبعدين مش كفايه الي بتاخده مني .
عصام ببلطجه /بقولك ايه اطلعي بالفلوس احسالك عايز شمه .
رحمه بغيظ /خود وغور بقا في داهيه .
عصام ببلطجه /وهاتي دول كمان بقا .
رحمه بدموع وصراخ /لا سيب دول دول بحوشهم علشان عمليه ماما .
عصام ببلطجه /ابقي حوشي غيرهم بقا سلام ي اختي .
رحمه بدموع وصراخ/ربنا ينتقم منك ي عصام .
رامي بخبث /مالك ي رحمه .
رحمه وهي تمسح دموعها /مفيش حاجه ي رامي بيه .
رامي بخبث /ازي بس انا سمعت كل حاجه وممكن اساعدك في في عمليه والدتك .
رحمه بلهفه /بجد ازي .
رامي بشر /روحي خلصي شغلك وبعدين نتكلم لانه موضوع طويل .
رحمه بسعاده وطيبه /ماشي عن اذنك .
رامي بشر /المره الي فاتت خرجت منها بعد ماشوهتني واتقلبت ل دفاع عن النفس وريني بقا ي سليم هتخرج من القضيه دي ازي ....
في اليوم التالي ....
في فيلا الشناوي ....
في غرفه اسد...
كان يقف اسد أمام المراه وهو يرتدي بدلته الكلاسيكيه فجعلته حقا غايه في الوسامه لتتطرق شمس الباب لياذن لها بالدخول ..
شمس بصدمه /ايه ده ايه القمر ده رايح فين .
اسد بمرح /ايه رايك ي بت .
شمس بابتسامه /مززز اخر حاجه ي كبير بس قولي رايح فين .
اسد بقوه /رايح حافله رشدي مهران .
شمس بصدمه /بتقول ايه بتهرج ي اسد انت عايز تروح عند السفاح ده برجليك .
اسد بابتسامه وخبث/ي عني هيحصلي ايه ي بت ده انا اسد المنشاوي انا متاكد ان البت الي ضربت عليا نار هتكون هناك دي فرصتي علشان اجيب راس رشدي مهران سلام ابقي ابعتي الملف ده ل جاسر وهو هيتصرف وانا هبقا احصلكم علي حفله قمر .
في فيلا رشدي مهران 💥.
كانت الفيلا مملؤه برجال الأعمال والشخصيات الهامه فذلك الحفله دائما يفعلها رشدي كغطاء لجرائمه كانت تقف عشق بغرور وثقه بجانب والدها فكانت حقا ساحره ليقترب منهم إلاسد بطلته الساحره الخاطفه للانفاس .
اسد بثقه وغرور /كل حفله وانت بخير ي رشدي بيه .
رشدي بكره اخفاءه ببراعة /اهلا ي اسد باشا عاش من شافك ي راجل بس بصراحه انت مش من المعزومين .
اسد بغرور /انا اسد المنشاوي ادخل اي مكان يعجبني بس بصراحه أن جاي اشجع حضرتك واباركلك علي النجاح ده حضرتك من رجال الأعمال المشرفين للبلد .
رشدي بجديه /اشكرك ي اسد باشا احب اعرفك عشق بنتي .
اسد بخبث وهو يمد يده لها /اهلا ب قمر الحفله .
عشق بثقه /ميرسي .
اسد بخبث /تسمحيلي بالرقصه دي الكل هيحسدك
علي فكره انك بترقصي مع الاسد .
عشق بغرور وهي تمد يدها له / أما اشوف ي اسد .
- تابع الفصل التالي عبر الرابط: "رواية صغيرة الاسد" اضغط على أسم الرواية