رواية للقدر رأي آخر البارت الرابع 4 بقلم هاجر العفيفي
رواية للقدر رأي آخر الفصل الرابع 4
تقى بخضه : الحق هدير ياعمر
عمر بخضه : مالها هدير ؟؟؟؟
تقى بدموع : انتحر"ت
عمرى جرى على جوه بسرعه وبالفعل شافها واقعه على الارض وعلبة برشام جمبها شالها بسرعه ونزل وتقى وراه ركب عربيته وطلع على المستشفى
فى المستشفى
هدير دخلت العمليات وعمر واقف مصدوم مكانش متوقع أن تعمل فى نفسها كده أبدا
تقى قربت عليه وقالت : كده انت مبسوط صح ؟
عمر مردش عليها
تقى بدموع : انا عمرى ماشوفتك كده أبدا بس دلوقتى عرفت حقيقتك طب اقولك على حاجه لما اعتد"يت على هدير مفكرتش فيا مفكرتش ان كما تدين تدان انا استاهل منك أن يتعمل فيا كده وبسببك
عمر بضيق وتوتر : والله مكنتش فى وعى انا
قاطعته تقى بعنف وقالت : يعني لما بقيت فى وعيك عملت ايه جرحتها سمعت كلام ماما وكنت عايز تهرب ولما بابا اجبرك اتجوزتها وعذ"بتها معاك وكمان اتجوزت عليها
عمر بصدمه : عرفتى منين أن متجوز !!!؟
تقى : مش مهم عرفت منين المهم أن كلامي صح انت عارف ياعمر هدير كانت رافضه رفض تام أنها تيجي عندنا عشانك بس بابا قالها محدش من عيلتنا بيقعد فى سكن أبدا وجبر عليها تيجي عندنا بعد ما قالها انك مش بتقعد فى البيت اصلا لكن انت من وقت ماهى ماجت وانت بتلف عليها بس العيب مش عليك العيب على ال شجعتك اصلا
الدكتور خرج وتقى جريت عليه : خير يادكتور طمنى بالله
الدكتور : لحقناها الحمد لله الانسه جالها هبوط فى الدوره الدمويه
عمر باندفاع : مدام وانا جوزها
تقى استغربت رده بس تجاهلت وقالت : المهم هي هتفوق امتي
الدكتور : كمان نص ساعه بس ياريت لما تبقى كويسه تروح لدكتور نفسى عشان هي ممكن تعمل كده تاني عن أذنكم
سابهم ومشى
عمر راح قعد على الكرسى وغمض عيونه وهو يتذكر تلك الليله المشؤو"مه
عمر بس"كر : انتى بتعملى ايه
هدير بخوف : باخد حاجه من هنا مرات عمى قالتلي عليها مكنتش اعرف أنك هنا
عمر قرب منها وقال : هما فين اصلا
هدير بتوتر ورعب : فى الفرح ال قدامنا انا رايحه ليهم بقا
عمر مسكها من أيدها وهو مش فى وعيه : استني بس
هدير زقته بغضب وخوف : ا انت مجنون ازاى تمسكنى كده سيبنى
عمر اتعصب لما زقته قرب منها اكتر وقال : انتي فكره نفسك مين يابت طب والله ماهسيبك
هدير جريت وهى بتقول برعب : لاء لاء ياعمر انا بنت عمك متعملش كده
بس وهى بتجرى وقعت اتخبطت فى الترابيزه وفقدت الوعى. من الخبطه وهو كان سكر"ان على الاخر راح عندها وشالها بصعوبه لحد الاوضه وقفل الباب
رجع من تفكيره على صوت تقى وهي بتقول للدكتور أنها هتدخلها
عمر قال بحزن : هى فاقت ؟؟
تقى : مفضلش انك تقابلها دلوقتى ياريت عشان اعصابها تعبانه
عمر قعد مكانه تاني وقال : تمام
تقى بلهفه : كده برضوا ياهدير تعملى فى نفسك كده
هدير بتعب وشرود : انا تعبت
تقى بغضب : مش مبرر انك تغضبى ربنا وتنتح"رى هتموتى كا"فره ومش هترتاحي بالعكس هتتعبى اكتر
هدير دموعها نزلت وقالت : غصب عنى والله غصب عنى
تقى ضمتها بحنان وقالت : خلاص خلاص أهدى كويس انك بخير ياريت متعمليش كده تاني ياهدير
هدير بدموع : حاضر بس مش عايزه اروح معاه البيت
تقى : والناس ؟؟
هدير : الناس مش هتفيدنى وانا بمو"ت كل يوم معاه
تقى : خلاص هقول لبابا وهتصرف متخافيش
عمر دخل بانفعال : ال بتقولوه ده مش هيحصل انتي مش هتسيبى البيت أبدا
تقى بصدمه : انت كنت بتتصنط علينا ؟؟
حنان كانت بتتكلم مع نفسها وقالت : يعني أنا ادبر الموضوع ده كله وفى الاخر عمر يتجوزها يعني أنا قولت البت لما يعمل معاها كده عينها هتتك"سر وهتسيب البيت خالص يقوم كامل يبو"ظ كل حاجه ويجوزهاله برضوا بس على مين انا مش هسيبها تتهنا ابدا يوم واحد
- تابع الفصل التالي عبر الرابط: "رواية للقدر رأي آخر" اضغط على أسم الرواية