رواية حب خفي الفصل الثالث 3 بقلم ناهد خالد

الصفحة الرئيسية

   رواية حب خفي الفصل الثالث بقلم ناهد خالد


رواية حب خفي الفصل الثالث 

_ايوه عاصم.. ما اقوالك فيما هو منسوب إليكِ؟
_أنا... هو عنده دليل علي اتهامه؟
قالتها وهي بتحاول تتمسك بالقوه عشان ميشكش فيها زي ما قالها نوح...
_عنده دليل انك كنتي موجوده معاها وقت مو.. تها ومتنسيش انها ما"تت مسمو" مه يعني وجود اي حد معاها وقتها هيثير الشكوك حوله...
_انا فعلاً كنت معاها بس مش معني كده اني انا الي مو"تها...
_اومال مين؟
_معرفش...
_انتي موقفك مش في صالحك خالص وكمان انتي موقلتيش قبل كده انك كنتي معاها وانكرتي وقولتي انك رجعتي البيت بعد وفا" تها ووقتها اكتشفتي مو"تها... لكن الدليل اللي جابه عاصم من كاميرات السوبر ماركت بتاعه اللي قدام بيتكم انك مخرجتيش خالص من البيت في اليوم ده واهلك بس اللي خرجوا قبل وقت الو"فاه اللي حدده الطب الشرعي ب ساعتين... وساعتين كفايه جدا ليكي عشان تقومي بخطتك...


_انا.. انا معرفش... معرفش..
مكنش علي لسانها غير الجمله دي وهي بتنهار بعد ما فقدت كل قوتها.. وفضلت علي الحال ده اكتر من عشر دقايق لحد ما انتبهت لصوت وكيل النيابه بيأمر بالتحفظ عليها...
خرجت ونوح كان واقف بره مستنيها واول ماشافها بالا"نهيار ده قلبه وقع في رجله وجري عليها فمسكت فيه جامد وهي بتقول بانهيار:
_انا... هيحبسوني يا نوح.. انا ضعت خلاص.
_اهدي متخافيش انا معاكي.. بس قولي الحقيقة يا مي عشان خاطري..
_معرفش.. معرفش..
فضلت تكررها بانهيا" ر والعسكري واخدها ع الحبس..
وقف في وسط القسم مش عارف يتصرف ازاي ولا يعمل اي حاسس ان الدنيا بتسو" د من حواليه ...
*******
_انت تقصد اي اللي بعملته ده؟
_عملت اي؟ وانت مين؟


_اي اللي خلاك تروح تتهم مي بق"تل اختها؟
_مي! انت مين؟
_صديق ل مي.
اتنهد عاصم وقال:
_سجل الكاميرات كان بايظ ووديته لمهندس كمبيوتر يصلحه وجبهولي من كام يوم... قررت اراجع الكاميرات يوم وفا" تها قلت يمكن الاقي حاجه تدل علي المجر"م بس ملقتش ولفت انتباهي ان مي مخرجتش من البيت يومها رغم أنها كدبت وقالت إنها خرجت ورجعت لقت اختها مي"ته فقررت اودي الكاميرات النيابه وهم يتصرفوا...
_يعني عشان كدبت تقوم تروح تتهمها في قتل" ها..
_وانت شايف ان كذبها مش مثير للشك!
_يمكن خافت فقالت انها مش موجوده عشان ميشكوش انها ليها يد في اللي حصل...
_ده كله مش مهمتي انا عملت اللي عليا وضميري قالي اعمل كده ولو بريئه المحكمه هتخرجها...
_انا عاوزك تساعدني نلاقي برائتها لانها اتحبست ومعرفش الموضوع هيرسي علي اي...
_ايوه واحنا هنلاقي برائتها ازاي! بعدين ده مش شغلي...
_دي جارتك وبنت منطقتك من واجبك زي ما سلمت الكاميرات عشان تخلص ضميرك تساعدها وتدور علي الحقيقه...
_انت اسمك اي؟
_نوح...
_طيب يا استاذ نوح هنعمل اي؟
_هندور حوالين اختها هو مش وارد تكون انت... حرت..
_انت.. حرت! واي اللي يخلي بنت زيها تنت.. حر وكمان خلاص داخله علي جواز...
_يمكن مكنتش عاوزاك...
_طريقتها معايا كانت كويسه جداً وعمري ماحسيت بحاجه من دي... بعدين اهلها مش ناس متسلطه عشان يجبروها علي حاجه..
_مش عارف... بس انا عرفت ان الس"م كان س" م فئران يعني اكيد اللي اشتراه اشتراه من بقال هنا...
_انا معنديش سم في الماركت بس في محلين بقاله بيبعوه.. بس لو حد منهم يعرف كان اتكلم...
_يمكن خاف...
_طيب خلينا نسألهم...
_______________________
_ازيك يا حلوه...
قالتها ست تخينه ولبسها شعبي جدا وماسكه سيجا"ره في ايدها وشكلها اصلا يقلق...فسكتت مي ومردتش عليها وهي بتترعش من الخوف..
_متردي يابت ولا انتي خارسه...
حركت راسها بسرعه عشان تنقذ نفسها منهم ويبعدوا عنها..
_ااه خارسه... طب شاوري ياختي وانا هفهمك متقلقيش.. جايه في؟
شاورت مي بتوتر....
_قت" ل؟ ميبانش عليكي خالص...
_تعالي ياختي سيبك منها احنا ناقصين هنتكلم مع الخرص كمان....
قالتها واحده تانيه فرجعت الست لمكانها...
دموعها نزلت من عنيها وهي بتضم نفسها اكتر وحاسه انها بتوصل للنهاية بسبب شئ هي ملهاش يد فيه... افتكرت يوم ما مو" ت اختها
*فلاش
_يلا يابنتي بقي الاكل هيبرد...
_حاضر جايه اهو..
قعدوا عشان ياكلوا بس هي قامت دخلت المطبخ وهي بتقول :
_يي نسيت السلطه ..
رجعت قعدت علي السفره وبدأوا ياكلوا...
_انا هسيب عاصم..
قالتها اختها فاتسعت عين مي بصدمه وهي بتبصلها لثواني وقالت:
_لي؟
_مبحبوش ومش مرتاحه معاه..
_اومال وافقتي من الاول لي؟
_قلت يمكن ارتاح معاه ومرتحتش عادي يعني بتحصل...
_قلتي لبابا او عاصم..
_لا مقولتش...لما بابا يرجع بقي...
*باك...
غمضت عنيها بوجع من الصداع اللي في رأسها وقررت تنام يمكن تريح نفسها شويه...
_____________________
_ياعم محمد اتكلم انت شكلك عارف حاجه في حد خد منك س"م يوم مو" تها...
قالها نوح بنفاذ صبر وهو حاسس ان الشخص ده عارف حاجه...
_مش فاكر....
_عارف انت ضميرك واجعك لولاه كان زمانك قلت مش عارف لكن مش فاكر دي معناها ان فعلا في حد اشتري منك... بص مي اختها اتهموها في قت"لها بنت لسه صغيره شبابها هيضيع بسبب سكوتك...
_لاحول ولا قوة الا بالله... مش فاكر ياناس قلت مش فاكر....
_طيب عمومآ ذنبها في رقبتك وابقي شوف هتقابل ربنا تقوله اي!...
قالها باستسلام مصطنع ولف عشان يمشي...
وقف عم محمد يفكر وهو حاسس بذنب كبير بيخنقه وبيفكر هو فعلا قادر يشيل ذنب واحده ممكن تت"عدم ظلم؟! حس بجسمه بيتنفض فقال بصوت عالي :
_هقولك... هقولك استني...
وقف نوح وهو بيبص له بلهفه فقال محمد:
_رغم انه هدد.. ني متكلمش بس تهد.. يده مش اكبر من عقاب ربنا....
_قول سامعك...

يتبع الفصل الرابع اضغط هنا
  • الفهرس يحتوي على جميع فصول الرواية كاملة :"رواية حب خفي" اضغط على اسم الرواية 
رواية حب خفي الفصل الثالث 3 بقلم ناهد خالد
ranosha

تعليقات

ليست هناك تعليقات
إرسال تعليق
    google-playkhamsatmostaqltradent