رواية حب خارج سيطرتي الفصل الرابع والثلاثون 34 بقلم فاطمة اشرف

الصفحة الرئيسية

    رواية حب خارج سيطرتي الفصل  الرابع والثلاثون بقلم فاطمة اشرف

رواية حب خارج سيطرتي الفصل الرابع والثلاثون 

" وحشاني دنيته وحشاني الف حاجة نقصاني 🖤" 

كل اللي كان واقف كان مصدوم

عم نغم بغضب: ازي يعني جوزها وازي تتجوزها بدون موافقتي

مراد : اظن انكم مكنتوش موجودين وهي وكلت نفسها وعن ازنكم هي تعبانة ومحتاجة ترتاح

عم نغم بغضب: طب وريني قسيمة جوزكم

مراد بغضب: اكيد يعني مش هفضل ماشي بقسيمة الجواز في كل حتة اكيد مش معايا يعني وانا  مش عيل علشان اضحك علي بنتكم واقول اني جوزها كدا وخلاص وسابهم وركب عربيته هو ونغم ومشي

نغم طول الطريق مسهمة مش بتعمل اي حاجة حتي الدموع في عنيها مبقتش موجودة خلاص نشفت من كتر الحزن

مراد بحزن: نغم ارجوكي اتكلمي معايا قولي اي حاجة متسكتيش كدا

نغم :..... مش بترد

مراد اتنهد : طب انا ياستي اللي هتكلم معاكي انا عارف انكم ممكن تكوني اديقتي من اني قولت اني جوزك وكدا بس انا قولت كدا علشان عارف انك مش بتحبي اعمامك او خيلانكك ومش عاوزة تعيشي معاهم فمتزعليش

نغم مش بترد بردك قاعدة مسهمة وبس

مراد روح فيلته اللي في مصر هو وهي ونغم بدون اي رأكشن دخلت علي اول اوضة قابلتها ومراد دخل وراها

مراد : هسيبك ترتاحي يا نغمي

وخرج وسابها

نغم قعدت علي السرير وضمت رجلها وباصة قدامها وبس وكأنها مغيبة عن العالم ومرة واحدة برقت : ماما

فتحية كانت واقفة قدامها وبعدين قعدت علي السرير : ايوة يا قلب امكك

نغم بدموع : سيبتينيي ليهه ياماما

فتحية ابتسمت : عمري ما هسيبك ابدا انا دايما هكون هنا وشاوزت علي قلب نغم

نغم مسكت في ايد ولدتها: ارجوكي متمشيش وتسيبيني انا مليش حد غيركك يا نور عيني

فتحية ابتسمت واختفت

نغم بدموع وصراخ ومسكت دماغها : ماماااااااا مااااماااااا لا متسيبينيش تانيييي لاااااااا

مراد دخل بخضة : فيهههه ايه يا نغم اهدييي

نغم بقت حاطة ايديها الاتتين علي ودنها وقعدة تتنفض : ماماااا لا مامااا لااااا مامااااا روحتيييي فيننننن

مراد ضمها ليهههه وبقت في حضنه وهي علي نفس الحالة اتصل علي دكتور وجه كشف عليها

مراد : طمني هي مالها

الدكتور: عندها انهيار عصبي اتمني انها متتعرضش لاي ردة فعل عنيفة او اي موقف يآثر عليها وارجو الراحة التامة انا اديتها ابرة مهدئة وانشاء الله خير عن اذنكم مشي الدكتور

مراد قعد جمب نغم وبيملس علي شعرها : انتي قوية يانغم انتي هتستحملي انا عارف يارب قويها يارب

فماذا سيحدث يا تري؟!

" سنين ومرت زي الثواني في حبك انت ♥️👀" 

(وعدي 6 شهور والحياة زي ماهية) 

ليان كانت واقفة في الحمام وماسكة اختبار حمل في ايديها ومتوترة

ليان بتأفف: اووف شرطة واحدة بردههه طب التعب اللي عندي ده من ايهههه رمته بغضب وخرجت نزلت جامعتها خلصت محضارتها وقعدت في كافتريا الجامعة وهي سرحانة

نيهال قعدت قدامها : ايه يا بنتي مالك

ليان فاقت : ها لا مفيش

نيهال : مفيش ازي ده انتي وشك اصفر خالص

ليان بتعب: اتخنقت يا نيهال اتخنقت

نيهال بقلق: من ايه بس يا حبيبتي

ليان بقلق: انا لتالت مرة اعمل اختبار حمل ويطلع نيجتف

نيهال بإستغراب : وانتي مدايقة كدا ليه انتي بذات نفسك مش مستعدة خالص للخلفة دلوقت وبعدين انتي لسة صغيرة يا ليان والعمر قدامك كبير 

ليان بحزن: انا نفسي احمل في اسرع وقت علشانه يا نيهال ادهم كبير بقا عنده 33 انا عاوزة اخلف علشانه هو مش انا

نيهال بتفهم : ياحبيبتي والله فاهماكي بس الموضوع هو وقت مش اكتر وبعدين انتي علاقتك مع ادهم متوترة شوية لانك مش جمبه دايما وعايشة بعيد عنه فمتقلقيش انتم بس لما تقربوا اكتر وتعيشوا مع بعض الموضوع هيختلف

ليان : انشاء الله

نيهال بتغير الموضوع : وبعدين ياختي مستعجلة علي الحمل اوووي ما انتي شايفة اهو بطني كبرت ووحم وقرف والواد يرفص ومغص ومش عارفة انام ياختاااي ده موااال

ليان حطت ايديها علي بطن نيهال : ههههه ولا متتعبش امكك والله هضربككك ياااض

نيهال : هيطلع ياختي زي ابوه شقي

مصطفي من ورا : هههه مالكم با ابوه بس منا كويس اهووو

ليان: يارتنا جبنا في سيرة 100 جنيه ياشيخة

نيهال: ههههه اه والله

مصطفى :بقا كدا ماشي ياستي متنسيش بس يا ست ليان اني السبب في جوازتك انتي وحبيبكك

ليان؛ يااخويا اتوكس صاحبككك ده هيجنني والله

ادهم من وراها وحضنها وهي قاعدة: وصاحبه عملككك ايه بس دنا غلبان

ليان : هههههه اووي انتم بتطلعوا منين ها

مصطفي : قولنا جينا نروش عليكم وانتي عاملة ايه يا ام دعبس

نيهال بغضب: اللهم طولك يا روح يابني ارحمني بقا متقوليش يا ام دعبس

مصطفي : هههههه مهو فعلا دعبس ده انتي كل دقيقة تقومي تدوري في ام الشقة علي حاجة

ليان : هههههه ملكش دعوة بصحبيتي ياض

مصطفي : انتي فاكراني بهزر والله من ساعة ما حملت وهي كل يوم وفي عز النوم الاقيه قايمة تدور علي الطرحة اللي ضايعة من 5 سنين وشوية علي الشكولاتة اللي كلتها من قيمة اسبوعين وشوية تدور في هدومي وتشم فيها وتقولي انت بتخوني اقولها ليه تقولي ريحتككك بتقول كدا دنا قربت انجنن

ادهم : هههههههه امال انت فاكر ايههههه هتبقي اب علي طول كدا مش لازم تتعب الاول

نيهال : قولهههههه يابنيي فهمههه ربنا يكملك بعقلك

ليان :هههه اتوكسي والنبي هو ده عاقل ده والله ده اللي هيجبلي جلطة

ادهم غمزلها : دنا عسل بزمتككك مش بتحبني

ليان : مهو يا اخويا ما جيبنيش ورا غير حبكككك

ادهم : قلبككك ابيض مشي الدنيا

ليان : مشيتها يا اخويا مشيتها

نيهال؛ خلاص يا جدعان صلوا علي النبي حجزتوا القاعة ولا لسة

ادهم : اه حجزناها وظبطنا كل حاجة انشاء الله الفرح بعد شهر تكوني ليان خلصت امتحانات

مصطفي : الف مبرووك يا حبيبي ربنا يتمم بخير

ادهم : الله يبارك فيك

نبهال: مبرووك يا لي لي

ليان بإبتسامة : الله يبارك فيكي ياحبي يك بس متولديش في الفرح وتبوظيه ببطنك دي

نيهال : هههه لا متقلقيش هكون لسة في السابع

ليان : ربنا يقومك بالسلامة يارب

نيهال : يارب ياحبي يلا يامصطفي علشان نلحق الدكتور

مصطفى بضحك : يلا ياحبي علي مهلك احسن تدحرجي زي الكرة

نيهال خبطته بغضب: يارخمممم

وقعدوا يضحكوا عليها ومشيوا

ادهم اخد ليان وركبوا العربية وراحوا يختاروا فستانها

ادهم : القمر مين مزعله

ليان : ههههه هو حد يقدر يزعلني بردههه دنا اشقههه اتنين

ادهم : ههههه تربيتي عجبتك القاعة

ليان : جدا حلوة اووي بس مش شايف انها غالية اووي

ادهم : مفيش حاجه تغلي عليكي ابدا

ليان بإبتسامة : ادهم انا عندي بالدنيا وما فيها اني اكون معاك وبس مش شرط المكان ولا بفخمته اهم حاجة وجود الشخص اللي بنحبه فيههه وانا مش عاوزاك تكلف نفسك فوق طاقتها

ادهم باس ايديها : متقلقيش يا حبيبتي عامل حساب كل حاجة انزلي وصلنا

نزلوا دخلوا المحل

ادهم : اللي طلبته موجود

طبعا يا فندم

ليان : طلبت ايههه

ادهم بإبتسامة : تسمحيلي اني اخترلك فستان فرحككك بنفسي

ليان بفرحة :هههههه طبعا هو انا اطول البس علي ذوقككك اكيد ذوقكك ققمررر طبعا لانكك اتجوزتني

ادهم غمزلها: هههه شايفة نفسككك اوووي انتي بس ادلعي براحتك ده كله هيطلع عليكي في شهر العسل

ليان : هههههه بما نشوف مين هيطلع عين التاني

ادهم ضحك شدها من ايديها وحط شريطة علي عنيها 

ليان : يا أدهم بتعمل ايههه

ادهم : امشي بس معايا

ليان مشيت معاه وهو ماسك ايديها ودخلوا وادهم شال الشريطة من علي عنيها وليان انبهرت من منظر الفستان كان فستان ملوكي بمعني الكلمة منفوش جدااا وليه ديل طويل ورقيق في نفس الوقت ومكتوب عليه من الضهر اسم ليان بالانجلش بالخرز اللي فيه 

ليان بفرحة : الله يا ادهم يجنن جبته ازي ده نفس الشكل اللي كان نفسي فيههه

ادهم بإبتسامة ومسك ايديها بحب : صممته مخصوص علشانكككك كان فيه بوست انتي كنت منزلاه وفيه الفستان ده وقولتي انكك نفسك تلبسي واحد زيه وعملتلكك زيههههه بالظبط 

ليان كانت الفرحة مش سايعها لدرجة ان عيونها دمعت: انا بجد مش عارفة اقولك ايههههه انا بحبكككك اوووي

ادهم مسحلها دموعها  ومسك وشها بأيده : انا اللي بعشقك ومش عاوز دموعكك تنزل تاني كفايا دموع طول ما انا عايش فاهمة

ليان هزت راسها بأيوة وادهم اخذ شفتيها بقبلة عميقة يشرح فيها مدي حبه لها ابتعد عنها وهو يبتسم وليان كانت خجلانة

ادهم : مش هتبطلي خجل مني ولا ايه

ليان :هههه مهما يحصل او مهما يمر هفضل اخجل منككك كأني اول مرة اشوفك فيها

ادهم بإبتسامة : ودي احلي حاجة فيكي بحسككك ملكي انا وبس والخجل ده مش بيطلع غير معايا انا وبعدين مش هتقيسي الفستان ولا ايههه

ليان بخوف  وضحك: لا ياعم فال وحش لحسن اتخطف منكك تاني ولا حاجة يوم الفرح ويطلعلي واحد زي ادم الكيلاني يخطفني ويعذبني

ادهم : ههههه الروايات مشاء الله لحست دماغكككك قدامي يا اخرة صبري علشان نمشي

ليان :  ههه والله هاين عليا انام جمب الفستان هنا ومروحش ولا اقولك اخده معايا البيت 

ادهم : امشي يا ليان ربنا يهديكي ده تهمة انا مش عارف هقف فين جمبككك هرجع وااقول انا اللي جبت ده كله لنفسي

ليان :  ههههه مش مهم انت العريس اصلا لو لبس كلسون مش هيهتموا الموضوع كله بيكون علي العروسة ينهار ازرق بقا انا الناس هيقعدوا يتنمروا عليا زي ما كنت بتنمر عليهم وعلي كل الافراح اللي كنت بروحها 

ادهم : ههههه احسن تستاهلي والله 

ليان بغيظ :بقا كدا طب استعدي بقا علشان هوريك ايام سودة علي رائ الست لطيفة

ادهم :طب بزمتك هو انا ناقص كفايا اللي انا فيههه والنبي 

ليان ضحكتك واخدها فسحها وبعدين روحت البيت

فماذا سيحدث ياتري؟! 

دينا بقت في التاسع والتعب بقا زايد عليها في السجن  جاسر كل يوم يجي يطمن عليها هو ورنا ويمشوا 

دينا بإبتسامة :اخير قربت اطلع 

جاسر بإبتسامة :يلا هانت شدي حيلك بس 

دينا  :مسامحني يا جاسر 

جاسر اتنهد وابتسم  : مسامحككك يا دينا المهم تقومي بالسلامة انتي وابني

دينا بفرحة :انا مستنية اليوم اللي اطلع فيه من هنا ونبدأ حياة جديدة مع بعض 

جاسر :انشاء الله 

دينا :امال فين رنا مجبتهاش معاك ليهه 

جاسر :كنت هجبها بس انا عديت عليكي وانا مروح من الشغل ملحقتش اعدي اجبها  هاجي بكرة انا وهي 

دينا :ماشي يا حبيبي جاسر انا عاوزة اشوف ليان 

جاسر بإستغراب :ليهههه 

دينا :عاوزها تسامحني ارجوكي خليني اشوفها 

جاسر :حاضر والله هتصل علي ادهم ويجبها ويجي بكرة بس انتي متتعبيش نفسك انتي خلاص في اواخر الحمل 

دينا :مش هرتاح غير لما اشوف ليان وبنتي  هاتهم بكرة والنبي 

جاسر بقلق :مالك يا دينا انتي تعبانة ولا ايههه 

دينا بإبتسامة :لا يا حبيبي مش تعبانة انا عاوزة بس ابدأ صفحة جديدة مع كل الناس مش عاوزة حد زعلان مني 

جاسر ابتسملها :انشاء الله همشي بقا واجيلك الصبح 

دينا :متتأخرش عليا 

جاسر :حاضر 

جاسر مشي ودينا فضلت طول اليوم تصلي وتدعي انها تقوم بالسلامة هي وابنها خلصت صلاة 

واحدة من اللي معاها في السجن كبيرة دينا اتعرفت عليها وبتحبها اووي اسمها صباح جت سندت دينا علشان تقوم :حرما يا حبيبتي

دينا بإبتسامة :جمعا يارب  يا طنط صباح 

صباح بحنية :لسة تعبانة 

دينا :لا الحمدلله بقت كويسة تعرفي بتفكريني بماما الله يرحمها جدا 

صباح نيمت راس نغم علي رجلها :ربنا يرحمها يارب وربنا يطمنا عليكي وتقومي بالسلامة وتجبلنا... الله صحيح  هتسميه ايهه

دينا بإبتسامة :هسميه زين 

صباح :الله جميل اووي يتربي في عزكك يارب مقولولكش هتولدي امتي 

دينا :دكتورة السجن بتقول بعد كام يوم 

صباح :ربنا يديكي ساعة سهلة يارب ياحبيبتي ناميلك شوية 

دينا قامت نامت وشوية حست بمغص قامت قعدت علي السرير وبتحاول تاخد نفسها 

صباح قلقت من نومها :انتي كويسة يا بنتي 

دينا بتعب:لا بس عندي مغص زي بتاع كل يوم 

صباح :طب اخلي حد يندهلك الدكتورة 

دينا بتعب :لا هبقي كويسة دلوقت اهههههه

صباح قامت بخضة ومسكتها وكل  اللي في العنبر صحي: حد ينادي الللي واقف برة يا جدعان البنية هتروح مننا 

دينا بدموع والوجع اشتدت عليها :اهههههه مش قااادرة الحقووونيييي 

وخدوها علي المستشفي وكلموا جاسر ونزل جري في عز الليل 

يتبع الفصل الخامس والثلاثون اضغط هنا

الفهرس يحتوي على جميع فصول الرواية "رواية حب خارج سيطرتي "اضغط على اسم الرواية

رواية حب خارج سيطرتي الفصل الرابع والثلاثون 34 بقلم فاطمة اشرف
ranosha

تعليقات

ليست هناك تعليقات
إرسال تعليق
    google-playkhamsatmostaqltradent