Ads by Google X

رواية أمل عشق الزين الفصل الثلاثون والأخير 30 بقلم أمل السيد

الصفحة الرئيسية

              رواية أمل عشق الزين  الفصل الثلاثون والأخير  بقلم أمل السيد


رواية أمل عشق الزين  الفصل الثلاثون والأخير 

زين بصدمه:بابا انت!!!!!
ادهم: انت مش مبسوط انك شفتني 
زين: مبسوط لا مش مبسوط 
ادهم: بس انا مبسوط اني شفتك 
زين: بعد ما كسر'تيني مش انا مش ابنك عايز مني ايه مش كنت عاوز تمو,تني مبسوط ليه 
ادهم: زين انت ابني 
زين: ابنك هههه لا جديده دي 
ادهم: تعال انا فاتح لك ايدي 
زين بيرجع لوراء كان هيقع عمر لحقوا 
عمر: زين انت كويس 
زين: اتفضل اطلع بره 
ادهم: اسمعني 
زين بزعيق: مش عايز اسمع منك ولا كلمه؛
عمر: زين!
زين: انت كنت عارف ان هو جاي 
عمر: اا انا اه 
زين: ماشي حسابك معي بعدين 
ادهم: انا اللي قلتله ما يقول لكش عشان عايز اتكلم معك مش عايزاك تهرب مني  
زين بخنقه: انا ماشي 
ادهم: زين استني انا باكلمك 
زين: ما يهمنيش كلامك كله 
عمر: صعب تتكلم معه 
ادهم: انا لازم اتكلم معه ضروري 
عمر: انا ماليش دعوه انا هتفرج بس 
في الداخل 
زين تفاجئ: هو الموضوع كده كلكم موجودين
خالد: انت مش مبسوط انك شفتنا 
زين بحده: مين اللي سماح الشخص ده يدخل هنا 
ليليان: انا اللي سمحت له 
زين بذهول: انتي يا ماما اه وانا اخر من يعلم 
ادهم: لازم تسمعني 
زين: اتفضل اخرج بره ما اشوفش وشك تاني 
ليليان: زين عيب كده ده ابوك 
زين بدون وعي: اه شكل الحب رجع ولا يمكن
ليليان بعصبية: زين ايه الكلام اللي بتقوله ده 
زين: اصل انا ما عادش لي وجود في حياتكم 
دينا بدموع: زين ما تقولش كده 
ادهم: زين ابني لازم تسمعي 
زين: قلتلك انا مش ابنك مش ابنك مشر'فنيش انك تكون ابويا 
اتفاجئ بق'لم على وشه من ليليان 
عمر: لا ماما ليه كده 
زين دمعه نزلت من عينه : عاوزه تمو'تيني انا جاهز  
عمر حضن زين 
عمر: ما تقولش كده بعد الشر عليك 
زين: عمر ابعد عني 
عمر: لا مش هابعد يا زين انت اخويا طول عمرك بتحميني وهافضل فخور انك اخويا 
زين: انا كنت محتاج القلم ده من زمان عشان اعرف مكاني كويس واعرف حدودي 
ورد: انت مكانك اكبر من كده 
زين: ورد اللي جابك 
عمر: انا 
زين: ليه كده يا عمر 
ورد: عشان الحقيقه لازم الكل يعرف انا مين 
ادهم: زين انا عارف ان انا ظلمتك كتير قوي 
زين: ظلمتني دي كلمه قليله قوي على اللي انا حسيته بس انا عمري اعتبرك ابويا 
ليليان: زين 
زين: ايه يا ماما هتضر'بيني تاني خلاص 
مابقتش ابنك دلوقت بس انا هامشي مش هارجع تاني خذوا الفلوس اللي انتم عاوزاها والشركه وكل حاجه انا مابقتش عايز حاجه 
ادهم: انا اسف انا عارف ان الكلمه دي مش هتنفع بس ما عنديش غيرها 
زين: لما شفتك مع مامت مراد تعرف تعرف انا حسيت به مع اني كنت صغير بكر'هك اكمل ولا كفايه... لاني عندي جروح ياما والظاهر ان جاء دلوقت اللي لازم تتفتح فيه... 
كل واحد بيبص للثاني ما حدش فاهم حاجه 
زين: لما كنت صغير كنت بلعب انا ومراد والكوره ضاعت مننا ودخلنا اوضه النوم بالغلط وقتها شفتك وقتها ادتني فلوس ان احنا نروح نشتري كوره تانيه...وقتها عملت نفسي مش فاهم حاجه.. بس انا كنت فاهم كل حاجه... 
ادهم: زين انا...
زين: لو سمحت سيبني اكمل... ولما حضرتك وقلتلي اني مش ابنك جرح تاني وقتها قلت لي استحملني كتير كفايه بقى ما عدتش اقدر استحملك تاني انا لازم اخلص منك... دلوقت بقيت ابنك.
ادهم: كان لي اسباب اني اعمل كده 
زين: اسباب هههه انك تتخلص من ابنك اللي هو مش ابنك.. انت دمرتني.. ما فكرتش انا كنت محتاج لاب.. ولا مراتك اللي طلقت'ها وهي حامل...ما فكرتش تسال بعضها 
مش مهم كله في داهيه المهم انا مش قلت كده...
ادهم: انا بقيت متهم دلوقت 
زين: انت اكتر راجل وس"""خ شفته في حياتي متفكرش يسال على اولاده اتجوز مره واثنين وثلاثه عادي... يولع الباقي 
ادهم: زيييين احترم نفسك 
زين: ايه جرحتك..ما انت جرحتني ياما ايه يا ماما مش هتدفعي عنه....تمام 
عمر: اللي انا باسمعه ده حقيقه؟
زين: تعرف ان انا احتاجتك ياما تعرفني حاجات كتير.. تشوفني وانا اكبر... تعرفني ايه الصح وايه الغلط بس حضرتك كان مشغول في حياته مش هم احد تاني...اه 
ادهم: خلصت 
زين: لا لسه في كتير... جوايا... تعرف لما كنت باشوف ولد باباه بيلعب معه..كنت بعيط ليه انا حظي كده.. شلت حمل انا مش قده.... ولما حبيت واحده ما عرفتش حقيقتها دمرت كل حاجه جوايا... مع اني كان في احد بيحبني باخلاص...بص لدينا... كان نفسي في حضنك 
ادهم بمقاطع: انا موجود تعال
زين: للاسف ما عدش ينفع 
ادهم: ليه 
زين: حضني ملك اخواتي وبس  
ادهم: تعال هنصلح كل حاجه 
زين بدموع نازله منه: اللي انكسر مش بيتصلح بيفضل في شرخ عمره ما يرجع زي الاول 
ادهم: هنقفله مع بعض 
زين: ينفع لا لا 
ادهم: ليه مصمم تمنع نفسك من حاجه انت عايزها ليه حابب تعذ"ب نفسك كده ارحم نفسك!
زين بزعيق وبدا يعرق: وانت ليه مرحمتنيش 
ادهم: قلتلك كان عندي اسباب
سهيله: تعرف انك خسرت كتير قوي عشان  عشان اسبابك دي زين الراجل ما يتعوضش اعترف ان انا كنت بضايقه بس انا بحبه. 
ليليان: زين عايز تعرف هو كان بيكر"هك ليه انا هاقول لك.؟
ادهم: لا انا اللي هاقول لك كل حاجه بنفسي عشان شكيت ف مامتك..
زين: يا بجا"حتك يا اخي وكمان بتقولها بدم بارد 
ادهم: اسمعني وانت ساكت.. كنت في الشغل بالليل وكنت راجع.. شفت اخويا بيعدل الهدوم استغربت ان هو جاء وانا مش موجود... بعدها دخلت شفت ليليان كانت لابسه قميص نوم شكيت بس ما تكلمتش بعدها عرفت ان هي حامل وقتها جن جنوني..و 
زين: ههههه لا حلو ده 
ليليان: دي الحقيقه يا زين.. وقتها قال لي اللي في بطني مش اب'نه وكان بيضر"بني بس كان مخليني على ذمته عشان"
زين: عشان انتم تلعبي بي انا ما بقيتش فاهم حاجه..
خالد: عشان انا ضغط عليه وقلتله لو طلق'تها
ما لكش حاجه سبها على ذمته 
ليليان: ايوه انا رحت وترجيت خالد انا ادهم ميطلق"نيش 
زين: و طل'قك بعد ما حملتي في ورد ليه 
ليليان: عشان عرفت ان هو متجوز.. ورد مين 
زين: انتي حملتي في ورد مش فرح 
ليليان: اللي هو ازاي 
زين: عمتي الله يرحمها لما عرفت ان ورد عندها القلب اخدتها.. في الوقت ده مراتك التانيه كانت بتولد في نفس اليوم بدله الاطفال وقبل ما تموت قالت لي وانا خبيت السر ده عن الكل عشانك انتي..
فرح: يعني انا مش بنتك 
ورد: لا انتي بنتها وهتفضلي بنتها هي اللي ربتك هي حامل فيا بس بس ما تعبتش في قد ما تعبت في تربيتك انتي بنتها 
فرح: ماما فين 
زين: ماتت وهي بتولدك 
فرح: عايز اشوف قبرها 
زين باسف: اسف دي الحاجه الوحيده اللي ما اعرفهاش 
ليليان: انت اكيد مجنون ايه الكلام اللي انت بتقوله ده اكيد كذب قولي ان هو كذب 
علي: لا حقيقه 
زين: انا خلاص ما عدش لي وجود في حياتكم 
طلع محفظته من جيبه حطاها على الترابيزه 
زين: ماليش حق في كل ده غير في دي 
هي الوحيده اللي صح في حياتي هادور عليها هافضل عمري كله ادور عليها عمري ما نسيتها لحظه ياريت تنسونى خالص وعيشوا حياتكم وانت لو ربنا يسامحك على اللي عملته انا عمري ما هسامحك اللي عملته فيا عن اذنكم ما عادش في حاجه مخبيها..
دينا: زين استني...طلعت تجري وراء 
في الخارج
دينا: زين انت بتعيط 
زين: انا تعبان قوي 
دينا: انت ليه بتعمل في نفسك كده 
زين: انا ما عنديش حاجه غير دموعي 
دينا قربت منه مسحت دموع بيديها
دينا: تعرف انا حبيتك ليه يا زين 
زين: عشان الفلوس اللي كانت معي انا ما عادش معي حاجه خلاص 
دينا: لا زين مش عشان كده عشان انت شبهي انا محبتكش عشان انت مشهور او معك فلوس عشان انت...زيي 
زين: شبهي 
دينا: عشان انت انسان بجد انا الوحيده اللي شفت اللي جواك.. شفت قدي انت حزين 
زين: انا ما كنتش عايز فلوس انا كنت عاوز عيله اعيش جواها احس بدفاها
دينا: انا حبيتك بجد يزبن انا عمري ما حسيت ان في احد بيحبني كنت كل حاجه عاوزاه كنت بلاقيها الا حاجه واحده الحب العيله بابا على طول مشغول وماما مش مهتم غير اني تكون حلوه على طول قدام الناس.. 
زين: لو بيدي كنت حبيتك انتي بس للاسف مش بيدي العيون هى اللى بتختار واختارت وضاع..
دينا: زين عايزه اطلب منك طلب ممكن
زين: انا معيش حاجه اديها لك 
دينا: ممكن تحضني لو حضن اخ لاخته 
زين: بس كده سهله 
دينا: انا عايزه اعترفلك بحاجه بس عايزاك تسامحني 
زين باعتها عن وبصلها 
دينا: زين انا اللي حطيت الدواء ل امل عشان تطلع حامل كنت عاوزاك تطلق'ها عشان تكون لي لوحدي بس للاسف فشلت سامحني والنبي انا ندمانه على كل حاجه عملتها معك 
زين: خلاص يا دينا ما عادتش تفرق ربنا يسامحك بس انا ندمان عشان شكيت فيها 
دينا: انا السبب بس اول ما اشوفها اعتذر منها
زين: هي فين بس انا ما اعرفش ايه رحت فين او هي فين اصلا ولا اختفت بالشكل ده اول من حياه ضحكت رجعت خليتني ابكي من اول وجديد بس انا خلاص ما عنديش حاجه ابكي عليها... قومي روحي يا دينا 
دينا: انا مش هاسيبك تمشي لوحدك 
زين: ما ينفعش تجيء معي انا ما اعرفش انا هاعمل ايه او اروح فين 
دينا: خلاص ارجع معايا ده حقك انت تعبت فيه..
زين: غلطانه ماليش حاجه هناك غير ذكرى وحشه اما اختاري يبعدوا عني اول مره ماما تضر"بني قدام احد 
دينا: زي ن زين
زين: في ايه يا دينا مالك 
دينا: زين بص وراك 
زين: انتم مين 
اثنين كانوا رافعين مسد"سات 
الشخص: امشي بدون ولا كلمه 
زين: انت مين 
الشخص: امشي معي من سكات مش وحشاك مراتك ولا ايه 
دينا: قصدك امل
زين: طيب بس خلي دينا تمشي وانا هاجي معك 
دينا: زين انا قلتلك مش هاسيبك 
الشخص: واحنا مش هنسيبك ما تخافيش 
زين: امشي يا دينا 
دينا: لا مش هاسيبك يا زين 
الشخص: امشوا انتم الاثنين من سكات 
جوه الفيلا 
عمر: مبسوطين كده 
فرح: انا هامشي ما عادش لي حاجه هنا 
ليليان: حتى انا 
فرح: شكرا انك ربتني زي بنتك واكتر مش هانسى المعروف ده طول حياتي اذنك يا ماما 
ليليان: فررح 
عمر: مشيت خلاص 
ورد: وانا هامشي سلام يا عمر 
ليليان: مش عايزه تحضني امك عايزه تمشي قبل ما اسمع منك كلمه ماما 
ورد: ماما هو انا
ليليان: ما تقوليش حاجه 
سهيله: يلا امشي من هنا 
عمر: ليه يا ماما عملت كده وضر"بتي زين 
ليليان: غصب عني 
ادهم: عمر 
عمر: لو سمحت ما تنطقش اسمي تاني اخرج من حياتنا زي ما رجعت روح وانسى اني لك اولاد...
ادهم: حتى انت يا عمر 
عمر: حياه تعلي عايزك فوق 
حياه: حاضر 
علي: طب انا لازم اخد ورد عشان نمشي 
ليليان: هاشوفك تاني 
ورد: اكيد عن اذنك 
ادهم: ليليان انا 
ليليان: لو سمحت امشي كفايه ابن ضاع مني بسببك انت ليه رجعت 
ادهم: عشانكم 
ليليان: مش عايزينك امشي ارجع مطرح ما جئت كفايه تعبنا غير كده 
ادهم: مش همشي قبل ما ارجع كل حاجه لمكانها عن اذنك 
في مكان تاني
... نورت يا زين باشا 
زين بصدمه: انت يا حضره الضابط 
سلامه: كنت احب اجيبك بطريقه غير دي 
زين: مراتي فين عملت فيها ايه 
سلامه بشر: هي كويسه بس كنت حابب احر"ق قلب،ك شويه عليها 
زين: اق'سم بالله ما ارحمك 
سلامه: انت في يدي دلوقت مش هتقدر تعمل حاجه مو'تك هيكون على يدي انا ههه 
دينا: زين 
زين: ما تخافيش يا دينا مش هيقدر يعمل حاجه 
سلامه: اهدى يا شاطره اهدى يا شاطره ما تخافيش لسه بدري على الخوف 
زين: امل فين 
سلامه: مستعجل تشوفها حاضر اوديك عندها خدوا عندها سيبهم لوحدهم شويه وانتي خليكي هنا خلي بالك منها على ما ارجع
زين دخل عند امل.....اول ما شافه جري عليها
زين بلهفه حب وشوق:  امل انا هنا انتي كويسه فتحي عيونك انا هنا 
امل بتفتح عيونها ببطء 
امل بصوت ضعيف: زين تاخدني من هنا 
زين: في احد اعمل لك حاجه 
امل: لا هم   عاوزين  يمو'توك 
زين: ما تخافيش يا قلبي ما حدش يقدر يعمل لي حاجه
امل: عاوزه امشي من هنا ابوس ايدك خرجني من هنا السجن ده 
زين حضنها وحط راسها على صدره 
زين: حاضر هنخرج من هنا ما تخافيش هادفع هم الثمن غالي واحد واحد جاء وقت الحرب
امل: انا خايفه عليك 
زين: قل يا رب لولنا نصيب نعيش هنعيش 
انتي خايفه 
امل: دلوقت لا طول ما انا معك بحس ان انا قويه انا وجئت الموت كتير مش خايفه 
زين: ايوه كده خليك قويه 
سلامه: مش باحب الرومانسيه الكتير كفايه كده يلا استعد لمو'تك 
زين: مو'تك انت مش مو'تي انا 
سلامه: هنشوف بس احب اعذ'بك الاول 
زين: يلا نشوف 
امل: زين
زين بصلها بعينيه ان هو هيكون كويس ابتسم لها ماشي 
سلامه: فاكر ولاء 
زين: بنت عمك او حبيبتك 
سلامه: ما'تت بسببك 
زين: لا ما تحطش الحق علي انت السبب 
سلامه بغل: لا يا زين انت اللي موتها 
زين: انا اللي غيرت فرامل العربيه عشان عمك يموت وتتجوزها 
سلامه: بس هي كانت طالعه عشان تقابلك 
زين: بس برضوا مش انا اللي مو"تها انت 
اللي مو"تها...
سلامه: مش هاسيبك تفرح 
زين: طب سيب امل ودينا يمشوا واعمل فيها اللي انت عاوزه 
سلامه: اخليهم اتعذ"بوا يشوفوك بتتعذ'ب زي ما انا تعذ"بت ها نبدا بايه 
زين ضحك بصوت عالي
زين: عذ'اب مش بياثر في انا ميت من زمان 
سلامه: هنشوف ؟ نبدا بده اخليك تتمنى الموت مطلوش الكهرباء حلوه برده 
ف فيلا زين ياسين الجارحي
عند عمر في الغرفه 
عمر: انا مش عارف زين راح فين هو تحمل كتير قوي يا حياه 
حياه: زيت بيحبك ومش هيسيبك لوحدك وهيرجع وهتشوف 
عمر: انا اول مره اشوف اب بالقسوه دي. 
حياه: انسى كل اللي حصل 
عمر: زين مقدرش ينسى انا اللي هانسى صعبه
حياه انفجرت في العياط 
حياه: بصراحه زين صعبان علي قوي حرام اللي بيحصل فيه ده 😭
عمر بدموع: هو انا جايبك تصبريني ولا تعيطي
حياه: انا وحشني بابا قوي 
عمر: خلاص بقى اهدي 
حياه: اسفه يا عمر 
عمر: هو ممكن ما يرجعش تاني 
حياه: مش عارفه بس اكيد هيرجع 
عمر: يا ريت انا محتاج له قوي 
حياه: يا رب يرجع يارب
عمر: يا رب يا حبيبتي يارب 
عند زين 
زين: قلتلك ما تتعبش نفسك انا خلاص الوجع مات جوايا
سلامه: مش مشكله اعذ'ب السنيوره دي 
وشاور على دينا 
دينا بخوف حاولت استجمع قوتها 
دينا: انا مش هاخاف معنديش حاجه اخسرها الموت ارحم 
سلامه: هي العيله كلها ميته ولا ايه 
وخبط دماغه في الحيطه اغمي عليها 
شكلها ضعيفه ها هنعمل ايه تاني اه صحيح نسيت اقول لك في قنب"له هنا هتفرقع كمان 24 ساعه بالظبط سلام يا زين الوداع 
الكل لاحظ اختفاء زين الكل بدا يدور عليه و عارفه مكانه... والشرطه حصرت المكان وعرفوا ان في قنبله هتفرقع كمان 10 دقائق
سلامه: 10 دقائق بس كل حاجه هتنتهي 
دينا: هي دي نهايتي ليه حرام عليك 
زين: امل انا باحبك قوي دورت عليك كتير
بس للاسف ما كانش في نتيجه اعوزك تسامحيني عشان ما عرفتش انقذك النهارده انا اسف على كل حاجه عملتها معك عاوزك تسامحيني اخر مره هنشوف بعض فيها الحياه مش لنا لناس تانيه 
انت في قلبي الى الابد ساموت وانتي في قلبي الوداع 
امل: انا كمان باحبك انا مش زعلان ان انا هاموت انا زعلانه اني مش هاشوف احد تاني بعد كده خلاص كان نفسي اعمل حاجات كتير معك بس للاسف هي دي النهايه 
دينا: امل انا اسفه سامحني والنبي 
امل: مسامحاك 
الخارج كان متجمع العيله كلها 
مراد جاء وراح عند فرح 
مراد: فرح عاوز اقول لك حاجه لو سمحت اسمعيني انا عمري ما خنتك كانت لعبه علي والله انا حبيتك بجد انتي اول حب واخر حب خلي بالك من الاولاد باحبك اسف على اللي عملته معك ما قدرتش اشوفك بعديها واخد كريم باسو و ريا سامحيني يا فرح يا رب تفضلي مبسوطه تستاهلي كل خير 
فرح: مراد انت رايح فين 
مراد: انا ماليش احد في الدنيا دي  الحق
صاحبي احذر منه واموت معه خلي بالك من نفسك سامحيني بس دماغه وامشي 
فرح: مراد لا 
مراد داخل عند زين 
مراد: سامحني يا صاحبي 
زين: مراد
مراد: كنت عاوز تموت لوحدك طول عمرنا سوا نموت سوا 
زين: ليه يا مراد جئت 
مراد: كان لازم اجي و انقذك 
سلامه: للاسف مش هتلحق
مراد: ضر"ب ط'لقه بالمسد"س على سلامه
سلامه: ضر"ب ط,لقه على زين في ذراعه 
مراد: زين
زين: اااااااه
مراد: القنب,له هتنفجر اخرج بسرعه وداس عليها... انا وقفتها مخرج وبعد الكل من هنا 
زين: ليه كده يا مراد 
مراد: انا ماليش احد في الدنيا عايش عشانه سلام يا صاحبي اخرج بسرعه 
زين: شال البنات سلام يا صاحبي اسف
مراد: سلام يا صاحبي اوعى تنساني 
خرج زين والقنبله انفجرت
في المستشفى
الدكتور: عاوزين نقل كلي بسرعه المريضه حياتها في خطر ودي مره الثالثه يعني ممكن تموت 
زين: اعملي اللي تشوفه صح بسرعه دينا عامله ايه
الدكتور: دخلت في غيبوبه بسبب النزيف 
زين واقف بيدعي وحاطط يده على قلبه بيبص لابوه 
الدكتور: الباقيه في حياتك اسف ومشي
زين قعدت على الارض وبص لابوه
يا رب تكون فرحان وانت شايفني كده 
حط ايده على راسه ودموعها نزلت منه 
كلنا فى حياة بعضنا فترات كلنا حكايات
ناس سابوا وناس بنسبها ساعات نحزن اوقات
وبنوعد على قد مانوعد تسرقنا سنين حلفت نبعد نفترق حتى بدون سلامات
نهايات انواع دى حكاية آخرها ضياع
وحكاية أساسها خداع
و نهايات انواع دى حكاية نصيبها وداع
بنبيع وساعات بنتباع
فى ثوانى القرب بيتحول فجأة لاوجاع
ديما بتكون حلوة البدايات مفيهاش أزمات
وبنرسم بالأيام صورة لأجمل نهايات
وبنحلم من غير مابنحسب نتقابل مع واقع اصعب وتملي بتخدعنا الحسابات
نهايات انواع دى حكاية آخرها ضياع
وحكاية أساسها خداع
وحكاية بطلها من الأول إنسان بياع
نهايات انواع دى حكاية نصيبها وداع
بنبيع وساعات بنتباع
فى ثوانى القرب بيتحول فجأة لا وجاع
نهايه اخرها ضياع 
#أمل_عشق_الزين 
انا اسفه ما قدرتش اكتب اكتر من كده 
انا عيطت والله وانا باكتب 
مش دائما اللي احنا بنتمناه بنحصل عليه 
احلى حاجه في الدنيا الاهتمام مش الفلوس الحضن الدافئ بالدنيا وما فيها قرب من اللي انت بتحبه وسامح عشان بكره مش هتلاقيه 

تمت الرواية كاملة عبر مدونة دليل الروايات
رواية أمل عشق الزين الفصل الثلاثون والأخير 30 بقلم أمل السيد
Novelist

تعليقات

5 تعليقات
إرسال تعليق
  • Unknown photo
    Unknown29 ديسمبر 2021 في 5:18 م

    نهايه وحشه وبايخه ليه كده حرام عليكي ليه تخليها نهايه حزينه ده مشفش يوم حلو روايه كايبه بجد

    حذف التعليق
    • غير معرف28 يناير 2022 في 1:20 ص

      روايه آخرها وحش وكمان مكملتيش فرح هتعمل ايه وزين هيعمل ايه ومين الي مات وابو زين هيعمل ايه

      حذف التعليق
      • Noga Galal photo
        Noga Galal12 يوليو 2023 في 10:25 م

        بقيت الرواية

        حذف التعليق
        • Noga Galal photo
          Noga Galal12 يوليو 2023 في 10:26 م

          الرواية جميله

          حذف التعليق
          • Noga Galal photo
            Noga Galal12 يوليو 2023 في 10:26 م

            بقيت الرواية لو سمحت

            حذف التعليق
            google-playkhamsatmostaqltradent