رواية لن تغفر لك الجزء الثاني 2 الفصل الخامس عشر بقلم الاء محمد

الصفحة الرئيسية

              رواية لن تغفر لك الجزء الثاني 2 الفصل الخامس عشر بقلم الاء محمد


رواية لن تغفر لك الجزء الثاني 2 الفصل الخامس عشر

لا أعتقد أنَّ هناك صفة إنسانية أجمل من اللين ورِقَّة القلب،لين القلب نعمة، طيب الكلام نعمة، واللسان الجميل نعمة، أن تفكِّر ألف مرَّة -قبل كل كلمة تنطق بها-نعمة ،أن ترفض قول أي شيء يمكن يسبب حزن الشخص الذي أمامك ولو بقدرٍ بسيط نعمة، الذوقيات ليست بالمال ولا بأي مظهر خارجي.
الحصان بقا يجري وفرح بقت تصرخ بصوت عالي والحصان مش راضي يقف خالص 
فرح بصوت عالي .. ركااااان الحقني 😳
 ركان بقا يجري بالحصان بتاعه وراها وكان خايف عليها وبقا يتكلم بصوت عالي .. فراااااح شدي اللجام عشان يوقف 
فرح كل متشد اللجام بتاع الحصان و تحرك رجلها من سرعة الحصان غظب عنها رجلها تيجي علي المكان اللي في الدبوس اللي علم في جلد الحصان وبقا يجيب دم من كتر السرعه بتاعة الحصان
فرح .. مش راضي يوقف يا ركااان بيزيد اكتر 
ادهم بقا هو و جميله يجرو بالحصانه بتاعتهم ورا فرح عشان يقدارو يوقفه الحصان 
ادهم .. مييين اللي ركبها الفرسه دي 
ركان .. هي عجبتها عشان هاديه وصممت تركبها
جميله .. رهوانه بتكون هاديه في المشي بس إنما في الجري بتكون سريعه جدا عشان كدا اسمها رهوانه 
فرح .. ركااااان الحقني انا خايفه 
ياسر أول ما شاف اللي بيحصل راح قرب من أخته ومسكها من دراعها جاامد واتكلم بعصبية
ياسر .. انتي اكيييد مجنونه مش طبيعيه
دنيا الحقد كان عميها وهي شايفه فرح وهي بتحري بالحصان وركان هيموت عشانها من الخوف 
ياسر .. افردي حصلها حاجه هتعملي ايه لو حد عرف أن انتي ليكي دخل 
دنيا سحبت ادها من ياسر وبقت تتكلم بكل حقد 
دنيا .. اووع سيب ايدي ولو حد عرف قول انك ملكش دعوه
ياسر .. مليش دعوه ازاي انتي ايه مش هتبطلي كرهك للناس ده هي عملت ايه
دنيا .. هي معملتش حاجه وانا كمان معملتش حاجه عشان يحصل ليا كدا 
ياسر .. بس هي ملهاش دخل بيكي ولا تعرف عنك حاجه يا دنيا انتي اللي وصلتي ليه ده بسبب واحد واطي محبكيش من الاول  
دنيا معالم وشها اتغيرت وبقت كلها وجع بس بتداري ده باذيت الناس اللي هي شايفه أن هي كدا بتاخد حقها منهم 
ياسر ساب دنيا وراح يشوف ايه حصل ل فرح اللي الحصان بقا يجري بيها ومش رادي يوقف ومرا واحده الحصان راح رافع رجليه في الهواء وبقا يعمل صوت عالي وفرح كانت ماسكه فيه جااامد عشان متوقعش من عليه ركان وادهم وجميله بقو يقربو من الحصان اللي رجع يجري تاني لحد ما ركان بقا في نفس سرعة الحصان وبقا جمب فرح راح مادت أيده ل فرح اللي كانت ماسكه في الحصان جاامد 
ركان .. هاتي ايدك يا فرح بسرعه 
فرح .. انا خايفه يا ركااان 
ركان .. متخفيش انا معاكي و همسكك مش هسيبك يلا بسرعه هاتي ايدك 
ركان بقا مادت أيده لفرح وفرح الخوف كان متملك منها وبقت تسيب ادها اللي هي ماسكه بيها في الحصان وراحت ماسكه ايد ركان اللي اول ما مسك ادها بحركه سريعه كان شيلها من علي رهوانه واخدها علي الحصان بتاعه وبقت جوا حضنه تاني فرح من كتر خوفها أول ما بقت جواء حضن ركان راح اغمي عليها وركان بقا ماسكها جاامد واول ما نزل من علي الحصان راح شال فرح وراح بيها علي بيت ابراهيم واول ما دخل بيها تفيده جريت عليها بسرعه
تفيده .. مالها فرح يابني جرالها ايه 
جميله جت من وراه وبقت تتكلم مع عمتها 
جميله .. كانت ركبه رهوانه وبقت تجري بيها وهي اغما عليها من الخوف 
ركان راح طالع علي طول ب فرح علي الاوضه بتاعتها وحطها براحه علي السرير وبقا يفوق فيها 
دخلت تفيده علي ركان اللي كان خايف علي فرح وبقا يفوق فيها و تفيده كانت واقفه راحت جابت البرفيوم عشان ركان يفوق فرح بي راح ركان بقا يحط البرفيوم علي أيده وبقا يفوقها وبعد شويا فرح ابتدأت تفوق وتحرك راسها واول ما فتحت عينيها راحت قامت و حضنت ركان علي طول وبقت تعيط وهي في حضنه ركان بقا يحضن فرح ويحرك أيده علي ظهرها عشان يهديها 
ركان .. هششش انا معاكي اهدي متخفيش
فرح بقت تعيط وهي في حضن ركان وهو بقا يهديها لحد مهدية وبعدت عنه وبقت تمسح دموعها وهو كمان بقا يمسح دموعها 
فرح .. كنت خايفه اوووي يا ركان 
ركان .. مش قولتلك طول منا عايش مش عايز اشوف دموعك ولا تخافي ابدا 
فرح بتبص كدا لقيت تفيده وراء ركان راحت بعدت عن ركان بسرعه راح ركان فهم وقام 
ركان .. ارتاحي شويا وانا هروح تشوف ادهم 
وراح طالع وساب فرح مع مرات عمها فرح بقت تبعد شعرها عن عينيها راحت تفيده قاعده علي حرف السرير عشان تطمن علي فرح
تفيده .. عامله ايه يابتي الحمدلله انك بخير
فرح .. الحمدلله بخير دا انا كنت هموت 
تفيده .. قدر ولطف ارتاحي شويا وانا هروح اعمل الفطار ليكي 
نامت فرح و راحت تفيده غطتها وطلعت برا راحت علي المطبخ
بقلمي الاء محمد
      ★★★★★★★★★★★★★★★
دنيا كانت قاعده في الاوضه بتاعتها وكانت بتعيط 
هي مكانتش كدا بس هو السبب هو اللي خلاها كدا انسانه حقوده وبتكره تشوف اي حد سعيد وعوزه الكل يكون في وجع زيها زي همي ادمرت وبقت تفتكر اللي حصل في الليله اللي دمرتها 
★★ فلاش باك ★★
دنيا كانت مسافره هي وياسر بسبب الشغل اللي كان تبع الشركه بتاعت بابها وكانت مخطوبه ل احمد اللي كان في بنهم قصة حب جميله من ايام الجامعه وكان الكل بيحسد احمد علي حب دنيا لي 
وفي يوم قررت أن هي تخلص الشغل و ترجع في نفس اليوم عشان متبعدش عن أحمد اكتر من كدا وخلصت وحجزت الطياره ورجعت هي وياسر اللي صمم أن هو ميسبهاش تسافر لوحدها وصلت علي البيت واول ما دخلت لقيت الدنيا هدوء علي غير العاده وفجاء سمعت صوت ضحكت امها جي من الاوضه بقت تبص هي و ياسر ل بعض وهما مستغربين عشان هي المفروض أن هي لوحده وابوهم مسافر معاهم بقو يمشو براحه خاالص من غير ميعمله صوت و قبل ما تفتح الباب سمعت صوت هي حفظه كويس وقفت وبقت تسمع 
امها .. هتعمل ايه مع دنيا 
احمد .. ولا حاجه انتي عارفه أن انا خطبتها عشانك وعشان اكون قريب منك 
دنيا دموعها بقت تنزل من عينيها وقلبها وجعها وراحت فاتحه الباب مرا واحده وشافت ابشع منظر امها مع خطيبها في سرير واحد راحت قلعت الدبله وركتها في وش احمد اللي كان مصدوم بدخول دنيا وامها بقت تخبي نفسها كويس وراحت قامت 
امها .. دنيا انتي فهما غلط استني افهمك 
دنيا بدموع و صوت كله وجع .. ملقيتش غيره في كل الناس وانتي عارفه أن انا بحبه 
احمد .. دنيا اديني فرصه افهمك 
دنيا .. انت تخرس خالص ومتجبش اسمي علي لسانك ده تاني انت فاهم 
امها .. يا بنتي اهدي 
دنيا .. انا مش بنتك عشان مفيش ام توجع بنتها بشكل ده وانتي مش امي انا امي ماتت ومن اللحظه دي مش عايزه اشوف وشك 
وراحت سابتهم و طالعت برا هي و ياسر اللي كان مصدوم في أمه اكتر من خطيب أخته عشان هو مكنش بيرتاح لي 
أمه .. ياسر استنا افهمك ولسه هتمسك أيده راح ياسر زقها وقعها تحت رجله 
ياسر .. ايدك متلمسنيش وزي ما دنيا مقالت انا امي ماتت ومش عايز اشوف وشك تاني 
وسابها وطلع يلحق دنيا اللي كانت منهاره حرفيا
★★ نهايه فلاش باك ★★
دنيا قامت مره واحده ومسكت البرفيوم بتاعه وراحت روميها جااااامد علي المرايه نزلت فتافيت
دخل ياسر عليها وراح اخدها في حضنه 
دنيا بدموع .. هما لي عملو فيا كدا انا حبيته و هي كانت عارفه هو عندي ايه 
ياسر .. انسي يا دنيا انسيهم خاالص ومتفكريش فيهم خاالص زي منا بعمل كدا بنساهم زي ما هما نسيو وعاشوا حياتهم من غير أي حاجه 
بقلمي الاء محمد
      ★★★★★★★★★★★★★★
دخل هشام علي روز اللي مبقاش عجبه اللي هي بقت تعمله واول مدخل شم ريحت السجاير اللي مليا الاوضه وراح قرب من السرير اللي هي نايمه عليه وراح موطي عليها شم ريحت المشروب اللي فايح فيها راح شادة المفرش اللي هي متغطيه بي هشام بصوت عالي .. قوووووومي يا هااانم 
روز كانت نايمه ومش دريانه بالي بيحصل راحت دخلت ناني الاوضه ولقيت هشام متعصب
ناني .. في ايه يا هشام بتزعق لي هو في حد بيصحي حد كدا 
هشام مردش علي ناني اللي مهما قال وعاد هي مش هتتغير و بسببها بنته هتكون نسخه منها راح ماسك ايد روز و قاومها بلغظب وراح داخل بيها الحمام و راح فاتح المايه ونزل راسها تحتها روز أول ما المايه الساقعه جت علي شعرها راحت شاهقت بصوت عالي 
روز .. بابي في بتعمل ايه وبقت تحاول تبعد عن المايه هشام بقا يتكلم بصوت عالي 
هشام .. بفوقك من اللي انتي في وبتعمليه في نفسك وراح بعدها من تحت المايه 
هشام .. عاجبك نفسك وانتي كل يوم بترجعي وش الفجر سكرانه وكل يوم واحد يوصلك ايه ملكيش أهل يلموكي 
ناني .. هشام ايه اللي انت بتقوله ده انا بنتي متربيه احسن تربيه 
هشام .. هي التربيه بالبس ولا بالمدارس اللغات 
ناني .. اكيد طبعا انت ناسي أن هي خريجت ايه و متخرجه من فين 
هشام .. طول عمرك وانتي اللي بيهمك المظاهر وبس راح بص علي روز اللي كانت مصدعه من المشروب إللي شربته امبارح
هشام .. فوقي يا روز وارجعي ل جاسم وحياتك اللي كنتي عليها قبل كدا بدل متندمي وساعتها مش هيفيد بحاجه الندم 
وراح نازل تحت ناني راحت جري علي روز 
ناني .. انتي كويسه يا حبيبتي  ‏مش قولتلك  الساعه اتنين تبقي في البيت بدل الاسطوانه دي 
روز راحت قاعده علي حرف السرير وطلعت من الكوميدو برشامت صداع واخدتها 
ناني .. هخليهم بعملولك قهوه ويطلعهالك 
وراحت سابتها ونزلت وسابت روز وحداها 
بقلمي الاء محمد
    ★★★★★★★★★★★★★★★
راح ركان عند ادهم اللي كان بيشوف رهوانه وايه سبب اللي حصل خلاها كدا وبقيو وقفين جنب رهوانه اللي مش راضيه تسكت ومش عارفين يهدوها راحت جت جميله اللي هي تعتبر بتراعيها وراحت دخلت عليها براحه عشان تشيل السرج اللي علي ظهرها وهي بتدخل رهوانه راحت ضربه برجلها بس بحركه سريعه جميله قدرت تتخطاها ادهم يفزع وخوف عليها .. جميله اطلعي من عندها بسرعه ل تضربك تاني
جميله مردتش علي ادهم وبقت تقرب من رهوانه وهي بتكلمها زي كل مره وكلام جميله هداء رهوانه لحد ما قربت منها جميله وبقت تشيل السرج من عليها جميله بتبص كدا لقيت ظهر رهوانه متعور وبيحيب دم راحت جابت المطهر اللي موجود في الاستبل وبقت تعقم الجرح بتاعها وجابت سكر عشان تدي ل رهوانه كامكفئه عشان هي ماذتهاش وراحت جابت الفرشه بتاعت رهوانه وبقت تمشيها علي جسمها لحد مهديت خااالص راح داخل ادهم وركان عند ركان من بعد ما كانو مش عارفين يتصرفو معاها ادهم بإعجاب 
ادهم .. عملتيها ازاي دي احنا من بدري وقفين ومعرفناش نعمل كدا 
جميله .. متنساش يا بشمهندس أن رهوانه مولوده علي ايدي وانا اللي مربيها 
ادهم  .. مش ناسي طبعا بس مخفتيش منها 
جميله .. واخاف منها لي وهي اللي خايفه وعايزه اللي يطمنها مش يخوفها اكتر 
ادهم بقا واقف مع ركان اللي بيبص عليها راح شاف الجرح 
ركان .. ايه ده الجرح ده جديد حصل ازاي 
ادهم .. مش عارف يمكن كان موجود من الاول 
جميله .. لا فعلا ده جديد انا اول مره اشوفه 
ركان .. يعني ايه الكلام ده مين عمل كدا وايه السبب 
ادهم .. يمكن السرج كان في حاجه هي اللي عملت كدا وراح يشوف السرج ملقاش حاجه 
جميله .. الحمدلله عدت علي خير وربنا ستر 
بقلمي الاء محمد
     ★★★★★★★★★★★★★★★
في المندره كان قاعد ابراهيم هو و مهدي بيتكلمه في الشغل دخلت هديه عشان تقدم القهوه و بقت تقدم ل ابراهيم اللي كلها بعيونه وبنظراته الخبيثه راح اتكلم مهدي وهو بيشرب القهوه 
مهدي .. انا كنت باخد لفه في الأرض اللي برا شفت حتت ارض تنفع للمصنع اللي بفكر ابنيه
ابراهيم .. والله فكره ويا ترا انهي ارض اللي عينك عليها دي يا مهدي بيه 
مهدي .. اللي النحيه القبليه جنب برج الحمام 
ابراهيم معالم وشه اتغيرت فجاء عشان الأرض اللي مهدي بيتكلم عنها دي من ضمن املاك فرح اللي هي متعرفش عنها حاجه وبعد وقت لما مهدي طلع برا راح ابراهيم مطلع الفون وكلم المحامي 
ابراهيم .. عملت ايه في الأرض والأملاك بتاعت فرح عرفت ازاي انقلها ليا 
المحامي .. مينفعش اتصرف فيها اللي لما هي تعمل توكيل ليك بكدا 
ابراهيم راح قفل مع المحامي وهو متعصب وبقا يتكلم والشر مالي قلبه 
ابراهيم .. الأملاك دي تعبي و شقايه ومش هفرط فيها ومحدش يقدر يمنعني عنها وزي مخلصت من اسماعيل هخلص منك يا فرح انتي كمان 
ابراهيم مختش باله ب ركان اللي كان واقف برا وسمع كل كلمه ابراهيم كان بيقولها 
ركان بصدمه .. اسماعيل انقتل 😳

يتبع الفصل السادس عشر اضغط هنا 
       رواية لن تغفر لك الجزء الثاني 2 الفصل الخامس عشر بقلم الاء محمد
ranosha

تعليقات

ليست هناك تعليقات
إرسال تعليق
    google-playkhamsatmostaqltradent